ئه‌ڤرۆنيوز:

وه‌زيرێ كۆچ يێ كه‌نه‌دى، ئه‌حمه‌د حسێن، راگه‌هاند، كه‌نه‌دا سالانه‌ پێشوازيێ ل 40 هزار په‌نابه‌رێن دى دێ كه‌ت وهه‌تا سالا 2021 دێ ئه‌ڤ پرۆسه‌ يا به‌رده‌وام بيت وب ڤى شيوه‌ى هژمارا وان ژ 310 هزار كه‌سان دێ ل سالێن داهاتى 350 هزار كه‌سان بلند بيت.

ته‌له‌ڤزيۆنا CBC نيوز يا كه‌نه‌دى ل دۆر وێ چه‌ندێ دبێژيت” ئه‌وێن ژنوو دهێنه‌ كه‌نه‌دا دێ هژمارا ئاكنجيێن وێ ب رێژا 1% زێده‌كه‌ن ودێ كێميا ده‌ستێن كارى ل بازارێ ناڤخوه‌يى ژى پركه‌ت”.

وه‌زيرێ كۆچ يێ كه‌نه‌دى دبێژيت” مه‌ پێدڤيه‌كا مه‌زن يا ب وان كه‌سان هه‌ى ودچارچۆڤێ پلانه‌كا ئابوورى بۆ هه‌موو ده‌ڤه‌رێن كه‌نه‌دا كو ژ كێميا كرێكاران وهێزا كارى دنالن ورێژا كه‌سين ب سال ڤه‌چووى ژى ل وه‌لاتێ مه‌ يا زێده‌بووى”.

گۆت ژى”ل دووڤ وێ پلانێ دێ په‌نابه‌ر ب چه‌ند ساله‌كان دێ هێنه‌ وه‌رگرتن وكه‌نه‌دا دێ بيته‌ ئێك ژ هه‌ڤركێن ب هێز ل بازارێن جيهانێ ژروويێ راكێشانا باشترين شاره‌زا وخودان شيانان”.

دياركر”حوكمه‌تا نوكه‌ يا كه‌نه‌دى پرۆگرامه‌كێ دياركرى يێ هه‌ى سه‌باره‌ت كۆچێ، دخه‌ما وێ چه‌ندێ دايه‌ ژى ئه‌و كه‌سێن ژنوو دگه‌هنه‌ كه‌نه‌دا جهێن گونجاى بده‌ست وان بكه‌ڤن”.

جڤاتا راوێژكاريا ئابوورى يا سه‌ر ب حوكمه‌تا كه‌نه‌دى ڤه‌ ل سالا 2016 پێشنياز كربوو 450 هزار په‌نابه‌ر بهێنه‌ قه‌بوولكرن ودده‌مێ 3 سالان دا بهێنه‌ دناڤ كه‌نه‌دا دا.

ئه‌ڤرۆنيوز:

گۆڤاره‌كا ئه‌مريكى ئه‌ڤرۆ پێنجشه‌مبى 1/11/2018 به‌لاڤكر كو پشتى هه‌ر ئێك ژ عيراقێ وسووريێ، ئوردن دێ بيته‌ قوربانيا ده‌ستێ چه‌كدارێن داعشێ.

گۆڤارا (ناشنال ئینترێست) يا ئه‌مریكی به‌لاڤكر”وه‌لاتێ سيێ كو داعش دێ تێدا ب هێز بيت ئوردنه‌”.

دياركر ژى” هه‌رچه‌نده‌ ئوردن هه‌ڤپه‌يمانا ئه‌مريكايه‌ بۆ به‌رهنگاريا داعشێ ل ده‌ڤه‌رێ، به‌لێ ئه‌ڤ وه‌لاته‌ يێ دمه‌ترسيێ دا”.

گۆڤارا ناڤبرى ئاماژه‌ بۆ وێ چه‌ندێ ژى كر كو سێ هزار وه‌لاتيێن ئوردنى يێن دناڤ رێزێن داعشێ دا.