ئهڤرۆنيوز:
دچارچۆڤێ گهرا پێنجێ ژ خۆلا عيراقێ يا تهپا پێ بۆ يانێن پلا ناياب، ئهڤرۆ ئێكشهمبى 21/10/2018 يانا ههولێرێ ل دهرڤهى ياريگهها خوه سهركهفتنهكا ب زهحمهت ل سهر يانا كارهبا ب ئهنجامێ 1-0 تۆماركر.
گۆلا يانا ههولێرێ ل خۆلهكا 93 ژ لايێ ياريكهرێ وێ محهمهد جهفال ڤه هاته تۆماركرن.
ب ڤى ئهنجامى يانا ههولێرێ خالێن خوه گههاندنه 8 خالان ول رێزا شهشێ دهێت و يانا كارهبا ب دو خالان ل رێزا 19 وبهرى دووماهيێ دهێت.
ئهڤرۆنيوز:
سهرۆك وهزيرێن ههرێما كوردستانێ نێچيرڤان بارزانى ئهڤرۆ ئێكشهمبى 21/10/2018 ژ نێزيك پرسيارا رهوش وساخلهميا نڤيسهر ودۆستێ گهلێ كورد ئيسماعيل بێشكچى كر وهيڤيا ساخلهميهكا باش وسهركهفتنێ بۆ خواست.
ئيسماعيل بێشكچى خوهشحاليا خوه ب سهرهدانا ههرێما كوردستانێ وئهو رێز وخوهشتڤيا ل ههموو جههكێ كوردستانێ ههست پێ دكهت وكورتيهك ل دۆر كار وچالاكيێن (وهقفا ئيسماعيل بێشكچى) پێشكێشكر وبهحسێ ڤێ سهرهدانا خوه بۆ ههرێما كوردستانێ وپشكداريا وى دچهندين چالاكيێن كهلتوورى ورهوشهنبيرى كر.
ئهڤرۆنيوز:
سهرۆك وهزيرێن راسپاردى يێ عيراقێ عادل عهبدولمههدى راگههاند، هژمارا مهزن يا راوێژكار ورێڤهبهران ل جڤاتا وهزيرێن عيراقێ بودجا وهلاتى دوهستينيت.
عادل عهبدولمههدى راگههاند،هژمارا مهزن يا رێڤهبهران وراوێژكاران بودجا وهلاتى دوهستينيت ول داهاتى دا دێ پێداچوونێ ب پهيكهرێ تايبهت يێ جڤاتا وهزيران كهين.
ئهڤرۆ نیوز، نهوزاد هلۆرى:
پشتى كو شهڤا بۆرى كۆمسیۆنا بلند یا ههلبژارتن و راپرسیێ ل ههرێما كوردستانێ ئهنجامێن ههلبژارتنێن خۆلا پێنجێ یا پهرلهمانێ كوردستانێ راگههاندى ، ئۆفیسا دهۆك یا كۆمسیۆنێ دیاركر كو ئهڤرۆ وێڤه ههر لیست و قهوارهكێ سیاسى و بهربژارهك دشێت تانێ ل دهنگێن ههلبژارتنان بدهت و سكالایێ تۆمار بكهت.
عهلى بهندى، رێڤهبهرێ ئوفیسا دهۆك يا كۆمسیۆنا بلند یا ههلبژارتن و راپرسیێ ل ههرێما كوردستانێ دیاركر كو شهڤا بۆرى كۆمسیۆنێ ئهنجامێن ههلبژارتنێن خۆلا پێنجێ یا پهرلهمانێ كوردستانێ راگههاندن و بۆ ئهڤرۆ نیوز گۆت: (ژبهركو ئهنجامێن شهڤا بۆرى یێن فهرمى و دووماهیێ بوون و جڤاتا بلند یا كۆمسیۆنێ پهسهندكرن ، ئهڤرۆ رۆژا ئێكشهمبى ههتا سێ روژێن دى ههر لیست و قهوارهكێ سیاسى و بهربژارهك دشێت تانهیان ل ئهنجامێن ههلبژارتنان بدهت و سكالایێ تۆمار بكهت).
