NO IORG
نووترين نووچه
نووترين نووچه

119

ئه‌ڤرۆ نیوز:

بو ئێكه‌مین جار ل پارێزگه‌ها دهوكێ رێكخراوا (ODRN) ب هه‌ڤكاریا رێڤه‌به‌ریا سه‌نته‌رێن ره‌وشه‌نبیرى و تیپێن هونه‌رى یا حوكمه‌تا هه‌رێما كوردستانێ، خوله‌كا تایبه‌ت ب مونتاج و رۆژنامه‌ڤانیا موبایلێ ل باژێرێ دهوكێ بو هژماره‌كا رۆژنامه‌ڤانان هاته‌ڤه‌كرن.

ئه‌میر ئه‌تروشى، سه‌رۆكێ رێكخراوا ODRN بۆ ئه‌ڤرۆ نیوز گۆت: (ب مه‌ره‌ما پێگه‌هاندن و فێركرنا رۆژنامه‌ڤانان ل سه‌ر چه‌وانیا چێكرنا راپورت و كارێن رۆژنامه‌ڤانى، بو ئێكه‌مجار ل سنوورى پارێزگه‌ها دهۆك خوله‌كا تایبه‌ت ب مونتاج و رۆژنامه‌ڤانیا موبایلێ ل كوردستان و پارێزگه‌ها دهۆك ل پانوراما ئازادى بو رۆژنامه‌ڤان و راهێنه‌ر نه‌وزاد هلۆرى هاته‌ ڤه‌كرن).

زێده‌تر گۆت: (خول ژلاێ رێكخراوا (ODRN) ب هه‌ڤكاریا رێڤه‌به‌ریا سه‌نته‌رێن ره‌وشه‌نبیرى و تیپێن هونه‌رى یا حوكمه‌تا هه‌رێما كوردستانێ هاتبویه‌ ڤه‌كرن و سێ روژان یا به‌رده‌وام بوو و تێدا 15 رۆژنامه‌ڤان و كه‌س پشكدارببوون و ب تیورى و پراكتیكى ب رێڤه‌چوو ، و دوماهیێ ژى باوه‌رنامه‌ لسه‌ر پشكداران هاتنه‌دان).

160

ئەڤرۆ نیوز ، زنار تۆڤی:

ئیدارا ترەمپی هێرشێ دکەتە سەر وان وەلاتان یێن کو بەردەوام نەفتا ئیرانێ دکرن و راگەهاندیە، هەر وەلاتەکێ هەتا رۆژا 4 هەیڤا 11 ئاستێ کڕینا نەفتا ئیرانێ نەگەهینیتە ئاستێ سفرێ، دێ روو ب روو مەترسیا سزایێن ئەمریکا بیت.

د کۆنفرانسەکێ رۆژنامەڤانیدا ل نیویۆرک، جۆن بۆلتن، راوێژکارێ ئاسایشا نیشتیمانی یا ئەمریکا راگەهاند، ئەم لێبۆرینێ بەرامبەر هەر وەبەرهێنانەکێ نابین، یێ کو وە دکەت کو شیانێن ئیرانێ د پەرەپێدانا ژێرخانا نەفت و گازا سروشتی بەرەف پێش ببەت.

جۆن بۆلتن، دبێژیت ژی چاڤەرێی هندێ دکەین کو بکرێن نەفتا ئێرانێ و ئاستێ هناردەکرنا نەفتێ هەتا رۆژا 4 هەیڤا 11 بگەهینینە ئاستێ سفرێ، هەکەر نە دێ روو ب روو مەترسیا سزا خستنەسەر بن، هەروەسا گۆتیە ، واشنتۆن دێ ژ خستنا گوشاران بۆ سەر ئیرانێ یا بەردەوام بیت و دێ ئیرانێ روو ب روو دو بژاران کەت،یان گۆهۆرینا رەفتارێن خوە، یان رامالینا ئابووری.

رۆژا 4 هەیڤا11 دێ قۆناغا دویێ یا گەمارۆیێن ئەمریکا بۆ سەر ئیرانێ دەستپێکەن، جۆن بۆلتنی گوتیە ژی پشتی رۆژا 5 هەیڤا 11 سەرۆک ترەمپی دڤێت گوشارێن دیتر، هەتا ل سەر رێککەفتنا ئەتۆمی ژی، ل سەر رژێما ئیرانێدا ب سەپینیت، داکو داهاتێ پێدڤی ب دەست نەکەڤیت بۆ پشتەڤانیکرنا دارایی بۆ چالاکیێن نەسەقامگیریێ.

