سه‌ره‌كى نووترين نووچه

ئەڤرۆ پەرلەمانێ عیراقێ دێ دانوستاندنێ ل سەر دراڤێ نوو کەت

11/10/2018 10:00

128

ئەڤرۆ نيوز:

پشتی بانکا ناڤەندی یا عیراقێ د راگەھاندنەکێ دا ئاشکرا کری کو ئەو دێ گوھۆڕینان د شێوە و دیزاینێ دراڤێ عێراقی دا کەت، ل رۆژا 7-10-2018 د راگەھاندنەکێ دا چاپا دویێ یا پێنج جۆرێن دراڤێ عێراقی راگەھاندی کو ژ (25 ھزار دینار، 10 ھزار دینار، ھزار دینار، 500 دینار و 250 دیناران) پێکھاتبوون، ل دۆر ڤێ پرسێ بڕیارە ئەڤرۆ 11-10-2018 پەرلەمانێ عیراقێ دانوستاندنێ ل سەر وی دراڤێ نوو بکەت.

ئۆفیسا راگەھاندنێ یا پەرلەمانێ عیراقێ ئاماژە ب وێ چەندێ کریە کو بڕیاربوو دوھی 10-10-2018 پەرلەمانی دانوستاندن ل سەر وی دراڤێ نوو کربا، لێ روونشتنا پەرلەمانی بۆ ئەڤرۆ 11-10-2018 ھاتە پاشخستن، داکو پارێزگەرێ بانکا ناڤەندی ژی بەرھەڤی روونشتنێ ببیت.

ئۆفیسا راگەھاندنێ یا پەرلەمانی خویا ژی کریە کو پەرلەمانێ عیراقێ دێ دانوستاندنێ ل سەر دراڤێ نوو یێ ئیراقێ کەت، دیسا بزاڤ ژی دھێنە کرن کو پارێزگارەکێ نوو بۆ بانکا ناڤەندی بھێتە دەستنیشان کرن.

((حوكمه‌ت دشێت بهایێ‌ لترا پانزینێ‌ بكه‌ته‌ 450 دینار))

11/10/2018 09:50

2361

ئه‌ڤرۆ نیۆز، رێوار مزیری:
سه‌رۆكێ‌ لیژنا پیشه‌سازی و سۆته‌مه‌نیێ‌ ل جڤاتا پارێزگه‌ها دهۆكێ‌ بۆ ئه‌ڤرۆ نیۆز دیار كر كو حوكمه‌تا هه‌رێما كوردستانێ‌ دشێت نوكه‌ بهایێ‌ لترا پانزینێ‌ وه‌كو باژێرێ‌ مووسل بكه‌ته‌ 450 دینار، لێ‌ جڤاتا پارێزگه‌ها دهۆكێ‌ چو ده‌ستهه‌لات نینن كو ده‌ستكاریێ‌ د گرانكرن و ئه‌رزانكرنا بهایێ‌ لترا پانزینێ‌ دا بكه‌ت.
عه‌بدولسه‌مه‌د تێلی، سه‌رۆكێ‌ لیژنا پیشه‌سازی و سۆته‌مه‌نیێ‌ ل جڤاتا پارێزگه‌ها دهۆكێ‌ ئاشكرا كر كو پشتی ل رۆژێن بۆری بهایێ‌ لترا په‌نزینا نۆرمال بوویه‌ 790 دینار و یا محه‌سن بوویه‌ 890 دینار، بها هه‌ر وه‌كو خوه‌ مایه‌ و جڤاتا پارێزگه‌ها دهۆكێ‌ چو كۆمبوون بۆ ئه‌رزانكرنا بهایێ‌ لترا پانزینێ‌ ئه‌نجام نه‌داینه‌، چونكی جڤاتا ناڤهاتی نه‌شێت ده‌ستكاریێ‌ د گرانكرن و ئه‌رزانكرنا بهایێ‌ لترا پانزینێ‌ دا بكه‌ت.
ناڤهاتی ئاماژه‌ دا وێ‌ چه‌ندێ‌ كو د شیانێن جڤاتا وه‌زیران و وه‌زاره‌تا سامانێن سرۆشتی دایه‌ بهایێ‌ لترا په‌نزینێ‌ كێم بكه‌ن، وه‌كو سالا 2013 و 2014 حوكمه‌تێ‌ په‌ترۆلا خام ددا پارزینگه‌هێن هه‌رێمێ‌ و هه‌مبه‌ر پارزنینا هه‌ر به‌رمیله‌كێ‌ ژی 17 دۆلار ددانێ‌ و حوكمه‌تێ‌ ئه‌و پانزین دئینا پانزینخانێن هه‌رێمێ‌ و د فرۆت و ئه‌و پاره‌ دهاته‌ كۆمكرن و بۆ وه‌زاره‌تا سامانێن سرۆشی دهاته‌ ره‌وانه‌كرن، به‌لێ‌ نوكه‌ باژێرێ‌ مووسل مفایی ژ ڤێ‌ چه‌ندێ‌ دبینیت و په‌ترۆلا خام د ده‌ته‌ پارزینگه‌هێن هه‌رێمێ‌ و پشتی دهێته‌ پارزنین لترا پانزینێ‌ ب 450 دیناران دده‌ته‌ وه‌لاتیان ژ به‌ر ڤێ‌ چه‌ندێ‌ هه‌كه‌ جڤاتا وه‌زیرێن هه‌رێمێ‌ بڤێت دشێت نوكه‌ په‌ترۆلا خام بده‌ته‌ پارزینگه‌هان و بهایێ‌ لترا پانزینێ‌ ل هه‌رێمێ‌ ژی بكه‌ته‌ 450 دینار”.