ب گۆرهى وان ئهنجامێن كۆمسیۆنێ راگههاندین ، پارتى دیموكراتى كوردستان زووترین دهنگ و كورسى ب دهستڤهئينانه كو ئهوژى 45 كورسى بوون و ل رێزا ئێكێ دهێت و ددووڤدا ئێكهتیا نیشتمانیا كوردستانى ب 21 كورسى و رێزا دویێ دهێت و تهڤگهرا گۆران ب 12 كورسيان ل رێزا سیێ دهێت، و لیست و قهوارێن دى ژى ب رێژه و دهنگێن جودا ل رێزێن دووڤ دا دهێن.
ئەڤرۆ نیۆز،عەزیز هەورامی
ل گهل شكهستنا ئێكێ يا بزاڤا گۆران ل ههلبژارتنێن 12/5 يێن پهرلهمانێ عيراقێ وشكهستنا دويێ ل ههلبژارتنێن 30ئهيلوولێ يێن پهرلهمانێ كوردستانێ، بهردهوام بهرپرسێن بلند يێن وێ بزاڤێ دهست ژ كارى دكێشن.
دكتۆر محهمهد عهلى، رێكخهرێ ژۆرا ڤهكۆلينێن سياسى ل بزاڤا گۆران دبهياننامهكێ دا دهست ژكاركێشانا خوه ژ گۆران راگههاند.
د ناما دهست ژكاركێشانا خوهدا، ئهو بهرپرسێ گۆران دبێژيت، ب نه ئومێديهكا كوور دهست ژكاركێشانا خوه ژ پۆستێ رێكخهرێ ژۆرا سياسى يا بزاڤا گۆران وئهندامێ جڤاتا نيشتمانى يا گۆران رادگههينم.
گۆت ژى، ل داهاتى دێ مه ئاخڤتن ههبيت ل سهر ئهگهرێ دهست ژكاركێشانێ ولاوازبوونا بزاڤا گۆران.
ئەڤرۆ نیوز:
ب ناڤێ خودایێ بەخشندە و میهرەبان
ب بوونا سەركەفتا لیستا پارتی دیموكراتی كوردستان، سوپاسیێن خوە یێن بێ پایان ئاراستەی جەماوەرێ خۆڕاگر و ب ئەمەكێ كوردستانێ دكەم، شانازیەکا مەزنە كو گەلێ كوردستانێ متمانە دایە پارتی دیموكراتی كوردستان، هەر ئەڤ متمانەیە کو بنەمایێ شەرعییەتێ و بەردەوامبوونێ یە و، بەلگە و شاهدیەكا روونە بۆ خەبات و دەستكەفت و ئارمانجێن پارتی دیموكراتی كوردستان.
ئەڤ سەركەفتنە، سەركەفتنا ئیرادا گەلێ كوردستانێ و سەركەفتنا پێشمەرگەیە.
سەركەفتنا ڕێبازا پیرۆزا بارزانیێ نەمرە، سەركەفتنا وێ ڕێبازێ یە یاکو قوربانیێن بێ هژمار و هزاران شەهید داینە، سەركەفتنا وێ ڕێبازێ یە کو چو جاران مساوەمە ل سەر مافێن ڕەوایێن گەلێ كوردستانێ نەكریە و ناکەت ژی، سەركەفتنا وێ رێبازێ یە کو ژ پێناڤی پێكڤە ژیانێ و ئازادی و دیموكراسیێ دا خەبات كریە.
ب بوونا ڤێ سەركەفتنا مێژوویی، پیرۆزباهیێ ل خەڵكێ كوردستانێ و سەركرداتیێ و كادر و ئەندام و لایەنگر و جەماوەرێ پارتی دیموكراتی كوردستان دكەم و سوپاسیا وان دكەم كو هیمەت كریە و ژ پێناڤێ ب دەستڤەئینانا كوردستانەکا بهێز دا وان پارتی سەرخست، ژ ئەنجامێ وێ سەركەفتنێ ژی پشت ب خودایێ مەزن حوکمەتەکا بهێز، بۆ كوردستانەکا بهێز ، بۆ خزمەتكرنا گەلێ مە دێ هێتە دامەزراندن.
