ئه‌ڤرۆنيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند، گه‌نجه‌كى چانته‌ك ديت كو پاره وزێر تێدابوون وپاشى راده‌ستى خودانێ وى دكه‌ت كو پتر ژ 10 هزار دۆلاران داهته خه‌ملاندن.
هێمن سلێمان، به‌رپرسێ راگه‌هاندنا رێڤه‌به‌ريا پۆليسێن دهۆكێ دبه‌رپه‌رێ خوه ل سه‌ر تۆرا جڤاكى يا فه‌يسبووكى به‌لاڤكر” ئه‌و چانتا وى گه‌نجى ديتى 1900 دۆلارێن ئه‌مريكى ومليۆن و300 هزار دينارێن عيراقى و17 پارچێن زێرى وچه‌ند به‌لگه‌نامێن تايبه‌ت ل گه‌ل پاسه‌پۆرته‌كا عيراقى يا خودانى، پاشى ئه‌و گه‌نج پۆليسێن هاوارهاتنا دهۆكێ ئاگه‌هدار دكه‌ت وچانته راده‌ستى خودانى دهيته كرن”.
پۆليسێن دهۆكێ دياركر ژى” ل دووڤ خه‌ملاندنا مه زێده‌تر ئه‌و تشتێن دناڤ چنتێ دا ب زێده‌تر ژ 10 هزار دۆلاران دهاتنه خه‌ملاندن”.
ئه‌و گه‌نجه ناڤێ وى (ئامه‌د عه‌بدولكه‌ريم) كو په‌يوه‌ندى ب پۆليسان كر وبه‌رهه‌ڤيا خوه نيشاندا كو ئه‌و چانتا ديتى راده‌ستى خودانێ وێ بكه‌ت.
گۆت ژى” پشتى دووڤچوونێ وئاگه‌هداركرنا وه‌لاتيان ژلايێ تيمێن مه‌ڤه، شياين خودانێ وێ چانتى ببينين وبۆ بزڤرينين.
ئه‌ڤرۆنيوز:
ئه‌ندامه‌كێ ليستا فه‌تح ب سه‌رۆكاتيا هادى عامرى دياركر دانوستاندن دناڤبه‌را سه‌در وعامرى دا يا به‌رده‌وامه وئه‌گه‌ر يا هه‌ى بچنه دناڤ ئێك هه‌ڤپه‌يمانى دا بۆ پێكئينانا حوكمه‌تا نوو.
عامر ئه‌لفايز ئه‌ندامێ ليستا فه‌تح ئه‌ڤرۆ ئێكشه‌مبى 9/9/2018 بۆ مالپه‌رێ ( المعله‌مه)گۆت” دانوستاندن دناڤبه‌را سه‌در وعامرى دا دبه‌رده‌وامن بۆ پێكئينانا مه‌زنترين هه‌ڤپه‌يمانى ويێن گه‌هشتينه لێكتێگه‌هشتنه‌كا باش وپێشبينى دهێته كرن ليستا سائيرون وفه‌تح بچنه دناڤ ئێك هه‌ڤپه‌يمانى دا بۆ پێكئينانا حوكمه‌تا نوو يا عيراقێ”.
هه‌ر ئه‌ڤرۆ ره‌وتێ حكمه ب سه‌رۆكاتيا عه‌مار حه‌كيم، ئێك ژ هه‌ڤپه‌يمانين سه‌در راگه‌هاند كو نێزيكبوونا فه‌تح وسائيرون كليلا چاره‌سه‌ريا ته‌نگه‌ژه‌يا به‌سرا وململانيێن سياسى يه وهه‌كه ئه‌و رێكبكه‌ڤن، پاله‌په‌ستوۆيا داخوازيێن هێزێن دى دێ ل سه‌ر كێم بيت.
ره‌سۆل رازى، ئه‌ندامێ ليستا ده‌وله‌تا قانوونێ ب سه‌رۆكاتيا نوورى مالكى راگه‌هاند كو ده‌وله‌تا قانوونێ پشكه‌كه ژ نێزيكبوونا دناڤبه‌را فه‌تح وسائيرون دا ومه‌زنترين هه‌ڤپه‌يمانى دێ دده‌مێ چه‌ند رۆژێن دى دا ب پشكداريا ده‌وله‌تا قانوونێ وفه‌تح وسائيرون وحيكمه هێته پێكئينان.
