ئهڤرۆ نيوز:
ئەڤرۆ نیوز:
نووترين نووچه
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
- هێرش ژ ئالیێ وان میلیشیایان ڤە دهێنە ئەنجامدان كو دهێنە سەر بیرێن پەترۆلێ و زەڤیێن غازێ و پارزنینگەهان
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
سهرهكى نووترين نووچه
ئەڤرۆ دێ شهشهمین فلمە فیستەڤالا دهۆک یا نێڤدەولەتی دهست پێکەت
ئەڤرۆ نیوز ، زنار تۆڤی:
بریاره ئەڤرۆ شهمبیێ 20 ئۆكتۆبهرێ خولا شهشێ یا فلمە فێستیڤالا نێڤدهولهتی یا دهۆكێ دهست پێ بكەت و بۆ ماوێ حهفت رۆژان دێ یا بهردهوام بیت.
ئهڤ سالە ژ سەرجەمێ 600 فلمان یێن کو گههشتینە دهستێ لیژنێن فیستیڤالێ، 107 فلم ژ 50 وەلاتان هاتینە ههلبژارتن بۆ ههموو پشکێن فیستیڤالێ دێ هەڤرکیێ ل سەر ب دەستڤەئینانا خەلاتێن فیستەڤالێ کەن، د چارچۆڤێ بهرنامێن فیستیڤالێدا دێ 40 فلمێن كوردی و 67 فلمێن نێڤدهولهتی هێنە نیشاندان.
پێشتر رێڤەبەرا بهرنامێن نێڤدهولەتی یێن فیستیڤالێ لیسا گول د كۆنفرانسەکێ رۆژنامهڤانیدا ئاماژە ب تایبهتمهندیێن فیستیڤالێ كریە و گوتیە ئەڤ ساله فۆكس د فیستیڤالێدا دێ ل سهر ژنان بیت و كار دێ له سهر وان بابهتان هێتت كرن یێن كو پەیوەندیدارن به ژنان ڤه، هەروەسا پێنج فیچهر و دو فلمێن دكۆمێنتاری و پێنج كورته فلمێن تایبهت ب ژنان ڤە د فێستیڤالێدا دێ هێنە نیشاندان.
هەروەسا بریاره سێ پەنەلێن تایبهت ب سینهمایێ ڤە برێڤە بچیت، پەنەلێ ئێکێ ل سهر بهرپرسیاریەتا حوکمهتێ ل سەر بهرههمئینانا فلمانە و پەنەلێ دویێ دهربارهی بهرههمئینانا فلمانە ل گهل پەنەلەکێ تایبهت ب ژنێ و سینهمایێ و سینهما و ژنێ ڤەیە، هەروەسا فلمێ ڤەکرنا فیستیڤالا هۆکێ دێ فلمێ زاگرۆس یێ دەرهێنەرێ کورد سەهیم عومەر خەلیفەی بیت.
ل سێمێلێ گهنجهك هاته كوشتن
ئهڤرۆ نیۆز، سالار
بهری دهمهكێ كێم ل قهزا سێمێلێ گهنجهك ژلایێ برایێ وی ڤه هاته كوشتن، بێی دیاربوونا ئهگهرێن دروست بوونا ڤێ روودانێ و ههر ئێكسهر خوه رادهستی هێزێن ئێمناهیێ ل وێ دهڤهرێ كر.
ژێدهرهكێ نێزیك روودانێ ئهڤ نووچه بۆ ئهڤرۆ نیۆز پشت راستكر ودياركر كو ئهو گهنج بناڤێ(ر.ع) خهلكێ قهزا سێمێلێ یه و ژلایێ برایێ وی ڤه هاتیه كوشتن و پشتی روودانێ بكوژی خوه رادهستی هێزێن ئێمناهیێ كریه
قورئان خوینێ مەزن یێ عیراقێ وەغەرکر
ئەڤرۆ نیوز ، زنار تۆڤی:
ل شەڤا بوری پشتی ململانەکا درێژ ل گەل نەساخیێ عهلادین قهیسی قورئان خوینێ مەزنێ عیراقێ د ژیێ 75 سالیێ دا ل عهمانا پایتهختێ ئوردنێ وەغەرکریە.
جهێ ئاماژە پێکرنێیە کو عهلادین قهیسی، خودانێ دهنگەکێ خۆش و شیانێن باش ههبوون ل مقاماتێن عیراقی دا، هەروەسا ل سالا 2009 دا هاتیە هەلبژارتن ب سهرۆكێ ( رابیتا ئیسلامی یا جیهانی) ل مالیزیا.
