ئەڤرۆ نیوز:
سەعدی ئەحمەد ئەحمەد پیرە ئاختنکەرێ ب ناڤێ ئێکەتی نشتیمانی کوردستان راگەهاند کو ئەو وەکو ئێکەتی نشتیمانی کوردستان رەت دکەن.
داخواز ژی ژ نوونەرێن خوە کر کو ئیمزایێ ل سەر ئەنجامێن هەلبژارتنان نەکەن.
ژ لایێ خوە ڤە مەکتەبا هەلبژارتنان یا ئێکەتی نشتیمانی کوردستان راگەهاند کو ئەوان بەلگە ل بەر دەست هەنە کو پارتی دیموکراتی کوردستان ل دهۆک و هەولێر پێشێلکاری هاتینە کرن.
قوباد تەلەبانی سەرۆکێ لیستا ئێکەتی نشتیمانی کوردستان و جێگرێ سەرۆکێ حوکمەتا هەرێما کوردستانێ راگەهاند کو هێشتا زوویە ئەنجامان قەبوول بکەن.
سەبری سلێڤانەیی کەساتیێ بەرنیاسێ ئێکەتیێ و چاڤدێرێ وێ پارتیێ ل ئێک ژ بنگەهێن دەنگدانێ راگەهاند کو ئەوان دو سکالا تۆمار کرینە و گۆت: ب تنێ دو سکالا مە تۆمار کرینە و چو تشتێ هەژی بەحسکرنێ نەبوویە.
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان ھۆشداریێ ددەت ل سلێمانیێ گەف ل نونەرێن پارتی دھێنەکرن و ھێزێن چەکدار دھێنە بکارئینان بۆ سەختەکاریان.
رزگار ئەژی گۆران، بەرپرسێ دەزگەھێ ھەلبژارتنێن پارتی ل سلێمانی و ھەلەبجە بۆ ئەڤرۆ نیۆز دیارکر” ژلایێ ئێکەتیێ ڤە گەف ل بریکارێن لایەنێن سیاسی و کارمەندێن کۆمسیۆنێ دھێنەکرن و سەختەکاریێن مەزن ھاتینەکرن ل دەنگدانا ئەڤرۆ دا، ژبەرکو بڕیارێن کۆمسیۆنێ وەکی خوە ناھێنە بجە ئینان و دەنگدەرێن لایەنەکێ سیاسی بێ بەلگە یێ دەنگی ددەن.
ئەڤی بەرپرسێ پارتی ئاشکراکر” گەف ل نونەرێن پارتی و لایەنێن سیاسی ھاتینەکرن و مە وەک پارتی دیموکراتی کوردستان چەندین سکالا تۆمارکرینە و دێ ب ڕێیا قانوونێ داخوازا مافێ وەلاتیان بکەین.
رزگار ئەژی گۆران ئاماژەکر” ل چەند بنگەھێن دەنگدانێ ھێزێن چەکدار ھاتینە کۆمکرن و تەقە ل بنگەھەکێ دەنگدانێ ھاتیە کرن، لەوڕا ھەگەر پڕۆسە بڤی شێوەی بڕێڤەبچیت دێ دەنگدان کەڤیتە بن پرسیارێ.
ئەڤرۆ نیۆز، قائید میرۆ:
ئەڤرۆ دگەل دەستپێکرنا پڕۆسا دەنگدانێ بۆ پەرلەمانێ کوردستانێ ھەردو سەرکردەیێن حزبا شوعی یا کوردستانێ سەرەدانا بنگەھێن دەنگدانێ کرن ژبۆی دەنگێ خوە بدەن، بەلێ رێگری ل ئەڤان ھەردو سەرکردەیان ھاتەکرن دەنگێ خوە بدەن.
گورەی زانیاریێن دەست ئەڤرۆ نیۆز کەفتی ئەگەرێ رێکنەدان ب دەنگدانا وان دو سەرکردەیان بۆڤێ چەندێ ڤەدگەڕیت تەمەنێ وان ل ٩٠ سالیێ بۆریە و گورەی بڕیارا کۆمسیۆنێ نەشێن دەنگێ خوە بدەن.
ژلایێ خۆڤەژی بھائەدین نووری سەرکردەیێ بەرێ یێ حزبا شوعی بۆ دەزگەھێن راگەھاندنێ دیار” دێ ھەمبەر بێ بەھرکرناوی ل پڕۆسا دەنگدانێ سکالایێ لسەر کۆمسیۆنا بلندا ھەلبژارتنێن ھەرێما کوردستانێ تۆمار بکەت و ل مافێ خوە خۆشنابیت.
