NO IORG
نووترين نووچه
نووترين نووچه

د. نورلدين عه‌بدوللا

  ئه‌ڤرۆنيوز:

نوشدارێ تایبەتمەندێ نوشداریا خێزانێ، نورالدين عه‌بدولا، دیارکر کو کیس گەلەک جاران دبێژن چەرمەکە ل سەر ھێکێ دھێتە داگرتن لێ دراستی دا ئەو بخو کاڤلوخکەکە ھێکێن کچێ یان ژنێ یێت دناڤ دا وگوت: ھەر کچەک پشتی بالخبوونێ ھورمونێت وان ژ ئەگەرێ دەرھاڤێژا ئانکو رژێنەران ژێرمێش ئەوا دبێژنێ (خدە نەخامی )یە ،دھێنە دەرێ گەلەک ھورمونن ،بەلێ تایبەت گرێدای بالخبوونێ ڤە پرولاکتینە ھورمونێ شیری و ھورمونێ پەیداکرنا ھێکا و توڤی یە ھەروەسان lH ھورمونێ گەھاندنێ یە ،ئەف ھەرسێ ھورمەنە لدەف ھەردوو رەگەزان کار دکەن ،دەف کچێ یێ شیری کارێ خوە دکەن ئەو ھەردوو کێن دی ل سەر مالبچوکی وھێکدەرێ کاردکەن ،مالبچوکی بەتانێ ستوویر دکەن و ھێکەکێ یان سیێ یا ئامادە دکەن بۆ پەقینێ ،تشتەکێ سروشتی یە دەمێ ھێک تەمام دبیت و مەزن دبیت ،ھێکا کچکێ یان یا ژنکێ وەکی یا مریشکێ یە جەوا سپیلکو زەرکو قەلپیچکە یا ژنێ ژی کیسک و ئاڤو ناڤەروکە ،ھەردەمێ تەمام بۆ دێ پەقیت ،دەمێ پەقاندنێ نافکا وێ دچیتە بوریا ھێکادا دێ خوە گریت ھەکە کچ بۆ دێ ھێکا وێ ھێتە خار و بیتە خولا ھەیڤانە ،لێ ھەکە ژن بۆ دێ بیتە بچووک .

نورالدينى زێده‌تر بۆ نوش نيوز گۆت دازانین کو ھەر کچەک پشتی بالخبوونێ سێ سەد ھەتا چار سەد ھێکا یێت ھەین ناف ھەردوو ھێکدەران دا ئەو ب درێژاھیا ژیانا خوە پێدڤی ب سێی سەد ھێکا نابیت ،ھەکە ئەف ھێکە گەھشت و مەزن بو و نەپەقی ئەو دێ بیتە کیس وگوت: سیێ جورێن کیسا یێت ھەین کیسکێ ساناھی یێ ھەی کو ئەڤە ھێکە مەزن دبیت ،کیسکێ زەحمەت یێ ھەی ھندەک جارا دبێژنێ کیسکێ خووینێ ،کیسکێ مەترسیدار ژی یێ ھەی ئەف حالەتە یێ تایبەتە پێدڤی یە زوو بھێتە چارەسەر کرن ،گەلەک جاران کومەکا ھێکا پێکڤە دھێن دبیتە خەرزێ ھێکا دەمێ نەبیتە بچووک ، دمینە رەخو دورێن دیوارێ ھێکێ و ھێک پڤ دبیت و ژ قەبارێ خوەیێ سروشتی مەزنتر لێ دھێت، ئەڤە نیشانێن تەکەیوسێ نە ئانکو گەلەک کیسێن بچووک .

