ئه‌ڤرۆنيوز:
ل دووڤ ده‌نگوباسه‌كێ كه‌نالێ ديجله يێ عيراقى، خوه‌نيشانده‌رين به‌سرا، حه‌يده‌ر عه‌بادى سه‌رۆك وه‌زيرێن عيراقێ ل ئۆتێله‌كا وى باژێرى يێ دۆرپێچكرى.
مالپه‌رێ كه‌نالێ ديجله يێ ئه‌سمانى دده‌نگوباسه‌كێ ب له‌ز دا به‌لاڤكر كو خوه‌نيشانده‌رێن به‌سرا حه‌يده‌ر عه‌بادى سه‌رۆك وه‌زيرێن عيراقێ يێ ل ئۆتێلا شيراتۆن يێ دۆرپێچكرى.
عه‌بادى ئه‌ڤرۆ دوشه‌مبى 10/9/2018 گه‌هشتبوو باژێرێ به‌سرا ول گه‌ل به‌رپرس وسه‌رۆك عه‌شيرێن وێ پاريزگه‌ها به‌سرا كۆمبوو ل دۆر ره‌وشا به‌سرا كو ده‌مێ دو هه‌يڤانه خوه‌نيشادانين به‌رده‌وام لێ دهێنه ئه‌نجامدان ول ڤێ دووماهيێ توندوتيژى ژێ په‌يداببون وچه‌ندين خوه‌نيشانده‌ر هاتبوونه كوشتن وبرينداركرن وچه‌ندين داموده‌زگه‌هێن حوكمه‌تێ وباره‌گايێن حزبان وكونسۆلخانا ئيرانى ل وى باژێرى هاتبوو سوتن.
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى ئه‌ڤرۆ دوشه‌مبى 10/9/2018 پێشوازى ل وان خۆسێه ئيسكۆبار باليۆزێ ئيسپانيا ل عيراقێ كر.
باليۆزێ ئيسپانى ئاماژه ب ره‌وشا سياسى يا عيراقێ وپه‌يوه‌نديێن هه‌رێما كوردستانێ وئيسپانيا وپێشڤه‌برنا وان دبوارين زانستى وكه‌لتوورى وئابوورى دا كر، هه‌روه‌سا ده‌ستخوه‌شى ل حوكمه‌تا هه‌رێمێ كر بۆ پێشوازيكرنێ ل هژماره‌كا ئێكجار مه‌زن ژ ئاواره وپه‌نابه‌رێن ده‌ستێ تيرۆرێ.
نێچيرڤان بارزانى دياركر كو هه‌رێما كوردستانێ وحوكمه‌تا وێ ب گرنگێ سه‌حدكه‌نه په‌يوه‌نديان ل گه‌ل ئيسپانيا ودبه‌رهه‌ڤن بۆ پێشڤه‌برنا په‌يوه‌نديان دهه‌موو بواراندا ب تايبه‌تى په‌يوه‌نديێن ئابوورى.
به‌حسكرنا ره‌وشا سياسى وپێكئينانا كابينا نوو يا حوكمه‌تا عيراقێ وديالۆكا سياسى دناڤبه‌را لايه‌نێن سياسى يێن عيراقى ورۆلێ هيزێن سياسى يێن هه‌رێما كوردستانێ دپێكئينانا حوكمه‌تا عيراقى دا وپشكداريا راسته‌قينه‌يا وان تێدا، لايه‌نه‌كێ دى يێ وێ ديدارێ بوو.
ئه‌ڤرۆنيوز:
په‌رله‌مانتارێ عيراقى فائق شێخ عه‌لى ژ فراكسيۆنا ته‌مه‌دون ئاشكرادكه‌ت كو هنده‌ك ژ ئه‌ندامێن جڤاتا پارێزگه‌ها به‌سرا ديدارا حه‌يده‌ر عه‌بادى سه‌رۆك وه‌زيرێن عيراقێ ره‌تكر.
ئه‌ڤرۆ دوشه‌مبى 10/9/2018 حه‌يده‌ر عه‌بادى وچه‌ندين وه‌زير وبه‌رپرسێن حوكمه‌تا عيراقێ گه‌هشتنه باژێرێ به‌سرا بۆ ئه‌نجامدانا كۆمبوونان ل گه‌ل به‌رپرسێن كارگێرى وبه‌رپرسێن هێزێن ئه‌منى.
فائق شێخ عه‌لى، ئه‌ندامێ په‌رله‌مانێ عيراقێ ژ فراكسيۆنا ته‌مه‌دون ل دۆر سه‌ره‌دانا عه‌بادى، ل به‌رپه‌رێ خوه يێ فه‌يسبووكى دبێژيت” سه‌ره‌دانا عه‌بادى بۆ به‌سره بۆ كێمكرنا ئازارێن وانه يان بۆ تۆلڤه‌كرنێ يه؟”.
