ئەڤرۆ نيوز:
ماموستایەکا زانکویێ ل کوردستانێ ل دور رەوشا پەرلەمانێ کوردستانێ راگەھاند : ھەرێما کوردستانێ ب دروستبۆنا خولەکا نویا پەرلەمانێ کوردستانێ نەشێت دوماھیێ ب قەیرانا بینیت ، خولا نویا پەرلەمانێ دشێت رێکەفتنێن باشتر ل گەل بەغدا دروست بکەت و کو گورانکاری بسەر رەوشا کوردستانێ دا بھێنیت و ھندەک قەیرانا ژی دوماھیک بینیت ، پەرلەمانێ کوردستانێ گەر قەیرانا ژی درەباز نەکەت و دوماھیک بینیت ھەبۆنا پەرلەمان یاگرنگە ژبەرکو بەریا نوکە ل بوشایا دروستبۆنا پەرلەمانێ کوردستانێ مەدیت چەند ئاریشە لسەر ئێک پەیدا بۆن .
کوێستان لەتیف والی ماموستایا زانکویێ بۆ روژناما ئەڤرۆ گوت : ل ھەمو حوکمەتێن دونیایێ ھەبۆنا ئوپوزوسیونێ یا گرنگە بەلێ ئوپوزوسیونەکا دروست نەیا کەفتی،بۆ کابینا حوکمەتا نویا کوردستانێ کو ئوپوزوسیون ھەبیت باشترە ژبەرکو ل دەمێ بۆری و ل کابینا حوکمەتێ کو ب حوکمەتا بنکە فروان ھاتیە دیتن مە دیت چەندین ئالۆزی دروستبۆن ئاریشە زێدەتر بۆن ئوپوزوسیونەک یا باشەو گرنگە ئەگەر ئەگەر چاڤدێرەکا باش بیت نە ب تنێ ناڤ بیت و چۆ کارا نەکەت .
کوێستان گوتژی : ل دەمێ بۆری ل پەرلەمانێ کوردستانێ ئوپوزوسیون ھەبۆ بەلێ نەشیا وەک پێدڤی کارێن خوە بکەت ئەوا ئوپوزوسیونێ بەرامبەر حوکمەتێ کری یا دروست نەبۆ ، ب مەرجەکێ ھەبۆنا ئوپوزوسیونێ یا گرنگە کو کارێن حوکمەتێ بەرەڤ باشیێ و باشتریێ ببەت نە ک ب تنێ کارێ وێ نیشاندانا تشتێ خراب بیت ھەمو کارێن حوکمەتێ دخراب نینە کارێ ئوپوزوسیونێ باشتر کرنا کارێن خراب و لاوازێن حوکمەتێ یە.
ئه‌ڤرۆ نيوز:
چاڤدێرەکێ سیاسی ئاشکراکر کو یاریا عیراقی یا ھەرێمی و دەولی یا و دووڤ دا یاریا پارتێن سەرەکی یە، عادل عەبدوالمھدی سەنگ نینە ل چ پارتێن بھێز ل عیراقێ بتنێ جھێ پێکھاتنا ھەموو ئالیێن عیراقی یە.
سامی رێکانی بۆ رۆژناما ئەڤرۆ گۆت: یاریا عیراقی یا ھەرێمی و دەولی یا و دووڤ دا یاریا پارتێن سەرەکی یە، عادل عەبدوالمەھدی سەنگ نینە ل چ پارتێن بھێز ل عیراقێ بتنێ جھێ پێکھاتنا ھەموو ئالیێن عیراقی یە و دڤێت ژ کاودانێن عیراقی دەرکەڤن دا قەیران مەستر لێ نەھێت، نە بابەت ئەوە باوەری ب ڤی کەسایەتی ھەیە دێ شێت تشتەکی کەت، دێ ھەر گەھیتە وی ئاستی و ھەڤرکیێن ئالیان ل سەر وەرگرتنا پوستێ سەرۆک وەزیران و کەسەکی وەرگرت ژ دەرڤەی ھەر دو ئالیان ب بھانا وێ چەندێ کو کەسەکێ سەربەخۆیە و ئەڤە بتنێ قورتالبوونە ژ قەیرانێ و دەست ھەلات دێ ھەر دەستێ ھەردوکان دابیت، سنورێن عادل مەھدی گەلەک دتەنگن، نەشێت چ تشتێ مەزن بکەت ھەکە ھێزەکا وەک ئەمریکا یان ئیرانێ ل پشت نەبیت کا چەوا پێشتر بۆ مالکی و عەبادی کرین.