هەر ل ڤێرێ ژی ڤێ گۆتنا بارزانیی نەمر د ئینمه بیرا كادر و لایەنگرێن پارتی کو د سەركەفتنا دا مەغروور نەبن و، د شكەستنا دا بێ ئومێد نەبن، ئەڤ ئامۆژگاریێن بارزانیێ نەمر بكەنە سەرمەشقا خوە و نابیت د سەركەفتان دا هەوە مەغروور بكەت چونكی ئەڤ سەركەفتنە، سەركەفتنا هەموو گەلێ كوردستانێ یە و بۆ خزمەتا كوردستانێ یە.
نوکە دەمێ هندێ هاتیە، کو ئەم هەموو ئێكرێزیێ و ئێكدەنگیا میللەتێ مە بپارێزین و داخوازێ ژ هەموو لایەكێ دكەم، کو بەرژەوەندیا گەل و هەڤدەنگیا نیشتیمانی بكەنە ئەولەوییەت و ل سەرێ هەموو بابەتان دانین.
هزاران سلاف ل گیانێ پاقژێ شەهیدێن كوردستانێ و شەهیدێن رێیا ئازادیێ.
سلاڤ ل پێشمەرگەهێن قەهرەمان
مەسعود بارزانی
21ـی 10ـی 2018
ئەڤرۆنیۆز، سالار دۆسکی:
ژڤانە د دووەم رۆژ دا ژ فلمە فیستەڤالا دھۆک یا شەشێ ل دەمژمێر پێنجی ئێڤاری فلمێ(قەھرەمانێ چەرخی) ژ دەرھێنانا (جوان بامەرنی) بھێتە نیشادان.
جوان بامەرنی دەرھێنەرێ فلمێ (قەھرەمانێ چەرخی) بۆ ئەڤرۆ نیۆز گۆت: ماوێ فلمی 80 خولەکەن ل دەڤەرێن زمار و سکرێ مووسل ھاتیە وێنەکرن و 76 رۆژان ماینە ب وێنەی ڤە و فلم ب سپونسەری یا (محەمەد محسن ئامێدی)یە ھاریکاریا چەندین دەولەمەندێن پارێزگەھا دھۆک ھاتیە دروستکرن، ئەکتەرێن کورد و بیانی پشکداری فلمی نە.
دەرھێنەرێ فلمی ئەو ژی ئاشکراکر کو فلم ژ قارەمانیا ھونەرمەندان(بەنگین عەلی، کیڤی، فەرسەت) ل گەل چەندین ھونەرمەندێن بیانی 60% زمانێ ئنگلیزی یە و 30% زمانێ عەرەبی یە و 10% ب زمانێ کوردی یە، دێ بۆ ھەموو فیستەڤالێن جیھانی ھێتە ھنارتن و بھیڤی نە ل وەلاتێ ئەمریکا بھێتە فرۆتن و کومپانیێن تایبەت گرێدایی ب فلمان ڤە ل ئەمریکا داخازا کرینا فلمی کریە 30% و ئەو پشکداری فیستەڤالا بکەن و بەلاڤەبکەن ل ئەمریکا و ھەتا نوکە سوپنسەرێ فلمی رازی نەبوویە و دبیت رێکێن تایبەت ھەبن.
دەرھێنەرێ فلمی چیرۆکا فلمی ڤەگەرا و ئاشکراکر کو فلم ل سەر داعشە و ھێرشا کریە سەر کوردستانێ و عیراقێ و چەندین بابەتێن دی حەسکەین بۆ بینەری بیت.
دەرھێنەرێ فلمی ئەو ژی ئاشکراکر کو وێنەگرتن محەمەد جانویە و مونتاژ چەلەنگ جەمال و دەنگ ل تەھران ھاتیە دروستکرن.
ئهڤرۆ نيوز:
بڕياره ئهڤرۆ چالاكيێن رۆژا دويێ ژ فلمه فيستڤالا دهۆك برێڤه بچن و ژبلى نيشاندانا چهندين فلمان، بڕياره پهنهلهك ل دۆر بهرپرساتيا حوكمهتێ د چێكرنا فلمان دا بهێگران.
