ئه‌ڤرۆنيوز:
دچارچۆڤێ گه‌را هه‌شتێ ژ خۆلا ئيسپانى يا ته‌پا پێ يانا ريال مه‌دريد ل ده‌رڤه‌ى ياريگه‌ها خوه تووشى دوراندنه‌كا دى يا نه‌چاڤه‌رێكرى بوو به‌رامبه‌ر يانا ديپورتيڤۆ ئه‌لاڤيس ب ئه‌نجامێ 0-1.
گۆلا يانا ديپورتيڤۆ ئه‌لاڤيس ژلايێ ياريكه‌رێ وێ گارسيا ل خۆله‌كا دووماهيێ ژده‌مێ زێده‌ركرى يێ ياريا هاته تۆماركرن.
ب ڤى ئه‌نجامێ يانا ئه‌لاڤيس خالێن خوه گه‌هاندنه 14 خالان ل رێزا سيێ ويانا ريال مه‌دريد ل رێزا دويێ ما هه‌ر ب 14 خالان.
ئەڤرۆ نیوز ،بارزان مزووری :
بەرپرسێ نڤیسینگەها راگەهاندنا پەرستگەها لالش لوقمان سلێمان، بۆ ئەڤرۆ نیوز دیار كر كو ئێڤاريا ئه‌ڤرۆ شه‌مبيێ 6/10/2018 ب بەرهەڤبوونا باباشێخ و كەسايه‌تیێن ئاینی ل پەرستگەها لالش پشتی بورینا چار سالان ل سەر نەگێرانا رێورەسمێن جەژنا جەمایێ، ئەڤ ساله ل دووڤ بریارا میرێ ئێزدیان و جڤاتا روحانی يا ئێزدیان رێورەسم هاتن ئەنجامدان.
ئەڤرۆ نیوز ، زنار تۆڤی:
موقته‌دا سه‌در داخواز دکەت کو هه‌ردو وه‌زاره‌تێن نافخۆ و به‌رگریێ، د ده‌ستێ سه‌رۆك وەزیران دابیت، هەروەسا ده‌رگەهێ كاندیدكرنا گشتی بۆ وه‌زاره‌تێن دیتر ژی ڤەکەت، هەڤدەم هێرشان دکەت، هەکە وه‌زاره‌تێن نافخۆ و به‌رگریێ بدەتە هندەک لایه‌نان.
موقته‌دا سه‌در رێبەرێ باسکێ سه‌در و سه‌رپه‌رشتیارێ لیستا سائیرون، كو خودانێ زۆرترین كورسیە ل په‌رله‌مانێ عیراقێ، تویتەک نڤێسیە و تێدا داخواز ژ عادل عه‌بدولمه‌هدی کریە، کو وه‌زاره‌تێن نافخۆ و به‌رگریێ، نەدەتە چو لایەنان و ئەو بخوە سه‌رپه‌رشتیێ لێ بكەت، بۆ هندێ داکو سوپایێ عیراقێ، یێ نیشتیمانى بیت و پۆلیس و هێزێن ئه‌منی، د بێلایه‌ن بن.
هەروەسا دەربارەی وەزارەت و دەستەیێن سەربەخۆ گۆتیە، دڤێت كه‌سانێن ته‌كنۆكرات و سه‌ربه‌خۆ بۆ وان پۆستان بهێنە دانان، هەکەر نە، دێ مە هەلویستەکێ دیتر هەبیت.
ل دووماهیێ دا گۆتیە، ئه‌و پۆستێن بلند، یێن کو گه‌نده‌لی تێدا هاتینە کرن، دڤێت د ده‌ستێ سه‌رۆك وه‌زیران بخۆدا بمینن.
ئه‌ڤرۆنيوز:
گه‌له‌ك كه‌س گازندا ژ وێ چه‌ندێ دكه‌ن كو تامیسك ل سه‌ر له‌شێ وان دروست دبیت ، نوشداره‌ك ژى نوترین پێزانینان ل سه‌ر تامیسكێ دیار دكه‌ت.