جه‌واد موسه‌وى، سه‌ركرده ل ليستا سائيرون ب سه‌رۆكاتيا موقته‌دا سه‌در گۆت” پشته‌ڤانى نه‌كرنا سائيرون بۆ وه‌رگرتنا عه‌بادى پۆستێ سه‌رۆكاتيا وه‌زيران زيان ب هه‌ڤپه‌يمانيا (نوات) بۆ پێكئينانا مه‌زنترين هه‌ڤپه‌يمانيا په‌رله‌مانى گه‌هاند ونوكه ليست نه‌سر يا پاشڤه دچيت ودانوستاندن دناڤبه‌را سائيرون وفه‌تح يا به‌رده‌وام بۆ پێكئينانا مه‌زنترين هه‌ڤپه‌يمانيا په‌رله‌مانى، به‌لێ هه‌تا نوكه نه گه‌هشتينه رێككه‌فتنا دووماهيێ.
ئه‌ڤرۆنيوز:
په‌يڤدارێ پارتى ديموكراتى كوردستانێ راگه‌هاند، ل رۆژا 11/9/2018 ب په‌يڤه‌كا سه‌رۆك بارزانى دێ پارتى ده‌ست ب بانگه‌شا هه‌لبژارتنان كه‌ت.
مه‌حمود محه‌مه‌د، ئه‌ندامێ مه‌كته‌با سياسى وپه‌يڤدارێ پارتى ديموكراتى كوردستان دكۆنگره‌كێ رۆژنامه‌ڤانى دا گۆت” ل رۆژا 11 ڤێ هه‌يڤێ ل هه‌ولێرێ ب په‌يڤه‌كا سه‌رۆك بارزانى، دێ پارتى ده‌ست ب بانگه‌شا هه‌لبژارتنان كه‌ت”.
ئه‌ڤرۆنيوز:
بريارده‌رێ كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ راگه‌هاند، هه‌ر ژ سوباهى دێ گرێبه‌ست بۆ فه‌رمانبه‌رێن گرێبه‌ست هێنه دروستكرن.
بريارده‌رێ كۆمسيۆنێ ئه‌ڤرۆ ئێكشه‌مبى 9/9/2018 دبه‌رپه‌رێ خوه دا ل سه‌ر تۆرا جڤاكى يا فه‌يسووكه به‌لاڤكر” فه‌رمانبه‌رێن گرێبه‌ست يێن رۆژا ده‌نگدانێ دشێن ژ سوباهى دوشه‌مبى 10/9/2018 ووێڤه سه‌ره‌دانا فه‌رمانگه‌هێن پارێزگه‌هان يێن كۆمسيۆنێ بكه‌ن بۆ دروستكرنا گرێبه‌ستێن خوه، ل گه‌ل به‌رچاڤكرنا وان رێنمايێن كو ل دۆر وێ چه‌ندێ هاتينه ده‌ركرن ول ده‌زگه‌هێن راگه‌هاندنێ هاتينه به‌لاڤكرن.
برياره هه‌لبژارتنێن په‌رله‌مانێ كوردستانێ ل 30 ڤێ هه‌يڤێ بهێنه ئه‌نجامدان.
ئه‌ڤرۆنيوز:
وه‌زيره‌كێ ئيسرائيلى راگه‌هاند، ئه‌و هێلێن سور ل دژى هه‌بوون وده‌ستێوه‌ردانا ئيرانێ ل ده‌ڤه‌رێ وسووريێ دا هاتينه دياركرن، هه‌روه‌سا عيراقێ ژى ڤه دگريت.
زاخى هانگێبى، وه‌زيرێ هاريكاريان ل ئيسرائيلێ د ديداره‌كا ته‌له‌ڤزيۆنى دا گۆت” هه‌ر ده‌مه‌كى پێزانين بگه‌هنه ئيسرائيلێ سه‌باره‌ت هه‌بوونا مووشه‌كێن ئيرانى ل هه‌ر جهه‌كى، دێ هه‌لويستێ پێدڤى ل دۆر ڤێ چه‌ندێ هه‌بيت وهه‌كه ئه‌و جهه سووريێ بيت يان هه‌ر جهه‌كێ دى، دێ مووشه‌كێن ئيرانێ كه‌ينه ئارمانج”.