ئهڤ پهنهله دێ ل هۆلا كۆنفرانسان ل دهمژمێر 11:00 بۆ ههر ئێك ژ مههمهد تهكتاس، خالد دۆسكى، شوان عهطوف، هشيار زهرۆ و فهرزين كهريم هێته گێران.
وێرايى ڤێ پهنهلێ ژى دێ هژمارهكا زۆر يا فلمان ل دهم و جهێن جودا هێنه نيشاندان و چاڤ ههموو دێ ل سهر فلمێ كورێ باژێرێ دهۆكێ جوان بامهرنى بيت ئهوێ ب ناڤێ “قارهمانێ چهرخى” كو روودانێن وێ ل سهر هاتنا داعشن و بڕياره ل دهمژمێر 05:00 ل هۆلا كۆنگران بهێته نمايشكرن.
فلمێن ئهڤرۆ دێ ل دهمژمێر 11:00ى نيڤرۆ و 03:00ى پشتى نيڤرۆ و 05:00 و 07:00 و 09:00 ل هۆلێن كۆنفرانسان و سينهماكس ئێك و دو و سێ ل هۆلا كۆنفرانسان و دهۆك مۆل هێنه نيشاندان ل دووڤ ڤى خشتێ ل خوارێ دياركرى.
ئهڤرۆ نيوز:
د. سۆزان ئامێدی ماموستایا زانستێن سیاسی ل زانکۆیا دھۆکێ بۆ رۆژناما ئەڤرۆ راگەھاند، نوکە ل عیراقێ ئاریشەک پەیدابوویە نە وەکو یا بەری نوکە یە، چونکی بەری نوکە ل عیراقێ چو کابینێن ئەلکترۆنی نەھاتینە پێکئینان، لدووڤ مافێن سیاسی و ھەلبژارتنان بەربژار بۆ پۆستێن سیاسی ل عیراقێ دھاتنە دانان، لێ ڤێ جارێ پێکئینانا کابینا نوو کو ب شێوێ ئەلیکترۆنی دێ ھێتە پێکئینان، دێ ب زەحمەت رۆلێ خوە بینیت د ناڤا کورد و سوننە و شیعان دا، چونکی سەرۆک وەزیرێ راسپاردی عادل عەبدول مەھدی، دێ خەلکێ ل سەر بنەمایێ شیانان ب رێیا سیڤیان ھەلبژێریت، پرسیار ل ڤێرێ ئەوە، ئەرێ ھەتا چو رادا ئەڤ کریارە دێ یا دروست و سەرکەفتی بیت؟، لەوما پێدڤیە ئەڤە چەندە ل دەستپێکێ بھێتە دیارکرن، چونکی ئەڤە دێ ئاریشەکێ دناڤبەرا مالا شیعان دا پەیدا کەت، ژبەرکو ئیستیحقاقا سیاسی گەلەکا گرنگە.
