ئه‌ڤرۆنوز:
بیڤه‌له‌رزه‌كێ ب هێزا 5.2 پله ل دووڤ بیڤه‌رێ رێخته‌رى كنارین باژێركێ كۆملۆجاى ل ئه‌نتالیا ل توركیا هه‌ژاند.
ل دووڤ پێزانینێن كو ل مالپه‌رێ سه‌رۆكاتیا ئافات وكاره‌ساتێن ب له‌ز (AFAD) به‌لاڤكر كو ل سپێده‌یا ئه‌ڤرۆ بیڤه‌له‌رزه‌كێ ب هێزا 5.2 ل دووڤ بێڤه‌رێ رێخته‌ر كنارین باژێركێ كوملۆجاى ل ئه‌نتالیا هه‌ژاند.
دیاركر ژى كو ئه‌و بیڤه‌له‌رز ل كووراتیا 40 كیلۆمه‌تر روودا.
ئه‌ڤرۆنیوز:
وه‌زاره‌تا په‌روه‌ردێ ل هه‌رێما كوردستانێ ئه‌ڤرۆ ل ده‌مژمێر چارێ ئێڤارى ب رێیا مالپه‌رێ تایبه‌ت ئه‌نجامێن ئه‌زموونێن خۆلا دویێ یا پۆلا 9 بنه‌ره‌تى به‌لاڤ دكه‌ت.
ب گۆره‌ى رۆهنكرنه‌كا وه‌زاره‌تا په‌روه‌ردێ، ل ده‌مژمێر چارێ ئێڤاریا ئه‌ڤرۆ ئه‌نجام دێ هێنه به‌لاڤكرن وقوتابى دشێن ب رێیا ڤى لینكى ئه‌نجامێن خوه وه‌ربگرن.
ئەڤرۆ نیوز،باسم قاسم شنگالی
ئاواەریەکێ خەلکێ کۆمه‌لگەها سیباشێخدرێ ل قەزا شنگالێ بناڤێ (مەحمود دەروێش) حەبەکا تۆڤێ شتی چاندبوو دناڤبەرا خیڤەتێن خوەڤە ل کەمپا کەبەرتوو، لێ پشتی وی چاڤێ خوە دایێ و رۆژ ب رۆژ بەرڤ باشیێ ڤە دچوو هەتا کو گەهشته وی رادەی باشترین شتی ژ ئەوێ حەبکێ بخوەت.
مەحمود بۆ ئەڤرۆ نیوز بتر دا زانین ، مەرەما من ژ ئەوێ چەندێ نەبو کو ئەز شتی بۆ خوارنێ بچینم لێ من ئەو حەبکا تۆڤی شتی چاند و من چاڤێ خوە دایێ دا ئەز بشێم ڤی ئه‌ردى کو ئەم لێ ئاکنجی دناڤ کەمپێ دا پتر ژی زانم ب کێر چاندنێ دهێت یان ژی نه و ب تایبەتی بۆ بەرهەم ئینانا شتی کا دێ چاوان بيت.
پتر گۆت،لێ سوپاس بۆ خودێ ئەڤ چەندە یا من کری ب سەرکەفتیانە هاتە ئەنجام دا و من شیا ئەز پتری 15 شتیێن 20 کێلۆ ژ وێ حەبکێ ب دەست خوە ڤە بینم و ئەڤ سەربورا من ئەنجامدای ل ڤی ئەردی ب سەرکەفتیانە هاتە ئەنجامدان.
ئه‌ڤرۆنیوز:
كۆمسیۆنا بلند یا هه‌لبژارتنان وراپرسیێ ل هه‌رێما كوردستانێ ئه‌ڤرۆ چارشه‌مبى 12/9/2018 ناڤ وجهێن هه‌موو بنگه وویستگه‌هێن ده‌نگدانێ بۆ هه‌لبژارتنێن په‌رله‌مانێ كوردستانێ به‌لاڤكر.