فائق شێخ عه‌لى كو ئه‌و ب خوه خه‌لكێ به‌سرايه ئاشكرا دكهت كو هنده‌ك ژ ئه‌ندامێن جڤاتا پارێزگه‌ها به‌سرا ديدارا عه‌بادى ره‌تكر، پشتى وان تۆمه‌تێن كو ل رۆژا شه‌مبيا بۆرى ژلايێ عه‌بادى ڤه ئاراسته‌ى به‌رپرسێن كارگێرى وجڤاتا پارێزگه‌ها به‌سرا كرين.
ئه‌ڤرۆنيوز:
سه‌رۆك وه‌زيرێن عيراقێ حه‌يده‌ر عه‌بادى ئه‌ڤرۆ دوشه‌مبى 10/9/2018 گه‌هشته باژێرێ به‌سرا وسۆز دا وى باژێرى بجه نه‌هێليت تاكو پرۆژێن وێ يێن خزمه‌تگوزارى نه‌هێنه ئه‌نجامدان.
حه‌يده‌ر عه‌بادى، سه‌رۆك وه‌زيرێن عيراقێ دداخۆيانيه‌كێ دا بۆ رۆژنامه‌ڤانان ل به‌سرا گۆت” ئه‌م يێن هاتينه به‌سرا دا هه‌ڤكاريێ ل گه‌ل وه‌لاتى وريهسپيێن وێ بكه‌ين ژبۆ دابينكرنا پێدڤيێن وان ژ خزمه‌تگوزاريان”.
گۆت ژى” ئه‌ز ژ به‌سرا ناچم تاكو پرۆژێن وێ يێن خزمه‌تگوزارى بهێنه بجهئينان”.
دياركر ژى كو هيزێن ئه‌منى يين زێده‌تر هاتينه هنارتن بۆ پاريزگه‌ها به‌سرا.
ئه‌ڤرۆنيوز:
جڤاتا ئاسايشا هه‌رێما كوردستانێ ئامارا هێرشێن چه‌كدارى وكرژيێن ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ پشتى 16 ئوكتۆبه‌رێ وهه‌تا نوكه به‌لاڤ دكهت.
ئه‌ڤرۆ دوشه‌مبى 10/9/2018 جڤاتا ئاسايشا هه‌رێما كوردستانێ، ل به‌په‌رێ خوه ل تۆرا جڤاكى يا تويته‌رى دچه‌ند تويته‌كا دا به‌لاڤكر كو 700 پێكدادانێن چه‌كدارى وته‌قين پشتى 16 ئوكته‌به‌را 2017 هه‌تا ئه‌ڤرۆ 10/9/2018 ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ رووداينه.
دياركر ژى كو ل هه‌يڤا ته‌باخا بۆرى زوورترين رووداو تێدا هاتينه تۆماركرن كو 80 حاله‌تێن هێرشێن چه‌كدارى وته‌قين بخوه‌ڤه گرتبوو.
ئاماژه دا كو ژسه‌رجه‌مێ گشتى يێ وان هێرشان 40 هێرش ب رێيا بۆمبان هاتينه كرن ل سه‌ر هيزێن ئه‌منى يين عيراقى وحه‌شدا شه‌عبى ل كه‌ركووكێ وده‌ڤه‌رێن ده‌وروبه‌ر، هه‌روه‌سا 28 هێرش كو هێرشێن خوه‌كوژيێن چه‌كدارێن داعشێ بوون هاتينه تۆماركرن.
ل دووڤ وان ئاماران، ب كێمى شه‌ش هێرش ل سه‌ر ويستگه وتاوه‌رێن كاره‌بێ هاتينه كرن كو دئه‌نجامدا كاره‌با ده‌ڤه‌رێ هاتيه برين، ئه‌ڤ هێرشه ل هه‌يڤا گۆالانا بۆرى زوورترين هژمار لێ هاتينه تۆماكرن.
به‌لاڤكريه ژى كو هژماره‌كا حاله‌تێن كوشتنێ وهێرشان ب نارنجۆكان بۆ سه‌ر پێگه ومالێن به‌رپرسێن هێزێن عيراقى وحه‌شدا شه‌عبى ووه‌لاتيێن مه‌ده‌نى ل وان ده‌ڤه‌ران هاتينه تۆماكرن.
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ پلێن گه‌رمێ يێن ئه‌ڤرۆ وسوباهى ل پاريزگه‌هێن هه‌رێما كوردستانێ وكه‌ركووكێ به‌لاڤكرن.
ل دۆر پلا گه‌رمێ يا ئه‌ڤرۆ دوشه‌مبى 10/9/2018 ل پارێزگه‌ها دهۆكێ، رێڤه‌به‌ريا ناڤبرى ئاماژه دا كو 35 پله‌يه.
دياركر ژى كو پلا گه‌رمێ ل پارێزگه‌ها دهۆكێ يا سوباهى سێشه‌مبى 11/9/2018 دێ 36 بيت.
