ئه‌ڤرۆنيوز:
ده‌زگه‌هێ خێرخوازى يێ بارزانى كاروانه‌كێ هاريكاريان گه‌هانده خه‌لكێ پارێزگه‌ها به‌سرا كو تووشى ئاريشه‌كا مه‌زن يا كێم ئاڤيێ بووين.
هاريكاريێن ده‌زگه‌هێ خێرخوازيێ بارزانى پێك دهاتن ژ ده‌هان هزار بتلين ئاڤا دلوپكرى.
ئاڤا (شه‌تولعه‌ره‌ب) ل به‌سرا تووشى پيسبوونێ بوويه وب هزاران وه‌لاتيێن به‌سرا تووشى ژه‌هراوى بوونێ ببوون ژبه‌ر وى ئه‌گه‌رى.
وه‌زاره‌تا په‌روه‌ردا حوكمه‌تا هه‌رێما كوردستانێ بۆ سالا نوو یا خواندنێ 2018-2019 راگه‌هاند، ده‌ستبكاربوونا مامۆستایان دێ ل رۆژا پێنجشه‌مبی 6/9/2018 بیت .
هه‌روه‌سا وه‌زاره‌تا په‌روه‌ردێ راگه‌هاندیه، رۆژێن شه‌مبی كو ب بهێنڤه‌دان دهاتنه هژمارتن، د سالا نوو یا خواندنێ دا بهێنڤه‌دان نینه و ل رۆژا شه‌مبیێ هه‌تا پێنجشه‌مبیێ دێ ده‌واما فه‌رمی بیت.
ئه‌ڤرۆنیوز:
ئه‌ندامه‌كێ سه‌ركردایه‌تیا پارتى دیموكراتى كوردستان دبێژیت، حه‌یده‌ر عه‌بادى سه‌رۆك وه‌زیرێن كاربه‌رێكه‌رێ عیراقێ، جاره‌كادى وى پۆستى وه‌رناگریت.
عه‌لى عه‌ونى، ئه‌ندامێ سه‌ركردایه‌تیا پارتى دبه‌رپه‌رێ خوه ل سه‌ر فه‌یسبووكێ به‌لاڤكر”عه‌بادى باش دزانیت نابیته سه‌رۆك وه‌زیرێن عیراقێ، له‌وما دخوازیت خوه بكه‌ته قه‌هره‌مان وبێژیت ژبه‌ر كه‌ركووكێ نه‌شیام مه‌زنترین فراكسیۆنێ دروست بكه‌م”.
زیده‌تر گۆت”لیستا عه‌بادى یا ل به‌ر هه‌لوه‌شاندنێ”.
ئه‌ڤرۆنیوز:
سه‌رۆكێ فراكسیۆنا پارتى دیموكراتى كوردستان ل په‌رله‌مانێ كوردستانێ، ئومێد خوشناو، ل به‌رپه‌رێ خوه ل سه‌ر تۆرا جڤاكى یا فه‌یسبووكى به‌لاڤكر، هه‌لبژارتن ل ژڤانێ خوه دێ هێنه ئه‌نجامدان، چه‌ند رۆژه بێ چو ئه‌گه‌ر بزاڤێن زۆر دهاتن كرن ب هێجه‌تێن جودا جودا هه‌لبژارتن ل ده‌مێ خوه یێ دیاركرى دا نه‌هێنه ئه‌نجامدان.
ئومێد خوشناو گۆت ژى” هه‌رچه‌نده ل ده‌ف رایا گشتى وهه‌موو لایه‌كى رۆهن بوو كو پارتی ناچیته دبن چو فشار وداخوازیه‌كێ كو هه‌لبژارتن بهێنه پاشخستن، ل ڤان رۆژان دا ژى چه‌ندێ بزاڤ هاتنه كرن، به‌لێ چو ژ وان بزاڤان سه‌رنه‌گرتن”.
دیاركر” له‌وما بۆ پشت راستبوونا هه‌ڤالێن پارتى، هه‌لبژارتن ناهێنه پاشخستن ول ده‌مێ خوه یێ دیاركرى دا دێ هێنه ئه‌نجامدان، پێدڤیه كادر وئه‌ندام ودۆست ولایه‌نگرێن پارتى خوه به‌رهه‌ڤ بكه‌ن بۆ سه‌ركه‌فتنا مه‌زن یا پارتى وسه‌رۆك بارزانى”.