218

ئه‌ڤرۆنيوز:

ب سه‌دان ئه‌ندامێن هه‌ر چار حزبێن ( ئێكه‌تى نيشتمانى كوردستان، بزاڤا گۆران، هه‌ڤپه‌يمانى بۆ ديموكراسى ودادپه‌روه‌رى ونه‌وه‌ى نوێ) ل سنورێ پارێزگه‌ها هه‌ولێرێ په‌يوه‌نديێ ب ريزێن پارتى ديموكراتى كوردستان دكه‌ن.

درێ وره‌سمه‌كى دا ل لقێ 16 پارتى، هاتنا ب سه‌دان ئه‌ندام ولاينگرێن وان هه‌ر چار حزبان بۆ ناڤ رێزێن پارتى هاته‌ راگه‌هاندن ب ڤى شێوه‌ى:

  • 200 ئه‌ندامێن هه‌ڤپه‌يمانيێ كو هنده‌ك ژوان ئه‌ندامێن ديار يێ وێ حزبێ ل هه‌ولێرێ.
  • ب ده‌هان ئه‌ندامێن ئێكه‌تى نيشتمانى كوردستان كو ژوان كارگێر وئه‌ندام مه‌لبه‌ند وبه‌پرسێن دى يێن حزبێ تێدانه‌.
  • رێكخه‌رێ جڤاتا قه‌زا خه‌بات يا گرۆپێ ( نه‌وه‌ى نوێ) ل گه‌ل 50 ئه‌ندامێن گرۆپى.
  • ب ده‌هان ئه‌ندام ولايه‌نگرێن بزاڤا گۆران.

بلند ئيسماعيل، به‌رپرسێ لقێ 16 يێ پارتى راگه‌هاند” ب سه‌دان كه‌سێن دى يێن هه‌ين كو نه‌شيان پشكداريێ درێ وره‌سمان دا بكه‌ن وهه‌موويان په‌يوه‌ندى ب رێزێن پارتى كريه‌”.

397

ئه‌ڤرۆنيوز:

پشتى كو ل ده‌زگه‌هێ راگه‌هاندنێ يێ نه‌فه‌رمى وسيبه‌ر يێن ئێكه‌تى نيشتمانى كوردستان هاتيه‌ به‌لاڤكرن ل گه‌ل زڤرينا به‌رهه‌م سالح بۆ ناڤ رێزێن ئێكه‌تيێ، كورسيێن هه‌ڤپه‌يمانيێ ژى كو ل هه‌لبژارتنێن په‌رله‌مانێ عرياقێ ب ده‌ستڤه‌ئيناين دێ چنه‌ سه‌ر كورسيێن ئێكه‌تيێ، سه‌رۆكێ نوو يێ هه‌ڤپه‌يمانيێ ئه‌و چه‌نده‌ ره‌تكر.

محه‌مه‌د ره‌ئووف، كه‌سێ ئێكێ يێ نوكه‌ يێ هه‌ڤپه‌يمانى بۆ ديموكراسيێ ودادپه‌روه‌ريێ

بۆ كوردستان تى ڤى گۆت” كورسيێن هه‌ڤپه‌يمانيێ مولكێ ده‌نگده‌رين مه‌يه‌ ونه‌چووينه‌ پال چو هێز ولايه‌نه‌كێ دى ونه‌چووينه‌ پال رێزێن ليستا ئێكه‌تيێ ل په‌رله‌مانێ عيراقێ”.

141

ئه‌ڤرۆنيوز:

ئه‌ندامێ به‌رێ يێ په‌رله‌مانێ عيراقێ ژ فراكسيۆنا بزاڤا گۆران ل به‌رپه‌رێ خوه‌ ل سه‌ر تۆرا جڤاكى يا فه‌يسبووكێ به‌لاڤكر، پێدڤيه‌ خه‌لكێ هه‌رێما كوردستانێ ل ڤان هه‌لبژارتنێن په‌رله‌مانێ كوردستانێ ئه‌زموونا سياسى يا 30 سالى يا وه‌لاتێ سه‌نگافۆرا بچه‌سپينن، ده‌نگى بده‌ن وێ حزبا ناڤه‌ندا بريارێ يا سه‌قامگير هه‌ى، ب راده‌يه‌كى كو ب تنێ بشێت حوكمه‌تێ پێكبينيت بۆ وێ چه‌ندێ پێنگاڤا ئێكێ يا چاكسازيا مه‌زن يا كارگێرى ودارايى وڤه‌ژاندنا ژێرخانا ئابوورى يا هه‌رێمێ ده‌ستپێ بكه‌ت بێ به‌ربه‌ستێن سياسى.