21 کەس ب ماددێن ھۆشبەر ڤە ھاتنە دەستەسەرکرن

11/10/2018 09:28

160

ئەڤرۆ نيوز:

رێڤەبەریا گشتی یا ئاسایشا شارەزوور راگەھاند کو د دەمێ دو ھەیڤان دا ئەو شیان 21 کەسان ب بڕیارا دادگەھێ دەستەسەرکرن بکەن کو ماددێن ھۆشبەر ڤێ بوون، نوکە ئەو کەس رەوانەیی دادگەھێ ھاتینەکرن.

د راگەھاندنەکێ دا ئاسایشا گشتی یا شارەزوو کو کۆپیەکا وێ دەست ب رۆژناما ئەڤرۆ کەفتیە تێدا ھاتیە کو ھێزێن ئاسایشێ ل رێڤەبەریا گشتی یا ئاسایشا شارەزوور د دەمێ دو ھەیڤان دا شیاینە 21 کەسان ب بڕیارا دادگەھێ دەستەسەرکرن بکەن کو ماددێن ھۆشبەر ڤێ بوون و بازرگانی پێ دکر، ئەڤ کەسە ل دووڤ ماددێ 14 یێ ماددێن ھۆشبەر ھاتنە دەستسەرکرن کو 19 زەلام و دو ئافرەت بوون کو ل دەمآ دەستەسەرکرنێ دا چەندین جۆرێن ماددێن ھۆشبەر ڤێ بوون.

زێرەڤان بەرواری: ھەڤپەیمانی ب تەمامی کەفتیە ژێر کۆنترۆلا ئێکەتیێ

11/10/2018 09:21

644

ئه‌ڤرۆ نيوز:

بەرپرسەکێ بلندێ ھەڤپەیمانیا دکتۆر بەرھەم سالحی بۆ دیموکراتی و دادپەروەریێ ئاماژە بوێ چەندێ دکەت، ھەڤپەیمانی بتەمامی کەفتیە بن کۆنتڕۆلا ئێکەتیێ مخابن ھەڤپەیمانی بۆبەرژەوەندیێن تاکە کەسی ھاتە بکارئینان ھەتا پلەو پۆستا وەربگرن، ھەروەسا دیارکر دکتۆر بەرھەم سالح بخوە بۆ وەرگرتنا پۆستێ سەرۆک کۆمارێ عیراقێ چوو ناڤا رێزێن ئێکەتیێ.