هنداف مه‌ردان، نوشدارا تایبه‌تمه‌ندا نه‌خوه‌شیێن پیستى ل نه‌خوه‌شخانا ئازادى بۆ نوش نیوز گوت: گه‌له‌ك جاران گوتگوتك دهێنه گوتن ده‌ما دبێژن تامیسك ژ ئه‌گه‌رێ ترسێ یان خه‌ونه‌كا نه‌خوه‌ش دروست دبیت، لێ چ راستى بو نینه و تامیسك د بنه‌ره‌ت دا جۆره ڤایرۆسه‌كه و دكه‌ڤیته ل سه‌ر له‌شێ مرۆڤى.
گۆت ژى، تامیسك ب رێيا (تفێ و كریارا جوتبوونێ په‌یدا دبیت ده‌ما ل سه‌ر له‌شێ ژنێ یان زه‌لامى هه‌بیت و ل ده‌مێ نێزیكبوونا هه‌ردو ره‌گه‌زان وكریارا هه‌ست و ڤیان و نێزیكبوونا سه‌رۆچاڤان بو هه‌ڤدو تامیسك دهێته ڤه‌گوهاستن و هه‌ر ده‌مێ تامیسك دروست بوو، دێ هه‌ر حه‌فتیه‌كێ مینیت و چاره‌سه‌رى بۆ بهێته كرن یان نه دێ هه‌ر حه‌فتیه‌كێ مینیت و ئاریشه هه‌ر دهێته ڤه، له‌ورا تشته‌كێ نورماله و ل سه‌ر لێڤێن مرۆڤى دروست دبیت، لێ هه‌رده‌مێ په‌یدا بوو، فه‌ره كرێمه‌كا باش بهێته بكارئینان و پشتى حه‌فتیه‌ك ده‌رباز دبیت بێگومان دێ ئه‌و تامیسكه ژ ناڤچیت.
ئەڤرۆ نیوز، سەباح زوهێر:
فیراس یاسین بەرپرسێ راگەهاندنا بەرەڤانیا باژێری ل ئاکرێ بۆ ئه‌ڤرۆنيوز دیارکر ئەڤرۆ دەمێ گەنجەکێ تاخێ ئالەیێ ئاکرێ ب ناڤێ (وغز سەدیق رەمەزان) کو دژيێ ۲۲سالیێ دابوو چوویە سەر کارێ خوە یێ رۆژانە، لێ ژ ئەگەرێ کەفتنا وى ژبانێ خانی، گیانێ خوە ژ دەست ددەت.
زێدەتر گۆت کو کرێکار ده‌مێ رابووى ب ژێڤەکرنا دارێ خانی کو بۆ ده‌مێ ۱۰رۆژان بوو ئەو دار ب خانی ڤە، لێ پشتی ئەڤرۆ دچیتە سەر کارێ خوە ژ ئەنجامێ کەفتنا داری و بانێ خانی ئەڤ گەنجێ کرێکار ل بن دکەڤیت و مخابنی ڤە گیانێ خوە ژ دەست دا و وهاتە رەوانەکرن بۆ نوشداریا داد ل نەخوه‌شخانا گۆلان یا گشتی ل ئاکرێ.
ئه‌ڤرۆ نیوز ، نه‌وزاد هلۆرى:
دچارچۆڤێ چالاكیێن رێكخراوا یونسكۆ و فیدراسیونا كه‌لتورى یا سه‌ر ب یونسكۆ ڤه ل فه‌ره‌نسا دێ رابن ب ئه‌نجامدانا پێشانگه‌هه‌كا شێوه‌كارى بۆ هونه‌رمه‌ندێن جیهانێ، هونه‌رمه‌نده‌كێ باژێرێ هه‌ولێرێ ژى دێ پشكداربیت.
حه‌مه هاشم، هونه‌رمه‌ندێ شێوه‌كارى ل هه‌ولێرى كو پشكداره بۆ ئه‌ڤرۆ نیوز گۆت: (رێكخراوا یونسكویا جیهانى و فیدراسیونا كه‌لتورى یا سه‌ر ب یونسكو ل فه‌ره‌نسا دێ رابن ب ئه‌نجامدانا پێشانگه‌هه‌كا شێوه‌كارى بۆ هونه‌رمه‌ندێن جیهانێ و ئه‌ز ژى وه‌كو هونه‌رمه‌نده‌كێ شێوه‌كارى ل هه‌ولێرێ پشكدارم و مه‌ره‌م ژ ئه‌نجامدانا ڤان پێشانگه‌هان تنێ هه‌لسه‌نگاندنه‌كا هونه‌رى یه ب شێوازه‌كێ سه‌رده‌میانه و لێكنێزیكرنا كه‌لتوورێن نه‌ته‌وێن جودايه ل جیهانێ).
