ئه‌ڤرۆنيوز:
ل دووڤ خشتێ وه‌زاره‌تا دارايى وئابوورى ل هه‌رێما كوردستانێ، سوباهى دێ مووچێ هه‌يڤا شه‌ش يێ هه‌ردو وه‌زاره‌تێن خواندنا بلند وكاربارێن شه‌هيد وئه‌نفالكريان هێته به‌لاڤكرن.
سوباهى مووچێ ڤان دو وه‌زاره‌تان دێ هێته به‌لاڤكرن
نووترين نووچه
- مەسرور بارزانی: ئەڤە دوجارە مە دو كۆمبوونێن زۆر ئەرێنی و باش ئەنجامدان
- قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
- هەلەبجە بوویە هێمایەكا جیهانی بۆ ستەما ل گەلێ مە هاتیە کرن
- مەسرور بارزانی: داخواز دكەین پارێزگەهبوونا هەلەبجە د زووترین دەم دا بهێتە پەسەندكرن
- سەرۆك بارزانی و مەسرور بارزانی پشكداری رێوڕەسمێ رێزگرتنێ ل قوربانیێن كێمیابارانكرنا هەلەبجە بوون
- سەرۆكێ حوكمەتا هەرێمێ و سەرۆكێ دەزگەهێ هەوالگیرییا فیدرال رەوشا ئەمنی ل ئیراقێ و دەڤەرێ گەنگەشەكر
- پێشەوا هەورامانی: سەرۆكێ حوكمەتا هەرێمێ بەرنامەیێن جودا بۆ پێشڤەبرنا هەلەبجە یێن هەین
- پەرلەمانتارەك: شیعەیان و سوننەیان سۆز یا دای دەنگ ب پڕۆژە قانوونا ب پارێزگەهبوونا هەلەبجە بدەن
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
سه‌ره‌كى نووترين نووچه
ئه‌ندامه‌كێ سه‌ركردايه‌تيا پارتى: نيڤا كورسيێن په‌رله‌مانێ دێ ب ده‌ستڤه‌ئينين
ئه‌ڤرۆنيوز:
ئه‌ندامێ سه‌ركردايه‌تيا پارتى ديموكراتى كوردستان، عه‌لى عه‌ونى دبه‌رپه‌رێ خوه ل سه‌ر تۆرا جڤاكى يا فه‌يسبووكى به‌لاڤكر، ل ئه‌يلوولێ شۆره‌شا مه‌زن يا سه‌رانسه‌رى كوردستانێ هه‌لبوو وئارمانجا خوه ب ده‌ستڤه‌ئينا، ل ئه‌يلوولێ ريفراندۆما سه‌ربخوه‌يا كوردستانێ هاته ئه‌نجامدان وسه‌ركه‌فت وتێكرايا كوردستانيان ده‌نگ ب به‌لێ دا بۆ سه‌ربخوه‌يێ، ل ئه‌يلوولا ئه‌ڤ ساله ژى ب پشته‌ڤانى وده‌نگێ گه‌لێ كوردستانێ، پارتى دێ نيڤا كورسيێن په‌رله‌مانى ب ده‌ستڤه‌ئينيت ودێ كوردستانێ ژ ڤێ فه‌وزايێ رزگار كه‌ت.
ئەڤرۆ بیرەوەریا مەزنترین شۆرەشا کوردستانێ یە
ئەڤرۆ نیوز ، زنار تۆڤی:
ئەڤرۆ 11 ئیلۆنا 2018، 57 مین سالیادا هەلکرنا چریسکا مەزنترین شۆرەشا چەرخێ بیستێ یە ل کوردستانا باشور.
ل رۆژا 11 ئیلۆنا 1961، گەلێ کوردستانا باشور، ب سەرکرداتیا رێبەرێ کورد مەلا مستەفا بارزانی شۆرەشا ئیلۆنێ ل دژی رژێما عیراقێ و بۆ بدەستڤەئینانا مافێن گەلێ کوردستانێ دەستپێکر.
د شۆرەشا ئیلۆنێ دا مستەفا بارزانی، رابەراتیا شۆرەشێ دکر و شیا خەلکێ کوردستانێ ب هەموو ئایین و نەتەوێن جۆدا ڤە ل دەوروبەرێن شۆرەشێ کۆم بکەت.
پشتی کو عەبدولکەریم قاسمی ل سالا 1958 کودەتایا سەربازی ل عیراقێ ئەنجامدای و رژێما پاشایەتیێ ل عیراقێ بۆ رژێما کۆماری گوهۆری، سوزدابوو کو مافێن کوردا بدەتێ و داخواز ژ مستەفا بارزانی کر ڤەگەریتە عیراقێ، بەلێ پشتی سێ سالان، عەبدولکەریم قاسم و رژێما وی ژ پێدانا مافێن گەلێ کوردستانێ پەشیمان بوو.