 تایبەتمەندێ نوشداریا خێزانێ خویاکر ژى كو کیس و گەلەک کیس ھەردو تێکدانێ دکەن، لێ کیس ئێک کیسە ھێک مەزن دبیت ناپەقیت ، لێ گەلەک کیس خەرزێ ھێکایە گەلەک ھێک پێکڤە دھێن و ناپەقیت و دبیتە ئەگەر ژن دووگیان نەکەڤیت ،یاگرنک دگەل پەیدابوونا کیسان خولا ھەیڤانە تێکدچیت و قەلەوی پەیدا دبیت لێ نەل ھەموویان ، تشتێ ژ ھەموویان نەخوشتر ئەوە پەیدابوونا موویان ل دێمی و سەرێن سینگا ھەروەسان خەتا زکی یا نیڤەکێ بن نافکێ دەما ئەڤە پەیدابوون پێدڤی یەکچ زوو پرسیارا خوە بکەت .

ئاماژە ب وێ یەکێ دا ژبو کیسان دیف چوونەکا بەردەوام پێ دڤێت ھەیڤانە سونەرێ بگریت داکو بزانن کا تەکەیوس ماینە یان نە ،ئەم چاڤدانا وان دکەن کو ھورموناتێن وان دروست بکەن ،دیسان یاگرنگ ئەوە جورێن خوارنێ ،ئەف خورانێن نوکە یێن بلەز دوھنێ وان یێ زێدەیە پەیوەندی یا ب پەیدابوونا گەلەک کیسانڤە ھەی ھەروەسان ژی ئەنسولین ژی تێکدچیت ل جەم وان ،کەسێن گەلەک کیس ھەی، چارەسەریا وان ژی ب دەرمانێن گرێدای ھورمونانە.

ئه‌ڤرۆنيوز:

نڤيسينگه‌ها راگه‌هاندنێ يا سه‌رۆكاتيا وه‌زيرێن عيراقێ، درۆهنكرنه‌كێ دا كو ئه‌ڤرۆ دوشه‌مبى 3/9/2018 به‌لاڤكرى، به‌حس ل وێ چه‌ندێ دكه‌ت كو عه‌بادى پۆستێ سه‌رۆكێ حه‌شدا شه‌عبى ژى وه‌رگرتيه‌.

نڤيسينگه‌ها ناڤبرى درۆهنكرنا خوه‌ دا ديار دكه‌ت” حه‌يده‌ر عه‌بادى، فه‌رماندێ گشتيێ هێزێن چه‌كدار ل عيراقێ وسه‌رۆكێ ده‌سته‌يا حه‌شدا شه‌عبى، سه‌ره‌دانا باره‌گايێ ده‌سته‌يا حه‌شدا شه‌عبى كر ب مه‌ه‌رما ئاگه‌هداربوونێ ل سه‌ر ره‌وشا حه‌شدا شه‌عبى”.

ئه‌ڤرۆنيوز:

وه‌زيرێ به‌رگريا ئيسرائيلێ گه‌فێن هێرشكرنێ ل سه‌ر عيراقێ دكه‌ت ورادگه‌هينيت، دبيت ئيسرائيل وه‌كو هێرشێن ل سه‌ر سووريێ، هێرشان بكه‌ته‌ سه‌ر هه‌ر يه‌كه‌يه‌كا له‌شكرى كو گومانێ لێبكه‌ت ئيرانى بيت ول عيراقێ هاتبيته‌ جێگيركرن.

ئاژانسا رويته‌رز به‌لاڤكر كو ئه‌ڤيدۆر ليبه‌رمان، وه‌زيرێ به‌رگريا ئيسرائيلێ دكۆنگره‌كێ رۆژنامه‌ڤانى دا ل ئورشه‌ليم راگه‌هاند” ئه‌م ب هوورى چاڤدێريا روودانێن سووريێ دكه‌ين، سه‌باره‌ت گه‌فێن ئيرانێ ژى ئه‌م تنێ خوه‌ ل سووريێ كورت ناكه‌ين”.