زێده‌تر گۆت: (پێشانگه دێ ل Gallery of French unesco clubs art ل رۆێن 12 هه‌تا 17/10/2018 ل باژێرێ پاریس پايته‌ختا فه‌ره‌نسا هێته ڤه‌كرن و ژبلى كو دێ چالاكیێن خوه پێشكێشكه‌م، دهه‌مان ده‌م دا ژلایێ وێ رێكخراوێ ڤه دێ فلمه‌كێ دیكیومێنتارێ ژى ل سه‌ر ژیان و كار وبه‌رهه‌مێن من هێته نیشاندان).
ناڤبرى دیاركر ژى كو رێكخراوا یونسكۆو رێكخراوه‌كا كه‌لتورى و گشتى یه و سالانه هونه‌رمه‌ندان ل هه‌موو جیهانێ ده‌ستنیشان دكه‌ت داكو هونه‌ر و كه‌لتورێ خوه نیشا هه‌موو جیهانێ بده‌ن و زێده‌تر گۆت: (دپێشانگه‌هێ دا هونه‌رمه‌ندێن فه‌ره‌نسى ، ئه‌لمانى، ئیتالى، هوله‌ندى، هندى ، ئیرانى ، توركى و روسیى ، و چه‌ندین هونه‌رمه‌ندێن دى یێن وه‌لاتێن جیهانى ب دێ پشكداربن و ئومێده‌وارم بشێم خزمه‌ته‌كا بچووك بۆ هه‌رێما كوردستانێ و خه‌لكێ خوه بكه‌م).
ئه‌ڤرۆنيوز:
ئه‌ندامه‌كا په‌رله‌مانێ عيراقێ ژ ليستا پارتى ديموكراتى كوردستان راگه‌هاند، دهه‌لبژارتنێن په‌رله‌مانێ كوردستانێ پارتى پتريا كورسيێن په‌رله‌مانى ب ده‌ستڤه‌ئينان ودێ سه‌رۆكاتيا حوكمه‌تێ وپه‌رله‌مانێ كوردستانێ وه‌رگرين.
مه‌ياده نه‌جار، ئه‌نداما په‌رله‌مانێ عيراقێ ژ ليستا پارتى د به‌ياننامه‌كا رۆژنامه‌ڤانى دا گۆت” پيرۆزباهيێ ل گه‌لێ كوردستانێ دكه‌ين ب هه‌لكه‌فتا سه‌ركه‌فتنا هه‌لبژارتنێن په‌رله‌مانێ كوردستانێ، داخوازێ ژ جه‌ماوه‌رى دكه‌ين گوهێ خوه نه‌ده‌نه هێجه‌تێن لايه‌نێن شكه‌ستن خوارى كو دخوازن گۆمانێ بێخنه سه‌ر ئه‌نجامان وكێشان دروست بكه‌ن”.
دياركر ژى” ئه‌نجامێن هه‌لبژارتنێن په‌رله‌مانێ كوردستانێ رێ دده‌ته مه وه‌كو پارتى ديموكراتى كوردستان ئه‌م حوكمه‌تێ پێكبينين وسه‌رۆكاتيا حوكمه‌تێ وپه‌رله‌مانى ژى هه‌ر بۆمه بيت، چونكى مه پتريا كورسيان يێن ب ده‌ستڤه‌ئيناين”.
ئه‌ڤرۆنيوز:
ئه‌ندامێ كۆمسيۆنا مافێن مرۆڤان ل عيراقێ، عه‌لى ئه‌لبه‌ياتى، ئه‌ڤرۆ شه‌مبيێ 6/10/2018 ئاشكراكر كو چار هزار قوتابيێن پارێزگه‌ها به‌سرا خوه ڤه‌گوهاستيه قوتابخانێن هه‌ولێرێ دده‌مێ دو رۆژان دا.
ل دووڤ مالپه‌رێ (هنا الجنوب) يێ عيراقى، ئه‌لبه‌ياتى گۆت” نوونه‌راتيا وه‌زاره‌تا په‌روه‌ردێيا فيدرالى ل هه‌رێما كوردستانێ دده‌مێ هه‌ردو رۆژێن چارشه‌مبى وپێنجشه‌مبيا بۆرى چارهزار قوتابيێن پارێزگه‌ها به‌سرا تۆماركرن كو خوه ژ قوتابخانێن به‌سرا بۆ قوتابخانێن هه‌ولێرێ ڤه‌گوهاستيه”.