زێرەڤان بەرواری، بەرپرسێ بەرێ یێ پەیوەندیێن دبلۆماسیێن ھەڤپەیمانی بۆ دیموکراتی و دادپەروەریێ ئێک بو ژوان کەسێن ل پارێزگەھا دھۆکێ ھەر ل دەستپێکا حزبا دکتۆر بەرھەم سالحی پەیوەندی پێڤەکری و بۆ رۆژناما ئەڤرۆ گۆت: دەستپێکێ دەمێ من پەیوەندی ب ھەڤپەمانیا دکتۆر بەرھەم سالحی کری، تنێ وەک ئەکادیمیەک من دخواست ب رێیا ھەڤپەیمانیێ خزمەتا مللەتێ خوە بکەم، لەوڕا پۆستێ بەرپرسێ پەیوەندیێن دبلۆماسی و ئەندامێ جڤاتا گشتی من وەرگرت، بەلێ دووماھیێ بۆ من خویا بوو ئەو مەرەم ئەز پێ بوویمە ھەڤدید و چوویمە ناڤا رێزێن ھەڤپەیمانیا بەرھەم سالحی ئەو نینە ئەوا من دڤێت و کاری بۆ دکەم، مخابن ھەڤپەیمانی بۆ مەرەمێن شەخسی ھاتە بکارئینان، ئەگەرێ دەست ژکار کێشانا من بۆڤێ چەندێ ڤەدگەڕیت، ئێکەتی نیشتیمانی دەستێ خوە ئێخست ناڤا ھەڤپەیمانیێ و گروپەکێ کار بۆ ئێکەتیێ دکر، ئەڤە ژی جھێ قەبوولکرنێ نەبوو و من دەست ژ کارێ خوە بەردا، بتایبەتی پشتی دەست ژکار کێشانا دکتۆر بەرھەم سالحی و ئەو بخوە بۆ وەرگرتنا پۆستێ سەرۆک کۆمارێ عیراقێ چوو ناڤا رێزێن ئێکەتیێ.

پشتی سەرۆکێ ھەڤپەیمانیێ دەست ژکارێ خوە بەردای بۆ ئەندام و لایەنگرێن حزبا ھەڤپەیمانی خویا بوو مەرەم ژ دامەزراندنا ھەڤپەیمانیێ تنێ مەرەم ئەوە سەرۆکێ ھەڤپەیمانیێ بگەھیتە ئارمانج خوە ئەو ژی بدەستڤە ئینانا پۆستێ سەرۆک کۆمارێ عیراقێ یە، لەوڕا زۆربەیا ئەندامێن ھەڤپەیمانیێ ل دھۆک و ھەولێرێ دەست ژ کارێ خوە بەردان و ھژمارەکا بەرچاف ژوان ژی سەنگەرێ خوە ڤەگوھاستیە ناڤا رێزێن پارتی دیموکراتی کوردستان.

ل دۆر ئارمانج و داھاتیا ھەڤپەیمانیێ زێرەڤان بەرواری دیارکر، نوکە ئێکەتیێ دەستی خوە ئێخستیە ناڤا ھەڤپەیمانیێ بۆ دیموکراتی و دادپەروەریێ وەکی پاشکۆ سیبەر دھێتە بکارئینان ھەڤپەیمانی، بتایبەتی پشتی ھەلبژارتنان ئێکەتی دخوازیت ھەڤپەیمانیێ ھەمبەر پارتی دیموکراتی کوردستان بکار بینیت، بمەرەما راگرتنا ھەڤسەنگیا ھێزێ وەکی ئەو دبینین، ھەتا نوکە ئەز وەکی کەسەکێ بێلایەن مایمە و من پەیوەندی ب چو لایەنێن سیاسی ڤە نەکریە و زێدەتر دخوازم وەک مامۆستایەکێ زانکۆیێ خزمەتێ بکەم، بەلێ داھاتی ژی دێ بڕیارا خوە بدەم بچمە ناڤا کیش لایەنێ سیاسی بێگومان بۆ خزمەتکرنا گەلێ خوە، جوگرافی و بەرژەوەندیا خەلکێ دھۆکێ بەرچاف دێ وەرگرم بۆ کارێ سیاسیێ داھاتی.

ل سەر ئاستێ جیهانی پاسپۆرتا عیراقی د رێزبەندیا دوماھیێ دانە

11/10/2018 08:15

249

ئەڤرۆ نیوز ، زنار تۆڤی:

دەزگەھێ ھینلی پاسپۆرت ئێندێکس راپۆرتا خوە یا سالا 2018 بەلاڤ کریە و تێدا ئاشکرا کریە، کو پاسپۆرتا ژاپۆنی ل رێزا ئێکێ ل سەر ئاستێ جیھانێ دھێت و یا عیراقێ ژی ل دوماهیا وی لیستێ دهێت.