217

ئه‌ڤرۆ نیوز ، نه‌وزاد هلۆرى:

هێله‌كا په‌یوه‌ندیێ بو دوڤچوون ل سه‌ر كێشه‌ و ئاریشه‌ و هه‌وارچونا ژنان هاته‌ به‌رده‌ستكرن كو د حاله‌تێن نه‌خواستى و بله‌ز دا د هه‌وارا ژنان دا دچیت، ئه‌و ژى ب مه‌ره‌ما پاراستنا ژنان ل توندوتیژى و هه‌ره‌شه‌ و كوشتنێ.

كورده‌ عومه‌ر، رێڤه‌به‌رێ گشتیێ به‌رهنگاریا توندوتیژیێ دژى ژنان ل هه‌رێما كورستانێ دیاركر كو  ب مه‌ره‌ما روو ب رووبوونا هه‌ر توندوتيژیه‌كا دژى ژنان دهێته‌كرن، و ب مه‌ره‌ما پاراستنا ژنان ژ كوشتن و گه‌ف و كێشه‌یان، ‌وان هێله‌كا نوو بۆ هه‌وارهاتنا وان به‌رده‌ستكر و گۆت: (رێڤه‌به‌ریا گشتى یا به‌رهنگاربوونا توندوتيژيێ دژى ژنان ب هه‌ڤكارى ل گه‌ل رێكخراوا UNFPA رابوویه‌ ب دانانا هێلا گه‌رم یا هژمار 119 بو به‌رده‌ستكرنا ژنان و گه‌هاندنا هه‌ر زانیارى سكالایه‌كێ ل سه‌ر گه‌ف‌ و توندوتیژیێن ل سه‌ر وان دهێنه‌كرن داكو ب زوترین وه‌خت كێشا وان بهێته‌ چاره‌سه‌ركرن به‌رى كو ژن بكه‌ڤنه‌ دحاله‌تێن توندوتیژيێ و كوشتنێ دا).

زێده‌تر گۆت: (ئه‌ڤ هێله‌ دێ هێله‌كا هه‌وارچونێ بیت و بێ به‌رامبه‌ر خزمه‌تا ژنان دكه‌ت، و دیسان ب رێیا وێ هێلێ ژى ژن دشێن ب رێنمایى و هه‌ر تشته‌كێ قانونى و جڤاكى ژى وه‌ربگرن داكو نه‌كه‌ڤنه‌ چو حاله‌تێن نه‌ ئاسایى و خراپ دا).

166

ئه‌ڤرۆنيوز:

كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ راگه‌هاند، بۆ ده‌نگدانا تايبه‌ت ژبلى مۆرا كۆمسيۆنێ هه‌ر نيشانه‌كا دى ل كاغه‌زا ده‌نگدانێ هه‌بيت، ئه‌و كاغه‌ز دێ هێته‌ هه‌لوه‌شاندن.

كۆمسيۆنێ درۆهنكرنه‌كێ دا دياركر ژى” برگا 7 ژ خشتێ رۆهنكرنا چاوانيا دياركرنا ده‌نگێن دروست وهه‌لوه‌شياى به‌رپه‌رێ 33 ژ رێكارێن تايبه‌ت ب ده‌نگدانێ ڤه‌ وژێك جوداكرن وهژمارتنا ده‌نگان بۆ دنگدانا تايبه‌ت ناهێته‌ بجهئينان”.

1855

ئه‌ڤرۆنيوز:

وه‌زاره‌تا دارايى وئابوورى ل هه‌رێما كوردستانێ ل دووڤ به‌رنامێ به‌لاڤكرنا مووچان برياره‌ ل ده‌ستپێكا هه‌يڤا داهاتى ده‌ست ب به‌لاڤكرنا مووچان بكه‌ت.