ئه‌ڤرۆ نیوز،نه‌وزاد هلۆرى:
ژێده‌ره‌كێ ل ناحیا دێره‌لوكێ دیاركر كو ئێڤاریا ئه‌ڤرۆ فروكێن شه‌ركه‌رێن توركیا ده‌ڤه‌را به‌رێ گاره‌ى ب دژوارى بوردومان كر، و ئه‌ڤه د ده‌مه‌كێ دایه كو نوكه وه‌رزێ چنینا سماقێ یه و خه‌لكه‌كێ زور قه‌ستا ناڤا ره‌زێن خوه كریه.
ئه‌وى ژێده‌رى دیاركر ژى كو فروكان ئه‌ڤجاره ده‌ردورێن گوندێ گیزێ بوردومانكر و ل ئه‌نجامێ بوردومانا فروكان ئاگر به‌ربوویه جهێ روودانێ، و خواست كو بوردومان بهێته راگرتن داكو خه‌لك بشێت بچته سه‌ر ره‌ز و بیستانێن خوه و نه‌بنه قوربانى.
دهێته زانین ئه‌ڤ ساله فروكێن توركیا 75 جاران سنوورێ ده‌ڤه‌را ئامێدیێ بوردومانكریه و د ئه‌نجام دا 15 كه‌س شه‌هید و برینداربوینه.
ئه‌ڤرۆ نیوز ، نه‌وزاد هلۆرى:
شاها مێشا یان بێژین میرا مێشا دبیته ب رێڤه‌به‌ر و به‌رپرسیارێ سه‌ره‌كیێ رێكخستنا كاروبارێن مێشێ دناڤ خلیف و سندوقێن ب خودانكرنا مێشان دا، و بێى وى چوو كار ناهێنه‌كرن بو باشتركرنا هنگڤینى، شاها مێشان به‌رپرسیاره ژ دانانا هێكا داكو مێش یا به‌رده‌وام بیت ، و ئه‌وى شاهێ خوارنه‌كا تایبه‌ت هه‌یه و ره‌نگێ وێ سپى یه و هنده‌ك جاران ژى ره‌نگێ وێ زه‌ره ، و تاما وێ تێكه‌له ل ترش و شیرینى و باشترین چاره‌سه‌ریه بو چه‌ندین نه‌خوشیان.
نه‌زیر موسته‌فا ئێكه ژ مێشه‌ڤانێن ده‌ڤه‌را بارزان و 19 ساله مێشان ب خودان دكه‌ت و روله‌كێ به‌رچاڤ هه‌یه دخودانكرنا مێشان دا و سالانه نێزیكێ نیڤ كیلویا خوارنا شاها مێشان به‌رهه‌م دئینیت و دفرۆشیت بۆ ئه‌ڤرۆ نیوز گۆت: (به‌رهه‌مئینانا خوارنا شاها مێشا رێیه‌كا تایبه‌ته و هه‌موو مێشه‌ڤان نكارن به‌رهه‌مبینن و ده‌ستبێخن ژبه‌ركو زور كێمه و ئه‌گه‌ر شاره‌زایى نه‌بیت دێ هه‌موویێ ژ ده‌ست ده‌ت ، و پێدڤى یه ئه‌و مێشه‌ڤانێ كو دخوازیت خوارنا شاها مێشان ده‌ستخوڤه بینیت خوه دویربێخیت ژ شه‌كرێ و ئه‌گه‌ر بكار ژى ئینا زور كێم بكاربینیت، و دیسان پێدڤى یه مێشێن خوه ببه‌ت زوزان و ده‌شت و چیا و جهێن خوش و ب دار و بارو كولیل ، داكو هنگڤینه‌كێ ساف و ئه‌سلى ب ده‌ستڤه بهێت و دیسان خوارنا شاها مێشان ژى ده‌ست مێشان بكه‌ڤیت و بو شاها خوه بینن).