دبه‌رسڤا پرسياره‌كێ دا، كو ئايا ئه‌و گه‌ف عيراقێ ژى ڤه‌دگرن، كو ل دووڤ ژێده‌رێن ئاژانسا رويته‌رزێ، بريكارێن شيعێن ئيرانێ ل عيراقێ، چه‌ندين مووشه‌كێن پاليستى ڤه‌گوهاستينه‌، لێبه‌رمان گۆت” ئه‌م ره‌فتارا له‌شكرى ل گه‌ل هه‌ر گه‌فه‌كا ئيرانێ دكه‌ين ويا گرنگ نينه‌ ژێده‌رێ وێ ل كيرێ يه‌، چونكى ئه‌م ئازاديا كارێ خوه‌ دپارێزين”.

 

 

 

ئه‌ڤرۆنيوز:

سياسه‌تمه‌دارێ ناڤدارێ كورد مه‌حموود عوسمان راگه‌هاند، پشتى دو ليستێن شيعى هاتينه‌ دياركرن، كورد يێن بووينه‌ ئێكلاكه‌ر وهه‌كه‌ كورد پشته‌ڤانيێ ل هه‌ر ليسته‌كا ژوان بكه‌ن، ئه‌و ليسته‌ دێ بيته‌ مزنترين ليستا په‌رله‌مانى، له‌وما پێدڤيه‌ كورد ژى ل دووڤ به‌رژه‌وه‌نديا خوه‌ پشته‌ڤانيێ ل ليسته‌كێ بكه‌ن.

هه‌ر ئێك ژ به‌ره‌يێ سائيرون وبه‌ره‌يێ فه‌تح كو هه‌ردو شيعه‌نه‌، مه‌زنترين ليستا په‌رله‌مانى راگه‌هانديه‌ ونوكه‌ تنێ كورد ماينه‌ خوه‌ ئێكلابكه‌ن، كو ئه‌وژى دانوستاندنێن به‌رده‌وام دانه‌ ل گه‌ل لايه‌نان وهێشتا بريارا دووماهيێ نه‌دايه‌.

مه‌حمود عوسمان بۆ مالپه‌رێ فه‌رمى يێ پارتى ديموكراتى كوردستان گۆت” كورد دێ بنه‌ ئێكلاكه‌ر كا چ ليست دێ بيته‌ مه‌زنترين ليستا په‌رله‌مانى تاكو حوكمه‌تا نوو پێك بينيت، له‌وما كورد پشته‌ڤانيێ ل كيش ليستێ بكه‌ت، ئه‌و دێ بيته‌ مه‌زنترين ليست”.

دياركر” پێدڤيه‌ كورد ل دووڤ به‌رژه‌وه‌نديا خوه‌ مامه‌لێ بكه‌ت وكيش ليست زێده‌ترين داخوازيێن كوردان بجهبينيت، پشته‌ڤانيێ ل وێ ليستێ بكه‌ن، ب تايبه‌تى داخوازيێن گرێداى ده‌ڤه‌رين كوردستانى وكه‌ركووكێ ونابيت ل بن چو فشاره‌كێ پشته‌ڤانيێ ل ليسته‌كێ بكه‌ن، چونكى ده‌مێ 15 سالايه‌ گوه ل وه‌لاتان دگرين وچو بۆ كوردان نه‌كريه‌”.

ئه‌ڤرۆنيوز، ،عه‌زیز هه‌ورامی

بنه‌مالا غه‌فور ميرزا يێ وه‌غه‌ركرى، كتێبخانا بابێ خوه‌ كو زێده‌تر ژ 1500 په‌رتوكان بخوه‌ڤه‌ دگريت پێشكێشى كتێبخانا زانكۆيا هه‌له‌بجه‌ كر.

ئارام غفور میرزا بۆ‌ ئه‌ڤرۆنيوز گۆت” بابێ مه‌ وه‌سيه‌ت ل مه‌ كربوو پشتى مرنا وى هه‌موو كتێبخانا وى پێشكێشى زانكۆيا هه‌له‌بجه‌ بكه‌ين”.

ته‌حسین كه‌ریم، سه‌رۆكێ زانكۆيا هه‌ڵه‌بجه‌ بۆ ئه‌ڤرۆنيوز گۆت” وێ بنه‌مالێ كاره‌كێ باش كر ودێ قوتابيێن زانكۆيا مه‌ مفاى ژێ بينن وهيڤيدارم خه‌لكه‌كى دى ژى چاڤ ل وان بكه‌ت”.

