ئەڤرۆ نیۆز، قائید میرۆ:

بڕیارە سبەی رۆژا ئێک شەمبی کابینا نوویا حوکمەتا عێراقێ پێشکەشی پەرلەمانی بھێتەکرن و پەرلەمانتارەکێ کوردژی دبێژیت، ھەگەر مەرجێن کوردان بەرچاف نەھێنە وەرگرتن دەنگی بۆ نادەین.

شێروان دوبەردانی، پەرلەمانتارێ فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر” بڕیارە سبەی رۆژا ئێک شەمبی عادل عەبدولمەھدی کابینا خوە بینیتە پەرلەمانی و دەنگ لسەر بھێتەدان، بەلێ ھەگەر سبەی نەھێت دێ کەڤیتە پشتی سێ شەمبیێ و پەرلەمانێ عێراقێ دێ ئێخیت دەنگدانێ بۆ پەسەندکرنا کابینا نوویا حوکمەتێ.

ل دۆر داخوازیێن کوردانژی ئەڤی پەرلەمانتاری گۆت” نێچیرڤان بارزانی جێگرێ سەرۆکێ پارتی سەرەدانا بەغدا کریە و دگەل لایەنێن سیاسی ئەف بابەتێ پشکداریا کوردان ل کابینا حوکمەتێ بەحسکریە، بەلێ ھێشتا یا رۆھنیە دێ پێکھاتا حوکمەتا نوو یا چاوابیت و ھویردەکاری نەھاتینە ئاشکراکرن.

شێروان دوبەردانی ئاماژەکر” ھەلویستێ پارتی یێ خویایە لدۆر پشکداریکرن د حوکمەتا عادل عەبدولمەھدی و چەندین جارانژی سەرۆک بارزانی تەکەست کریە مەرجێ مە بۆ پشکداریکرنێ پۆست و پلە نینە، بەلکوو پشکداریا حەقیقیا کوردان و بەرچاڤ گرتنا سیستەمێ تەوافووقا دستووریە، بەرۆڤاژی ئەف مەرجێن مە تێدا نەبن وەک پارتی دەنگی بۆ کابینا حوکمەتێ نادەین.

ئه‌ڤرۆ نيوز:

فازل ميرانى، سكرتێرێ مه‌كته‌با سياسى يا پارتى ديموكراتى كوردستان راگه‌هاند كو د حوكمه‌تا نوو يا عيراقێ دا كورد داخوازا پۆستێ جێگرێ سه‌رۆك وه‌زيران و چه‌ند وه‌زاره‌ته‌كێن سيادى و خزمه‌تگۆزارى دكه‌ت.

فازل ميرانى د رۆژا دووماهيێ يا پێشانگه‌ها نێڤده‌وله‌تى يا پرتووكان دا ل هه‌ولێر گۆت: “پارتى ب پێدڤى دزانيت ده‌سته‌يا سياسه‌تێن ستراتيژى و جڤاتا فيدرال بهێته‌ دامه‌زراندن بۆ چاڤدێريا حوكمه‌تێ.