ئه‌ڤرۆنيوز:
وه‌زاره‌تا په‌روه‌ردێ ل هه‌رێما كوردستانێ ئه‌ڤرۆ شه‌مبيێ 6/10/2018 ب هه‌لكه‌فتا رۆژا جيهانى يا مامۆستايان راگه‌هاند، مامۆستا ميكانيزما گه‌شه‌كرنا هه‌ر جڤاكه‌كى نه،
وه‌زاره‌تا په‌روه‌ردێ دياركر”ل ڤان چه‌ند سالێن بۆرى دا، هه‌رێما كوردستانێ ب ره‌وشه‌كا ئابوورى يا گران دا ده‌رباز بوو وكاريگه‌ريا قه‌يرانا دارايى ل سه‌ر ته‌خا مامۆستايان ژ هه‌موو ته‌خێن دى يا زێده‌تر بوو، به‌لێ ب خوه‌شحالى ڤه وژبه‌ر به‌رپرسياره‌تيا ڤێ ته‌خێ به‌رامبه‌ر جڤاكى، نه‌هێلا ده‌رگه‌هێن قوتابخانان بهێنه داخستن وپرۆسا خواندنێ ب راوه‌ستيت، مامۆستايێن مه هه‌روه‌كو پێشمه‌رگان كو به‌رگرى ژ سنووران دكر ل به‌رامبه‌ر هێرشێن داعشێ، مامۆستايێن مه ژى ا ناڤخوه ب فێركرنێ نه‌هێلا هزرا نه‌مروڤايه‌تى يا وێ گرۆپێ هزرا تاكێ كورد داگير بكه‌ت”.
وه‌زاره‌تا په‌روه‌ردێ راگه‌هاند ژى” ب ئه‌ركێ خوه دزانين هاريكاروبه‌رگريكارێن مامۆستايان بين بۆ وێ چه‌ندێ ئاستێ وان يێ زانستى بلندتر بيت وبارێ گوزه‌رانيا وان باشتر بيت”.
ئه‌ڤرۆ:عه‌زیز هه‌ورامی
د رۆهنكرنه‌كێ دا مه‌كته‌با عارف ته‌يفوور سه‌رۆكێ جڤاتا سه‌ركردايه‌تيا سلێمانيێ – هه‌له‌بجه يا پارتى ديموكراتى كوردستان كو ئه‌ڤرۆ شه‌مبيێ 6/10/2018 هاتيه به‌لاڤكرن، تێدا ره‌ت دكه‌ت كو داخۆيانيه‌ك دابيت ل دۆر سه‌رۆكێ حوكمه‌تا هه‌رێما كوردستانێ.
د وێ رۆهنكرنێ دا هاتيه” مالپه‌رێ چه‌واشه‌كارى (ميلله‌ت پرێس) ل رۆژا ئه‌ينيێ 5/10/2018 ده‌نگوباسه‌كێ نه‌راست ب ناڤێ عارف ته‌يفوور به‌لاڤكريه كو بۆ تۆرا ده‌نگوباسێن سلێمانيێ گۆتيه كو نێچيرڤان بارزانى دێ ژ پێكئينانا كابينا نوو يا حوكمه‌تێ هێته دوورخستن ومه‌سرور بارزانى دێ بيته سه‌رۆكێ حوكمه‌تێ، كو دوور و نێزيك عارف ته‌يفوورى داخۆيانيه‌كا ژ وى جۆرى نه‌دايه ودهه‌مان ده‌م دا بۆ يار ونه‌ياران ته‌ئكيد دكه‌ين كو پارتى ته‌نها هێزا كوردستانى يه كو جه‌سته‌يه‌كێ مونسه‌جمه ودوور ژ بال بالينێ يه”.
هه‌روه‌سا هاتيه” دبێژينه سايتێ (ميلله‌ت) يێ چه‌واشه‌كارى كو ئه‌ڤ جۆرێ ياريكرنێ ب په‌يڤان دووره ژ ئادابێن رۆژنامه‌ڤانى.
نيشاندان