ئه‌ڤرۆ نیوز، ئازاد نسری:
په‌یڤدارێ ده‌سته‌یا گه‌شتوگوزارا هه‌رێما كوردستانێ راگه‌هاند، 181 هزار گه‌شتیار هه‌تا رۆژا دویێ یا جه‌ژنا قوربانی هاتبوونه هه‌رێما كوردستانێ، ئه‌ڤه ژ بلی گه‌شتیارێن ناڤخۆ یێن هه‌رێما كوردستانێ.
نادر روستی په‌یڤدارێ ده‌سته‌یا گه‌شتوگوزارا هه‌رێما كوردستانێ بۆ ئه‌ڤرۆ نیوز دیار كر ژ 18\8 هه‌تا 22\8 ئانكو د ماوێ 5 رۆژان دا 181 هزار گه‌شتیار یێن هاتینه هه‌رێما كوردستانێ.
روستی ئاشكرا ژی كر كو د هه‌مان ده‌م دا ل جه‌ژنا قوربانی یا سالا بوری 145 هزار گه‌شتیار هاتبوون، ئانكو ب رێژا 24% یا زێده‌كری و گۆت:(هاتنا گه‌شتیاران یا به‌رده‌وامه و ئه‌ڤ هژماره د زێده‌بوونێ دایه و دووماهی ئامار ل رۆژێن پشتی جه‌ژنێ ب هوورده‌كاریێن زێده‌تر دێ راگه‌هینین).
ئه‌ڤرۆنيوز:
ژئه‌گه‌رێ سزايێن ل سه‌ر ئيرانێ ژلايێ ئه‌مريكا ڤه، هه‌ردو وه‌لاتێن بريتانيا وفه‌ره‌نسا بريار دا ل ده‌ستپێكا هه‌يڤا بهێت گه‌شتێن ئه‌سمانى بۆ ئيرانێ رابگرن.
ئه‌و بريارا بريتانيا ژبه‌ر وان فشاران هات كو ئه‌مريكا ل سه‌ر كۆمپانيێن ئورۆپى دروستكرينه بۆ وێ چه‌ندێ ده‌ستبه‌ردارى به‌رژه‌وه‌نديێن خوه يێن ئابوورى ل گه‌ل ئيرانێ ببن.
كۆمپانيا هێلا فرۆكه‌ڤانى يا بريتانى راگه‌هاند” خزمه‌تگوزاريا نڤيسينگه‌هێن وێ ل ته‌هرانێ دێ هێنه راگرتن”.
ئاژانسا ( رويته‌رز) به‌لاڤكر” كۆمپانيێن بريتانى ل وێ باوه‌ريێ نه ئێدى دبه‌رژه‌وه‌نديا وان دا نينه نڤيسينگه‌هێن وان ل ته‌هرانێ دڤه‌كرى بن”.
هێلا ئه‌سمانى يا بريتانى ئاشكراكر كو دووماهى گه‌شتا ئه‌سمانى بۆ ئيرانێ دێ ل رۆژا 22/9/2018 بيت كو ل وێ رۆژێ فرۆكه‌كا بريتانى دێ به‌ر ب ته‌هرانێ چيت ول رۆژا ددووڤدا 23/9/2018 دێ ژته‌هرانێ ڤه‌گه‌ريت بۆ له‌نده‌ن.
هه‌ر دوى چارچۆڤه‌ى دا، ئه‌ڤرۆ هێلا ئه‌سمانى يا فه‌ره‌نسى برياردا هه‌ر ژ رۆژا 18/9/2018 هه‌موو گه‌شتێن خوه بۆ ئيرانێ رابگريت.
ئه‌ڤرۆنيوز، باسم قاسم شنگالى
پشتی سێ سالان ب سەر کۆمکوژیا ئێزدیان ئەوا ل 3/8/2014 ل قەزا شنگالێ روودای و ب هەزاران ژ ئێزدیان هاتينە کوشتن ورەڤاندن و دەستەسەرکرن ژ لایێ رێکخراوا تیرۆرستیا داعشێ ڤە ـ لەورا رێورسمێن جمایا شەرفەدین بۆ ده‌مێ سێ سالان بوو هاتيه راوەستاندن، لێ ئەڤ ساله هەموو رێورسمێن جمايا شەرفەدین ل چیایێ شنگالێ ئه‌ڤرۆ ل مەزارگەهێ شەرفەدین هاتن گێران كو ئه‌ڤرۆ دبيته ئێکەم رۆژا جەژنا جمایا شەرفەدینە و سوباهى ئه‌ينيێ پەریێن مەزاگەهێ شەرفەدین دێ هێنە سوارکرن.
ئه‌ڤرۆ نيوز:
سه‌رۆكێ جڤاتا سه‌ركرداتيا ئێكگرتوو ئيسلامى كوردستان راگه‌هاند كو پێدڤيه كورد ب ئێك ليست ڤه‌گه‌رنه به‌غدا و زێده‌تر خوه ژ ئێك دو دوور نه‌كه‌ن.
ده‌رباره‌يى ئێك ليستيا كوردان بۆ پشكداريكرن د كابينا نوو يا عيراقێ دا، سه‌عيد عه‌لى عه‌بۆ، بۆ مالپه‌رێ فه‌رميێ پارتى ديموكراتى كوردستان گۆت: “لايه‌نێن كوردستانى سه‌ره‌رايى بۆچوونێن جودا و كێشێن وان، به‌لێ بۆ ڤه‌گه‌ريان بۆ به‌غدا دڤێت ل گه‌ل ئێك بن، نابيت خوه ژ هه‌ڤدۆ دوور بێخن”.
