ئەڤرۆ نیوز ، زنار تۆڤی:

سه‌رۆك مه‌سعود بارزانی ب هه‌لكه‌فتا 48 مین سالیادا دامه‌زراندنا ئێكه‌تیا زانایێن ئایینێ ئیسلامێ ل كوردستانێ په‌یامه‌كا پیرۆزباهیێ بەلاڤکر.

د په‌یاما خوە دا سه‌رۆك بارزانی گۆتیە‌: ئێكه‌تیا زانایێن ئایینێ ئیسلامێ ل كوردستانێ، هه‌ر ژ ده‌ستپێكا دامه‌زراندنا خوه‌ ل سه‌ر ده‌ستێ جه‌نابێ بارزانیێ نه‌مر و هەتا نوکە، ل هه‌موو قوناغێن ب زه‌حمه‌ت و دژوار دا رۆله‌كێ كاریگه‌ر هه‌بوو د مۆكومكرنا بنه‌مایێن خودانیاسی و به‌لاڤه‌كرنا فه‌رهه‌نگا پێكڤه‌ژیانێ و هشیار كرنا ته‌خ و چینێن جڤاكێ كوردستانێ.

هەروەسا سەرۆک بارزانی دیارکریە ژی: من رێز هه‌یه‌ بۆ رۆل و كارتێكرنا ئێكه‌تیا زانا و مامۆستا، کو زه‌لامێن ئایینی یێن كو رێ ل وه‌رارا هزرا تۆندرەویێ و ره‌تكرنێ ل ناڤا خه‌لكێ كوردستانێ گرتی و د ره‌وشێن ب زه‌حمه‌ت و ئالۆز دا پشته‌ڤانی ل دۆزا ره‌وا یا گه‌لێ کوردستانێ‌ كریه‌.

ئەڤرۆ نیوز ، زنار تۆڤی:

ئه‌ڤرۆ ئەینیێ 21 ئیلۆنا 2018 تۆپخانا سۆپایێ توركیا دەڤەرا به‌روارى بالا تۆپ باران كر و ئەو جهێ گۆلەتۆپ ڤێ کەفتین ئاگر بەربوویێ و دوکێلەکا مەزن ژێ دچوو.

فەریق وەلاتیەکێ ڤێ دەڤەرێ یە بۆ ئەڤرۆ نیوز دیارکر: کو ئەڤرۆ ئێڤاری ب بەهانەیا هەبوونا چەکدارێن پەکەکێ تۆپخانا سۆپایێ تورکی تەبالا  و پشتا سەرکێ دێشێشێ ل دەڤەرا بەرواری بالا تۆپ بارانکر و گۆت ژی: ئەو جهێ تۆپ ڤێ کەفتین ئاگر بەربوویه وی جهی و نوکە ژی ئاگر بەربوویە پیش و پەلەخی و دارستانێ ل وێ دەڤەرێ و ئەڤە ماوێ چەند رۆژانە سوپایێ تورکیا ڤێ دەڤەرێ تۆپ باران دکەت.

ئەڤرۆ نیوز ، زنار تۆڤی:

ئەندامەکێ جڤاتا پارێزگەها سلێمانیێ ژ فراكسیۆنا گۆڕانێ رەخنەکا توند ئاراستەی لاهور جەنگی دکەت و ب زەلامێ قاسم سلێمانی و ئیرانێ بناڤ دکەت و دوپاتیێ ل هندێ دکەت کو لاهور شێرێ نافخۆیه و رووڤیێ ژ دەرڤەیە.

سێوە خدر د لاپەرێ خوە دا ل تۆرا جڤاکی یا فێسبووكێ بەرسڤا هێرشێن لاهور جەنگی دایە کو بەحسێ هندێ كریە کو هەکە كەنالێن گۆڕانێ هێرشێ بۆ سەر قوباد تالەبانی ڕانەگرن، دێ وان ژ سنۆرێ هەرێمێ دەرێخین و د بەرامبەردا سێوە دبێژیت، هوون زەلامێن قاسم سولەیمانی و کرێگرتیێن ئیرانێ نە، لەوما پێدڤیە هوون بهێنه دەرکرن و هوون شێرێ نافخۆە و رووڤیێ ژ دەرڤەنە.

هەروەسا گۆتیە، هەرن كەركووك و 51% ژ دەڤەرێن داگیركری ژ دەستێ حەشدا شەعبی دەربێخن دەمێ وە ب خیانەت رادەستی وان كری.

ئەڤرۆ نیوز ، زنار تۆڤی:

ئه‌ڤرۆ ئەینیێ 21.9.2018 ته‌رمێ لیوا فازل جەمیل به‌رواری فه‌رماندێ فرقەیا زێرین ل عیراقێ دێ ل گۆرستانا شاخکێ ل پارێزگه‌ها دهۆكێ هێتە ڤه‌شارتن.

هەروەسا ل پشتی نیڤرۆیا ئەڤرۆ دێ رێورسمەکێ سەربازی ژ بۆ ڤەشارتنا ته‌رمێ لیوا فازل به‌رواری هێتە رێکخستن و پاشی دێ تەرمێ وی ل پارێزگه‌ها دهۆكێ هێتە ڤه‌شارتن.
دوهی مەغرەب لیوا فازل جەمیل به‌رواری ب ئه‌گه‌رێ جه‌لتا مەژی ل ئێک ژ نه‌خۆشخانێن هه‌ولێرێ وه‌غه‌ر كریه.

لیوا فازل جەمیل بەرواری ل سالا 1966 ل گوندێ ئێکمالێ ل دەڤەرا بەرواری بالا ژدایک بوویە‌، ل سالێن ھەشتیان ل سەدێ بوری گەھشتیە ناڤ رێزێن پێشمەرگەی و دەست ب خەباتێ کریە، هەروەسا فەرماندەیێ فرقەیا زێرین بوو ل عیراقێ.