NO IORG
نووترين نووچه
نووترين نووچه

ئەڤرۆ نیوز:
بریارە ل دووماھیا ڤێ ھەیڤێ بەریکانەیەکا ماراسونا پایسکلان ل ھەولێر بھێتە ئەنجامدان ژلایێ رێکخراوا کوچ یا نیڤدەولەتی ڤە ب ھەڤکاری دگەل حکومەتا ھەرێما کوردستانێ.
ئەڤ ماراسونە دێ یا ڤەکری بیت بۆ ھەر کەسەکێ بڤێت پشکداریێ بکەت ئەوا دێ ل رۆژا ئەینی یا دووماھیا ڤێ ھەیڤێ ھێتە ئەنجامدان، درێژاھیا ڤێ ماراسونێ دێ سێ کیلومەتربن ل باژێرێ ھەولێرێ ھێتە ئەنجامدان و دھێتە پێشبینی کرن زێدەتر ژ ٢٠٠ کەسان پشکداریێ د ڤێ ماراسونێ دا بکەن.
سایتێ ڤیچ رێکخراوێ ئاماژە دایە ڤی پەیامی و ئاشکرا کر کو ئەو دێ ڤێ بەریکانێ ئەنجامدەن پێخەمەت بەلاڤکرنا رەوشەنبیریا بکارئینانا پایسکلان ل شوونا ترومبێلا ژ لایێ ھاولاتیێن ھەرێما کوردستانێ ڤە داکو زێدەتر ئەڤ چەندە بیتە دیاردە پێخەمەت ساخلەمیەکا باشتر دیسان پاقژ راگرتنا ژینگەھێ ژی.
ھەمان ژێدەر ئەو چەندە ژی دیارکر ئەگەر ئەڤ ماراسونە ب سەرکەفتیانە ھاتە ئەنجامدان دێ ل ماوێ بھێت زێدەتر کار ل سەر ڤان جورە چالاکیان کەن.

ئەڤرۆنیۆز، سالار دۆسکی:
ھیفا حاجی میرخان ئەنداما خولا چارێ یا پەرلەمانێ کوردستانێ ئاشکرا کر کو حوکمەتا عیراقێ مووچە بتنێ بۆ ٤٨ ھزار پێشمەرگێ کوردستانێ تەرخانکریە و ئەڤە رێژەکا گەلەک کێمە، چنکو کوردستانێ پێشمەرگە گەلەک ھەیە و دیسان دڤێت حوکمەتا عیراقێ بەرچاڤ وەربگریت ھەکە پێشمەرگە نەبا نوکە بەغدا ژی ل بن دەستێ داعش بایە و بتنێ حوکمەتا بەغدا دڤێت کوردان رازی بکەت.
ھەمان ئەنداما خولا بەرێ یا پەرلەمانێ کوردستانێ ب دوور زانی بۆدجێ ھەرێما کوردستانێ زوو ل ل حوکمەتێ ب دووماھی بھێت و پێشبینی کر ل ئەیارا ٢٠١٩ ب دووماھی بھێت ژ حوکمەتێ و بگەھیتە پەرلەمانێ کوردستانێ.
ھیفایێ بەحسێ رەوشا دارایی یا ھەرێمێ ژی کر کو بەر ب باشبوونێ ڤە دچیت و ئەڤێ چەندێ ژی دەم بۆ دڤێـت چنکو قەر ل سەر ھەرێمێ ھەنە و ھەتا زڤرینت بۆ کۆمپانیان و ھەمان دەم دەست ب پرۆژا ژی بھێتەکرن ھەتا مووچە بەر ب باشبوونێ ڤە بچن.

