ئەڤرۆ نیوز ، زنار تۆڤی:

ئەڤرۆ ئەینیێ 7.9.2018 جارەکادی دادگەھا ستەنبۆلێ روونشت و دەست ب دۆزا سەلاحەدین دەمیرتاش سەرۆکێ بەرێ یێ ھەدەپێ کر و دەمیرتاش ب چار سال و هەشت هەیڤان و سرى سوره‌یا ئوندەر پەرلەمانتارێ هەدەپێ ژى سێ سال و شەش هەیڤان زیندانكرن، هەردوویان ب رێیا ڤیدیۆیێ پشکداری د وێ دادگەهکرنێ دا کر.

دەمیرتاشی د وێ دادگەهێ دا گۆت: ئەو گۆتنێن ئەو ل سەرا دھێتە دادگەھکرن، ب شاشی ڤە ژ لایێ دەولەتا تورک ڤە ھاتینە ڤەگوھاستن، لێ پشتی گۆتنێن وان هاتینە وەرگرتن، سەلاحەدین ده‌میرتاش ب چار سال و هەشت هەیڤان و سرى سوره‌یا ئۆنده‌ر ژى ب سێ سال سال و شەش هەیڤان هاتنە زیندانكرن.

ئه‌ڤرۆنيوز:

سه‌رۆكێن وه‌لاتێن رووسيا وتوركيا وئيرانێ ئه‌ڤرۆ ئه‌ينيێ 7/9/2018 دێ ته‌هران پايته‌ختێ ئيرانێ كۆمبن بۆ دانوستاندنێ ل سه‌ر ره‌وشا سووريێ.

دكۆمبوونا دناڤبه‌را فلاديمێر پۆتين، سه‌رۆكێ رووسيا وحه‌سه‌ن روحانى، سه‌رۆكێ ئيرانێ و ره‌جه‌ب ته‌يب ئه‌ردۆگان سه‌رۆكێ توركيا دێ به‌حسێ پرسا كونترۆلكرنا باژيرێ ئيدلب يێ سوورى وئۆپه‌راسيۆنێن له‌شكرێ سوورى هێته‌ كرن.

ژێده‌ره‌كێ له‌شكرى بۆ رۆژناما (كۆمێرسانت) يا رووسى گۆت” هوورده‌كاريێن ئۆپه‌راسيۆنا له‌شكرى يا سوورى دژى تيرۆرستان ل ئيدلبێ، پێدڤيه‌ سه‌رۆكێ رووسيا وتوركيا وئيرانێ ئه‌ڤرۆ ل سه‌ر رازى بن، پاشى ئۆپه‌راسيۆن ده‌ست پێ بكه‌ت”.

رۆژناما رووسى ئه‌وژى ئاشكراكر كو ئۆپه‌راسيۆنا له‌شكرێ سوورى بۆ كونترۆلكرنا ئيدلبێ دڤيا ل هه‌يڤا ته‌مووزا بۆرى هاتبا ئه‌نجامدان، به‌لێ ژبه‌ر نه‌رازيبوونا توركيا هاتبوو پاشخستن.