ل حه‌فتيا بۆرى، ئاژانسا رويته‌رز ل سه‌ر زارێ چه‌ندين ژێده‌رێن ئاگه‌هدار ڤه‌گوهاستبوو كو حوكمه‌تا ئيرانێ ب ده‌هان مووشه‌ك ل بنگه‌هێن ميليشيێن هه‌ڤپه‌يمانێن وێ ل عيراقێ جهگير كرينه، هه‌رچه‌ده ئيرانێ وعيراقێ ئه‌ڤ ده‌نگوباسه ره‌تكرن، به‌لێ ئيسرائيل به‌حس ل وێ چه‌ندێ دكه‌ت كو وێ ل به‌ره بنگه‌هێن مووشه‌كێن ئيرانى ل عيراقێ بكه‌ته ئارمانج”.
حوكمه‌تا عيراقێ هه‌تا نوكه هه‌لويست ل به‌رامبه‌ر ئاخڤتنێن به‌رپرسێن ئيسرائيلى نه‌بوويه كو دبێژن وان ل به‌ره هێرشێ بكه‌نه سه‌ر بنگه‌هێن مووشه‌كێن ئيرانى ل ناڤ ئاخا عيراقێ.
ئه‌ڤرۆنيوز:
رێڤه‌به‌ريا گشتى يا گه‌شناسيێ وبيڤه‌له‌رزان ل هه‌رێما كوردستانێ پێشبينيێن پلێن گه‌رمێ يێن ئه‌ڤرۆ وسوباهى ل پارێزگه‌هێن هه‌رێما كوردستانێ وكه‌ركووكێ به‌لاڤكرن.
رێڤه‌به‌ريا ناڤبرى به‌لاڤكر كو پلا گه‌رمێ ل پارێزگه‌ها دهۆكێ ئه‌ڤرۆ ئێكشه‌مبى 9/9/2018 دێ 35 بيت وسوباهێ دوشه‌مبى 10/9/2018 پلا گه‌رمێ دهۆكێ دێ هه‌مان پله بيت ئانكو 35.
ئه‌ڤرۆ نیوز، نه‌وزاد هلۆرى:
هه‌ر چه‌ند پێربینه كه‌رسته‌یه‌كێ خوارنێ یێ سرۆشتى یه و ل ناڤا بیستانان درۆست دبیت و تام و خوشیه‌كا تایبه‌ت دده‌ته خوارن و ڤه‌خوارنان و ژ روویێ ساخله‌میێ ژى ڤه گرنیگه‌كا تایبه‌ت هه‌یه، و داكو زێده‌تر بكه‌ڤیته به‌رده‌ستێ وه‌لاتیان، وه‌لاتیه‌كێ شێلادزێ هژماره‌كا زۆر یا توفكێ پێرپینێ ئینایه شێلادزێ و داینه خه‌لكى ، و نها پێرپینه ل سه‌نته‌رێ ناحیا شێلادزێ زۆر دهێته چاندن.
ئه‌یوب خورشید ، خودانێ بازارێ فروتنا ده‌رمان و توفكێن ده‌رامه‌تى ل شێلادزێ بۆ ئه‌ڤرۆ نیوز گۆت: (د بنه‌ره‌ت دا پێرپینه كه‌رسته‌یه‌كێ سرۆشتى یه و دناڤا بیستان و زه‌ڤیێن چاندنێ دا ل گه‌ل ده‌رامه‌تى شوون دبیت ، و چوو زیان بو ده‌رامه‌تى نینن به‌لكو تنێ به‌رپێن ده‌رامه‌تى ته‌نگ دكه‌ت، و پێرپینێ تامه‌كا زور خوش بو ناڤا ڤه‌خوارن و خوارنان ژى هه‌یه، و بو ساخله‌میا مرۆڤى ژى گه‌له‌ك یا باشه ، و خه‌لك ب ره‌نگه‌كێ گشتى بكاردئینن ، به‌لێ ژبه‌ركو ل كوردستانێ و ده‌ڤه‌رێن مه ب تنێ ل وه‌رزێ چاندنێ دهێته دیتن ژبه‌رڤێ من هزر د وێ یه‌كێ دا كر كو ئه‌ز جوره پێرپینه‌كێ بینم كوردستانێ ل هه‌موو وه‌رزان بهێته‌خوارن).