سەقاناسیا کوردستانێ: سوبەهی دێ باران باریت
ئەڤرۆ نیوز ، زنار تۆڤی:
رێڤەبەریا گشتی یا سەقاناسی و بیڤەلەرزان ل ھەرێما کوردستانێ پێشبینێن سەقایی د 48 دەمژمێرێن بهێن دا بەلاڤکرینە و لدووڤ پێشبینیێن وان سوبەهی ل چەندین دەڤەران دێ باران باریت.
رێڤەبەریا سەقاناسی و بیڤەلەرزان ل ھەرێمێ پێشبینیێن خوە د 48 دەمژمێرێن داهاتی دا دیارکرینە، هەروەسا و لدووڤ پێشبینیێن وان ئەڤرۆ ئەینیێ دێ ئەسمانێ ھەرێمێ د ناڤبەرا نیڤ ساهی و نیڤ عەوری دابیت و ئەگەرێ باران بارینەکا هوور ل هندەک جهێن جۆدا دا ھەیە.
هەروەسا لدووڤ پێشبینێن سەقاناسیا ھەرێمێ سوبەهی شەمبیێ دێ ل هەموو پارێزگەھێن هەرێمێ ئەسمان د ناڤبەرا نیڤ عەوری بۆ عەورێن تەمام دا بیت و ئەگەرێ باران بارینێ ژی هەیە.
ل ڤێ چارشەمبیا بهێت دێ ناڤێن ھندەک وەزیرێن حوکمەتا نوو یا عیراقێ هێنە ئاشکرا کرن
ئەڤرۆ نیوز ، زنار تۆڤی:
پشتی ژ لایێ سەرۆک کۆماری ڤە هاتیە راسپاردن بۆ پێکئینانا حوکمەتا نوو یا عیراقێ، سەرۆک وەزیرێ راسپاردیێ عیراقێ راگەھاندیە، کو ل رۆژا چارشەمبیا بھێت دێ پشکەکا کابینا نوو یا حوکمەتا عیراقێ ئاشکرا کەت.
ئۆفیسا عادل عەبدولمەھدی سەرۆکێ راسپاردی یێ حوکمەتا عراقێ د بەیانەکێ دا راگەھاندیە، کو رۆژا چارشەمبیا بھێت، دێ ناڤێن پشکەکا وەزیرێن کابینا نوو یا حوکمەتا عیراقێ ھێنە ئاشکراکرن، لێ هەتا نوکە ناڤێن چو وەزیران د حوکمەتا نوودا ب فەرمی نەهاتینە ئاشکرا کرن.
بلندترین ئاڤاهی ل جیهانێ دێ ل چینێ هێته دروست کرن
ئەڤرۆ نیوز:
ههر چهنده د چهند سالێن بوریدا دروستكرنا ئاڤاهی و بالەخانان پێشكهفتنەکا بهرچاڤ ب خوەڤە دیتیە و د ماوەکێ كێمدا ئاڤاهیێن مەزن دهێنە دروست کرن.
کۆمپانیەکا چینى بریار دایە کو ڤێ هەڤرکیێ ببەته ئاستەکێ دیتر و د ماوێ 90 رۆژان دا بلندترین ئاڤاهی ل جیهانێ دروست بكەت.
ئەڤ ئاڤاهیە دێ ژ کەلوپەلێن پێشتر بۆ هاتینە ئامادەکرن هێتە دروستکرن و ل سالا 2012 دا ڤێ كۆمپانیێ ئهڤ ئهزموونه ئهنجامدایه و ئاڤاهیەکێ 30 قاتى د ماوێ 15 رۆژان دا دروست كریه.
ئهڤ بالهخانا نوو کو بریارە د ماوێ 90 رۆژان دا بهێتە چێکرن، دێ بلندترین بالهخانه بیت ل جیهانێ و دێ ناڤێ وی کەنە (باژێرەک ژ ئەسمانی)، بلنداهیا ڤی ئاڤاهی دێ 838 مهتر بیت و ژ 220 قاتان پێكدهێت.
ئەڤ ئاڤاهیە دشێت بهرگریا بیڤهلهرزان بکەت هەتا دگەهیتە 9 پلێن ریختەرێ.
جڤاتا ئاسایشا هەرێمێ گرتنا گرۆپهكێ دزین و ب قاچاخبرنا نەفتێ راگههاند
ئەڤرۆ نیوز ، زنار تۆڤی:
جڤاتا ئاسایشا ههرێما كوردستانێ راگههاندنهك بهلاڤكر و تێدا ئاماژه ب گرتنا گرۆپهكا دزین و ب قاچاخبرنا نەفتێ راگههاندیە.
