NO IORG
نووترين نووچه
نووترين نووچه

ئه‌ڤرۆنيوز:

پشتى ئه‌رشه‌د سالحى سه‌رۆكێ به‌ره‌يێ توركمانى ل هه‌يڤا بۆرى ل گه‌ل به‌رهه‌م سالحى كۆمبووى وراگه‌هاندى كو سۆز ژ به‌رهه‌م سالح وه‌رگرتيه‌ كو پێشمه‌رگه‌ نه‌ زڤريت بۆ كه‌ركووكێ، ئه‌ڤ چه‌نده‌ ژى بۆ جهێ ره‌خنا وه‌لاتيێن كورد وهنده‌ك چاڤدێرێن سياسى ژى ب فرۆتنه‌كا دى يا كه‌ركووكێ دهه‌ژمێرن.

شاخه‌وان عه‌بدولا، ئه‌ندامێ به‌رێ يا په‌رله‌مانێ عيراقێ ذ فراكسيؤنا پارتى ديموكراتى كوردستان گۆت” ئه‌م ئاگه‌هدارى چو كۆمبوونێن وى نينين، هه‌كه‌ به‌رهه‌م سالح ئه‌و كاره‌ كربيت، ئه‌ڤ چه‌نده‌ دبيته‌ كۆپيتكا بێ حورمه‌تيێ وفرۆتنه‌كا دى يا كه‌ركووكێ يه‌، ديسا بۆ وى نينه‌ بێ كه‌ركووكيان به‌حسێ كه‌ركووكێ بكه‌ت وب ناڤێ وان باخڤيت”.

شاخه‌وان عه‌بدولا دداخۆيانيه‌كێ دا بۆ باسنيوز به‌حسێ بێ هه‌لويستيا به‌رهه‌م سالحى ل ده‌مێ روودانێن 16 ئوكتۆبه‌رێ وفرۆتنا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ كر وگۆت” ده‌مێ كه‌ركووك هاتيه‌ فرۆتن، به‌رهه‌م سالحى چو هه‌لويست نه‌بوو، نوكه‌ ژى بلا زێده‌تر خوه‌ نه‌شرين نه‌كه‌ت وجاره‌كادى كه‌ركووكێ نه‌فروشيت”.

ئەوەشی ئاشکرا کرد: “ئێستا ئێمە لە هەوڵی خۆ ئامادەکردنین بۆ پرۆژەیەک، کە جەنابی سەرۆک بارزانی سەرپەرشتیی دەکات، بۆیە خۆمان دۆخی کەرکووک ئاسایی دەکەینەوە، چونکە بەو خەڵکە نەزانەی دوای پۆست و پلە کەوتوون دۆخی کەرکووک ئاسایی ناکرێتەوە”.

گۆت ژى” 100 رێككه‌فتنێن دى ل سه‌ر وى بابه‌تى بهێته‌ كرن، ناسناما كه‌ركووكێ يا كوردستانى يه‌ وهه‌تا بجهئينانا مادێ 140 ژى پێدڤيه‌ ب هه‌ڤپشكى بهێته‌ ب رێڤه‌برن، هه‌كه‌ ره‌وش ب ڤى شێوه‌يێ نوكه‌ بمينيت، دێ حوكمه‌تا عيراقێ نه‌چاركه‌ين وان ده‌ڤه‌ران بجه بهێليت، هه‌رچه‌نده‌ مه‌ هێشتا بريار نه‌دايه‌ وچاڤه‌رێ هه‌لويستێن دبلوماسى نه‌، ب دووماهى هاتنا هه‌لويستان،له‌شكر نه‌شێت ل ناڤ ( كه‌ركووك، شوان، قه‌ره‌هنجير) بمينيت هه‌كه‌ ب هزاران ده‌بابا وسه‌ربازێن دى ژى بينن”.

ئه‌ڤرۆ نیوز:
دۆنالد ترامپ، سه‌رۆكێ ئه‌مریكا ئه‌ڤرۆ بریار دا، ئه‌و سزایێن ئه‌مریكا ل سالا 2015 ل گۆری رێككه‌فتنا ئه‌تۆمی ل سه‌ر ئیرانێ راكری، جاره‌كا دی هه‌مییان ل سه‌ر وی وه‌لاتی بسه‌پینیته‌ ڤه‌.

