ئەڤرۆ نیوز ، زنار تۆڤی:
دەرهێنەرەکێ سینەمایی یێ كورد هاتیە داخوازکرن کو پشکدایێ د سێ فیستیڤالێن سینەمایی دا ل ئەمریكا بکەت و داخوازناما فەرمی بۆ هاتیه، لێ كونسولخانا ئەمریكا ل هەولێرێ ڤیزێ نادەتێ کو پشکداریێ د وان فیستیڤالان دا بکەت ل وی وەلاتی.
جبرائیل ئەبۆبەكر ئەو دەرهێنەرێ سینەمایی یێ كوردە بۆ ئەڤرۆ نیوز دیارکر: کو فلمێ (ئەیلان) د سێ فیستیڤالێن سینەمایی یێن ئەمریكا دا هاتیە وەرگرتن بۆ نیشاندانێ دێ هەڤرکیا برنا خەلاتی کەت، بەلێ ب ئەگەرێ هندێ کو كۆنسولخانا ئەمریكا ل هەولێرێ بێی هەبوونا هوکەرەکێ ڤیزە نەدامن و ئەز نەشێم د وان هەر سێ فیستیڤالان دا ئامادە بم و بچمە ئەمریكا، هەروەسا گۆتیە: ئەو هەر سێ فیستیڤالە پێکهاتینە ژ: باشترین دۆكیۆمێنتێ فلمە فیستیڤالێ، فیستیڤالا سینەمایی یا میلرۆز ، فیستیڤالا پاییزێ بۆ كورتە فیلمان.
ناڤهاتی دبێژیت ژی: چیرۆكا ڤی فلمی بەحسێ ئەیلانێ كورد دکەت، کو دەمێ شەر ل سووریێ دەست پێ دکەت ل گەل خێزانا خوە رێیا غەریبیێ دگرنە بەر و بەرەف توركیا دچن، بەلێ بەری بگەهنە کەنارێ ئارامیێ دناڤا دەریایێ دا د خەندقیت.
دەرهێنەر جبرائیل ئەبۆبەكر رەحمان ژ دایكبوویێ سالا 1983 یە ل باژێرێ هەولێرێ، ل سالا 2001 دەست ب کارێ سینەمایێ کریه و د نێزیكی 40 كورتە فلمان دا هاریکارێ وێنەگری بوویە و د 13 فلمێن سینەمایی یێن درێژ دا هاریکارێ وێنەگری بوویە و هەر ژ سالا 2010 وەره كارێ دەرهێنانا سینەمایێ دکەت.
نيشاندان
