ئه‌ڤرۆ نيوز:

ئەڤرو(2018/10/17) لیژنا دوفچوونا بازاری سەرەدانا بازاری کر.
دڤێ سەرەدانێ دا،لیژنا دوفچوونێ ژنێزیک لسەر رەوشا لێناگەھێن خوارنگەھا وجھێن فروتنا کەرستێن خوارنێ بون.
لدوماھیێ لیژنا دوفچوونا بازاری ل قائیمقامیا قەزا دھوکێ بریاردا ب سزادانا خوارنگەھا شورەش بو دەمێ سێ روژان بھێتە داخستن ژبەر کو جھێ لێنگەھێ یێ پیس بو وپێگری ب رێنمایێن لیژنێ نەکربون.

ئەڤرۆ نیوز:

ئاخفتنکەرێ ب ناڤێ وەزارەتا ساخلەمیێ راگەھاند کو د بوودجێ داھاتی دا، 720 پلێن دامەزراندنێ داینە وەزارەتا ساخلەمیێ بۆ کولیژا نوشداری، نوشداریا ددان و دەرمانسازی.

خالس قادر، راگەھاند کو وەکو وەزارەتا ساخلەمیێ داخواز کریە کو ژ بوودجێ سالا 2019ێ کۆژمێ ئێک ترلیۆن و 150 ملیار دینار بۆ وەزارەتا ساخلەمیێ بھێنە دانان، بەلێ ئەڤ رێژە کێمکریە بۆ 915 ملیار دیناران.

گۆتژی: “بۆ سالا داھاتی 720 پلێن دامەزراندنێ داینە وەزارەتا ساخلەمیێ بۆ کولیژێن نوشداری، نوشداری ددان و دەرمانسازی”.

سەبارەت سندوقا پەنجەشێرێ ژی خالس قادر گۆت: “کارێن سندوقا شێرپەنجێ یێ بەردەوامە ب گۆرەیی وێ قانوونا ھەیی کۆژمەکێ پارەیی دێ ئێخنە سەر و پاشان ژی دێ ھێتە بکارئینان بۆ نەخۆشێن شێرپەنجێ”.

ئه‌ڤرۆ نيوز:

سه‌فين دزه‌يى، ئاخفتنكه‌رێ ب ناڤێ حوكمه‌تا هه‌رێما كوردستانێ د ده‌رباره‌يى بڕيارێن سه‌رۆكێ حوكمه‌تا هه‌رێما كوردستانێ، نێچيرڤان بارزانى، راگه‌هاند كو د رێيا بڕياريێن وى دا، ده‌رمانێن سه‌خته‌ ل بازاران ناهێلين و كونترۆلكرنا فرۆتنا ده‌رمانان ژى دێ كه‌ين.

نێچیرڤان بارزانی، سەرۆک وەزیرێ هەرێما کوردستانێ چەندین بڕیار دەربارەی کڕین و فرۆشتنا دەرمانان و سەرەدەریێ ب مادێن کیمایی دەرکرینە، دڤێت ئەوێن ببنە دەرمانساز ب تنێ ئێک مولەتا دەرمانسازیێ هەبیت.

هەروەسا دیارکریە دڤێت کارەبا 24 دەمژمێری بۆ دەرمانخانان بهێته دابینکرن، هەروەسا تومارکرنا دەرمانخانە و کۆمپانیێن گرێدایی کارێن نۆشداری و دەرمانان تنێ دێ ل وەزارەتا ساخلەمیێ بیت و پێدڤیە هەموو کۆمپانیێن پێشتر موولەت ژ وەزارەتا بازرگانی و پیشەسازی وەرگرتین، ناڤێن خوە ل وەزارەتا ساخلەمیێ تۆمار بکەن.

د بریارێن جڤاتا وەزیران دا هاتیە ژی، نابیت دەرمانسازان ژ ئێک موولەت زێدەتر هەبیت و پێدڤیە کەسێ مولەت ب ناڤێ وی، رێڤەبەرێ کارێ خوە بیت و ل جهێ کاری ئامادە بیت.

جڤاتا وەزیران چەندین بڕیارێن دی ژی داینە و راگەهاندییە، هەر ئالیێ پێگریێ ب وان بریاران نەکەت، دێ هێتە سزادان، دیسا دێ لیژنێن پەوەندیدار دووڤچوونا ڤی بابەتی کەن و هەر کەسێ سەرپێچیێ بکەت، دێ هێنە سزادان.