زێده‌تر گۆت: (دبه‌روام لێگه‌ریانێ دا بو په‌یداكرنا جوره‌كێ پێرپینێ بو ده‌ڤه‌رێن كوردستانێ ل داویێ جوره‌كێ نووی ێ توڤێ پێرپینێ بناڤێ ARGETO ده‌ستخوڤه ئینا كو د ره‌سه‌ن دا دزڤریت بو به‌رهه‌مه‌كێ توكى و داهێنان لسه‌ر هاته‌كرن، و نوكه بویه ئێك ژ به‌رهه‌مێن جیهانى و ل گه‌له‌ك وه‌لاتان دهێته چاندن، و ئه‌ڤ پێرپینه ب ره‌نگ و شێوازێ خوه هه‌ر وه‌كو پێرپینا خومالى و سرۆشتى یا ناڤا بیستانێن مه‌یه ، به‌لێ به‌لگێن وێ مه‌زنترن و بلندتره و زێده‌تر به‌رهه‌مى دده‌ت و ره‌نگ و شێوازه‌كێ كه‌س و جوان هه‌یه و زێده‌تر ژ پێرپینا خومالى ژى دمینیت و شیانێن هه‌یى كو ل هه‌موو وه‌رزان ژى بهێته چاندن و دیسان ل بن خانویێن پلاستكى و لایلون ژى دهێته چاندن، و بتنێ ژ روویێ تامێ ڤه وه‌كو پێرپینا خومالى یه).
ناڤبرى د درێژاهیا ئاخفتنێن خودا دیاركر ژى كو خه‌لكێ شێلادزێ ب گه‌رمى پێشوازى ل ئه‌ڤى جورێ پێرپینێ كریه و ل مالێن خوه چاندینه.
پێرپینى ره‌هێن سوور هه‌نه و به‌لگێن وێ ژى دكه‌سكن ، و ره و تا و به‌لگێن وێ هه‌موو دهێنه خوارن، و خه‌لكێ كوردستانێ بو ناڤا زه‌لاتێ و ناڤا ئاڤه‌ماسێ و زه‌ركرنێ بكاردئینن ، و ژ روویێ ساخله‌میێ ڤه پێرپینه بو رێگریێ ل قه‌له‌ویێ دكه‌ت، رێژه‌یه‌كا زور یا ئاڤێ دناڤ پێرپینێ هه‌یه و هه‌ستا بیرسیبوونێ لده‌ڤ مرۆڤى گیرو دكه‌ت، و مه‌ترسیا توشبوون ب نه‌خوشیێن دلى و جه‌لتا دلى كێم دكه‌ت ، هاریكاره بو كێمكرنا ئاستێ كولسترولێ، و رێژه‌یه‌كا زور یا ڤیتامین Aى و ڤیتامین Cى دناڤ پێرپینێ هه‌یه.
ئه‌ڤرۆنيوز:
مافپه‌روه‌ر ورۆژنامه‌ڤانه‌كێ باژێرێ به‌سرا بۆ ئه‌ڤرۆنيوز ديار دكه‌ت، خوه‌نيشاندانێن ده‌ستپێكێ يێن خه‌لكێ به‌سرا دئاشتيانه بوون وداخوازيێن وان د ره‌وا بوون ژبه‌ركو سته‌مه‌كا ئابوورى يا مه‌زن ل به‌سرا دهێته كرن سه‌ره‌راى وێ چه‌ندێ ژێده‌رێ سه‌ره‌كيێ داهاتێ عيراقێ يه وئاماژه دا كو حوكمه‌تا عه‌بادى داخوازيێن خه‌لكێ به‌سرا پشت گوه هاڤێتيه وحزبا ده‌عوه شكه‌ستنه‌كا مه‌زن دحوكمرانيا عيراقێ دا ئينايه.