ئەڤرۆ:‏

جێگرێ سوپاسالارێ ھێزێن پێشمەرگەی ل وەزارەتا پێشمەرگەی یا حوکمەتا ‏ھەرێما کوردستانێ دیار کر کو پرۆسا ھەڤگرتنا یەکێن 70 و 80 یێن ھێزێن ‏پێشمەرگەی دەستپێکریە و ھەموو دێ د چارچوڤێ لیوایێ دا بنە ئێک.‏

لیوا سالار جەباری، جێگرێ سوپاسالارێ ھێزێن پێشمەرگەی ل وەزارەتا ‏پێشمەرگەی یا حوکمەتا ھەرێما کوردستانێ بۆ مالپەرێ فەرمی یێ پارتی ‏دیموکراتی کوردستان ئاشکرا کر کو بڕیارەک ل وەزارەتا پێشمەرگەی ھەیە د ‏چارچوڤێ پرۆژە چاکسازیێ دا ئەو ژی رێکخستن و ھەڤگرتنا ھێزێن پێشمەرگەی ‏یە د چارچوڤێ لیوایان دا ژ بەر ڤێ چەندێ نوکە ئەڤ پرۆسە دەستپێکریە و ‏ھەموو ھێزێن یەکێن 70 و 80 دێ بنە ئێک و دێ بنە لیوا ھەڤشێوەیێ وان 14 ‏لیوایێن د دەمێ بۆری دا ھاتینە دروستکرن.‏

ئه‌ڤرۆ نيوز، نيوار محه‌مه‌د سه‌ليم:

سه‌رۆكێ جڤاتا پارێزگه‌ها نه‌ينه‌وا راگه‌هاند كو نها بڕياره‌ ده‌ركه‌فتيه‌ كو ئه‌و وه‌لاتيێن ده‌ڤه‌را شنگال يێن خانيێن وان هاتينه‌ خرابكرن، دشێن سولفا ئاڤاهيان وه‌ربگرن هه‌كه‌ خانيێن وان تاپۆ ژى نه‌بن.

سه‌يدۆ چه‌تۆ، سه‌رۆكێ جڤاتا پارێزگه‌ها نه‌ينه‌وا د داخۆيانيه‌كێ دا بۆ ئه‌ڤرۆ نيوز گۆت: “ب ره‌نگه‌كێ گشتى هه‌موو وه‌لاتى دشێن سولفا ئاڤاهيان وه‌رگرن ب ره‌نگه‌كى هه‌كه‌ يا بێ مفا بيت 30 مليۆن دينار و هه‌كه‌ مفايه‌كێ بچووك ل سه‌ر بيت 50 مليۆن دينار، به‌لێ مه‌رجێ ئێكێ ئه‌وه‌ ئه‌رد يێ تاپۆ كرى بيت”.

زێده‌تر گۆت: “ژ به‌ر كو ئه‌ردێ پتريا خه‌لكێ شنگال نه‌يێ تاپۆ كريه‌ و ل سه‌ر ناڤێ وان نينه‌، تايبه‌تمه‌نديه‌ك بۆ وان هاتيه‌ دان و ئه‌و دشێن بێ تاپۆ ژى سولفا ئاڤاهيان وه‌ربگرن”.

سه‌رۆكێ جڤاتا پارێزگه‌ها نه‌ينه‌وا ئاشكه‌را ژى كر كو هه‌ر وه‌لاتيه‌كێ ده‌ڤه‌را شنگال بڤێت ڤه‌گه‌ريته‌ جهێ خوه‌ و خانيێ خوه‌ نووژه‌ن بكه‌ت دشێت مفاى ژ وان قه‌ران وه‌ربگريت خوه‌ هه‌كه‌ خانيێ وى تاپۆ ژى نه‌بيت، ب رێيا وه‌رگرتنا په‌سه‌نده‌كێ ژ موختارێ تاخێ خوه‌ و قايمقامێ شنگال يێ شه‌رعى يان ژى رێڤه‌به‌ريا ناحيێ.

ب ره‌نگه‌كێ گشتى خانى ل ده‌ڤه‌را شنگال يێن قه‌زا و ناحيه‌ و كۆمه‌لگه‌هـ و گۆندانن، پتريا وان ژى تاپۆ پێ نينن، ژ به‌ر هندێ ژى به‌رى نوكه‌ نه‌دشيان مفايى ژ وێ سولفێ وه‌ربگرن.

