ئه‌ڤرۆ نيوز:

به‌رى ده‌مه‌كێ كێم ل زاخۆ و د كۆنگره‌كێ رۆژنامه‌ڤانى، عه‌لى ته‌ته‌ر به‌رپرسێ لقا هه‌شت يا پارتى ديموكراتى كوردستان هاتنا 140 كه‌سان ژ ناڤ رێزێن هه‌ڤپه‌يمانيێ بۆ ناڤ رێزێن پارتى ديموكراتى كوردستان راگه‌هاند.

د به‌رامبه‌ر دا، به‌رپرسێ تايێ باتيفا يێ هه‌ڤپه‌يمانيێ و ئه‌ندامێ جڤاتا زاخۆ د كۆنگره‌كێ رۆژنامه‌ڤانى دا راگه‌هاند كو سۆزێن د. به‌رهه‌م چو د راست نه‌بوون و گۆت: “د. به‌رهه‌م وه‌كو گۆتنێن خوه‌ ده‌رنه‌كه‌فت”.

دا زانين ژى كو د. به‌رهه‌م وه‌سان بۆ وان دياركربوو كو دێ هنگى ڤه‌گه‌ريته‌ ناڤ ئێكه‌تيێ ده‌ما مام جه‌لال دڤه‌گه‌ريته‌ ژيانێ و ئه‌ڤه‌ ژى چو جاران نابيت.

د به‌رامبه‌ر دا، د. عه‌لى ته‌ته‌ دا زانين ژى كو ئه‌و دگه‌شبينن كو ئه‌ڤ كۆما گه‌نجان ڤه‌گه‌رياينه‌ ناڤ پارتى پشتى بێ رێزى ل هه‌مبه‌ر ده‌نگێن وان هاتينه‌ كرن و كرين و فرۆتن ب ده‌نگێن وان هاتيه‌ كرن.

به‌رپرسێ لقا هه‌شت يا پارتى ديموكراتى كوردستان د وى كۆنگرێ رۆژنامه‌ڤانى دا گره‌نتى ژى دا وان و خه‌لكێ كوردستانێ كو ل گه‌ل پارتى ديموكراتى كوردستان ده‌نگێن وان ب هه‌روه‌ ناچن.

ئه‌ڤرۆ نيوز، نيوار محه‌مه‌د سه‌ليم:

ئەو کوردێ فەیلی یێ خوە بۆ پۆستێ سەرۆک کۆمارێ عیراقێ بەربژێر کری راگەھاند کو ژ لایێ چو پارتەکا ‏کوردستانی و عیراقێ ڤە ناھێتە پشتەڤانیکرن، بەلێ وەکو ئەو ب خوە دبێژیت کوردێن فەیلی دێ پشتەڤانیێ ‏لێ کەن.‏

پرۆفیسۆر د. کەمال عەزیز کەیتولی، مامۆستایێ کولیژا نوشدار ل زانکۆیا دھۆک رۆژا پێنجشەمبی ل بەغدا ‏خوە بۆ پۆستێ سەرۆک کۆماریێ بەربژێر کریە و سیڤیێ خوە پێشکێشکی لژنا قانوونی کریە.‏

کەمال عەزیز کەیتولی راگەھاند کو پەیوەندیا وی ل گەل پارت و کەساتیێن کوردستان و عیراقێ یا باشە، خوە ‏ژ ھەژی پۆستێ سەرۆک کۆمارێ عیراقێ ژی دزانیت و گۆت: “دڤێت سەرۆک کۆمار کەسەکێ سەربەخۆ بیت و ‏شارەزا د سیاسەتا نێڤدەولەتی و دبلۆماسی دا ھەبیت و ئەڤ شیانە یێ ل دەف من ھەین”.‏

زێدەتر دبێژیت: “بەری سیڤیێ خوە پێشکێش بکەم، من بزاڤ کر ھەماھەنگیێ ل گەل پارتێن کوردستانێ بکەم ‏و من نامە بۆ پارتی دیموکراتی کوردستان و چەند لایەنێن دی ھنارت، بەلێ بەرسڤا ناما من نەھاتیە دان و ‏نوکە ژی ب تنێ کوردێن فەیلی پشتەڤانیا من دکەن”.‏

د. کەمال عەزیز ل سالا 1954ێ ل بەغدا ژ دایکبوویە و ماستەر و دکتورا د کیمیا نوشداری دا ل بریتانیا ب ‏دەست ڤە ئینایە، بەری سالا 2009ێ بۆ ماوێ چار سالان نوونەرێ حوکمەتا ھەرێمێ بوویە ل رۆژھەلاتێ ‏ئاسیا.‏