حه‌سه‌ن داوود رۆژنامه‌ڤان ومافپه‌روه‌ر ژ باژێرێ به‌سرا بۆ ئه‌ڤرۆنيوز دبێژيت” به‌سرا يا هاتيه پتشت گوه هاڤێتن ژلايێ حوكمه‌تێن خوه‌جهى ڤه وچو خزمه‌تكوزارى ژلايێ حوكمه‌تا ناڤه‌ندى وحوكمه‌تێن خوه‌جهى ڤه بۆ نه‌هاتينه پێشكێشكرن هه‌ر چه‌نده 80% بودجا عيراقێ ژ به‌سرا دهێت”
حه‌سه‌ن دبێژيت” ئاريشا ئاڤێ ل به‌سرا يا نوكه نينه، به‌لكو دزڤريت بۆ سالا 2009 وئه‌ڤه 9 ساله حوكمه‌تا عيراقى چاره‌سه‌ر نه‌كريه وئه‌ڤ ساله ژبه‌ر كێمبوونا هاتنا ئاڤا ديجله وفورات بۆ به‌سرا، كێشه‌كا مه‌زن دئاڤا ڤه‌خوارنێ دا په‌يدا بوو ژئه‌گه‌رێ سيربوونا ئاڤێ كو ژ كه‌نداڤى دهاته شه‌تولعه‌ره‌ب زێده‌بارى گرتنا ئاڤا رووبارێ كارۆن ب تمامى ژلايێ ئيرانێ ڤه، توركيا ژى هاتنا ئاڤێ بۆ ناڤ عيراقێ كێمكريه زێده‌بارى سه‌رێچيێن چه‌ند پارێزگه‌هێن عيراقى ب خوه ل سه‌ر به‌هرا ئاڤا به‌سرا، زێده‌بارى شكه‌ستنا حوكمه‌تا خوه‌جهى دچاره‌سه‌ركرنا كێشێ دا، هه‌رچه‌نده حوكمه‌ت دشيا هه‌ر ل سالا 2009 ئاريشێ چاره‌سه‌ركه‌ت ب رێيا دروستكرنا سكره‌كى ل شه‌تولعه‌ره‌ب وچێكرنا ويستگه‌هێن شرينكرنا ئاڤێ”.
ئاماژه دا” به‌سرا ژلايێ حزبان وكه‌سايه‌تيێن ده‌ستهه‌لاتدار دهێته ب رێڤه‌برن وئه‌و حوكمرانيێ لێ دكه‌ن وحوكمه‌تا ناڤه‌ندى ل به‌غدا ره‌فتارێ ل گه‌ل به‌سرا دكه‌ت وه‌كو نه پشكه‌ك ژ عيراقێ وسته‌مه‌كا مه‌زن ل به‌سرا هاتيه كرن ژلايێ ئابوورى ڤه”.
داوود دياركر زێده‌بارى وێ چه‌ندێ 80% په‌ترۆلا عيراقێ ژ به‌سرايه وئه‌و په‌ترۆل ژێده‌رێ سه‌ره‌كى يه بۆ بودجا سالانه يا عيراقێ، به‌لێ سته‌مه‌كا مه‌زن ل به‌سرا هاتيه كرن ژلايێ ئابوورى ڤه وگه‌له‌ك ژخه‌لكێ به‌سرا دبێ كارن وكۆمپانيێن په‌ترۆلێ ئه‌وێن ل به‌سرا كاردكه‌ن ژى پتريا كرێكارێن وان بيانى وخه‌لكێ پارێزگه‌هێن دى يێن عيراقێ نه”.
ل دۆر خوه‌نيشادانێن ڤێ دووماهيێ ئه‌وێن ل به‌سرا ده‌ركه‌فتين، گۆت” ل ده‌ستپێكێ خوه‌نيشادانێن ئاسايى بوون ودشيانێن حوكمه‌تا ناڤه‌ندى دا بوو چاره‌سه‌ر بكه‌ت وداخوازيێن خوه‌نيشانده‌ران بجهبينيت، به‌لێ حوكمه‌تا عه‌بادى يا راستگۆ نه‌بوو ل گه‌ل خوه‌نيشانده‌ران وئه‌ڤ چه‌نده بۆ ئه‌گه‌ر كو پێشڤه‌چوونێن مه‌زن دسێ رۆژێن بۆرى دا په‌يدا ببن ئه‌وژى سوتنا ئاڤاهيێن حكومى وباره‌گايێن حزبان وهنده‌ك ئاڤاهيێن ده‌زگه‌هێن راگه‌هاندنێ وداعشێ وبه‌عسيان مفايه‌كێ مه‌زن ژڤان خوه‌نيشادانان ديت ول دووڤ پلانا بۆ هاتيه دانان ره‌فتار كر، ديسا لايه‌نێن ده‌ره‌كى وحزبێن ده‌ستهه‌لاتێ ژى رۆل تێدا هه‌بوو بۆ نموونه سعوديێ كونسۆلخانا ئيرانێ ل به‌سرا سوت وه‌كو به‌رسڤه‌ك بۆ سوتنا باليۆزخانا سعوديێ ل ئيرانێ وداعشێ وبه‌عسيان باره‌گايێن حه‌شدا شه‌عبى سوتن وه‌كو به‌رسڤه‌ك ل سه‌ر رۆلێ حه‌شدێ دشكه‌ستنا داعشێ دا، حزبان ژى هه‌ر ئێكێ باره‌گايێ يا دى سوت، ئانكو ل ڤێرێ ديار دبيت كو هه‌ر لايه‌نه‌كى ئه‌جيندايێن خوه ل به‌سرا بجهئينان وتنێ وه‌لاتيێن به‌سرا دزياندارن.