لەوما ب ئەگەرێ پەشێمان بوونا رژێما عیراقێ ژ سۆزێن خوە و نەدانا مافێن کوردان، مستەفا بارزانی شۆرەشا ئیلۆنێ ل دژی رژێما قاسمی راگەهاند.
شۆرەشا ئیلۆنێ شیا د 9 سالان دا رژێما عیراقێ نەچار بکەت کو دانپێدانێ ب مافێن گەلێ کوردستانێ بکەت، عیراقێ مافێ ئوتۆنۆمی دا کوردان، ئەڤە ئێک ژ مەزنترین ئارمانجێن شۆرەشا ئیلۆنا مەزن بوو.
ل رۆژا 11 ئادارا 1970، شۆرەشا کوردستانا باشور و رژێما عیراقێ ئەو رێککەفتننامە ئیمزا کر، کو تێدا دانپێدان ب مافێن سیاسی و ئابووری و رەوشەنبیری یێ گەلێ کوردستانێ کر و سیستەمێ حوکمێ زاتی بۆ کوردستانێ هاتە دامەزراندن.
عه‌بادى حه‌فت بڕيار ل دۆر به‌سرا ده‌ركرن
ئه‌ڤرۆ نيوز:
حه‌يده‌ر عه‌بادى، سه‌رۆك وه‌زيرێن عيراقێ ل گه‌ل لژنا تايبه‌ت ب كاودانێن به‌سرا كۆمبوو و حه‌فت بڕيار ده‌رباره‌يى كاودانێن وێ پارێزگه‌هێ ده‌ركرن.
حه‌يده‌ر عه‌بادى د كۆمبوونێ دا كۆمپانيا ئه‌لفارس راسپارديه بۆ دروستكرنا يه‌كه‌كا ڤاڤارتنا ئاڤێ و په‌مپێن چێكرنا ويستگه‌هێ ئارزيرۆ، هه‌رديسا پارێ مه‌زاختنا خوارنێ و ده‌مژمێرێن زێده بۆ كارمه‌ندێن ويستگه‌هێ.
عه‌بادى بڕيار دايه ژى ب راگرتنا پێشێلكاريێن ل هێلێن تۆڕێن ئاڤێ ژ لايێ وه‌لاتيان ڤه دهێنه كرن و هه‌ڤده‌م كۆمپانيێن وه‌زاره‌تا ژێده‌رێن ئاڤێ راسپاردينه بۆ دروستكرنا هێلێن ڤه‌گوهاستنا ئاڤا به‌دعه.
هه‌ڤده‌م بڕيار دايه ب دروستكرنا هێلا بۆريا دويێ ب هاريكاريا ناڤبه‌را وه‌زاره‌تا ژێده‌رێن ئاڤێ يێن په‌ترۆلێ بۆ دابينكرنا ئاڤا قه‌زا شه‌تولعه‌ره‌ب ل باكوورێ قورنه.
د بڕياره‌كا دى دا حه‌يده‌ر عه‌بادى د كۆمبوونا دوهى دا دايى، له‌زكرنه د گرتنه به‌را رێيێن پێدڤى دا ل دامه‌زراندنێ بۆ كێمكرنا رێژا بێكاريێ ل پارێزگه‌ها به‌سرا.
لايه‌نێن سياسى يێن كوردى ل قه‌ره‌هه‌نجير يێ د كۆمبوونێ دا
ئه‌ڤرۆ نيوز:
نوونه‌رێ لايه‌نێن سياسى يێن كوردى ل سنورێ پارێزگه‌ها كه‌ركووك ل قه‌ره‌هه‌نجير يێ د كۆمبوونێ دا.
ب گۆره‌يى پێزانينێن ل به‌ر ده‌ست ئه‌ڤرۆ نيوز، كۆمبوون ل قه‌ره‌هه‌نجير ب رێڤه دچيت و يا تايبه‌ته ب پرسا دياركرنا پارێزگارێ نوو يێ كه‌ركووك و كۆمبوونا جڤاتا پارێزگه‌ها كه‌ركووك ل پشتى روودانێن 16ى ئوكتوبه‌رێ ل سالا بۆرى نه‌شيايه كۆم ببيت.
ھشیار مالۆ: دێ رێژا پشکداریێ د ھەلبژارتنان دا کێمتر بیت ژ ھەلبژارتنێن بۆری
ئەڤرۆ نیۆز، قائید میرۆ:
سەرۆکێ رێکخراوا مافی مرۆڤی کورد ئاماژە بڤێ چەندێ دکەت، ھەگەر ھەلبژارتنێن پەرلەمانێ کوردستانێ ددەمێ خوەدا نەھاتبانە رێڤەبرن ئەڤە دا کاریگەری لسەر پڕۆسا دیموکراسیێ و ناڤو دەنگێ ھەرێما کوردستانێ ھەبیت.