مامۆستایا زاکۆیا دھوک گۆت: ئەو کوتلە و لایەنێن سیاسی یێن کو دێ پشکداریێ د پەرلەمانێ عیراقێ دا کەن،ب ھەلبژارتنان ھاتینە دناڤا وی پەرلەمانی دا و وان دڤێت حوکمەتا نوو پێکبینن، دیسا نە یا مەعقولە کو ئەو کوتلە و ئالیێن سیاسی ببنە ئەندامێن پەرلەمانی و پشکداریێ دحوکمەتا نوو یا عیراقێ دا نەکەن، چونکی ئەم نە ئەو دەولەتین کو ئەم پشتەڤانیێ ل حوکمەتەکێ بکەین، ھەکە ئەم پشکدار نەبین، ھەروەسا ئالیێن سیاسی یێن کوردی ژی باوەری ب لایەنێن عەرەبی نەمایە ل بەغدا، دیسا کورد ژی قەبوول ناکەن، ھەکە حوکمەتەک ل عیراقێ بھێتە پێکئینان یا دوور بیت ژ پشکداریا کوردان، لەوما دڤێت حوکمەتا عیراقێ ژی ژ وان کوتلان بھێتە پێکئینان یێن کو رێژەکا باش یا ئەندامێن پەرلەمانتاران ھەین، ھەروەسا ھەکە ئەڤ چەندە نەھێتە کرن، کە واتە ھەلبژارتنان چو بوھایێ خوە نامینیت، ژبەرکو ئەو لایەنێن سەرکەفتنێ د ھەلبژارتنان دا دئینن، دڤێت پشکداریەکا کارا د حوکمەتێ ژی دا ھەبیت، ھەروەسا عادل عەبدولمەھدی دێ گەلەک ب زەحمەت کابینا نوو پێک ئینیت، ھەروەسا ئەڤە دێ مینیتە لدووڤ پشکداریا کوردان د حوکمەتا نوو دا ب تایبەتی پارتی دیموکراتی کوردستان، دیسا دێ پشکداریا کوردان ھەتا چو رادە بیت د وێ حوکمەتێ دا، ھەروەسا کێشێن شیعا ل گەل کوردان ژی دێ میننە ل سەر ھندێ کانێ دێ نافمالیا کوردی چەند یا ئێگرتی بیت، چونکی نافمالا شیعی ژی نە خودان ئێک بریارن و وان ژی چەندین ئالیێن جودا دبریاردانێ دا ھەنە، ھندەک ژ وان پەیوەندیێن بھێز ل گەل گۆرانێ و ئێکەتیێ ھەنە و ھندەک دیتر ژی پەیوەندیێن وان ل گەل ئالیێن دیتر یێن کوردی د بھێزن، لەوما ھەکە کورد د ئێکگرتی نەبن و نەبنە خودان ئێک بریار ل بەغدا، دێ مامەلا شیعان ھەمبەری کوردان یا لاواز بیت.
ناڤھاتێ یێ گۆت: نابیت حوکمەتا نوو یا عیراقێ بێی پشکداریا کوردان بھێتە پێکئینان، ب تایبەتی بێی پارتی دیموکراتی کوردستان، دیسا ئەو ژی نەشێن حوکمەتەکێ بێی پارتی پێک بینن، ھەکە رێککەفتن دناڤبەرا وان دا نەھاتە کرن، چونکی دێ حوکمەتا نوو یا عیراقێ یا لاواز بیت، لێ ھەکە شیعە ھندەک پۆستێن گرنگ بدەنە پارتی دیموکراتی کوردستان، دێ ڤێ گرنگیەکا مەزن بۆ کوردان و دیسا دێ بۆ حوکمەتا عیراقێ ژی ھەبیت.
سۆزان ئامێدی گۆت: پێکئینانا کابینا نوو ب رێیا ئەلکترۆنی دێ ئاستەنگ و بەرپێکان بۆ حوکمەتا نوو یا عیراقێ پەیدا کەت، ژبەرکو ھەکە ئەو لدووڤ ئستیحقاقێن پەرلەمانی نەبیت، ئەڤ کابینە سەرکەفتنێ نائینیت، چونکی ئەو ئالیێن سیاسی یێن دناڤا پەرلەمانی دا ھەڤکاریا حوکمەتێ ناکەن، لەوما ئەو حوکمەتە دێ یا لاواز بیت و نەشێت خوە ژ ئاستەنگان قورتال بکەت، دیسا پەرلەمان ژی دەنگدانێ ل سەر بریار و پرۆژێن حوکمەتێ نادەت و پەرلەمان تەشریعێ نادەتە حوکمەتێ، ھەکە عادل عەبدولمەھدی حوکمەتەکا تەکنۆکرات دروست بکەت و ھندەک ژ وان وەربگریت ئەوێن سیڤێن خوە پێشکێش کرین و ھندەکان ژی لدووڤ ئیستیحقاقێن سیاسی و پەرلەمانی وەربگریت، دیسا جۆرە بەلانسەکێ بێخیتێ، دێ شێت حوکمەتەکا سەرکەفتی دروست کەت، ھەکە ڤێ چەندێ نەکەت دێ حوکمەتا وی توشی شکەستنێ بیت و سەرکەفتنێ ب دەست خوەڤە نائینیت.
نيشاندان