ئه‌ڤرۆنيوز:

ئه‌ڤرۆ ئه‌ينيێ 2/11/2018 ل مه‌يدانا ته‌حرير ل به‌غدا ئيكه‌مين خوه‌نيشادانا نه‌رازيبوونێ دژى حوكمه‌تا عيراقى يا نوو ب سه‌رۆكاتيا عادل عه‌بدولمه‌هدى ژبه‌ر كێميا خزمه‌تگوزاريان هاته‌ ئه‌نجامدان.

هه‌رچه‌نده‌ ل خوه‌نيشادانێن ئه‌ڤرۆ يێن به‌غدا هژماره‌كا كێم يا خه‌لكێ وى باژێرى پشكدارى تێداكر، به‌لێ داخوازكر كو حوكمه‌تا نوو ل دووڤ داخوازيێن وان وهه‌روه‌سا داخوازيێن ره‌وا يێن خه‌لكێ به‌سرا ژى بچيت.

ئه‌ڤرۆنيوز:

په‌يڤدارێ فه‌رمى يێ حوكمه‌تا هه‌رێما كوردستانێ، سه‌فين دزه‌يى، راگه‌هاند، ئارمانجا حوكمه‌تا هه‌ريمێ ئه‌وه‌ پاشكه‌فتا مووچه‌ى ب ئێكجارى نه‌مينيت.

سه‌فين دزه‌يى ل دۆر دامه‌زراندنا فه‌رمانبه‌ران ژى، زێده‌تر بۆ كوردستان تى ڤى گۆت” ئه‌ڤ چه‌نده‌ دكه‌ڤيته‌ سه‌ر وێ پرۆژه‌ قانوونا بودجه‌يا ل داهاتى دێ هێته‌ پێشكێشكرن بۆ په‌رله‌مانى”.

ئه‌ڤرۆنيوز:

پشتى ل دره‌نگيا شه‌ڤا بۆرى ئاگر به‌ربوويه‌ ماله‌كێ، ئه‌ڤرۆ رێڤه‌به‌ريا به‌رگريا شارستانى ل رانيا دياركر كو ئه‌گه‌رێ وى ئاگرى شه‌حنا مۆبايلێ بوو وكه‌سه‌كێ بريندار دوێ روودانێ دا گيانێ خوه‌ ژده‌ستدا.

حسێن عه‌بدولا، په‌يڤدارێ رێڤه‌به‌ريا به‌رگريا شارستانى ل رانيا گۆت” پشتى ل شه‌ڤا بۆرى ئاگر به‌ربوويه‌ ماله‌كێ ل باژێرێ رانيا وژنه‌ك سوتى وحه‌فت كه‌سێن دى بريندار بووين، ئه‌ڤرۆ سپێدێ ئێك ژوان برينداران كو زارۆكه‌كێ شه‌ش سالى بوو گيانێ خوه‌ ژده‌ست دا”.

ناڤبرى زێده‌تر بۆ باسنيوز گۆت” ئه‌و زارۆكه‌ ل گه‌ل دايكا خوه‌ ب مێهڤانى هاتبوو مالا داپيرا خوه‌ وشڤێدى تووشى وێ روودانێ بوون”.

ئاشكرا كر ژى” ل دووڤ ڤه‌كۆلينێن ده‌ستپێكى ئه‌گه‌رێ روودانێ شورتێ كاره‌بێ وپه‌قينا مۆبايله‌كا وێ مالێ بوو كو دشه‌حنێ دابوو”.

ئەڤرۆ نیوز:

جڤاتا ئاسایشا هه‌رێما كوردستانێ هۆشداری ژ زێده‌بوونا هێرشێن داعشێ ل سنۆرێ كه‌ركووك و مۆسلێ دایە و راگه‌هاندیە، کو وێ رێكخستنا تیرۆرستی د سێ هەیڤێن بوری دا 240 هێرش ئەنجامداینە.

ژێده‌ره‌كی ژ جڤاتا ئاسایشا هه‌رێما كوردستانێ بۆ مالپه‌رێ بەزفیدی یێ ئه‌مریكی دیاركریه‌، کو رێكخستنا تیرۆرستیا داعشێ د ته‌باخا ئه‌ڤ ساله دا‌، 70 هێرش، ل ئیلۆنێ 80 و د هەیڤا چریا ئێكێ ژی دا 90 هێرش ل سنۆرێ كه‌ركووك، مووسل، حه‌وێجه‌ و مه‌خموور كرینه‌.

