ئه‌ڤرۆ نيوز:
روسیا و رژێما ئەسەدی ل گەل ئیرانێ ب ھزاران ھێزێن سەربازی، تانک و تۆپێن گران ل سەر سنۆرێ ئدلبێ بجە کرینە و فرۆکێن شەری ژی بەردەوام ل بنگەھێن کۆمێن چەکدار ددەن و ب دەھان چەکدار ژ ئەنجاما ھێرشێن ئەسمانی ھاتینە کوشتن، تورکیا ژی ھاریکاریێن سەربازی ددەتە کۆمێن چەکدار و رەوشا ھەرێمێ گەلەک ئالۆز بوویە و نێزیکی ٦٠ ھزار کەسێن سڤیل ژ باژێر رەڤینە و بەرێ خوە داینە تورکیا لێ ھەتا نھا نەشیاینە دەربازی تورکیا ببن.
ل عەفرینێ ژی ھێزێن کوردی ھێرشێن خوە ل دژی کۆمێن چەکدار و تیرۆرست دژوارتر کرینە و ھژمارەکا کۆمێن چەکدار ژی خوە ژ ناڤەندا عەفرینێ ڤەکێشاینە و ل سەر سنۆرێ تورکیا بجە بووینە و ئەڤ کۆمێن چەکدار وەسا باوەر دکەن کو دێ تورکیا وان ب تنێ ھێلیت و ل گەل روسیا رێک بکەڤیت و بۆ ڤێ چەندێ ژی دخوازن دەربازی ئدلبێ ببن و د شەرێ ل دژی روسیا و رژێما ئەسەدی دا جیە بگرن. ھەروەسا ھێزێن کوردی د ناڤا ھەفتیەکی دا نێزیکی ٦٠ چەکدارێن تیرۆرست کوشتینە.
ل دووڤ ھندەک ژێدەران تورکیا ئەڤ دو رۆژن بزاڤێ دکەت کو روسیا رازی بکەت دا کو ب فرۆکێن شەری ھێرشێ ھێزێن کوردی بکەت لێ روسیا رازی نەبوویە کو تورکیا ب فرۆکێن شەری ھێرش بکەت و بۆ ڤێ چەندێ ژی کۆمێن چەکدار ناخوازن ل ناڤەندا باژێرێ عەفرینێ بمینن. دیسان بسپۆرێن سیاسی وەسا دبینن کو ئەمریکا و روسیا ل دۆر سووریەکا نوو رێککەڤتنەکا نھینی ئیمزا کرینە و د چارچۆڤێ ڤێ رێککەڤتنێ دا ھەردو ئالی ژی ناخوازن ھێزێن بیانی ل سووریێ بمینن و بۆ پاشەرۆژا سووریێ ھزرا ھەردو ئالیان گەلەک نێزیکی ھەڤدو بوویە.
نيشاندان