بۆ سه‌حكرنا ناڤ وجهێن ده‌نگدانێ ل دهۆكێ ڤى لينكى كليك بكه:
ئه‌ڤرۆ نیوز، نه‌وزاد هلۆرى:
نڤیسكاره‌كێ هه‌ولێرێ بو ئێكه‌مین جار رابوویه ب نڤیسینا نووترین په‌رتووك لسه‌ر ریفراندۆم بو سه‌ربخوه‌ى یا كوردستانێ ، و بریاره د سالڤه‌گه‌را ئه‌نجامدانا ریفراندۆمێ بهێته به‌لاڤكرن.
كوردو شابان، نڤیسكارێ په‌رتووكێ بۆ ئه‌ڤرۆ نیوز گۆت: (په‌رتووكا ریفراندۆم به‌رهه‌مێ ساله‌كا تمام یا گوتار و راپورت و دیدار و بوچونێن منن ل شه‌ش هه‌یڤێن به‌رى ده‌ستپێكرنا ریفراندۆمێ و شه‌ش هه‌یڤێن پشتى ریفراندۆمێ، و هزرا درۆستكرنا ئه‌ڤێ په‌رتووكێ ژى سالا بورى لده‌ف من درۆست بویه ، و ئه‌ز دخوازم ب رێیا ئه‌ڤێ په‌رتووكێ هه‌ستا نه‌ته‌وه‌یى لده‌ڤ تاكێ كورد به‌ر ب پێشڤه ببه‌م ژبه‌ركو ریفراندۆم بویه تاپو بو ئایینده‌یێ كوردستانێ)
زێده‌تر گۆت: (پرانیا بابه‌تێن په‌رتووكا من ل رۆژنامه و گوڤارێن هه‌رێما كوردستانێ هاتینه به‌لاڤكرن، و هنده‌ك ژى ل چوو جهان نه‌هاتینه به‌لاڤكرن و بو ئێكه‌مجار خوانده‌ڤان دێ د روپه‌رێن په‌رتووكێ دا بینیت، ده‌سته‌یا رێكخراوێن جه‌ماوه‌رى یا سه‌ر ب پارتى دیموكراتى كوردستان دێ ب ئه‌ركێ چاپكرنا په‌رتووكێ رابن و د سالڤه‌گه‌را ئه‌نجامدانا ریفراندۆمێ هێته به‌لاڤكرن)
ب دیتینا شابانى چاره‌نڤیسێ ریفراندۆم بۆ سه‌ربخوه‌ى یا كوردستانێ گه‌هشتیه ئه‌نجامێ خوه كو ئه‌و ژى سه‌ربخوه‌ى یا كوردستانێ بوویه و چوو مه‌رج ژى نینن كو ده‌ما گه‌هشتنا وێ یا ئێكسه‌ر بیت و زێده‌تر گۆت: (گه‌له‌ك وه‌لاتێن جیهانێ ریفراندۆم ئه‌نجامدایه و پشتى چه‌ندین سالان ژ نوو سه‌ربخوه‌ى یا خوه راگه‌هاندیه، و ئالوزیێن رۆژهه‌لاتا ناڤه‌راست باشترین به‌لگه‌یه كو سه‌ربخوه‌ى یا نێزیكه، ژبه‌ركو ده‌وله‌تێن زلهێز بڤى ره‌نگى نامینن و ب هزرا من پشتى 10 سالێن دن كوردستانێ دێ بیته ئێك ژ زلهێزێن مه‌زن ، و توركیا و ئیران دێ ركابه‌ریا وێ كه‌ن)
ئەڤرۆنیوز، سالار دۆسكی:
ل سەر خواستا سەرۆكاتیا پەرلەمانێ كوردستانێ، شاندەكێ لژنا ناڤخوە و ئاسایشێ ل پەرلەمانێ كوردستانێ سەره‌دانا باژێرێ كۆیە كرن ب مەره‌ما دروستكرنا راپۆرتەكێ ل سەر جهێ هاتیە توپبارانكرن ژلایێ رژێما ئیرانێ ڤە كو بارەگاێن(حدك) و (حدكا) بووینە.