ئه‌ڤرۆنيوز:
هه‌ردو مه‌كته‌بێن سياسى يێن پارتى ديموكراتى كوردستان وئێكه‌تى نيشتمانى كوردستان به‌ياننامه‌ك ل دۆر كۆمبوونا خوه يا ئه‌ڤرۆ به‌لاڤكر وراگه‌هاند، ژبۆ به‌رژه‌وه‌نديا گه‌لێ مه وهه‌ستياريا ره‌وشێ، هه‌ردولا دووپاتيێ ل سه‌ر ئێك هه‌لويستيێ وپێكڤه‌كاركرنێ ل به‌غدا وكوردستانێ دكه‌ن وبۆ ڤێ مه‌ره‌مێ ژى لژنا هه‌ڤپشك دێ دپه‌يوه‌نديا به‌رده‌وام دا بيت وبه‌رهه‌ڤيێن پێدڤى ئه‌نجام ده‌ت.
مه‌كته‌بێن سياسى يێن پارتى وئێكه‌تيێ ئه‌ڤرۆ دوشه‌مبى 10/9/2018 ل پيرمام كۆمبوون وپشتى ب دووماهى هاتنا كۆمبوونێ، به‌ياننامه‌كا سێ خالى به‌لاڤكر.
دپشكه‌كا به‌ياننامێ دا هاتيه” هه‌روه‌كو دده‌مێ بۆرى دا ژى ب ئاشكرا مه راگه‌هاندى بۆ ئيكرێزيا ناڤمالا كوردستانى وپشكداريا هه‌موو لايه‌نێن پشكدار دپرۆسا سياسى دا، داخوازا كۆمبوونه‌كا هه‌ڤپشك يا هه‌موو لايه‌نان دكه‌ين، بۆ ڤێ مه‌ره‌مێ ژى لژنه‌ك هاتيه راسپاردن بۆ به‌رهه‌ڤكرنا پێدڤيێن وێ كۆمبوونێ.
شاندێ پارتى پێكهاتبوو ژ سه‌رۆك مه‌سعود بارزانى، نێچيرڤان بارزانى جێگرێ سه‌رۆكێ پارتى، فازل ميرانى، فوئاد حسێن، هوشيار زێبارى، مه‌حمود محه‌مه‌د، ئازاد به‌روارى، رۆژ نورى شاويش.
شاندێ ئێكه‌تيێ پێكهاتبوو ژ كوسره‌ت ره‌سۆل جێگرێ سكرتێرێ گشتى، سه‌عدى ئه‌حمه‌د پيره، حاكم قادر، عومه‌ر فه‌تاح، شوره‌ش ئيسماعيل، بافل تاله‌بانى.
ئه‌ڤرۆنيوز:
شه‌وقى كانه‌بى، ئه‌ندامێ ديار يێ به‌رێ يێ بزاڤا گۆران ل باژێرێ هه‌ولێرێ ل به‌رپه‌رێ خوه ل سه‌ر تۆرا جڤاكى يا فه‌يسبووكى به‌لاڤكر، ژ ڤێ خۆله‌كێ ئه‌ز وه‌كو وه‌لاتيه‌كێ كورد پشته‌ڤانيێ ل ستراتيژيه‌تا پارتى ديموكراتى كوردستان دكه‌م بۆ باشوورێ كوردستانێ ومه‌سعود بارزانى ب سه‌رۆكێ خوه ددانم.
شه‌وقى دبێژيت” پارتى تاكه هێزه‌كه به‌رگريێ ژ كوردان دكهت ودشێت مه ژدۆژمنان بپارێزيت” وئێدى ده‌مێ وێ چه‌ندێ پشته‌ڤانيێ ل ستراتيژيه‌تا بارزانى بكه‌ين ورێ نه‌ده‌ين به‌ره‌يێ ئيرانێ وحه‌شدێ وميليشيێن كوردى يێن ب سه‌ر ئيرانێ ڤه كوردستانێ داگير بكه‌ن”.
ئه‌ڤرۆ نیوز، نه‌وزاد هلۆرى:
رێڤه‌به‌ریا گشتى یا فه‌رمانگه‌هێن كاروبارێن په‌رله‌مانێ عیراقێ ب نڤیساره‌كا فه‌رمى ناڤێن هه‌شت كه‌سان وه‌كو به‌ربژار بو وه‌رگرتنا پوستێ سه‌روكێ نوو یێ په‌رله‌مانێ عیراقێ دیاركرن و ئاراسته‌یێ سه‌روكاتیا په‌رله‌مانى كرن داكو باوه‌ریێ ژێوه‌ربگرن.
نڤیسار ئه‌ڤرۆ رۆژا دووشه‌مبى رێكه‌فتى 10ێ ئیلونێ 2018 ب ب هژمارا 77 ده‌رچویه و دیاردكه‌ت كو هه‌شت كه‌سان وه‌كو بو وه‌رگرتنا پوستێ سه‌روكێ په‌رله‌مانى به‌ربژاركریه كو ئه‌و ژى پێكدهێن ژ ” دكتور محه‌مه‌د ته‌میم، ته‌لال زه‌بیعى ، ئه‌حمه‌د عه‌بدوللا جبورى ، ئوسامه نوجێفى ، محه‌مه‌د حه‌لبوسى ، ره‌شید عه‌زاوى ، ئه‌حمه‌د عه‌بدوللا خه‌له‌ف و محه‌مه‌د خالدى”.
نيشاندان