ئه‌ڤرۆ نيوز:
وه‌زاره‌تا پلاندانانا عيراقى ئه‌ڤرۆ رۆژا پێنجشه‌مبى راگه‌هاند كو رێژا بێكاريێ ل ده‌ف گه‌نجان دگه‌هيته 22.6%ێ و پتريا وان ژنن.
ئالاڤێ ناڤه‌ندى يێ تۆمارێ گرێدايى وه‌زاره‌تێ د به‌ياننامه‌كێ دا راگه‌هاند: “رێژا بێكاريا گه‌نجان يا د ناڤبه‌را 15 هه‌تا 29 ساليێ دا دگه‌هيته 22.6%ێ و ژ وان 56.3% كچن”.
هه‌ر ب گۆره‌يى ڤێ به‌ياننامێ رێژا پشكداريا گه‌نجان د كارێن پيشه‌يى دا وه‌كو كرێكار دگه‌هيته 36.1%ێ.
ئەڤرۆ نیوز:
تەھران ھوشداریێ ددەتە ئەمریکا و ئسرائیل د ئەگەرێ زێدەکرنا فشارێن ئابووری ل سەر وەلاتێ وان، دێ وان دو وەلاتان ب ئارمانج گرن و ھێرشێن مووشەکی کەنە سەر ئسرائیل.
مەزنە زەلامەکێ ئاینی یێ نێزیک ل عەلی خامنەیی، رێبەرێ بلندێ شورەشا ئیسلامی ل ئیرانێ د چارچۆڤێ گۆتارا نڤێژا جەژنێ دا گۆت: “بھایێ شەری ل گەل ئیرانێ گەلەک یێ زێدەیە و ھەکە بێت و بچووکترین زیان بگەھیتە وەلاتی، دێ ئەمریکا و ئسرائیل و ھەڤپەیمانێن وێ بنە ئارمانج ژ لایێ تەھرانێ ڤە و دێ ب دژوارێ لێدەین”.
گەفێن ئیرانێ پشتی گۆتنێن جۆن بۆلتن، شیرەتکارێ ئاسایشا نشتیمانی یا ئەمریکا دھێن کو ئاماژە ب وێ چەندێ دایە کو واشنتۆن فشارەکا مەزن بۆ سەر تەھرانێ زێدە کریە ب رەنگەکی سزایێن ئابووری ب بورینیت.
ئه‌ڤرۆ نيوز:
ئێكه‌تيا ئورۆپا رازيبوو ب كۆژمێ 18 مليۆن يورۆيان هاريكاريا ئيرانێ بكه‌ت، ئه‌ڤه ژى بۆ رزگاركرنا رێكه‌فتناما ئه‌تۆمى يا سالا 2015ێ يا ته‌هرانێ ل گه‌ل وه‌لاتێن رۆژئاڤا.
ئاژانسا رويته‌رز به‌لاڤكريه كو ئێكه‌تيا ئورۆپا ره‌زامه‌نديا خوه نيشاندايه 18 مليۆن يورۆيان وه‌كو هاريكارى بۆ گه‌شه‌پێدانا كه‌رتێ تايبه‌ت و كێمكرنا كارتێگرنا دوورپێچا ئابوورى يا ئه‌مريكا ل سه‌ر وى وه‌لاتى.
ئه‌ڤ راگه‌هاندنا ئێكه‌تيا ئورۆپا پشكه‌كه ژ پاكێچه‌كا 50 مليۆن يورۆيان بۆ هاريكاريا ئيرانێ د ناڤ بوودجا خوه دا.
ئه‌ڤرۆنيوز:
ل چه‌ند رۆژێن بۆرى هێزێن ئه‌منى يێن عيراقى ل ده‌رگه‌هێن سنورى ل گه‌ل ئيرانێ ده‌ست ب سه‌ر دراڤێ سه‌خته يێ عيراقى دا گرت.
ليوا روكن عه‌لى ده‌عبول، فه‌رماندێ ئۆپه‌راسيۆنێن رافيده‌ين يێ سه‌ر ب وه‌زاره‌تا به‌رگريا عيراقى ڤه راگه‌هاند” هێزێن وان ده‌ست بجهئينانا پلانه‌كا ئه‌منى هه‌والگيرى يا تايبه‌ت كريه ب ئارمانجا ده‌سته‌سه‌ركرنا وان كه‌سێن بزاڤێ دكه‌ن دراڤێ سه‌خته بينن ناڤ بازاران ل پارێزگه‌هێن ميسان، زيقار، موسه‌نا وواست”.
ناڤبرى ئاشكرا كر ژى كو پلانا ناڤبرى ژلايێ هيزێن فه‌رمانده‌يا ئۆپه‌راسيۆنێن رافيده‌ين وشانێن هه‌والگيرى دهێته بجهئينان.
ل رۆژێن بۆرى، هێزێن ئه‌منى يێن عيراقى ل ده‌رگه‌هێن سنورى ل گه‌ل ئيرانێ، ده‌ست ب سه‌ر دراڤێ سه‌خته يێ عيراقى دا گرتبوو كو چه‌ند كه‌سان بزاڤ دكر وى دراڤى ژئيرانێ بينن دناڤ عيراقێ دا.
نيشاندان