محەمەد سەعدەدین، ئەندامێ لژنا ناڤخوه و ئاسایشێ ل پەرلەمانێ كوردستانێ بۆ ئەڤرۆنیوز گۆت: ئارمانج ژ سەره‌دانێ دروستكرنا راپۆرتەكێ یە ل سەر روودانێن وی باژێری یێن مرۆڤایەتی و مادی و بلندكرن بۆ سەرۆكاتیا پەرلەمانێ كوردستانێ و روونشتنا داهاتی یا پەرلەمانی دێ گەنگەشە ل سەر هێتەكرن و دێ بزاڤ هێنەكرن كو ئەو راپۆرت بگەهیتە دەستێ هەموو ئەندامێن پەرلەمانی و دیسا فوتۆ بۆ جهێ روودانێ هاتینەگرتن و بۆچوونێن سەركردێن وان پارتێن سیاسی هاتیە وەرگرتن و دێ گەنگەشە ل سەر هێتەكرن و راسپاردە و پێنگاڤ دێ بۆ حوكمەتا هەرێما كوردستانێ بن.
هەمان ئەندامێ پەرلەمانی ئەو ژی گۆت: هەكە حەفتیا بهێت د روونشتنا پەرلەمانی دا بەحس نەهاتەكرن دێ روونشتنەكا تایبەت ل سەر وی بابەتی هێتەكرن، پەرلەمان دێ بریارێ دەت و راسپاردە دێ بۆ حوكمەتا هەرێمێ هەبن.
جهێ ئاماژەكرنێ یە كو رۆژا شەمبی رێكەفتی 8/9/2018 ئیرانێ هەر دو بارەگایێن پارتی دیموكراتا كوردستان (حدك) پارتیا دیموكراتی كوردستانا ئیرانێ(حدكا) مووشەك بارانكر و تێدا چەندین شەهید و بریندار پشت خوە هێلان، پەرلەمانێ كوردستانێ ب وێ هەلكەفتێ راگەهاندنەكا نەرازبیوونێ بەلاڤكر.
ئەڤرۆ نیۆز، قائید میرۆ
شارەزایەكێ سیاسی ئاماژە ب وێ چەندێ دكەت، كو دوور نینە ئەمریكا و ئیران بگەهنە رێكەفتنێ لدۆر پێك ئینانا حوكمەتا نوویا عێراقێ و دیاركر، پێدڤیە عێراقی گوهێ خوە بدەن ئەمریكا.
دكتۆر شێرزاد زەكەریا، مامۆستایێ زانكۆیێ بۆ ئەڤرۆ نیۆز دیاركر” نوكە هەڤڕكیەكا دژوار دناڤبەرا وەلاتێن جیهانێ هەیە لدۆر ئاریشەیێن عێراقێ و بێی كاریگەریێن دەرڤە ئاریشەیێن نوكە عێراق تێدا دەرباز دبیت ناهێنە ئێكلاكرن، لەوڕاژی پێك ئینانا حوكمەتا نوویا عێراقێ پێنگاڤەكا ساناهی نابیت بۆ لایەنێن عێراقی و هەرچەندە دوماهیێ دێ حوكمەت هەر هێتە ئاڤاكرن، بەلێ دەستوەردانێن دەرڤە دڤێن.
ئەڤی مامۆستایێ زانكۆیێ دیاركر” ئەز دوور نابینم لدۆر پرسێن عێراقێ ئەمریكا و ئیران بگەهنەەرێكەفتنەكێ دناڤبەرا خوەدا بۆ پێك ئینانا حوكمەتا نوویا عێراقێ، چونكە ل سیاسەتێ دا هەموو تشتەك تێتە پێشبینی كرن و سالێن بۆری ژی هەموو جارەكێ ئەمریكا و ئیران لدۆر پرسێن عێراقێ رێكەفتینە.