ھیشار مالۆ، سەرۆکێ رێکخراوا مافێ مرۆڤی یا کورد بۆ ئەڤرۆ نیۆز دیارکر” پێدڤیە لھەرێما کوردستانێ رێز ل ژڤانێ ھەلبژارتنان بھێتەکرن و ھەردەمێ ژڤانەک بۆ رێڤەچوونا ھەلبژارتنان ھاتە دیارکرن دڤێت پێگیری بڤی ژڤانی بھێتەکرن و ھەلبژارتنان ددەمێ خوەدا بھێنە ئەنجامدان، بەرۆڤاژی ددەمێ خوەدا نەھێن ئەنجامدان دێ کاریگەری لسەر ناڤو دەنگێ ھەرێما کوردستانێ ھەبیت لسەر ئاستێ نێڤدەولەتی.
سەرۆکێ رێکخراوا مافی مرۆڤی کورد دبێژیت” ھێشتا کاریگەیێن ھەلبژارتنێن پەرلەمانێ عێراقێ لسەر وەلاتیان ماینە، لەوڕا ئەم پێشبینی دکەین رێژا پشکداریکرنێ د ھەلبژارتنێن بھێت یێن پەرلەمانێ کوردستانێ زۆر کێمتر بیت یا عێراقێ.
به‌رپرسه‌كێ پارتى: كورسيێن مه ل په‌رله‌مانێ كوردستانێ دێ زێده بن
ئەڤرۆ نیۆز قائید میرۆ
بەرپرسەکێ پارتی دیموکراتی کوردستان ئەشکرەکر، پشتی ئەڤرۆ ل ھەولێرێ ب بەرھەڤبوونا سەرۆک بارزانی پارتی کەمپینا ھەلبژارتنان دەست پێدکەت ل ڕۆژێن داھاتی دێ گەھینینە ھەموو دەڤەرێن کوردستانێ.
بایز زراری، ئەندامێ سەرکردایەتیا پارێزگەھا ھەولێرێ یا پارتی بۆ ئەڤرۆ نیۆز دیارکر” ئەڤرۆ پارتی ب بەرھەڤبوونا سەرۆک بارزانی لباژێڕێ ھەولێرێ دێ دەست ب کەمپینا بانگەشەیا ھەلبژارتنان بۆ لیستا 183ێ بکەت و رۆژێن دووڤدا دێ پارتی لسەرانسەری ھەرێما کوردستانێ دەست ب کەمپین و کەرناڤالێن سەرخستنا لیستا خوە بکەت.
ل درۆ رەوشا پارتی د ھەلبژارتنێن پەرلەمانێ کوردستانێ دا بایز زراری گۆت” پارتی ل ھەلبژارتنێن ھەیڤا ئیلوونێ دێ دەنگێن پێدڤی و زۆر بدەستڤە ئینیت، ژبەرکو پارتی خوەدی جەماوەرەکێ خۆرسکە و ھەموو ھەلبژارتنان ژبەر خەباتا پارتی و ڤیانا خەلکێ کوردستانێ بۆ رێبازا بارزانی ھەدەم دەنگی بۆ لیستا پارتی ددەن، لەوڕاژی ئەم پێشبینی دکەین کۆرسیێن مە زێدەبن د ھەلبژارتنێن 30ی ئیلوونێ.
داعش ل مەخموور دەست ب لڤینان کریە
ئەڤرۆ نیۆز، قائید میرۆ:
ھەبوونا چەکدارێن داعش ل سینورێ قەزا مەخموور بوویە ئەگەرێ مەترسیێ لسەر ئاکنجیێن دەڤەرێ و فەرماندەیەکێ پێشمەرگەی دبێژیت، داعش مفا ل ڤالاھیا ئەمنی وەرگرتیە.
عەمید ئیسماعیل عەلی، فەرماندێ پێشمەرگەی ل میحوەرێ مەخموور ب ئەڤرۆ نیۆز راگەھاند” لڤینێن گروپا تیرۆرستێن داعش ل سنورێ قەزا مەخموور بەردەوامی ھەیە و ل ئەڤان سینورێن دکەڤنە ناڤبەرا ھێزێن پێشمەرگە و ھێزێن عێراقی ڤالاھیا ئەمنی ھەیە و چەکدارێن داعش بەردەوام ھاتن وچوونێ دکەن، بتایبەتی ل چیایێ قەرەچۆخ و دەشتا قەراج بووینە ھێلینا داعش.