د وێ راگههاندنا جڤاتا ئاسایشا ههرێما كوردستانێ دا هاتیه: کو د چارچۆڤێ بزاڤێن جێبەجێكرنا قانوونێ بۆ روو ب رووبوونا گهندهلیێ و نههێلانا دهستێوهردانێ د مۆلكێ گشتی دا و لدووڤ بریارا دادوهری، د ئۆپهراسیۆنهكا سازیێن ئێمناهیێ و رێڤهبهراتیا ئاسایشا گشتی دا گرۆپهكێ دزین و ب قاچاخبرنا نەفتێ هاته گرتن.
د وێ راگههاندنێ دا هاتیه ژی: ئهو گرۆپه ژ چار وهلاتی و دو كارمهندێن ئاسایشێ پێكهاتی بوون و دێ لدووڤ رێكارێن قانوونێ سهرهدهری ل گهل دا هێته كرن.
ههروهسا جڤاتا ئاسایشا ههرێمێ ئاشكهرا كریه ژی، كو ئهو ههموو وهلاتیان پشت راست دكهن، کو ژ پێخەمەت سهروهریا قانوونێ رێکێ نادهن دهست درێژی ل سهر مۆلك و مالێ گشتی و وهلاتیان بهێته كرن و ههر ئالیهكێ قانوونێ بشكێنیت دێ روو ب روو دادگههێ بیت و دێ سزایێ خوه یێ قانوونی وهرگریت.
د روودانەکا ترافیکێ دا دو کەسان گیانێ خوە ژدەستدا
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: کو ئەڤرۆ د روودانەکا ترافیکێ دا دو کەسان گیانێ خوە ژ دەستدا.
ناڤهاتی زێدەتر دا دیارکرن: ئەڤرۆ پێنجشەمبی 18/10/2018ل دەمژمێر(3:00)ئێڤاری ل سەر جادا گشتی یا دناڤبەرا قەزا بەردەرەش بۆ پرا حسێنیێ و ل نێزیک مفرەقا گوندێ دولێجانێ روودانەک ژ جۆرێ لێگدان روودایە و د وێ رووانێدا دو کەسان گیانێ خوە ژ دەستدایه و هندەک کەس ژی بریندار بووینە.
پرۆژێ زڤرین بۆ قوتابخانێ ل كهمپا دومیز هاته راگههاندن
ئهڤرۆ نیوز، نهوزاد هلۆرى:
ب بهرههڤبووونا رێڤهبهرێ گشتیێ پهروهردا پارێزگهها دهۆك و قایمقامێ قهزا سێمێل و شاندهكێ نڤێسینگهها رێكخراوا یونێسێف و رێڤهبهرێ بوردێ كاروبارێن مروڤایهتى و ژمارهكا بهرپرسێن حكومى و رێكخراوێن نیڤدهولهتى ، پروژێ زڤرین بو قوتابخانێ ل كهمپا دومێز ئێك هاته راگههاندن.
دڤى واریدا ئهحمهد زوبێر بهرپرسێ راگههاندنا رێڤهبهریا گشتى یا پهروهردا پارێزگهها دهۆك بۆ ئهڤرۆ نیوز گۆت: (دپروژهى دا بزاڤ دهێنهكرن كو قوتابیێن ئاواره و پهنابهر مینا قوتابیێن خوجهێن پارێزگهها دهۆكێ بێ بههر نهبن ژ مافێ خواندنێ ، و ئهڤ پرۆژه ب ههڤكاریا رێكخراوا یونێسێف هاتیه ئهنجام دان)
زێدهتر گۆت: (ئهڤ پروژه ل 10/10/2018 دهستپێكریه ودێ بو ماوێ ههیڤهكێ ڤهكێشیت ول سهرانسهرى پارێزگهها دهوكێ ڤهدگریت ومهرهم ژ ئهنجامدانا ڤى پروژهى ئهوه ههول وبزاڤ بهێنه كرن كو ئهو قوتابیێن ژبهر ههر ئهگهرهكێ ههبیت پهیوهندى ب قوتابخانێ نهكربیت جارهكا دى بزڤریته قوتابخانێ وههمى هاریكارى وئاسانكارى بو بهێنه كرن)
نيشاندان
WP Facebook Auto Publish Powered By : XYZScripts.com