زێده‌تر گۆت: (من نێزیكێ 200 مێشان هه‌نه و ئه‌ڤه 19 ساله بێ ڤه‌برین ئه‌ز مێشان ب خودان دكه‌م و ب چه‌ندین رێیا هه‌تاكو ئه‌ز بشێم سالانه نێزیكێ نیڤ كیلو ژ خوارنا شاها مێشان ده‌ستخوڤه بینم و بده‌م نه‌خوشان، چونكى خوارنا شاها مێشان باشترین ده‌رمانه بو چه‌ندین نه‌خوشیان هه‌تا نوكه هاتیه دیتن ، و گه‌له‌ك یا ب زه‌حمه‌ته ژى مرۆڤ بشێت ده‌ستخوڤه بینیت).
نه‌زیرى ل بارا مفایێن خوارنا شاها مێشان دیاركر كو خوارن و بكارئینانا خوارنا شاها مێشان بو مه‌ره‌مێن ساخله‌میێ كاره‌ك ب زه‌حمه‌ته و شاش بكارئینان ره‌نگه كارتێكرنێ بكه‌ت و زێده‌تر گۆت: (خوارنا شاها مێشان ده‌رمانه بو وان زاروكێن كو ژ روویێ ئه‌قلى و له‌شى ڤه پێنه‌گه‌هشتینه، و دیسان ده‌رمانه بو وان ژن و زه‌لامێن كو زارو په‌یدا نابن یان كێشه هه‌نه، و چاره‌سه‌ریه بو ئاشكێ مرۆڤى ئه‌گه‌ر روژانه بهێته‌خوارن ، و چاره‌سه‌رییه‌كا زور باشه بو وان كه‌سانێن كو ژ روویێ ده‌روونى ڤه نه دئارامن و توره و دلنه‌خوشن، و دلێ مرۆڤى دبه‌ت خوارنێ بێ كو كارتێكرنێ ل قه‌له‌ویا مرۆڤى بكه‌ت ئانكو رێكخستنا له‌شێ مرۆڤى دكه‌ت، و له‌شێ مرۆڤى ژ میكروبان دپارێزیت و هه‌ند چاره‌سه‌ریێن سێكسى ژى بو نه‌خوشان دكه‌ت ئه‌و ژى ب زێده‌كرنا مادده‌یێ زه‌لامى كو دهێته بناڤكرن مه‌نى یان سپێرم، ئه‌ڤ خوارنه ب دوو ره‌نگێن سپى و زه‌ر هه‌یه، به‌لێ بكارئینانا وێ پێدڤى ب شاره‌زایه‌كا باش هه‌یه ژبه‌ركو بو هه‌ر نه‌خوشیه‌كێ دڤێت رێژه‌یه‌ك بهێته بكارئینان و هه‌ر شاشیه‌كا بچوك تێدا بهێته‌كرن دێ كارتێكرنێن به‌روڤاژى هه‌بن ، ئانكو نابیت ئێك گرام كێم یان زێده بهێته‌كرن، بو نموونه ئه‌و كه‌سانێن كو خوارنا شاها مێشان بو مه‌ره‌مێن په‌یدابوونا زاروكان لده‌ڤ ژنان یان زه‌لامان بكاربینن پێدڤى یه ئێك گرامێ ل گه‌ل 250 گرامێن هنگڤینى تێكه‌ل بكه‌ت ، و رۆژانه كه‌چكه‌كێ خوارنێ بخوت هه‌تاكو ئه‌و هنگڤین دوماهى دهێت، و ئه‌گه‌ر چاره‌سه‌رى نه‌بوو ب هه‌مان رێك دێ دووباره كه‌ت و بڤى ره‌نگى نابیت زێده و كێمى بهێته بكارئینان ، ئانكو ئه‌گه‌ر بو 250 گرامێن هنگڤینى دوو گرامێن خوارنا شاها مێشان بهێته بكارئینان ل وى ده‌مى دێ كارتێكرن به‌روڤاژى بن ، ژبه‌رڤێ گرنگه كو ئه‌و كه‌سانێن خوارنا شاها مێشان بكاردئینن پێزانینان و رێنمایان ل كه‌سانێن شاره‌زا و نوژداران وه‌ربگرن).