وێنه‌: ئه‌رشیف

ئەڤرۆ نیوز، رێوار مزیری:‏

‎جێگرێ سەرۆک ئەرکانێ ئۆپەراسیۆنێن وەزارەتا پێشمەرگەی یا حوکمەتا ھەرێما ‏کوردستانێ ئاشکرا کر کو ئەمریکا ژ وی قەرێ دایە عیراقێ نێزیکی 150 ملیۆن دۆلاران بۆ ‏ھەرێما کوردستانێ نە و ب وی پارەی دو لیوایێن پێشمەرگەی دێ ھێنە پر چەک کرن.‏

لیوا قارەمان کەمال، جێگرێ سەرۆک ئەرکانێ ئۆپەراسیۆنێن وەزارەتا پێشمەرگەی یا ‏حوکمەتا ھەرێما کوردستانێ بۆ ئەڤرۆ نیوز دیار کر کو عیراقێ بۆ کرینا چەک و ‏تەقەمەنیان کوژمەکێ پارەی ژ ئەمریکا قەر کریە و 150 ملیۆن دۆلار ژ وی پارەی بۆ ‏ھێزێن پێشمەرگەی ھاتیە تەرخانکرن و حوکمەتا عیراقێ ژی رازەمەندیا خوە ل سەر دیار ‏کریە و گۆت: “مە ژی بڕیار دایە ب وی پارەی دو لیوایێن ھێزێن پێشمەرگەی کو ھاتینە ‏دیارکرن ئامادە و پرچەک بکەین و ھەموو پێدڤیێن لەشکری بۆ دابین بکەین”.‏

ناڤھاتی ئاماژە دا وێ چەندێ کو ئەو پارێ بۆ وەزارەتا پێشمەرگەی ھاتیە تەرخانکرن قەرە ‏و حوکمەتا عیراقێ دێ دەتە ئەمریکا نە حوکمەتا ھەرێمێ، چونکی ئەو پارێ دێ دەن پشکا ‏ھەرێما کوردستانێ یە ژ وی قەری و گۆت: “چاڤەرێ دھێتەکرن ل دەستپێکا سالا نوو ئەو ‏پارە بگەھێتە ھەرێما کوردستانێ و ھەر دەمێ گەھشت دێ دەست ب پر چەک کرنا وان دو ‏لیوایێن ھێزێن پێشمەرگەی کەین”.‏

ئه‌ڤرۆ نيوز، سالار دۆسكى:

ئه‌ڤرۆ ل پارێزگه‌ها دهۆكێ ژى وه‌كو گه‌له‌ك ده‌ڤه‌رێن دى، بازارێ وێ ب هه‌لكه‌فتا رۆژا ژ دايكبوونا پێغه‌مبه‌رێ ئيسلامێ محه‌مه‌د سلاڤێن خودێ ل سه‌ر بن هاتيه‌ خه‌ملاندن هه‌ر وه‌كو د ڤان وێنان دا ديار.

مه‌ولود محه‌مه‌د مه‌ولود محه‌مه‌د 9 [Desktop Resolution] [Desktop Resolution] 8 [Desktop Resolution] [Desktop Resolution] 7 [Desktop Resolution] [Desktop Resolution] مه‌ولود محه‌مه‌د مه‌ولود محه‌مه‌د 4 [Desktop Resolution] [Desktop Resolution] 2 [Desktop Resolution] [Desktop Resolution] 1 [Desktop Resolution] [Desktop Resolution]

ئەڤرۆنیۆز، سالار دۆسکی:

د. دیار تەیب، ئەندامێ جڤاتا نوونه‌رێن عیراقێ ژ فراکسیۆنا پارتی دیموکراتی کوردستان بۆ ئەڤرۆ نیۆز گۆت: ب گشتی خالێن ناکوک د ناڤبەرا ھەرێمێ و بەغدا دا بەر ب چارەسەربوونێ ڤە دچن، بەغدا دیارکریە کو دێ رێژەکێ ژ بۆدجێ بۆ پێشمەرگەی ھێـتە تەرخانکرن وەک پشکەک ژ ھێزێن سەر عەرد ل عیراقێ، رێژە نەھاتیە دیارکرن و کا دێ چەوا ھێتەدان، ھاتیە دیارکرن کو بۆ مووچێ پێشمەرگەی یە، لێ پێشمەرگەی بۆدجە بۆ چەکكرنێ و جلكان و راھێنان ژی دڤێت نە ب تنێ مووچە یە.

