ئه‌ڤرۆنيوز، باسم قاسم شنگالى
پشتی سێ سالان ب سەر کۆمکوژیا ئێزدیان ئەوا ل 3/8/2014 ل قەزا شنگالێ روودای و ب هەزاران ژ ئێزدیان هاتينە کوشتن ورەڤاندن و دەستەسەرکرن ژ لایێ رێکخراوا تیرۆرستیا داعشێ ڤە ـ لەورا رێورسمێن جمایا شەرفەدین بۆ ده‌مێ سێ سالان بوو هاتيه راوەستاندن، لێ ئەڤ ساله هەموو رێورسمێن جمايا شەرفەدین ل چیایێ شنگالێ ئه‌ڤرۆ ل مەزارگەهێ شەرفەدین هاتن گێران كو ئه‌ڤرۆ دبيته ئێکەم رۆژا جەژنا جمایا شەرفەدینە و سوباهى ئه‌ينيێ پەریێن مەزاگەهێ شەرفەدین دێ هێنە سوارکرن.
ئه‌ڤرۆ نيوز:
سه‌رۆكێ جڤاتا سه‌ركرداتيا ئێكگرتوو ئيسلامى كوردستان راگه‌هاند كو پێدڤيه كورد ب ئێك ليست ڤه‌گه‌رنه به‌غدا و زێده‌تر خوه ژ ئێك دو دوور نه‌كه‌ن.
ده‌رباره‌يى ئێك ليستيا كوردان بۆ پشكداريكرن د كابينا نوو يا عيراقێ دا، سه‌عيد عه‌لى عه‌بۆ، بۆ مالپه‌رێ فه‌رميێ پارتى ديموكراتى كوردستان گۆت: “لايه‌نێن كوردستانى سه‌ره‌رايى بۆچوونێن جودا و كێشێن وان، به‌لێ بۆ ڤه‌گه‌ريان بۆ به‌غدا دڤێت ل گه‌ل ئێك بن، نابيت خوه ژ هه‌ڤدۆ دوور بێخن”.
ئه‌ڤرۆ نيوز:
وه‌زاره‌تا پلاندانانا عيراقى ئه‌ڤرۆ رۆژا پێنجشه‌مبى راگه‌هاند كو رێژا بێكاريێ ل ده‌ف گه‌نجان دگه‌هيته 22.6%ێ و پتريا وان ژنن.
ئالاڤێ ناڤه‌ندى يێ تۆمارێ گرێدايى وه‌زاره‌تێ د به‌ياننامه‌كێ دا راگه‌هاند: “رێژا بێكاريا گه‌نجان يا د ناڤبه‌را 15 هه‌تا 29 ساليێ دا دگه‌هيته 22.6%ێ و ژ وان 56.3% كچن”.
هه‌ر ب گۆره‌يى ڤێ به‌ياننامێ رێژا پشكداريا گه‌نجان د كارێن پيشه‌يى دا وه‌كو كرێكار دگه‌هيته 36.1%ێ.
ئەڤرۆ نیوز:
تەھران ھوشداریێ ددەتە ئەمریکا و ئسرائیل د ئەگەرێ زێدەکرنا فشارێن ئابووری ل سەر وەلاتێ وان، دێ وان دو وەلاتان ب ئارمانج گرن و ھێرشێن مووشەکی کەنە سەر ئسرائیل.
مەزنە زەلامەکێ ئاینی یێ نێزیک ل عەلی خامنەیی، رێبەرێ بلندێ شورەشا ئیسلامی ل ئیرانێ د چارچۆڤێ گۆتارا نڤێژا جەژنێ دا گۆت: “بھایێ شەری ل گەل ئیرانێ گەلەک یێ زێدەیە و ھەکە بێت و بچووکترین زیان بگەھیتە وەلاتی، دێ ئەمریکا و ئسرائیل و ھەڤپەیمانێن وێ بنە ئارمانج ژ لایێ تەھرانێ ڤە و دێ ب دژوارێ لێدەین”.