ھەمان چاڤدێرێ سیاسی گۆت: کێشێن کوردان ل گەل ھەر دو ئالیێن شیعی دێ ھێشتا ئالۆزبن و ئەڤە نەشێت تشتەکی بۆ کوردان ژی بکەت و ھەتا ئابوورنەکێ مەزن ژی نەشێت، دبیت بیاڤێ ئابووری دا و پشتەڤانیا ئیرانێ بشێت ھندەک پێنگاڤێن گەشەکرنا ئابووری ب ھاڤێت چنکو ئەڤە بوویە کێشەکا مەزن نەبتنێ ل کوردستانێ بەلکو ل عراقێ ژی، بنەرەت نەشێت چ بکەت.
رێکانی خویاکر کو دناڤبەرا کوردان و بەغدا دا چ تشتەکێ مەزن دروست نابیت، بتنێ دبیت ھندەک بزاڤ پەیدا بکن وەک سوزان، کوردان کێشێن مەزن یا گرنگ ئابوورێ کوردستانێ یە، ئەرێ دێ زڤریتە بەغدا؟ یان دێ مینت و پتر دێ دەست ھەلاتا وەرگرن و ئەڤە دێ شەرێ مەزن بیت یێ مە کوردان ل گەل بەغدا چنکو کوردان گرێبەستێن درێژخایەن ھەنە ل گەل روسیا و تورکیا و ئەڤێ چەندێ ژی ئالوزیەکا دی دناڤبەرا کوردان و بەغدا دروست بیت و بەغدا نەشێت ئێکلایی بکەت و نە ئەم شێن ئێکلایی بکەین چنکو رێگر بەغدایە، ڤێ قوناغێ ئەڤە دێ چارەنڤسیێ گەشەکرنا ئابوورێ کوردستانێ بیت، ھەکە ستراتیجی نەبیت و پێنگاڤ بۆ نەھێنە ھاڤێتن ھەموو سیاسەتێن دی دێ شکەستی بن.
سامی رێکانی گۆت ژی: کێشێن چارەنڤێسی ل گەل بەغدا بۆچوونێن جودا ل سەر ھەنە، بەرامبەر کێشێن رۆژانە گرێدایی ب ژیانا خەلکی ڤە وەک ئابووری و رێکخستنا خەلکی، چوونا دو حزبێن سەرەکیێن کوردستانێ بۆ بەغدا و رەفتارکرنا بەغدا ل گەل کوردستانێ دێ بەرامبەر ھەر دو حزبێن سەرەکی بیت و ئەوان انوستاندن ل گەل بەغدا کرینە، ل سەر کێشا کوردی دڤێت ئەم پێداچوونەکا دی دخودابکەین دا خەلکی بزانیت رامانا ڤێ چەندێ چیە، کا مە چ دڤێت دەست ھەلاتا مە ژ بەغدا ڤەبیت، ئەنجامێن ریفراندومێ بکەینە ئارمانج و ل سەر کاربکەین ڤێ قوناغێ دا ناھێتە بەحسکرن ھەکە کاودانێن دەولی تێک نەچن ئێدی کورد نەشێن بەحسا ڤێ قوناغێ بکەن، چنکو کوردا ئێم بیربچوون و ئێک ستراتیجی نینە، بەغدا ژی ھند تەماشەی ڤێ ناکەت و گەھشتیە وی ئاشتی ب گونەە دھێتە ھەژمارتن ھەکە ئێک بەحسێ ڤێ چەندێ بکەت چنکو کورد ژی پیچەک پشتەڤانێن ڤێ چەندێ بووینە.
ھەمان چاڤدێر گۆت: نەشێن بێژین ھەر کەسەکێ بچیتە وێرێ دێ بەحسێ چارەنووسی کەت چنکو ھەر پوستەکێ وەرگرتن سویند خوارنێ دەستوری و پەرلەمانی ل سەر ئێکگرتنا عیراقێ، دڤێت ئەم ل گەل کەتواری بچین و داخازیەکا مەزن نەکەین چنکو شیانێن وا دا نینە ھەکە نەشێن چ بۆ پاشەرۆژا کوردی بکەن، پێدڤی یە قەیرانا ئابووری یا گرێدایی ژین و ژیارا خەلکی ڤە چارەسەربکەن و ئەڤە قەیرانا کوردی یە و دڤێت بچووک نە سحکەنێ چنکو سەرکەفتنا ھەر مللەتەکی دڤێت تە ستراتیجی یەتا ئابووری ھەبیت، ھەکە تە نەبیت تو نەشێی چ بکەی و دێ شکەستنا ئینی.
