ئه‌ڤرۆ نيوز:
جۆزێف ڤۆتێل فەرماندارێ ھێزێن ئەمریکا ل رۆژھەلاتا ناڤین و باکورێ ئەفریقیا د داخۆیانیەکی دا ل سەر رەوشا سووریێ، شەرێ ل دژی داعشێ و ھەبوونا ھێزێن ئیرانێ ل سووریێ راوەستیا و راگەھاند کو ئیران و رژێما ئەسەدی پێکڤە دخوازن ئالۆزیێن ل سووریێ دژوارتر بکەن و ھەبوونا ھێزێن ئیرانێ ناھێلیت رەوشا سووریێ ئارام بیت و گۆت: (ھەتا ئیران ل دەرڤەیی سنورێن خوە بزاڤەکا سەربازی ل رۆژھەلاتا ناڤین و باکورێ ئەفریقیا بکەت دێ ھێزێن مە ل وان دەڤەران بن و دێ ئەرکێن سەر ملێن خوە بجە ئینن).
جۆزێف ڤۆتێل د پشکەکا دی یا ئاخڤتنا خوە دا ژی راگەھاند کو ئەو گەفێن چ ئالیەکی بۆ سەر ھێزێن خوە و ھەڤپەیمانێن خوە قەبوول ناکەن و گۆت: (دێ ھێزێن مە ل رۆژئاڤا و باکورێ سووریێ بمینن و بۆ بجھکرنا ئارامیێ ل گەل ھێزێن ھێزێن سووریا دیمۆکراتیک دێ ھەماھەنگیا مە بەردەوام کەت و ب چو رەنگەکێ ناھێلین نە ئیران و نە ژی ھێزەکا دی ھێرشی ھەڤپەیمانێن مە بکەت و دڤێت ئیران ب ئاقلانە بزاڤێ بکەت و شاشیان ل سووریێ نەکەت ھەکە نە دێ مە بەرسڤێن گەلەک دژوار ھەبن).
ناڤبری د داویا ئاخڤتنا خوە دا ژی ل سەر شەرێ داعشێ و ئالۆزیێن ل ئیرانێ راوەستیا و راگەھاند کو نابیت ئیران دەستێوەردانێ ل سووریێ بکەت و دڤێت ئیران باش بزانیت کو ھەر دەستێوەردانەکا وێ بێی بەرسڤ نامینیت و ھەتا ھێزێن ئیرانێ ل دەرڤەیی سنورێن وێ بمینن دێ ئەمریکا ل سووریێ مینیت و ھەتا ژ دەستێ مە بھێت دێ خەلکێ خوە پارێزن.
نيشاندان