ژێده‌ره‌كى ژ وه‌زاره‌تا دارايى وئابوورى بۆ ئه‌ڤرۆنيوز دياركر ل ده‌ستپێكا هه‌يڤا داهاتى دێ ده‌ست ب به‌لاڤكرنا مووچێ هه‌يڤا ته‌مووزا 2018 هێته‌ كرن.

زێده‌تر گۆت ” دبيت موچێ وه‌زاره‌تا په‌روه‌ردێ ل به‌راهيا هه‌موو وه‌زاره‌تێن دى بهێته‌ به‌لاڤكرن”.

503

ئەڤرۆنیۆز، سالار دۆسكی:

 ب بەرهەڤبوونا سەرۆك (مەسعود بارزانی) ژڤانە سوبە رۆژا پێنج شەمبی 27/8/2018  ل دەمژمێر چاری ئێڤاری ل یاریگەها یانا دهۆك یا وەرزشی ئاهەنگەكا جەماوەری یا مەزن وەك پشتەڤانی بۆ لیستا 183 یا پارتی و كاندیدێن پارتی بهێتە سازكرن.

ئەڤین حسێن، سەرۆكا لقا دهۆك یا سەندیكا هونەرمەندێن كوردستانێ‌ بۆ ئەڤرۆ نیۆز دياركر كو ئاهەنگ دێ‌ ببەرهەڤبوونا چەندین سترانبێژێن دەنگ خوەش هێتە برێڤەبرن  ژوانا هونەرمەندان(حەسەن شەریف، كاروان كامل) ل گەل هەردو هونەرمەندێن باكورێ‌ كوردستانێ‌(ملیسا، دیلا).

67

ئەڤرۆ نیوز ، زنار تۆڤی:

پشتی کۆمبوونا ل گەل د. فوئاد حسێنی، نوری مالکی راگەهاند، هیڤیا سەرکەتنێ بۆ بەربژارێ پارتی بۆ سەرۆک کۆماریێ دخوازین و ئەو دێ شێت هاریکارەکێ باش بیت بۆ چارەسەریا کێشێن هەولێر و بەغدا.

دەقێ ئاخفتنا نوری مالکی:

مە پرسا هەلبژارتنا سەرۆک کۆماری ل گەل برایێن پارتی دیموکراتی کوردستان گفتوگۆکر، مە گوهداریا پێشنیازێن وان یێن باش کر، وان پابەندبوونا خوە بۆ بەربژێرکرنێ بۆ پۆستێ سەرۆک کۆمار دووپاتکریە.

مە پێ باشە کورد ل سە بەربژارەکێ رێکبکەڤن، وەکو دزانین هەڤپەیمانیا کوردستانێ هەموو دەمان ئێۆ هەلویست هەبوویە ل بەغدا، هەکە ئەو رێککەفتنە نەهاتە کرن، مە دو بژاردە ل پێشن، یان نوونەرێن کورد دێ ل پەرلەمانی بەربژارەکێ هەلبژێرن، وەک چاوا د خولا بوریدا دناڤبەرا دکتۆر فوئاد مەعسومی و د. بەرهەمی دا ئێک هەلبژارتی، یان ژی لێک تێگەهشتنەک دروست ببیت ل پەرلەمانی و هەلبژارتن بهێنە کرن.

مە پەیوەندیەکا باش ل گەل هەردو لایەناندا هەیە، بەلێ مە ژێ دیتنا خوە هەیە کانێ کیژ زێدەتر د بەژەوەندا عێراقێدایە، هیڤیدارین برایێ مە فوئاد سەربکەڤیت، هیڤیخوازین پارتی دیموکراتی سەربکەڤیت، هیڤیخوازین کوردستان و هەرێما کوردستانێ بهێزڤە ل بەغدا ئامادەبن.

ب دلنیایی ڤە ئامادەبوونا د. فوئاد حسێنی ل بەغدا یا پێدڤیە، چونکی ل بەغدا ئاخفتن هەیە، کو هەبوونا وی ل بەغدا وان گۆتنان ناهلیت، ب دلنیاییڤە هەکە ئەو سەرۆک کۆمار بیت و بابێ مەسروری ژی (سەرۆک بارزانی) ل پشتا وی بیت دێ رەگەزەکێ بهێز و باش بیت.

نيشاندان1...1,0002,0001,2061,2071,2082,200...3,021زێده‌تر لاپه‌ر 1,207 ژ 3,021
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
89 queries in 0.629 seconds.
WP Facebook Auto Publish Powered By : XYZScripts.com