گەفێن ئیرانێ پشتی گۆتنێن جۆن بۆلتن، شیرەتکارێ ئاسایشا نشتیمانی یا ئەمریکا دھێن کو ئاماژە ب وێ چەندێ دایە کو واشنتۆن فشارەکا مەزن بۆ سەر تەھرانێ زێدە کریە ب رەنگەکی سزایێن ئابووری ب بورینیت.
ئه‌ڤرۆ نيوز:
ئێكه‌تيا ئورۆپا رازيبوو ب كۆژمێ 18 مليۆن يورۆيان هاريكاريا ئيرانێ بكه‌ت، ئه‌ڤه ژى بۆ رزگاركرنا رێكه‌فتناما ئه‌تۆمى يا سالا 2015ێ يا ته‌هرانێ ل گه‌ل وه‌لاتێن رۆژئاڤا.
ئاژانسا رويته‌رز به‌لاڤكريه كو ئێكه‌تيا ئورۆپا ره‌زامه‌نديا خوه نيشاندايه 18 مليۆن يورۆيان وه‌كو هاريكارى بۆ گه‌شه‌پێدانا كه‌رتێ تايبه‌ت و كێمكرنا كارتێگرنا دوورپێچا ئابوورى يا ئه‌مريكا ل سه‌ر وى وه‌لاتى.
ئه‌ڤ راگه‌هاندنا ئێكه‌تيا ئورۆپا پشكه‌كه ژ پاكێچه‌كا 50 مليۆن يورۆيان بۆ هاريكاريا ئيرانێ د ناڤ بوودجا خوه دا.
ئه‌ڤرۆنيوز:
ل چه‌ند رۆژێن بۆرى هێزێن ئه‌منى يێن عيراقى ل ده‌رگه‌هێن سنورى ل گه‌ل ئيرانێ ده‌ست ب سه‌ر دراڤێ سه‌خته يێ عيراقى دا گرت.
ليوا روكن عه‌لى ده‌عبول، فه‌رماندێ ئۆپه‌راسيۆنێن رافيده‌ين يێ سه‌ر ب وه‌زاره‌تا به‌رگريا عيراقى ڤه راگه‌هاند” هێزێن وان ده‌ست بجهئينانا پلانه‌كا ئه‌منى هه‌والگيرى يا تايبه‌ت كريه ب ئارمانجا ده‌سته‌سه‌ركرنا وان كه‌سێن بزاڤێ دكه‌ن دراڤێ سه‌خته بينن ناڤ بازاران ل پارێزگه‌هێن ميسان، زيقار، موسه‌نا وواست”.
ناڤبرى ئاشكرا كر ژى كو پلانا ناڤبرى ژلايێ هيزێن فه‌رمانده‌يا ئۆپه‌راسيۆنێن رافيده‌ين وشانێن هه‌والگيرى دهێته بجهئينان.
ل رۆژێن بۆرى، هێزێن ئه‌منى يێن عيراقى ل ده‌رگه‌هێن سنورى ل گه‌ل ئيرانێ، ده‌ست ب سه‌ر دراڤێ سه‌خته يێ عيراقى دا گرتبوو كو چه‌ند كه‌سان بزاڤ دكر وى دراڤى ژئيرانێ بينن دناڤ عيراقێ دا.
ئه‌ڤرۆنيوز:
ب مه‌ره‌ما پيرۆزباهيا جه‌ژنێ، ئه‌ڤرۆ پێنجشه‌مبى 23/8/2018 سه‌رۆك مه‌سعود بارزانى سه‌ره‌دانا سه‌نگه‌رين پێشمه‌رگه‌ى ل ميحوه‌رێ رۆژئاڤايا ديجله كر.
