ئەڤرۆ نیوز،باسم قاسم شنگالی:

ئەڤرۆ ئێکشەمبی ١٩ تەباخا ٢٠١٨ ژ ئەگەرێ پەقینا بۆمبەکا پاشمایێن داعش دناڤا خانیەکێ دا ل گوندێ حەیالێ د باشورێ قەزا شەنگالێ گەنجەک دھێتە کوشتن و دو خوشکێن وی گەنجی ل گەل دابوون و ژ وێ روودانێ رزگاربوون.

 چالاکڤانێ ئێزدی قاسم خەدێدا بۆ ئەڤرۆ نیوز راگەهاند ،ئەڤرۆ ل دەمژمێر ٩:٠٠ سپێدێ گەنجەک ل گەل دو خوشکێن خو پێکولێ دکەن بچنە گوندێ حەیالێ ل باشوری شنگالێ بۆ پاقژکرنا خانیەکێ.

گۆت ژی:” وی دەمی ئەو گەنج ل پێشیا ھەردو خوشکێن خوە دچیتە دوی خانیڤە و بۆمبەکا ڤەدای یا پاشمایێن چەکدارێن داعش پێڤە دپەقیت.

دیارکر ژی:” ب ئەگەرێ پەقینا وێ بۆمبێ خانی ب تەمامی ژناڤچوو ئەو گەنجە دبن خانیدا مایی ناڤێ وی حەجی عوبدوللا ئالیاس بۆ کو خەلکێ کۆمەلگەها سیبا شێخدرێ بۆ ژیانا خوە ژ دەستدا و ھەر دو خوشکێن وی ب سلامەتی ژ وێ روودانێ رزگاربووینە.

ئەڤرۆ نێوز ، زنار تۆڤی:

پشتی 307 رۆژان ژ داخستنا رێیا هەولێر- كەركووك جارەکا دیتر ئەو رێیە هاتە ڤەکرن، ئەو ژی ب دانانا پرەکا ئاسنی.
ئەڤرۆ ئێكشەمبی 19 تەباخێ عەبدولخالق تەلعەت رێڤەبەرێ پۆلیسێن هەولێرێ د كۆنگرەکێ رۆژنامەڤانیدا گوت، ئەڤرۆ ئەو رێیە دێ یا ڤەکری بیت، ئەڤرۆ هەتا 25 هەیڤێ ب تنێ دێ پاس و ترۆمبێلێن بچووك هاتنوچوونێ كەن.
هەروەسا نوونەرێ حوکمەتا ناڤەندی د كۆنگرێ رۆژنامەڤانیدا گوت، سەرجەمێ گشتی یێ تێچوونا ڤێ پرێ گەهشتیە 220 ملیۆن دینارێن عێراقی، نوکە هاتنوچوون ل ڤێ رێکێ یا ئاسایی یه.
عەبدولخالق تەلعەت دەربارەی بازگەهان گوت، ب تنێ دێ ئێک بازگەهێ هەڤبەش هەبیت، ل لایەکێ پرێ پۆلیسێن فیدرالی هەنە و ل لایێ هەولێرێ ژی پۆلیس و ئاسایشا هەولێرێ هەیە.
پشتی خیانەتا 16 ئۆكتۆبەرێ كو بالەکێ سەربازی یێ ئێكەتیێ ئەنجامدای 307 رۆژان رێیا هەولێر- كەركووك هاتبوو گرتن، لێ ئەڤرۆ هاتە ڤەکرن.