چاڤدێرێن سه‌ربازی یێن ئه‌مریكی ژی ب رێیا هه‌مان مالپه‌ری، هۆشداریا وێ چه‌ندێ دایه‌ كو داعش جاره‌كا دی ل وان ده‌ڤه‌را بهێز بكه‌ڤیت و ره‌وش به‌ر ب خرابیێ ڤە بچیت.
ئه‌ڤ هۆشداریه‌ ژی د ده‌مه‌كی دانه‌، کو ئیدارا ئه‌مریكا و حوکمه‌تا عیراقێ ژی سه‌ركه‌فتن ل سه‌ر رێكخستنا تیرۆرستیا داعشێ ل عیراقێ پێشتر راگه‌هاندیه‌.

ئەڤرۆ نیوز:

ل حەفتیا بهێت دێ دابەشکرنا مووچەی دەستپێکەت و ل دەستپێکێ دێ مووچێ وەزارەتا پێشمەرگەی هێته دابەشکرن.

ژێدەرەکێ بەرپرس ل وەزارەتا دارایی دیارکریە: ل رۆژا دوشەمبیا بهێت 5 چریا دویێ 2018 دێ دابەشکرنا مووچەی دەستپێکەت و ل دەستپێکێ دێ وەزارەتا پێشمەرگەی مووچەی وەرگریت.

ئەو ژی گۆتیە: ل حەفتیا ئێکێ دا ژ بلی مووچێ وەزارەتا پێشمەرگەی دێ مووچێ هێزێن 70 و 80، وەزارەتێن پەروەردێ، ساخلەمیێ، دارایی و چەندین جهێن دیتر هێته دابەشکرن.

هەروەسا گۆتیە ژی: ژێدەرێ دابەشکرنا وی مووچەی ئەو پارەیە یێ کو ژ بەغداڤە دهێت ل گەل وی پارێ وەزارەتا سامانێن سروشتی ددەتە وەزارەتا دارایی.

ئەڤرۆ نیوز ، تۆڤی:

وەزیرێ کۆچ و کۆچبەرێن کەنەدا ئەحمەد حسێن راگەهاندیە، کو ل دەستپێکا سالا بهێت هەتاکو سالا ٢٠٢١، کەنەدا دێ ٤٠ هزار کۆچبەرێن دیتر وەرگریت.
ب ڤێ چەندێ سالانە دێ وێ ژمارێ ژ ٣١٠ هزار کۆچبەران، زێدە کەت بۆ ٣٥٠ هزار کۆچبەران د ماوێ سێ سالێن داهاتیدا.

حوکمەتا کەندا ب مەبەستا سەرخستنا پرۆگرامێ مرۆڤایەتى ل وی وەلاتی، پلان هەیە بۆ ب ئێکگەهاندنا خێزانێن کۆچبەران و دێ بزاڤێ کەت هەتا سالا ٢٠٢١ ژمارا کۆجبەران ژ 43 هزاران بۆ ٥١,٧٠٠ کۆچبەران زێدە بکەت.

تۆرا سى بى ئێس یا کەنەدى ئاشکراکریە، ب ئەگەرێ هاتنا کۆچبەرێن نوو، ژمارا دانیشتوانێن کەنەدا دێ ١% زێدە کەت و دێ کێموکاسیێن بازارێ کاری پرکەت.

ئه‌ڤرۆ نیوز:
ئه‌مریكا، هه‌نگاریا و نه‌مسا و چیكیا ژی بریار دا خوه‌ ژ ریككه‌فتنا كۆچبه‌ران یا نه‌ته‌وه‌یێن ئێكگرتی ڤه‌كێشن.
رێككه‌فتنا كۆچبه‌ران یا نه‌ته‌وه‌یێن ئێكگرتی ب مه‌ره‌ما گه‌ره‌نتيكرنا سلامه‌تييا كۆچبه‌ریێ و رێكخستنا وێ هاتييه‌ كرن.
هه‌روه‌ها رێككه‌فتن دیار دكه‌ت كا دێ چاوا كۆچبه‌ر هێنه‌ پاراستن و وه‌رگرتن، هه‌ڤده‌م چاوانییا ڤه‌گه‌راندنا وان ل ده‌مێ گونجایى.

website security
WP Facebook Auto Publish Powered By : XYZScripts.com