حه‌سه‌ن داوود ئاشكراكر كو لژنا خوه‌نيشادانێن به‌سرا به‌ياننامه‌ك ده‌ركريه وتێدا ره‌ت دكه‌ت كو خوه‌نيشانده‌ران كارين تێكدانێ وسوتنا باره‌گايێن حزبان وئاڤاهيێ حوكمه‌تێ ئه‌نجام دابيت وب راشكاوى دبێژيت كو شانێن نڤستى يێن داعشێ وحزبا به‌عس ئه‌و كاره ئه‌نجامداينه وبۆ وێ چه‌ندێ بۆ خه‌لكێ به‌سرا وجادا به‌سرى ب سه‌لمينن كو خوه‌نيشادانێن وان دئاشتيانه‌نه وددورن ژ هه‌ر كاره‌كێ تێكدانێ وسوتنێ، بريار دابوو ل رۆژا شه‌مبيێ خوه‌نيشادانان نه‌كه‌ن بۆ ڤه‌خواندنا شاشيێن دده‌مێ خوه‌نيشادانان دا هاتينه كرن كو خوه‌نيشانده‌ران چو په‌يوه‌ندى ب وان كارين تێكده‌ر ڤه نه‌بوو.
ناڤبرى هوشدايێ دده‌ت كو ره‌وشا به‌سرا دێ به‌ر ب چاره‌نڤيسه‌كێ نه‌ديار ڤه چيت، هه‌كه حوكمه‌تا عيراقێ هێزه‌كا ئه‌منى يا مه‌زن بۆ چه‌سپاندنا قانوونێ نه ڤرێكه‌ت ورێ ل ئه‌وێن ب پلان هاتينه دناڤ خوه‌نيشانده‌ران دا نه‌هێته كرن ب رێيا ده‌سته‌سه‌ركرنا وان، ديسا پێدڤيه وه‌لاتيێن به‌سرا گه‌له‌ك دهشيار بن ل دۆر وێ پلانا مه‌زن ئه‌وا دژى وان دهێته ئه‌نجامدان وپێدڤيه رێگريێ ل ئه‌نجامده‌رێن وێ پلانێ بكه‌ن هه‌كه نه به‌سرا دێ بيته ئه‌نبارا دويێ.
ئه‌ڤرۆنيوز:
سترانبێژا ناڤدار يا لوبنانى ئه‌ليسا نووترێن وێنێ خوه بێ ميكياژ به‌لاڤكر ودبێته جهێ سه‌رنجا هه‌وادارێن وێ.
ئه‌ليسا ل به‌رپه‌رێ خوه ل سه‌ر تۆرا جڤاكى يا ئه‌نستگرامێ، نووترين وێنێ خوه بێ ميكياژ به‌لاڤكر ل گه‌ل هه‌ڤاله‌كا خوه دناڤ ميترۆيه‌كێ دا ل باژێرێ رۆما پايته‌ختا ئيتاليا وهنده‌ك ژ هه‌وادارێن وێ دكۆمێنتێن خوه دا ل سه‌ر وى وێنه‌ى ديار دكه‌ن كو ژيێ وێ كاريگه‌رى يا ل سه‌ر كرى.
ئه‌ليسا زه‌كه‌ريا خۆرى، ژدايكبوويا سالا 1971 يه بابێ وێ لوبنانى يه ودايكا وێ سوورى يه.. ژبه‌ر ده‌نگێ وێ يێ خوه‌ش ناسناڤێ ( شاژنا هه‌ستان) ل سه‌ر هاتيه دانان.
نيشاندان