دەربارەیی ئارمانجێن خوە ژی، د. کەمال عەزیز دبێژیت: “من ھەردەم بزاڤ کریە خزمەتا گەلێ خوە بکەم، ل ‏سالا 1991ێ من ئەو نەھامەتیە دیت یا ب سەرێ کوردان ھاتی، ئەز ئەو کەس بووم یێ من بزاڤ کری ‏دەڤەرەکا دژی فرینێ و دەڤەرەکا ئارام بۆ باشوورێ کوردستانێ بھێتە دروستکرن، ئەڤە ژی کارەکێ باش بوو. ‏نوکە ژی من دڤێت ب رێیا وی پۆستی خزمەتا ھەموو گەلێ عیراقێ ب کورد و ھەموو پێکھاتێن وێ ڤە بکەم.‏

دا زانین ژی کو نوکە ل جیھانێ ھەموویێ کەسانێن سەربەخۆ یێن دشێن ھەموو لایەنێن سیاسی کۆم بکەن ‏خوە بەربژێر دکەن، ل کوردستانێ ژی ھەموو لایەنێن سیاسی نەشیاینە کەسەکێ حزبی دەست نیشان بکەن ‏بۆ ڤی پۆستی کو مافێ کوردانە و گۆت: “ژ بەر ھندێ ژی ئەڤە 40 سالە ئەز خزمەتێ دکەم وەکو کەسەکێ ‏بێ لایەن و ژ لایێ زانستی ڤە کەسەکێ پێگەھشتی مە و ژ ھەژی مە بۆ ڤی پۆستی بھێنە ھەلبژارتن ژ بەر کو ‏پرۆفیسۆرم”.‏

دەربارەیی وێ چەندێ کو پۆستێ سەرۆک کۆماریێ یێ بێ دەستەلاتە و تشتەکێ رەمەزی یە، بەربژێرێ ‏سەرۆک کۆماریێ گۆت: “ئێک ژ ئەگەرێن وێ چەندێ کو دێ خوە بەربژار کەم ئەوە کو سەرۆک کۆمارێن بەری ‏نوکە چو دەستەلات نەداینە خوە، ب گۆرەیی دستووری ماددێ 73 یێ دستوورێ عیراقێ دەستەلاتێن سەرۆک ‏کۆماری گەلەک ب ھێزن، بەلێ ھەکە کەسەک نەشێت کار پێ بکەت یان نەڤێت کارەکی بکەت، دێ چاوان کار ‏کەت”.‏

د. کەمال زێدەتر گۆت: “سەرۆک کۆمارێ عیراقێ نیشانا ھەبوونا پێکھاتێن عیراقێ یە و نە تشتەکێ نیشانی ‏یە، ھەکە دەستەلاتێ نەدەن ژی ئەز دێ دەمە خوە و شول کەم و دەستەلاتێ دەمە خوە”.‏

ل دووماھیێ ژی گۆت: “خەلک وەسان ھزر دکەت کو حزبی مە، بەلێ د راستی دا کەسەکێ سەربەخۆ مە و ‏بابێ من ژی پارتیەکێ ب ھێز بوویە و من ژی چار سالان ل رۆژھەلاتێ ئاسیا ل گەل حوکمەتا ھەرێما ‏کوردستانێ کار کریە. ئەز ل سەر وێ چەندێ کار دکەم کو وەکو کەسەکێ سەربەخۆ بۆ سەرۆک کۆماریا ‏عیراقێ بھێمە ھەلبژارتن و ل سەر ئاستێ عیراقێ ھەموویێ دھێمە نیاسین”.‏

مامۆستایەکێ زانکۆیا دھۆک بەربژارێ سەرۆک کۆماریێ یە
د. کەمال کەیتولی: ئەو کەسێن بەری نوکە ئەو پۆست وەرگرتی ڤالاتیەکا مەزن یا خستیێ