دوێ سه‌ره‌دانێ دا سه‌رۆك بارزانى پيرۆزباهيا جه‌ژنا قوربانى ل فه‌رمانده وپێشمه‌رگێن وى ميحوه‌رى وهه‌موو پێشمه‌رگێن كوردستانێ كر. سه‌رۆك بارزانى ده‌ستخوه‌شى ل سه‌ركه‌فتنێن پێشمه‌رگه‌ى ل شه‌رێ دژى تيرۆرستان وشه‌رێ به‌رگريێ ژئاخێ ونيشتمانى كر وگيانفيدايى وقه‌هره‌مانيا پێشمه‌رگه‌ى بلند نرخاند دپاراستنا كه‌رامه‌تا ئاخ ونيشتمانى.
سه‌رۆك بارزانى زێده‌بارى ئاماژه‌دان ب داستانێن به‌رگريێ ژئاخ ونيشتمانى. راگه‌هاند كو خۆراگرى وقه‌هره‌مانيا پێشمه‌رگه‌ى بوو كو ديرۆك بۆ گه‌لێ كوردستانێ تۆماركرى وژئه‌گه‌رێ وان داستانێن پر شانازى پيلانا نه‌هێلانا ده‌ستكه‌فتێن گه‌لێ كوردستانێ هاتنه راوه‌ستاندن.
سه‌رۆك بارزانى سلاڤ بۆ شه‌هيدێن به‌رگريێ ژ ئاخ ونيشتمانى وهه‌موو شه‌هيدێن كوردستانێ هنارت وهيڤيا چاكبوونێ بۆ برينداران خواست وراگه‌هاند كو ئيراده وهێزا پێشمه‌رگه‌ى كوردستان پاراست وئه‌ڤه بۆ پێشمه‌رگه‌ى سه‌ربلندى وشانازى يه.
ئه‌ڤرۆنيوز:
راپۆرتێن رۆژنامه‌ڤانى ئاشكرا دكه‌ن كو راهێنه‌رێ فه‌ره‌نسى زه‌ينه‌دين زێدان راهێنه‌رێ به‌رێ يێ ريال مه‌دريد يێ به‌ربژاره بۆ وه‌گرتنا ئه‌ركێ راهێنه‌ريا يانه‌كا نوو ل وه‌رزێ بهێت.
مالپه‌رێ (كالتشيۆ ميركاتۆ) يێ ئيتالى ژ راپۆرتێن رۆژنامه‌ڤانى يێن ئيسپانى ڤه‌گوهاست كو زێدان به‌ربژارێ سه‌ره‌كى يه ل وه‌زرێ بهێت بۆ شوونگرتنا (ماسيميليانۆ ئه‌ليگرى) راهێنه‌رێ نوكه يێ يانا يوڤه‌نتوس، هه‌كه هات وئه‌ليگرى نه‌شيا قاره‌مانيا ئورۆپا بده‌ستڤه‌بينيت.
وى مالپه‌رى دياركر ژى كو هاتنا كريستيانۆ رونالدۆ بۆ ناڤ ريزێن يوڤه‌نتوس شانسێ زێدانى زێده‌تر لێكريه كو ببيته راهێنه‌رێ وێ يانا ئيتالى هه‌رده‌مى ئه‌ليگرى بريارا ده‌ست ژ كاربه‌ردانێ بده‌ت هه‌كه نه‌شيا قاره‌مانيا ئورۆپا بۆ يوڤه‌نتوس ب ده‌ستڤه‌بينيت.
ل دووڤ رۆژنامێن ئيسپانى، زێدانى چه‌ندين گرێبه‌ست ل گه‌ل يانێن ئينگليزى ل ڤێ هاڤينێ ره‌تكرينه.
دهێته زانين ماسيميليانۆ ئه‌ليگرى راهێنه‌رێ يوڤه‌نتوس دياركربوو كو وى ئه‌ركێ راهێنه‌ريا ريال مه‌دريد ل ڤێ هاڤينێ ره‌تكربوو.