دياركر ژى”ئێكه‌م كه‌س كو په‌رتوكێن خوه‌ پێشكێشى زانكۆيا هه‌له‌بجه‌ كرين دكتۆره‌ په‌روين عه‌بدولره‌حيم بوو كو مامۆستايا زانكۆيا سلێمانيێ بوو ونوكه‌ ل سويد ئاكنجى يه‌”.

ئه‌ڤرۆنيوز:

دروونشتنا ئێكێ يا په‌رله‌مانێ عيراقێ كو ئه‌ڤرۆ دوشه‌مبى 3/9/2018 هاتيه‌ ئه‌نجامدان، په‌رله‌مانتارێن پارتى وئێكه‌تى وده‌وله‌تا قانوونێ و فه‌تح خوه‌ ژ روونشتنێ ڤه‌كێشا وسه‌رۆكێ به‌روه‌خت يێ په‌رله‌مانى روونشتن بۆ ده‌مێ ده‌مژمێره‌كێ پاشخست.

ئەڤرۆ نیوز:

رۆژناما “جمھوریەت” یا تورکی د راپۆرتەکێ بەلاڤکر کو بەرپرسێن تورکیا دڤێت کێشا قەشە ئەندرۆ برۆنسۆن چارە بکەن و دھێتە چاڤەرێکرن ل 12ی ئیلۆنا ئەڤ سالە بھێتە ئازادکرن.

رۆژنامێ ئاماژە ب وێ چەندێ ژی کر کو بەرپرسێن حوکمەتا تورکیا دڤێت د رێیا ئازادکرنا قەشە برۆنسۆن رەوشا پەیوەندیان ل گەل ئەمریکا ئاسایی بکەن و دووماھیێ ب وان سزایێن ئابووری بینن کو ئەمریکا ل سەر تورکیا سەپاندینە.

ئاماژە ب وێ چەندێ ژی کر کو بەپرسێن تورکیا دڤێت ھەمان سیناریۆیا دو لەشکرێن یونانی دووبارە بکەن کو ب بڕیارەکێ ل تیرمەھا ئەڤ سالە ھاتنە ئازادکرن و کێشا ئەوان دو وەلاتان ھێمن بوو.

قەشە برۆنسۆن، قەشەیەکێ ئەمریکی یە و پشتی کودەتا سالا 2016ێ ب تۆمەتا پەیوەندی ل گەل بزاڤا فەتحولا گویلەن و ھاریکاریا پارتیا کرێکارێن کوردستانێ ژ لایێ ھێزێن ئەمنی یێن تورکیا ڤە ھاتە دەستەسەرکرن و نوکە ژی د بن مانا ب زۆری دایە ل مالا خوە و مافێ گەشتکرنێ نینە.

ئه‌ڤرۆ نيوز:

كۆمبوونا جڤاتا نوونه‌رێن عيراقێ ژ بۆ سووندخوارنا قانوونى ده‌سپێكر.

ل دووڤ مادێ (54) یێ د‌ستورێ هه‌میشەیی یێ عیراقێ ‌، بۆ روونشتنا ئه‌ڤرۆ یا په‌رله‌مانی، دێ ب‌ته‌مه‌نترين كانديدێ سه‌ركه‌فتی بۆ خولا چارێ یا په‌رله‌مانی دێ روونشتنا ئه‌ڤرۆ برێڤەبەت كو‌ ناڤێ وی (محه‌مه‌د عه‌لى سالح باقر ئه‌لزه‌ينى)يه‌، ژ‌ هەڤپه‌يمانیا مه‌ده‌نى ديموكراتى یە.