ناڤبری ل دووماھیێ بەحسێ پەیوەندیێن ئالیێن سیاسی کر، دیارکر کو کێشا وەرگرتنا پوستێ سەرۆک کومار دێ چارەسەربیت چنکو مە چ رێکێن دی نین، ھەر دو حزبێن سەرەکی نە و پشتی شکەستنا ئوپزسیوونێ نوکە ھەر کەفتە بەرۆوکێ وان، باوەرناکەم سەرا پوستێ سەرۆک کومار کێشە دناڤبەرا ھەر دو ئالیان دا دروست بیت و دێ تەنازل بۆ ئێک ھەبن، ھەکە پارتی زەرەمەند بیت دێ بەغدا بزاڤێ کەت رازی بکەت چنکو پارتی ھێزەکا مەزنە ل سەر کوردستانێ و ل سەر ئاستێن بەغدا و پەیوەندیێن دەرڤە ژی و جارەکا دی ھێزا کوردی دێ سەنگێ جاران ڤەگەرینتە ڤە.
ئەڤرۆ نیوز ، زنار تۆڤی:
رێڤەبەریا گشتی یا سەقاناسی و بیڤەلەرزێن هەرێما کوردستانێ راگەهاندیه: کو ل شەڤا بوری بیڤەلەرزەکێ ل قەزا سۆران روودایە، بەلێ چو زیان نەبووینە.
رێڤەبەراتیا گشتی یا سەقاناسی و بیڤەلەرزێن هەرێمێ دیارکریە ژی: دەمژمێر 12:04 خولەكی شەڤا بوری بیڤەلەرزەکێ ل قەزا سۆران دایە.
ئاماژە ب هندێ دایە کو ئەو بیڤەلەرزە لدووڤ 3،2 پلێن رێختەرێ بوویە ب کوراتیا 10كم بوویە و وەلاتیان هەست پێكریە، بەلێ چو زیان نەگەهاندینە وەلاتیان.
ئه‌ڤرۆنيوز:
ئه‌ڤرۆ شه‌مبيێ سێ په‌قين ل ناڤ باژێرێ كه‌ركووكێ روودان وچه‌ندين وه‌لاتى برينداربووينه.
ل دووڤ ده‌نگوباسێن هاتينه به‌لاڤكرن، په‌قينا ئێكێ ل تاخێ ته‌نه‌ك ويا دويێ ل سه‌ر رێيا كه‌ركووك – به‌غدا ويا سيێ ل نێزيك مزگه‌فتا حه‌سه‌ن بن عه‌لى بوو.
به‌لاڤكرن ژى كو ترومبێله‌كا جۆرێ ڤيكترا ئه‌نجامده‌را په‌قينه‌كێ بوو وپه‌قينه‌ك ژى ژ ئه‌نجامێ بۆمبه‌كا چه‌ندى بوو.
ده‌نگوباسان به‌لاڤكر ژى كو شه‌ش وه‌لاتى ژ ئه‌نجامێ وان په‌قينان بريندار بووينه.
ئه‌ڤرۆنيوز:
ئه‌ندامێن په‌رله‌مانێ عيراقێ ژ پارێزگه‌ها ئه‌نبار ئه‌ڤرۆ شه‌مبيێ 13/10/2018 راگه‌هاند چوونا به‌غدا بۆ خه‌لكێ پارێزگه‌ها ئه‌نبار يا هاتيه قه‌ده‌غه‌كرن.
په‌رله‌مانتارێن به‌غدا درۆهنكرنه‌كێ دا دياركر”هه‌تا نوكه ژى رۆژانه ژلايێ خه‌لكێ ئه‌نبار ڤه ل ده‌مێ رێگرتنێ ل چوونا وان بۆ به‌غدا، داخوازا هاريكاريێ دكه‌ن”.
ئاماژه كرن ژى كو هه‌ر وه‌لاتيه‌كێ ناسناما ئه‌نبار هه‌لگرتبيت، ل خالا پشكنينا (شه‌عب) ل به‌غدا رێ پێ ناهێته دان بچيته دناڤ به‌غدا دا وهه‌تا ده‌مژمێر 7 سپێدێ دهێته ده‌سته‌سه‌ركرن، پاشى ب كاروانێ ترومبێلێن له‌شكرى دگه‌هيننه خالا پشكنينا (سقوور) ل فه‌لوجه، كو ئه‌ڤ ئه‌نده ژى سڤكاتيه‌كا مه‌زنه ب خه‌لكێ ئه‌نبار دهێته كرن”.