ئه‌ڤرۆنيوز:
نوشداره‌كێ تایبەتمەندێ سۆتن و جوانکاریێ ل دھۆکێ دیارکر کو ھندەک کەس يێن هه‌ين دەمێ دھێنە سۆتن ئەو ب خوه ب دەرمانیێن کوردەواری ل مال چارەسەریا خوە دکەن ب ماستی و مه‌عجوونی، ئەڤە تشتەکێ شاشه خەلکێ مە ئەنجام ددەت، ب تنێ ھەکە پیچەکا قوماشی ل جھێ سۆتنی بدەن و پاقژ بکەن، یان ھندەک ئاڤا پاقژ ل جھێ سۆتی بکەن، چونکى پلا سۆتنی کێم دکەت و ئێشان ژی ھەتا رادەیەکى کێم دبیت.
شڤان کوڕی، نوشدارێ تایبەتمەندێ سۆتن و جوانکاریێ ل نەخوه‌شخانا سۆتن و جوانکاریێ ل دھۆکێ بۆ نوش نيوز دیارکر کو د ناڤ خەلکێ مە دا یا يا هه‌ى كو دەمێ کەسەک دھێتە سۆتن، دێ ماستی داننە سەر جھێ سۆتی. ئەڤە چو مفای ناگەھینيتە نەخوه‌شی، بەلکو بۆ ستافی نەخوه‌شخانێ ببیتە بارگرانی ھەتا چارەسەر دکەن، چونکى پێدڤيه ئەم وى ماستی ھەموويێ پاقژ بکەين و پاشی بشێین چارەسەریا وێ بکەين، لەورا ئەم داخوازین خەلک ماستی بکارنەئینن بۆ سۆتنی ب تایبەتی دەمێ لاشێ کەسەکى گەلەک دھێتە سۆتن و ھندەک ژی ھەنە دەرمانێن کوردەواری بكاردئينن، بەری چەندەکێ کچەکا ٢٠ سالى ھاتە نەخوه‌شخانی كو رێژا سۆتنا وێ ٢٥%بوو، پێدڤیە ھاتبا چاره‌سه‌ركرن، به‌لێ ب مخابنی ڤە خێزانێ ژ نەخوه‌شخانی دەرێخست و برنە مال و دەرمانێ کوردەواری ل مال بکارئینان و وێ کچێ گیانێ خوە ژ دەست دا، ئەڤ شاشیێن وەسا دھێنە کرن د ناڤ خەلکێ دا”.
ئاشکرا کر کو ل دووڤ رێژا سۆتنی و پلا سۆتنێ و ژیێ نەخوه‌شى دمینيت ھەکە مرۆڤی چو نەخوه‌شی نەبن تووشی سۆتنێ بیت ئەو ژی رەنگە چو مەترسیێن گيان ژ ده‌ست دانێ ل سەر دروست نەبن، چونکى گەلەک جاران نەخوه‌شی بووینە ئەگەرێ مرنا کەسێن دھێنە سۆتن و ھندەک يێن هه‌ين٣٠% دمرن ئەو ژی رەنگە ئاریشەک د کولچیسکێ یان میلاکێ دا ھەبیت بەرى ھاتبيتە سۆتن و دەمێ دھێتە سۆتن خوە ل بەر رێژا سۆتنێ ناگريت ھەتا کەسێن فشارا خوینێ و نەخوه‌شیا شەکری ژی دەمێ دھێنە سۆتن تووشی مەترسیا مرنێ دبن چارەسەریا وان ب زەحمەتترە ژ کەسێن چو نەخوه‌شی نەبن و ھاتبتە سۆتن.
ئەو ژی دیارکر کو حالەت ژی ھەنە پتر ژ٦٠% دھێنە سۆتن، ل نەخوه‌شخانێ دھێنە نڤاندن ھەموو چارەسەریا پێدڤی بۆ دھێتە کرن و باش دبن و ھندەک حالەت ژی ھەکە مرۆڤەک بۆ خوه رابیت ب سۆتنا خوە د بینات دا وى کەسێ خوە سۆتێ رەنگە بمريت، چونکى وى ئێراده نينە و ھەکە ئێراده ھەبیت رەنگە نەمريت.
نيشاندان