دەزگەھێ ھینلی پاسۆرت د راپۆرتا خوەدا بەلاڤ کریە، کو پاسپۆرتا ژاپۆنی ل رێزا ئێکێ ل سەر ئاستێ جیھانێ دھێت و وەلاتیێن ژاپۆنی دشێت بێی ڤیزە سەرەدانا 190 وەلاتان بکەن، هەروەسا پاسپۆرتا سەنگافۆرا ژی ل رێزا دویێ دھێت و وەلاتیێن وان دشێن بێ ڤیزە سەرەدانا 189 وەلاتێن جیهانێ بکەت.
پاسپۆرتێن ئەلمانی، فرەنسی و کۆریا باشۆر پێکڤە ل رێزا سیێ دھێن و دشێن بێ ڤیزە سەرەدانا 188 وەلاتێن جیهانی بکەن.

ل سەر ئاستێ وەلاتێن عەرەبی ژی ئیمارات ل رێزا ئێکێ دھێت و وەلاتیێن ئیماراتی دشێن بێی ڤیزە سەردانا 161 وەلاتێن جیهانی بکەت، عێراق ژی ل رێزا 105 پشتی سۆمالێ و سووریێ دھێت و ل گەل ئەفغانستانێ ل رێزبەندا دوماهیێ دانە، وەلاتیێن وێ دشێن ب تنێ سەرەدانا 30 وەلاتێن جیهانی بکەت.

سوباهى مووچێ ڤان جهان دێ هێته‌ به‌لاڤكرن

10/10/2018 21:36

1762

ئه‌ڤرۆنيوز:

برياره‌ سوباهى پێنجشه‌مبى 11/10/2018 موچێ هه‌يڤا ته‌مووزا 2018يا هه‌ردو وه‌زاره‌تێن خواندنا بلند وكاروبارێن شه‌هيد وئه‌نفالكريان بهێته‌ به‌لاڤكرن.

پتر ژ 36 هزار كه‌سان ژهه‌موو پارێزگه‌هێن عيراقێ داخوازا پۆستێ وه‌زير كريه‌

10/10/2018 20:05

153

ئه‌ڤرۆنيوز:

ئوفيسا سه‌رۆك وه‌زيرێن عيراقى يێ راسپاردى عادل عه‌بدولمه‌هدى به‌لاڤكر كو پتر 36 هزار كه‌سان داخوازا وه‌رگرتنا پۆستێ وه‌زير ژ سه‌رۆك وه‌زيرێن نوو كريه‌.

ئۆفيسا عادل عه‌بدولمه‌هدى سه‌رۆك وه‌زيرێن راسپاردى راگه‌هاند”36 هزار و 6 كه‌سان داخوازا وه‌رگرتنا پۆستێ وه‌زير دحوكمه‌تا عه‌بدولمه‌هدى دا كريه‌”

ئاماژه‌ دا”رێژا كه‌سانێن سه‌ربخوه‌ يێن داخوازيێن خوه‌ پێشكێشكرين گه‌هشته‌ 97% ورێژا ژنان ژى 15% بوو ورێژا هه‌لگرێن باوه‌رنامێن بلند 23% بوو”.

دياركر ژى” داخواز ژ هه‌موو پارێزگه‌هێن عيراقێ يێن هاتين”.

عادل عه‌بدولمه‌هدى مالپه‌ره‌كێ ئه‌لكترۆنى به‌لاڤكربوو وداخواز ژ وه‌لاتيێن عيراقێ كربوو هه‌ر كه‌سێ بخوازيت پۆستێ وه‌زير وه‌ربگريت داخوازيا خوه‌ ب رێيا وى مالپه‌رێ ئه‌لكترۆنى پێشكێش بكه‌ت.