ل بارا بهایێن وان ژى گۆت: (پرانیا جاران مێشه‌ڤان خوارنا شاهێ مێشان بێ به‌رامبه‌ر دده‌ن نه‌خوشان ب تایبه‌تى ئه‌گه‌ر زور ب كێمى و ب گرامان بهێته به‌رهه‌مئینان، به‌لێ ئه‌گه‌ر ریژه گه‌هشته نێزیكێ 10 گرامان و زێده‌تر ل وى ده‌مى مێشه‌ڤان دفروشیت، و نها كیلو دناڤبه‌را 20 بو 25 هزار دیناران دهێته فروتن).
ئه‌ڤرۆنیوز:
دادگه‌ها فیدرالى یا عیراقى بۆ پرسا په‌ترۆلا هه‌رێما كوردستانێ، شاره‌زایه‌كێ راوێژكارێ په‌ترۆلێ ل دۆسێیا دادگه‌هێ ل پرسا په‌ترۆلا هه‌رێما كوردستانێ دوور دئێخیت ژئه‌گه‌رێ لایه‌نگیریا وى بۆ وه‌زاره‌تا په‌ترۆلا عیراقێ.
ئامانج ره‌حیم، سكرتێرێ جڤاتا وه‌زیرێن هه‌رێما كوردستانێ، ئه‌ڤرۆ چارشه‌مبى 29/8/2018 به‌لاڤكر” ئه‌ڤرۆ دادگه‌ها بلند یا فیدرالى ل روونشتنا خوه یا حه‌فتێ ل دۆر داوایا وه‌زاره‌تا په‌ترۆلێ یا هژمار 59/2012 بریاره‌ك ده‌ركر”.
سكرتێرێ جڤاتا وه‌زیران ئاماژه دا” بریار هاته ده‌ركرن ب لادانا شاره‌زایه‌كى كو ل روونشتنا بۆرى یا دادگه‌هێ ل 14/8/2018 هاتبوو ده‌ستنیشانكر، بریارا ره‌تكرنێ ژ ژئه‌گه‌رێ لایه‌نگیریا وى كه‌سى بوو كو پێشتر بۆچوون دبه‌رژه‌وه‌ندیا وه‌زاره‌تا په‌ترۆلێ دایه، ئه‌ڤه ژى یا گونجاى نینه ل گه‌ل بنه‌مایێ بێلایه‌نیێ دكارێ شاره‌زاى دا كو د هه‌ردو قانوونێن دادبینیا شارستانى ( المرافعات المدینه) وقانوونا سه‌لماندن دا هاتیه”.
دیاركر ژى، ب مه‌ره‌ما ده‌ستنیشانكرنا شاره‌زایێن دى، دادگه‌هێ بریار دا ب پاشخستنا روونشتنا دادگه‌هێ بۆ 9/9/2018.
ل سه‌ر هه‌مان بابه‌ت، ئه‌ڤرۆ چارشه‌مبى ئه‌یاس سامۆك، په‌یڤدارێ دادگه‌ها فیدرالى دراگه‌هاندنه‌كا فه‌رمى دا ئاشكراكر” شاره‌زایه‌ك كو ل روونشتنا بۆرى یا دادگه‌هێ هاتبوو دیاركرن، ل سه‌ر داوایا بریكارێ سه‌رۆك وه‌زیرێن هه‌رێما كوردستانێ ووه‌زیرێ سامانێن سروشتى هاتیه لادان، له‌وما دادگه‌ها فیدرالى داخواز دكه‌ت له‌ز بهێته كرن د دانانا شاره‌زایه‌كێ دى، به‌لێ ئه‌ڤجاره ب رازیبوونا هه‌ردولایه‌نان بیت”.
دادگه‌ها فیدرالى هه‌تا نوكه ل دۆر پرسا فرۆشتنا په‌ترۆلا كوردستانێ ژلایێ حوكمه‌تێ ڤه، نه‌شیایه چو به‌لگه‌یه‌كا نه‌قانوونى بوون ب سه‌لمینیت كو وه‌زاره‌تا په‌ترۆلا عیراقێ پێشكێش كریه.