‏ ئەڤرۆ نيوز:‏

پشتی کو گەلەک ژ دەرچوویێن قووناغا 12 ێ ئامادەیی بۆ سالا خواندنێ (2018 – ‏‏2019) ل زانکۆ و پەیمانگەھێن ھەرێما کوردستانێ نەھاتینە وەرگرتن ل رۆژێن ‏بۆری دەرچوویێن ناڤێن وان ل چو زانکۆ و پەیمانگەھان نەھاتینە خرڤەبوونەکا ‏نەرازیبوونێ ل پارێزگەھا دھۆکێ ئەنجام دا و د ھەمان دەم دا زانکۆیا دھۆک ژی ‏ھەلویستێ خوە ھەمبەر ڤێ چەندێ دیار کر و داخواز ژ وەزارەتا خواندنا بلند و ‏ڤەکۆلینێن زانستی کریە کو وان شیانێن وەرگرتنا پێنج ھزار قوتابیێن دی ھەنە.‏

پ. د . مسلح دھۆکی، سەرۆکێ زانکۆیا دھۆک بۆ رۆژناما ئەڤرۆ دیار کر کو ئەڤ سالە ‏وەرگرتنا قوتابیان بۆ زانکۆ و پەیمانگەھان گەلەک ئاریشە و شاشی ھەبوون، قوتابی ‏ھەبوویە کو نمرەکا باش ئینایە و ب ئێکجاری ناڤێ وی نەھاتیە قوتابی ژی ھەبوویە ‏ناڤێ خوە ل جھەکی نڤیسیە و ناڤێ وی ل جھەکێ دی ھاتیە کو ب دلێ وی نینە ل ‏دووڤ نمرا وی، ئەڤە ژی بۆ ئەگەرێ وێ چەندێ کو گەلەک ژ دەرچوویێن قووناغا ‏‏12 ئامادەیی نەرازیبوونا خوە دیارکەن و گۆت: “زانکۆیا دھۆک شیانێن وەرگرتنا ‏چار ھزار و 500 قوتابیان ھەنە، ب تنێ ناڤێن زێدەتری دو ھزار و 700 ‏ڤەگەڕیاینە، ئەڤە ھەموو بوویە ئەگەرێ وێ چەندێ کارتێکرنەکا خراب ل سەر ‏زانکویێ بھێتەکرن”.‏

ناڤھاتی ئاماژە دا وێ چەندێ کو پشتی وان کۆمبوونەکا بەرفرەە دگەل وەزیرێ ‏خواندنا بلند و ڤەکۆلینێن زانستی ئەنجامدای سۆز ب وان ھاتیە دان کو ڤێ ئاریشێ ‏چارەسەر بکەن و ئەو جوداھیا د ناڤبەرا خولا ئێکێ و خولا دویێ دا بھێتە کێم کرن ‏بۆ سێ نمران کو جوداھیا وان ل ھندەک کۆلیژا 18 نمرە بووینە و گۆت: ” مە بۆ ‏وەزارەتا خواندنا بلند ئاشکرا کریە کو چو رێگریەک نینە کو ھەتا پێنج ھزار ‏کورسیێن خواندنێ بۆ قوتابیان ل زانکۆیا دھۆک بھێنە تەرخانکرن”.‏

سەرۆکێ زانکۆیا دھۆک سەبارەت گرتنا پشکێن ئێڤاریان ل زانکۆیا دھۆک دیار کر کو ‏گرتنا ڤان پشکان ب بڕیارا وەزارەتا خواندنا بلند بوویە، لەوڕا ئەو قوتابیێن ‏ڤەمایین دشێن بشێوەیەکێ ڤەگوھاستن بچیتە وێ پشکێ ل دەواما سپێدەھیان یان ‏ھەکە قوتابی رازی نەبیت ل سپێدەھیان دشێت ل پشکەکا دی یا زانستی بخوینیت کو ‏نێزیکی کونمرەیا وی قوتابی بیت و گۆت: “ئەم دێ ڤێ بڕیارێ بۆ وەزارەتا خواندنا ‏بلند بلندکەین ژ بەر گرتنا وان پشکێن زانستی داکو چارەسەریەکێ بۆ ببینن و مافێ ‏چو قوتابیان نەھێتە بەرزەکرن”.‏