سه‌رۆكێ ژۆرا بازرگانيا دهۆكێ: دخوازين ب رێيا دهۆكێ چه‌ندين بريكار بۆ كۆمپانيێن مسرى بهێنه‌ دانان

10/10/2018 19:45

175

ئەڤرۆنیۆز، سالار دۆسكی:

ئەیاد حەسەن، سەرۆكێ‌ ژۆرا بازرگانی و پیشەسازیا دهۆكێ‌ بۆ ئەڤرۆ نیۆز راگه‌هاند كو ڤه‌كرنا پيشانگه‌ها به‌رهه‌مێن مسرى پارێزگه‌ها دهۆكێ ڤەدگەریت بۆ پەیوەندیێن مە ل گەل مسرێ‌ و دیسا مە دیت كو یا پێدڤیە چالاكیان بكەین و تایبەت ڤەكرنا پیشانگەهه‌كێ‌ بۆ خەلكێ‌ مە و بازرگانێن مە بهێنە نیاسین بۆ وێ‌ چەندێ‌ خەلكێ‌ مە بزانیت چ ل وەلاتێ‌ مسرێ‌ دهێتە دروستكرن، ئەڤە ئێك ژ وان رێكانە بازرگانێن كوردستانێ‌ ب ساناهی بهێن سەردانا پیشانگەهێ‌ بكەن و بزانن چ هەیە ل ڤی وەلاتی و دیسا ببینە جهەك بۆ بەرهەمێ‌ مسری و ب رێيا پارێزگەها دهۆكێ‌ و چەندین بریكار بهێنەدانان بۆ هەموو عیراقێ‌ و بەر ب باشوور و ناڤەراستا عیراقێ‌ بچیت و بازرگانێن كوردستانێ‌ مفاداربن.

ئەو ژی گۆت: ڤەكرنا پیشانگەهان كارتێكرن ل سەر بزاڤا ئابووری ل پارێزگەها دهۆكێ‌ هەیە و دیسا دەلیڤێن كاری ژی بۆ خەلكێ‌ پەیدا دكەت، ب هیڤی نە دێ‌ گرێبەست هێنە ئیمزاكرن دناڤبەرا كومپانیێن مسرێ‌ و كوردستانێ‌ و كومپانیێن مسرێ‌ د رژدن كارێ‌ بازرگانی ل كوردستانێ‌ بكەن.

گۆت ژى كو ژوورا بازرگانی چەندین پەیوەندیێن بازرگانی ل گەل ژۆرێن بازرگانی ل وەلاتێ‌ مسرێ‌ هەنە و گرێبەست و سەره‌دان ژى هەنە و ئەڤە بەرهەمێ‌ وان پەیوەنديانه‌.

دهێته‌ زانين ئه‌ڤرۆ چارشه‌مبى 10/10/2018 پيشانگه‌ها به‌رهه‌مێن مسرى ل جهێ پێشانگه‌هان ل ئالۆكا هاته‌ ڤه‌كرن.