ئەو کوردێ فەیلی یێ خوە بۆ پۆستێ سەرۆک کۆمارێ عیراقێ بەربژێر کری راگەھاند کو ژ لایێ چو پارتەکا ‏کوردستانی و عیراقێ ڤە ناھێتە پشتەڤانیکرن، بەلێ وەکو ئەو ب خوە دبێژیت کوردێن فەیلی دێ پشتەڤانیێ ‏لێ کەن.‏
پرۆفیسۆر د. کەمال عەزیز کەیتولی، مامۆستایێ کولیژا نوشدار ل زانکۆیا دھۆک رۆژا پێنجشەمبی ل بەغدا ‏خوە بۆ پۆستێ سەرۆک کۆماریێ بەربژێر کریە و سیڤیێ خوە پێشکێشکی لژنا قانوونی کریە.‏
کەمال عەزیز کەیتولی راگەھاند کو پەیوەندیا وی ل گەل پارت و کەساتیێن کوردستان و عیراقێ یا باشە، خوە ‏ژ ھەژی پۆستێ سەرۆک کۆمارێ عیراقێ ژی دزانیت و گۆت: “دڤێت سەرۆک کۆمار کەسەکێ سەربەخۆ بیت و ‏شارەزا د سیاسەتا نێڤدەولەتی و دبلۆماسی دا ھەبیت و ئەڤ شیانە یێ ل دەف من ھەین”.‏
زێدەتر دبێژیت: “بەری سیڤیێ خوە پێشکێش بکەم، من بزاڤ کر ھەماھەنگیێ ل گەل پارتێن کوردستانێ بکەم ‏و من نامە بۆ پارتی دیموکراتی کوردستان و چەند لایەنێن دی ھنارت، بەلێ بەرسڤا ناما من نەھاتیە دان و ‏نوکە ژی ب تنێ کوردێن فەیلی پشتەڤانیا من دکەن”.‏
د. کەمال عەزیز ل سالا 1954ێ ل بەغدا ژ دایکبوویە و ماستەر و دکتورا د کیمیا نوشداری دا ل بریتانیا ب ‏دەست ڤە ئینایە، بەری سالا 2009ێ بۆ ماوێ چار سالان نوونەرێ حوکمەتا ھەرێمێ بوویە ل رۆژھەلاتێ ‏ئاسیا.‏
دەربارەیی ئارمانجێن خوە ژی، د. کەمال عەزیز دبێژیت: “من ھەردەم بزاڤ کریە خزمەتا گەلێ خوە بکەم، ل ‏سالا 1991ێ من ئەو نەھامەتیە دیت یا ب سەرێ کوردان ھاتی، ئەز ئەو کەس بووم یێ من بزاڤ کری ‏دەڤەرەکا دژی فرینێ و دەڤەرەکا ئارام بۆ باشوورێ کوردستانێ بھێتە دروستکرن، ئەڤە ژی کارەکێ باش بوو. ‏نوکە ژی من دڤێت ب رێیا وی پۆستی خزمەتا ھەموو گەلێ عیراقێ ب کورد و ھەموو پێکھاتێن وێ ڤە بکەم.‏
دا زانین ژی کو نوکە ل جیھانێ ھەموویێ کەسانێن سەربەخۆ یێن دشێن ھەموو لایەنێن سیاسی کۆم بکەن ‏خوە بەربژێر دکەن، ل کوردستانێ ژی ھەموو لایەنێن سیاسی نەشیاینە کەسەکێ حزبی دەست نیشان بکەن ‏بۆ ڤی پۆستی کو مافێ کوردانە و گۆت: “ژ بەر ھندێ ژی ئەڤە 40 سالە ئەز خزمەتێ دکەم وەکو کەسەکێ ‏بێ لایەن و ژ لایێ زانستی ڤە کەسەکێ پێگەھشتی مە و ژ ھەژی مە بۆ ڤی پۆستی بھێنە ھەلبژارتن ژ بەر کو ‏پرۆفیسۆرم”.‏
دەربارەیی وێ چەندێ کو پۆستێ سەرۆک کۆماریێ یێ بێ دەستەلاتە و تشتەکێ رەمەزی یە، بەربژێرێ ‏سەرۆک کۆماریێ گۆت: “ئێک ژ ئەگەرێن وێ چەندێ کو دێ خوە بەربژار کەم ئەوە کو سەرۆک کۆمارێن بەری ‏نوکە چو دەستەلات نەداینە خوە، ب گۆرەیی دستووری ماددێ 73 یێ دستوورێ عیراقێ دەستەلاتێن سەرۆک ‏کۆماری گەلەک ب ھێزن، بەلێ ھەکە کەسەک نەشێت کار پێ بکەت یان نەڤێت کارەکی بکەت، دێ چاوان کار ‏کەت”.‏
د. کەمال زێدەتر گۆت: “سەرۆک کۆمارێ عیراقێ نیشانا ھەبوونا پێکھاتێن عیراقێ یە و نە تشتەکێ نیشانی ‏یە، ھەکە دەستەلاتێ نەدەن ژی ئەز دێ دەمە خوە و شول کەم و دەستەلاتێ دەمە خوە”.‏
ل دووماھیێ ژی گۆت: “خەلک وەسان ھزر دکەت کو حزبی مە، بەلێ د راستی دا کەسەکێ سەربەخۆ مە و ‏بابێ من ژی پارتیەکێ ب ھێز بوویە و من ژی چار سالان ل رۆژھەلاتێ ئاسیا ل گەل حوکمەتا ھەرێما ‏کوردستانێ کار کریە. ئەز ل سەر وێ چەندێ کار دکەم کو وەکو کەسەکێ سەربەخۆ بۆ سەرۆک کۆماریا ‏عیراقێ بھێمە ھەلبژارتن و ل سەر ئاستێ عیراقێ ھەموویێ دھێمە نیاسین”.‏

ئەڤرۆ نیۆز، قائید میرۆ:

رۆژانە ھاتنا ئەندام و لایەنگرێن حزبا دکتۆر بەرھەم سالحی پەیوەندیێ ب رێزێن پارتی دیموکراتی کوردستان دکەن و ددەمێ دوو رۆژێن بۆری داژی 300 ئەندام و لایەنگرێن ھەڤپەیمانیێ سەنگەرێ خوە ڤەگوھاستیە ناڤا رێزێن پارتی.