ئەڤی فەرماندێ ھێزێن پێشمەرگەی خویاژیکر” ھەبوونا چەکدارێن داعش ل سینورێ مەخموور بۆ ڤێ چەندێ ڤەدگەڕیت، ھێزێن عێراقی نەشێن سینورێ قەزا مەخموور کۆنتڕۆلبکەن و داعش مفا ل ئەڤێ ڤالاھیا دەڤەرێ وەرگرتیە و رۆژێن بۆری ژی فڕۆکەیێن ھەڤپەیمانان ل گەلیێ عەلیە ڕەش بنگەھەکێ تیرۆرستان کربو ئامانج.
هێشتا ئالیێن شیعی ب نڤێسین بەرسڤا کوردان نەدایە
ئەڤرۆ نیوز ، زنار تۆڤی:
هێشتا چو كوتلێن شیعان بەرسڤا داخوازیێن كوردان نه‌داینه بۆ پشتەڤانیا وان د پێكئینانا حوکمه‌تا نوو یا عیراقێ دا، ئەڤە ژی لدووڤ راپۆرتەکێ بوویە کو ل رۆژناما شه‌رقولئه‌وسه‌ت ئه‌ڤرۆ سێشه‌مبێ 11 ئیلۆنێ بەلاڤه بوویە.
وێ رۆژنامێ ئاماژه ب هندێ دایە کو هەتا نوکە پارتی و ئێکەتیێ خوە ئێکلا نه‌كریه ژ هندێ کو پشتەڤانیێ ل کیژ ئالیێ شیعان بکه‌ن، كو دو فراكسیۆنێن جۆدا پێكئیناینه وه‌ك مەزنترین فراكسیۆنا په‌رله‌مانی کو پێکهاتیە ژ هەڤپه‌یمانیا چاكسازیى و ئاڤه‌دانكرنێ ب پشکداریا عه‌بادى و سه‌دری و حه‌كیمی و هەڤپه‌یمانیا بینا ب سه‌ركرداتیا نورى مالیكى و هادى عامرى.
خسرو گۆران ئه‌ندامێ سه‌ركرداتیا پارتى بۆ رۆژناما شه‌رقولئه‌وسه‌ت گۆتیە، کو سه‌ركرداتیا سیاسى یا كورد خوە ئێکلایی نه‌كریه ژ هندێ کو بچنه پال کیژ فراكسیۆنێ و هه‌ر لایه‌نەکێ داخوازیێن كوردان جێبه‌جێ بكه‌ن کورد دێ چنه پال وێ فراكسیۆنێ، گۆتیە ژی هەتا نوکە چو بەرسڤێن نڤێسی نەگەهشتینە سه‌ركرداتیا سیاسی یا كورد دەربارەی داخوازیێن کوردان.
هەڤدەم هه‌رێم كه‌مال ئاغا ئه‌ندامێ سه‌ركرداتیا ئێكەتیێ و ئه‌ندامێ نوو یێ په‌رله‌مانێ عیراقێ بۆ وێ رۆژنامێ گۆتیە، كورد چاڤەرێی رێكه‌فتن و نێزیكبوونا هێزێن شیعی دکەن، هەر دەمێ فراکسیۆنا مەزن چێبوو، کورد دێ په‌یوه‌ندیێ پێکەن.
ئيبراهيم خه‌ليل ژمارا هاتنوچوونا رێڤينگان ل هه‌يڤا ته‌باخێ ئاشكه‌را دكه‌ت
ئه‌ڤرۆ نيوز:
ل ھەیڤا تەباخا 2018ێ پێترژ 184 ھزار رێڤینکا ل کومەلگەھا ده‌رگه‌هێ نێڤدەولەتی يێ ئیبراھیم خەلیل ھاتنوچوون کریە.
ل دووڤ راپورتا نڤێسنگەھا ئاکنجیبون و پاسپورتا ئیبراھیم خەلیل 184 هزار و 913 رێڤینگا ل ده‌رگه‌هێ ئیبراھیم خەلیل ھاتنوچوون کریە، ل دووڤ راپورتا نڤێسنگەھا ناڤبری کو دیاربوو 93 هزار و 401 رێڤینگ ھاتینە ناڤ ھەرێما کوردستانێ دا کو ژ وانا 57 هزار و 494 ھەلگرێن پاسپورتێن عيراقینە و 30 هزار و 611 ھەلگرێن پاسپورتێن تورکینە ھەروەسا چار هزار و 841 ھەلگرێن پاسپورتێن بیانینە ھەروەسا دیاربوو راپورتا نڤێسینگەھێ 91 هزار و 512 رێڤینگ ب رێیا ده‌رگه‌هێ ئیبراھیم خەلیل چووینە بۆ وەلاتێ تورکیا، ژوانا 49 هزار و 508 ھەلگرێن پاسپورتێن عيراقینە و 32 هزار و دو ھەلگرێن پاسپورتێن تورکینە و هزار و دو ھەلگرێن پاسپورتێن بیانینە.
نيشاندان
WP Facebook Auto Publish Powered By : XYZScripts.com