پێشانگه‌ها دهۆك یا نێڤده‌وله‌تی ب پشكداریا 40 كومپانیان هاته‌ ڤه‌كرن

10/10/2018 18:21

725

ژپێخه‌مه‌ت خورتكرنا بزاڤا بازرگانی دناڤبه‌را پارێزگه‌ها دهوكێ‌ وكومپانیێن مسری ئه‌ڤرو پشتی نیڤرو 10-10-2018ل ده‌ڤه‌را ئالوكا به‌هزاد علی ئاده‌م جێگرێ‌ پارێزگه‌رێ‌ دهوكێ‌ ب ئاماده‌بونا چه‌ند به‌رسێن میری ورێڤه‌به‌رێن فه‌رمانگه‌ها وبازرگان وكومپانیێن ده‌ڤه‌رێ‌ پێشانگه‌ها دهوك یا نیڤ ده‌وله‌تی یا تایبه‌ت ب به‌رهه‌مێن كومپانیێن مسری هاته‌ ڤه‌كرن.
پاش گه‌ریانه‌ك لناڤ پێشانگه‌هێ‌ كر وژنێزیك سه‌حكره‌ به‌رهه‌مێ‌ كومپانیێن مسری.
جێگرێ‌ پارێزگه‌رێ‌ دهوكێ‌ د په‌یڤه‌كێ دا ده‌ست خوشی ل كومپانیا رائید ورێڤه‌به‌ریا پێشانگه‌ها دهوك یا نیڤ ده‌وله‌تی وهه‌موو لایه‌نان كر كو شیاینه‌ ڤێ‌ پێشانگه‌هێ‌ رێكبێخن وبه‌رهه‌مێ‌ (40) كومپانیێن مسری دوارێن جودا دا به‌رچاڤكه‌ن .
هه‌روه‌سا گوت: ئه‌ڤ جوره‌ پێشانگه‌هه‌ دێ‌ بزاڤا بازرگانی دناڤبه‌را هه‌رێمێ‌ و وه‌لاتێ‌ مسرێ‌دا خورتر لێ‌ كه‌ن وداخاز ژوه‌لاتیێن پارێزگه‌هێ‌ وكومپانیێن نافخویی وبازرگانان كر كو سه‌ره‌دانا پێشانگه‌هێ‌ بكه‌ن وژنێزیك به‌رهه‌مێ‌ كومپانیێن مسری ببینن وهه‌ڤبه‌ستا دگه‌ل كومپانیێن مسری بكه‌ن بو كرینا كه‌ل وپه‌لێن هاتینه‌ به‌رچاڤكرن.
هه‌ژی گوتنێ‌ یه‌ چل كومپانیێن مسری پشكداری دپێشانگه‌هێ‌ دا كریه‌ وكه‌لو وپه‌لێن وه‌كو جلك وموبیلیات و وئێكسوارات وكارێن دن یێن ده‌ستی وجورا وجور به‌رچاڤكرینه‌ وبریاره‌ پێشانگه‌ه بو ماوێ‌ ده‌ه روژا ل هه‌مبه‌ر وه‌لاتیا وبازرگانان یا ڤه‌كری بیت وفروتنا كه‌ل وپه‌لا یا راسته‌و خو دێ‌ هێته‌ كرن.

دپرۆژه‌ قانوونا بودجا عيراقێ دا 12.67% بۆ كوردستانێ هاتيه‌ دانان

10/10/2018 16:53

716

ئه‌ڤرۆنيوز:

پشكا هه‌رێما كوردستانێ دپرۆژێ قانوونا بودجا عيراقێ بۆ سالا 2019 ب 12.67% هاتيه‌ دانان، په‌رله‌مانتاره‌كێ به‌رى يێ كورد ژى دبێژيت ئه‌و پرۆژه‌ قانوونه‌ ژلايێ حوكمه‌تا عه‌بادى ڤه‌ هاتيه‌ به‌رهه‌ڤكرن ويێ سياسى يه‌.

ئه‌ڤرۆ چارشه‌مبى 10/10/2018 وه‌زاره‌تا دارايى يا عيراقى پرۆژێ قانوونا بودجا سالا 2019 هنارته‌ جڤاتا وه‌زيران بۆ په‌سه‌ندكرنێ وبرياره‌ پاشى بهێته‌ هنارتن بۆ په‌رله‌مانى بۆ ده‌نگدانێ ل سه‌ر.

مەسعود حەیدەر، ئه‌ندامێ به‌رێ يێ لژنا دارايى ل په‌رله‌مانێ عيراقێ دبێژيت” پرۆژه‌ قانوونا بودجا سالا 2019 پێشێلكرنا دستوورى وقانوونێ يا تێدا وحوكمه‌تا به‌كاربه‌ر چه‌ند رێگريێن سياسى تێدا داناينه‌ بۆ دروستكرنا كێشا سياسى دناڤبه‌را هه‌ولێرێ وبه‌غدا، ژوان پشكا هه‌رێما كوردستانێ ب 12.67% هاتيه‌ دانان، هه‌روه‌سا خه‌رجيێن سيادى زێده‌ترن هه‌مبه‌ركرن ل گه‌ل سالا بۆرى، كو پشكا هه‌رێما كوردستانێ ژوان خه‌رجيان تێدا نينه‌.

مه‌سعود حه‌يده‌ر، ل دووڤ رووداو، گۆت ژى” پێدڤيه‌ په‌رله‌مانێ عيراقێ وى پرۆژه‌ قانوونى بۆ حوكمه‌تێ ڤه‌گه‌رينيت وكابينا عادل عه‌بدولمه‌هدى ل سه‌ر بنه‌مايێ به‌رنامێ حوكمه‌تا نوو وى پرۆژێ قانوونێ به‌رهه‌ڤ بكه‌ت”.

نيشاندان 1...1,000 2,000 1,1631,1641,165 2,160...3,105 زێده‌تر

لاپه‌ر 1,164 ژ 3,105