ئەو ژی گۆت: کوردان ب گشتی تێبینی ل سەر بۆدجێ ھەنە و ئەگەر 17% نەبیت دڤێت ل دووڤ رێژا وەزارەتا پلاندانا عیراقێ بیت 14% کو ل دووڤ رێژا خەلکی ئەوان تەخمین کریە و ئەڤە خالەکا ناکوکە.

ھەمان ئەندام پەرلەمان ئەو ژی ئاشکرا کر کو گەلەک ژ خالێن قانوونێ سەردەری ل گەل ھەرێما کوردستانێ ھاتیەکرن وەک پارێزگەهێن وێ، یان باکورێ عیراقێ نابیت ژبلی ھەرێما کوردستانێ چ ناڤێن دی بھێنە گۆتن چونکو چار پارێزگەھە و بەلاڤەکرنا داھاتێ ھەرێما کوردستانێ ب خوە ڤەدگریت.

ئەڤرۆ نیوز:

وەسا بریاره سوبەهی چارشه‌مبی‌ 21 چریا دویێ 2018، مووچێ هەیڤا 8 یێ 13دەستە و وه‌زاره‌تان بهێتە دابه‌شکرن.

هەروەسا خشتێ دابه‌شكرنا مووچێ وان دەستە و وه‌زاره‌تان دێ ب ڤی رەنگی بیت:

سوبەهی دێ مووچێ وەزارەتێن باژێرڤانی و گەشتوگوزارێ، كارەبێ ، ڤەگوهاستنێ، پلاندانانێ، چاندنێ و دیوانا چاڤدێری و دارایی.

هەروەسا دەستەیا مافێ مرۆڤی، دەستەیا دەڤەرێن كوردستانی یێن دەرڤەی هەرێمێ، دەستەیا ژینگەهێ،
دەستەیا وەبەرهێنانێ، دەستەیا دەستپاكیێ، كۆمسیۆنا بلند یا سەربەخۆیا هەلبژارتن و راپرسیێ، دەزگەهێ مینا، هێته دابەشکرن.

ئه‌ڤرۆ نيوز:

دادگه‌ها مافان ل ئورۆپا بڕيارا ئازادكرنا ده‌ميرتاش ده‌ركر

پارێزه‌رێ ده‌ميرتاش ئاشكه‌را كر كو دادگه‌هكرنا ده‌ميرتاش دژى قاوونێن نێڤده‌وله‌تى و توركيايه‌ و پێدڤيه‌ زوو بهێته‌ ئازادكرن.

 

ئەڤرۆ نیۆز، هۆشەنگ تاجر:

بایرام ئینجە ئێک بەرپرسێن هەدەپێ ژ ئامەدێ بۆ رۆژناما ئەڤرۆ دیار کر کو د کۆمبوونا سەرکردایەتیا هەدەپێ دا یا بۆ دەستنیشانکرنا بەربژاران بۆ پۆستێ هەڤسەرۆکاتیا باژێرڤانیێن باکورێ کوردستانێ گەلەک ژ سەرکردێن هەدەپێ پێشنیاز کرینە کو سەلاحەدین دەمیرتاش بۆ هەڤسەرۆکاتیا باژێرڤانیا مەزن یا ئامەدێ بهێتە بەربژارکرن و گۆت: (راستە نها دەمیرتاش ل زیندانێ دایە، لێ چو ئاستەنگیێن قانوونی ل هەمبەر بەربژارکرنا وی نینن و هەدەپە دخوازیت ب بەربژارکرنا دەمیرتاشی رێژەکا باش یا دەنگان ژی بدەستڤە بینیت).

ئەو یەک د دەمەکێ دایە کو بەری چەند رۆژان سەلاحەدین دەمیرتاش هەڤسەرۆکێ بەرێ یێ هەدەپێ کو نها ل زیندانێ یە دیار کربوو کو ئەو خوە بۆ چو پۆست و ئەرکەکێ دی بەربژار ناکەت، چونکو حوکمەتا تورکیا دخوازیت قەدەغەیا سیاسی دانیتە سەر من دا ب چو رەنگەکێ کارێ سیاسی نەکەم.

website security
WP Facebook Auto Publish Powered By : XYZScripts.com