ئه‌ڤرۆنیوز:
هێزا پێشمه‌رگێ كوردستانێ ب هه‌ڤپشكى ل گه‌ل هێزێن هه‌ڤپه‌یمانان هژماره‌كا چه‌كدارێن داعشێ ل گوندێ عه‌لى ره‌شى ل قه‌زا مه‌خموور كوشتن.
زریان شێخ وه‌سانى، فه‌رماندێ هێزا پێشمه‌رگه‌ى ل میحوه‌رێ مه‌خموور راگه‌هاند” ل سنورێ قه‌زا مه‌خموور هێزا پێشمه‌رگێ كوردستانێ ب هه‌ڤپشكى ل گه‌ل هێزا هه‌ڤپه‌یمانان هژماره‌كا چه‌كدارێن داعشێ ل سنورێ گوندی عه‌لى ره‌ش كوشتن كو هژمارا وان 11 چه‌كدار بوون وپێنج چه‌كدارێن دى ژى برینداركرن”.
ئه‌ڤرۆ نیوز، نه‌وزاد هلۆرى:
ئه‌ڤرۆ به‌رى نیڤرو ل ئیسپانیا مه‌زنترین ڤیسته‌ڤالا سالانه یا ته‌ماته‌یان ب رێڤه‌چوو كو تێدا هزاران كه‌سان ب سه‌دان ته‌نێن ته‌ماته‌یان هه‌ڤدوو سوور كربوو. ڤیستیڤال ل باژێرێ بونول هاته ئه‌نجامدان ، و مه‌ره‌م ب تنێ ئه‌وه كو كه‌ش و هه‌وایه‌كێ خوش و كه‌نى و ب ده‌م بوراندنه‌كا خوش بو وه‌لاتى و گه‌شتیاران درۆست بكه‌ن ، و ل گه‌ل ب رێڤه‌چوونا ڤیسته‌ڤالێ چه‌ندین ستران و موزیك و داوه‌تێن ملى دهێنه‌كرن و خوارن و ڤه‌خوارن و ته‌زیاتى بێ به‌رامبه‌ر لسه‌ر پشكداران دهێته دابه‌شكرن. دهێته‌زاینن كو بو ئێكه‌مجار ل سالا 1945 ڤیسته‌ڤالا ته‌ماته‌یان ل ئیسپانیا هاته‌كرن ، و ل سالا 1959 ژى بویه ڤیسته‌ڤاله‌كا فه‌رمى و سالانه دهێته دووباره‌كرن و سال بو سالێ ژى هژمارا پشكداران زێده دبیت.
ئەڤرۆ نیوز:
ژێدەرەکێ ئه‌منی به‌لاڤ كریه كو سه‌رێ سپێده‌هیا ئەڤرۆ ترۆمبێلەکا بۆمبه‌رێژكری ب خاله‌كا هه‌ڤبه‌ش ڤە یا د ناڤبه‌را سوپایێ عیراقێ و میلیشیاتێن حه‌شدا شه‌عبی ل باژارۆكێ قائیم ل رۆژئاڤایێ پارێزگه‌ها ئه‌نبار كریه ئارمانج.
وی ژێدەری ئاشكه‌رها كریه كو 21 سه‌ربازێن عیراقی و چه‌كدارێن حه‌شدا شه‌عبی ب سه‌ده‌ما ته‌قینێ هاتنه كوشتن و 9 کەسێن دی بریندار بوونه و تێ چاڤه‌رێكرن هه‌ژمارا كوشتیان زێدەتر لێ بێت ژ به‌ر كو هه‌ژماره‌ك بریندار برینێن وان گرانن.
ب گۆرەیی ژێدەرێن خوه‌جهی كو هه‌ژماره‌ك وه‌لاتێن سڤیل ژی د ناڤ كوشتی و برینداران ده هه‌نه.
پشتی ته‌قینێ ژی رێکخستنا تیرۆرستی یا داعش د رێیا چه‌ند مالپه‌رێن خوه به‌رپرسیاره‌تیا روودانێ گرتیە ستوویێ خوه.
نيشاندان