ئه‌ڤرۆ نیوز، نه‌وزاد هلۆرى:
كومسیونا بلند یا سه‌ربخوه‌ى یا هه‌لبژارتن و راپرسێ یا هه‌رێما كوردستانێ دیاركر كو پرۆسا هه‌لبژارتنان دێ د ده‌ما خوه دا هێته دوماهى ئینان و چوو ده‌مژمێر بو ده‌نگدانێ ناهێنه درێژكرن.
رێزان حه‌مه ره‌شید ئه‌ندامێ جڤاتا كومسیاران یا سه‌ر ب كومسیونا بلند یا هه‌لبژارتن و راپرسێ د كونگره‌یه‌كێ رۆژنامه‌ڤانى دا دایه دیاركرن كو چوو بریارێن كومسیوونێ بو هه‌لبژارتنان ناهێنه گوهرین و دێ ب تمام پێگیریێ ب وان بریار و رێنمایان كه‌ن یێن كو هاتینه به‌لاڤكرن و گۆت: (ده‌مژمێر 6:00ێ ئێڤارى پرۆسه‌یا هه‌لبژارتنان دێ هێته راگرتن و ب چوو شێوه‌یان ناهێته زێده‌كرن ، و هه‌ر ده‌نگه‌كێ پشتى ده‌مژمێر 6:00 بهێته‌دان ناهێته هژمارتن).
زێده‌تر گۆت: (كومسیونێ ژوره‌كا عه‌مه‌لیاتان پێكئینایه و نونه‌رێن هه‌موو لیست و قه‌وارێن سیاسى تێدانه، و دنهادا ب چوو شێوه‌یان وه‌لاتى نكارن ب تنێ ب ره‌گه‌زنامێ نابیت ده‌نگێ خوه بده‌ن به‌لكو دڤێت لگه‌ل خوه ناسناما بارێ كه‌سایه‌تى ل گه‌ل خوه بینن).
ئەڤرۆ نیۆز، قائید میرۆ:
چاڤدەرەکێ سیاسی ئاشکراکر، بڕیارێن کۆمسیۆنێ یێن شەڤا بۆری ژبۆی رێگری کرنێ بو ل بزاڤێن سەختەکاریان د پڕۆسا ھەلبژارتنێن پەرلەمانێ کوردستانێ دا.
دلزار حەسەن، چاڤدێرێ سیاسی بۆ ئەڤرۆ نیۆز دیارکر” بڕیارێن کۆمسیۆنا بلندا ھەلبژارتنێن د شەڤا بۆری دا جھێ خوەدا بوون، ژبەرکو وەک ھاتیە بەلافکرن لایەنەکێ سیاسی دخواست سەختەکاریێن مەزن د پڕۆسا ھەلبژارتنێن پەرلەمانێ کوردستانێ بکەت و دخواست بەلگەنامەیێن دەنگدانێ بھێتە دروستکرن و ساختەکرن، بەلێ بڕیارێن کۆمسیۆنێ ٩٥%ێ ئەف بزاڤێن سەختەکاری کرنێ کێم کرینە.
دلزار حەسەن ئاماژەکر” پێشبینی دھێتەکرن دانێ ئێڤای ھژمارا دەنگدەران زۆر زێدەببیت، ژبەرکو خەلکێ مە زۆربەیا وان دانێ سپێدێ ژبەر ترسا سڕایێ د بەر دەرگەھێن بنگەھێن دەنگدانێ دانێ ئێڤاری دێ دەنگێ خوە بدەن.
ئه‌ڤرۆ نيوز، نيوار محه‌مه‌د سه‌ليم:
كاوه عه‌بدولعه‌زيز ئێك ژ نوونه‌رێن تۆڕا چاڤ يا رێكخراوێن نه‌حكومى ل پارێزگه‌ها دهۆكێ راگه‌هاند كو ئه‌وان ل سه‌رانسه‌رى پارێزگه‌ها دهۆكێ چاڤدێر هه‌نه و گۆت: “بۆ ڤان هه‌لبژارتن ب 864 چاڤدێران چاڤدێريا هه‌لبژارتنان دكه‌ت”.
زێده‌تر گۆت: “كۆمسيۆن وه‌كو به‌رى نوكه يا هاريكار نينه د ئاسانكاريان دا بۆ وه‌لاتيان دا كو بشێن ده‌نگێن خوه بده‌ن”.
دا زانين ژى كو ئه‌و بڕيارا شڤێدى دايى كو هه‌كه ناسناما عيراقى بيت، پێدڤيه يا بارێ كه‌ساتى ژى ل گه‌ل بيت، ئاسته‌نگ ل هه‌مبه‌ر وه‌لاتيان دروست كريه.
نيشاندان