پشتی خواندنا قورئانێ دێ سه‌رۆكێ نوکە یێ كۆمارا عیراقێ، ئاخفتنەکێ پێشكێش کەت، پاشی سه‌رۆك وەزیرێ نوکە دێ گۆتارەکێ خوینیت، هەروەسا دێ سەرۆکێ پەرلەمێ خولا سیێ ژی گۆتارا خوە پێشکێش کەت، پاشی دێ ناڤێ كانديدێن سه‌ركه‌فتی بۆ خولا چارێ یا (2018-2022) هێنە خواندن‌، لدووڤ مادێ (50) یێ د‌ستوورێ هه‌ميشه‌يى یێ عیراقێ، كانديدێن سه‌ركه‌فتی دێ سویندا دستوورى خون.

ل دووڤ مادێ (55) یێ دستوورێ عیراقێ، دڤێت د ئێكه‌مين روونشتنا خولا نوو یا په‌رله‌مانیدا، دڤێت سه‌رۆك و هەردو جێگرێن وی وه‌ك ده‌ستەیا سه‌رۆكاتیا پەرلەمانی بهێنە هەلبژارتن.

ئه‌ڤرۆ نيوز:

بڕياره‌ رۆژا چارشه‌مبيا بهێت ده‌ست ب به‌لاڤكرنا مووچێ وه‌زاره‌ت و دامه‌زراوێن حكومى يێن هه‌رێما كوردستانێ بهێته‌ كرن و ل ده‌سپێكێ ژى مووچێ وه‌زاره‌تا پێشمه‌رگه‌يى هێته‌ به‌لاڤكرن.

ژێده‌ره‌كێ ئاگه‌هدار ل وه‌زاره‌تا دارايى راگه‌هاند كو رۆژا چارشه‌مبى يا بهێت 5ى ئيلۆنا 2018ێ ده‌ست ب به‌لاڤكرنا مووچه‌يى هێته‌ كرن و مووچێ ديوانا پێشمه‌رگه‌يى هێته‌ به‌لاڤكرن.

گۆتژى: “رۆژا پێنجشه‌مبى ژى 6ى ئيلۆنێ مووچێ يه‌كا 70 و 80ێ دێ مووچێ هێزێن پێشمه‌رگه‌يى هێته‌ به‌لاڤكرن و رۆژێن پاش دا ژى دێ مووچێ وه‌زاره‌تێن دى هێته‌ به‌لاڤكرن”.

ئه‌ڤرۆ نيوز:

ئه‌ڤرۆ رۆژا دوشه‌مبى 3ى ئيلۆنا 2018ێ ب سه‌رپه‌رشتيا مه‌سعود بارزانى، ئێكه‌تيا ئافره‌تێن كوردستانێ، ل باژێرێ هه‌ولێرێ دێ كۆنگرێ خوه‌ يێ هه‌شتێ گێريت.

ئێكه‌تيا ئافره‌تێن كوردستانێ ل سالا 1952ێ ل سه‌ر داخوازا مه‌سته‌فا بارزانى رێبه‌رێ بزاڤا رزگاريخوازا كوردى د كاودان و هه‌لومه‌رجه‌كێ نه‌ جێگرێ سياسى و جڤاكى هاته‌ دامه‌زراندن و هه‌تا نوكه‌ حه‌فت كۆنگره‌ گرێداينه‌.

سه‌رۆك مه‌سعود بارزانى ئاماده‌يى كۆنگره‌يه‌ و ل ده‌سپێكێ پێشانگه‌هه‌كا تايبه‌ت ب مێژوو و خه‌باتا ئێكه‌تيا ئافره‌تێن كوردستانێ د قووناغه‌كا جودا يا مێژوويێ و كارێ ده‌ستى يێ ئافره‌تا ڤه‌كر.

بڕياره‌ سوبه‌هى د رۆژا دووماهيێ يا كۆنگره‌يى دا ده‌سته‌يه‌كا نوو بۆ ب رێڤه‌برنا كارێن ئێكه‌تيا ئافره‌تێن كوردستانێ ب هه‌لبژێرن.

website security
WP Facebook Auto Publish Powered By : XYZScripts.com