ل دۆر دیاركرنا كەسەكی بۆ پۆستێ سەرۆك وەزیران دكتۆر شێرزاد زەكەریا دبێژیت” راستە هەموو وەلات تەكەست دكەن دیاركرنا سەرۆك وەزیران بابەتەكێ نافخۆیا عێراقیانە، بەلێ هەر كەسەكێ ئوكەیا ئەمریكا لسەر نەبیت چاڤێ وی ب پۆستێ سەرۆك وەزیران ناكەڤیت، نوكە ئەمریكا حاكمێ جیهانێ یە و پێدڤیە عێراقی گوهێ خوە بدەن ئەمریكا بەرۆڤاژی هیڤیا عێراقیان بخوە بیت هەتا 200 سالێن دی حوكمەت ناهێتە پێك ئینان.
ئه‌ڤرۆ نيوز:
پشتى به‌لاڤبوونا ده‌نگويێ وێ چه‌ندێ كو مه‌ترسى ل سه‌ر وه‌لاتيێن ئه‌مريكى ل عيراقێ هه‌يه، رێڤه‌به‌ريا ئه‌مريكى هشيارى دانه ئيرانێ ژ ئه‌گه‌رێ ئه‌نجامدانا هه‌ر كرياره‌كێ ل دژى وه‌لاتيێن ئه‌مريكى ل ناڤ عيراقێ.
كۆچكا سپى د داخۆيانيه‌كێ دا ئيران وه‌كو به‌رپرس ل سه‌ر هه‌ر روودانه‌ك يان كرياره‌كا نه‌خواستى ل دژى به‌رژه‌وه‌نديێن وه‌لاتيێن ئه‌مريكى ل عيراقێ به‌رپرس كر و گه‌فێن به‌رسڤدانێ ل ته‌هرانێ دكه‌ت.
ئه‌ڤ هشياريه پشتى به‌لاڤبوونا چه‌ند نووچه‌يان ل سه‌ر وێ يه‌كێ هاتن كو ده‌ما 24 ده‌مژمێرێن بۆرى، 19 نڤيسينگه‌هێن رۆژنامه‌ڤانى و شه‌ش رێكخستيێن بيانى ئوفيسێن خوه ژ ترسا ره‌ڤاندنێ ل عيراقێ گرتن و به‌رێ خوه دايه هه‌ولێرێ.
ئەڤرۆ نیوز، نەوزاد ھلۆری:
ئەڤرۆ ل رۆژھەلاتێ کوردستانێ مانگرتنا سەرانسەری ب مەرەما داخوازکرنا حزبێن رۆژھەلاتێ کوردستانێ بو ئێک دەنگی و پێکڤە کارکرنێ راگەھاند و ھەموو بازار ھاتینە گرتن.
دڤی واریدا “شەیما جاف ” چالاکڤانا رۆژھەلاتێ کوردستانێ بۆ ئەڤرۆ نیوز گۆت: (ئەڤرۆ ب مەرەما ئێکگرتن و ئێکھەلویستیا ھەموو حزبێن رۆژھەلاتێ کوردستانێ ، دژی کومارا ئیسلامیا کوردستانێ ھەمبەری وان دەستدرێژیێن سەر بوردومانکرنا بارەگایێن حزبا دیموکراتا کوردستانێ ل قەزا کویە ، و وان بوردومانکرنێن ل سنوورێ ھەرێما کوردستانێ بو سەر بارەگایێن حزبێن رۆژھەلاتێ کوردستانێ دھێنەکرن ، ئەڤرۆ مانگرتنا سەرانسەری ل رۆژھەلاتێ کوردستانێ ھاتە راگەھاندن).
زێدەتر گۆت: (ھەموو بازارێن رۆژھەلاتێ کوردستانێ ھاتینە گرتن، و گرنگە ئەڤ یەک بو ھەموو ئاستێن رۆژھەلاتێ کوردستانێ بھێتە راگەھاندن و بو ئاڤاکرنا پاشەرژەکا باش ھەموو پێکڤە کار بکەن، و دنھادا کورد پێدڤی ب کونگرێ نەتەوەی نە داکو زێدەتر رێکخستن دروست ببیت).
نيشاندان