حەیدەر شێخ کەمال، کارگێڕێ لقێ 23ێ یێ مەخموور بۆ ئەڤرۆ نیۆز ئاشکراکر” ل چەند رۆژێن بۆری ھژمارەکا بەرچاف یا ئەندام و لایەنگرێن حزبا دکتۆر بەرھەم سالح ل سنورێ قەزا مەخموور و لقا 23ێ دەست ژ ھەڤپەیمانیا دکتۆر بەرھەمی بەردایە و پەیوەندی ب رێزێن پارتی دیموکراتی کوردستانڤە کریە.

شێخ کەمال دیارکر” ھژمارا ئەندام و لایەنگرێن دکتۆر بەرھەمی دگەھیتە 300 کەسان و سۆزداینە دێ لسەر رێبازا پیرۆزا بارزانیێ نەمر درێژیێ ب خەباتا خوە بدەن و ئەو باوەری بۆ پەیدا بویە پارتی تاکە حزبە بەڕەڤانیێ ل مللەتی دکەت و دێ ئەوژی ب رێیا پارتی خزمەتا مللەتی بکەن.

ئەڤرۆ نیوز، عەزیز ھەورەمی:

ئه‌ڤرۆ ده‌مژمێر 2:00ى پشتى نيڤرۆ ل باژێرێ سلێمانيێ پارتى دێ كه‌رنه‌ڤاله‌كێ مه‌زن گێريت، ئاخفتنكه‌رێ جڤاتا سه‌ركرداتيا سلێمانى-هه‌له‌بچه‌ يا پارتى ژى ديار دكه‌ت كو دێ زێده‌ترى 15 هزار ئه‌ندام و لايه‌نگرێن پارتى پشكدار بن.

عه‌تا شێخ حه‌سه‌ن، ئاخفتنكه‌رێ جڤاتا سه‌ركرداتيا سلێمانى-هه‌له‌بچه‌ يا پارتى بۆ ئه‌ڤرۆ نيوز گۆت: “ئه‌ڤرۆ ده‌مژمێر 2:00ى پشتى نيڤرۆ ب ئاماده‌بوونا به‌رپرسێن بلندێن پارتى و زێده‌تر ژ 15 هزار ئه‌ندام و لايه‌نگرێن پارتى كه‌رنه‌ڤاله‌كێ مه‌زن دێ هێته‌ رێكخستن و به‌ربژارێن خوه‌ بۆ جه‌ماوه‌رى ده‌ينه‌ نياسين”.

عه‌تا شێخ حه‌سه‌ن گۆتژى: “كه‌رنه‌ڤال دێ ل جڤاتا سه‌ركرداتيا سلێمانى-هه‌له‌بچه‌ يا پارتى هێته‌ گێران و جه‌ماوه‌رێن سنورێ لقێ 11 يێ رانيێ و لقێ 12 يێ هه‌له‌بچه‌ و لقێ چار يێ ناڤ باژێرێ سلێمانيێ و لقێ 21 يێ ده‌وروبه‌رێن سلێمانيێ پشكداريێ تێدا كه‌ن”.

ئاخفتنكه‌رێ جڤاتا سه‌ركرداتيا سلێمانى-هه‌له‌بچه‌ يا پارتى دا زانين ژى كو ل سه‌ر رێنمايا سه‌رۆك بارزانى هه‌موو بانگه‌شا هه‌لبژارتنان ب ئاشتيانه‌ ب رێڤه‌ دبه‌ن و گۆت: “ب ره‌نگه‌كێ شارستانى كار دكه‌ين بۆ سه‌رخستنا ليستا ۱۸۳ يا پارتى و كانديدێن وێ”.

ب گۆره‌يى پێزانينێن ئه‌ڤرۆ نيوز سه‌رۆك مه‌سعود بارزانى دێ د كه‌رنه‌ڤالى دا پشكدار بيت و گۆتارا خوه‌ يا تايبه‌ت دێ هه‌بيت بۆ جه‌ماوه‌رێ سلێمانيێ و ئاماده‌بوويێن كه‌رنه‌ڤالى.