په‌رله‌مانتارێن ئه‌نبار داخواز ژ وه‌زيرێ ناڤخوه ووه‌زيرێ به‌رگريێ وفه‌رمانده‌يا ئۆپه‌راسيۆنێن به‌غدا دكه‌ن، وان پێرابوونان به‌رامبه‌ر خه‌لكێ ئه‌نبار ب دووماهى بينن وهه‌ڤشێوێ پارێزگه‌هێن دى ره‌فتارێ دگه‌لدا بكه‌ن.
ئه‌ڤرۆنيوز:
سوباهى ئێكشه‌مبى 14/5/2018 هه‌لبژارتنێن باژێرڤانيانه ل وه‌لاتێ به‌لجيكا، نوونه‌رێ حوكمه‌تا هه‌رێما كوردستانێ ل ئێكه‌تيا ئورۆپى بۆ ئه‌ڤرۆنيوز دياركر هه‌ر وه‌لاتيه‌كێ مافێ ده‌نگدانێ هه‌بيت ونه‌چيت ده‌نگدانێ دێ ب گۆژمه‌كێ پاره‌ى هێته سزادان.
دلاوه‌ر ئاژگه‌يى، نوونه‌رێ حوكمه‌تا هه‌رێما كوردستانێ ل ئێكه‌تيا ئورۆپى كو باره‌گايێ وێ ل برۆكسل پايته‌ختا به‌لجيكا بۆ ئه‌ڤرۆنيوز گۆت” سوباهى هه‌لبژارتنێن باژێرڤانيانه ل به‌لجيكا وهه‌ر وه‌لاتيه‌كێ مافێ ده‌نگدانێ هه‌بيت ونه‌چيته ده‌نگدانێ ب 300 يورۆيان دێ هێته سزادان”.
گۆت ژى” ل باژێرڤانيا ئه‌ز لێ سزايێ نه‌چوونا ده‌نگدانێ 250 يورۆ نه”.
ژلايێ خوه‌ڤه ئه‌يهان زاخۆيى ژ سويسرا بۆ ئه‌ڤرۆنيوز گۆت” سزايێ نه‌چوونا ده‌نگدانێ ل سويسرا يێ هه‌ى، به‌لێ گۆژمێ سزايێ ل كانتۆنه‌كا سويسرى بۆ ئێكا دى جوداهى يا هه‌ى”.
گۆت ژى”ل بێرن پايته‌ختا سويسرا سزايێ نه‌چوونا ده‌نگدانێ دهه‌لبژارتنان دا دگه‌هيته هزار دۆلاران”.
ئه‌ڤرۆنيوز:
ئۆفيسا راگه‌هاندنێ يا سه‌رۆك وه‌زيرێن عيراقێ يێ راسپاردى عادل عه‌بدولمه‌هدى به‌لاڤكر كو ئه‌ڤرۆ شه‌مبيێ 13/10/2018 ناڤبرى ده‌ست ب كارێن خوه ل ده‌رڤه‌ى ده‌ڤه‌را كه‌سك ل به‌غدا كر.
ئاماژه دا ژى كو هه‌ر ئه‌ڤرۆ عه‌بدولمه‌هدى ده‌ست ب ديدارێن خوه كرن ل دۆر پێكئينانا حوكمه‌تێ وبه‌رنامێ حوكمه‌تا داهاتى يا عيراقێ.
دهێته زانين ده‌ڤه‌را كه‌سك ل به‌غدا جهێ ده‌زگه‌هێن حوكمه‌تا عيراقێ يێن گرنگه وباليۆزخانێن وه‌لاتان. پشتى 2003 باره‌گايێ سه‌رۆك وه‌زيرێن عيراقێ ل ده‌ڤه‌را كه‌سك بوو.
ده‌زگه‌هێن راگه‌هاندنێ ل عيراقێ به‌رى نوكه ژى ئاماژه دابوو كو عادل عه‌بدولمه‌هدى دێ كارێن خوه وه‌كو سه‌رۆك وه‌زيرێن داهاتى يێ عيراقێ ل ده‌رڤه‌ى ده‌ڤه‌را كه‌سك ل به‌غدا ئه‌نجامده‌ت.
نيشاندان