سه‌ره‌كى نووترين نووچه

ده‌نگوباسه‌كێ‌ خوه‌ش بۆ قوتابیێن ماسته‌رێ‌ و یێن ماسته‌ر وه‌رگرتین

15/08/2018 20:21

176

ئه‌ڤرۆ نیوز، ئازاد نسری:
ل دووڤ نیڤسارا وه‌زاره‌تا خواندنا بلند و ڤه‌كۆلینێن زانستی یا ژماره‌ 10627 ل 15/8/2018 ده‌ركه‌فیته‌ و ئیمزا د. یوسف گۆران وه‌زیرێ‌ خواندنا بلند ل سه‌ره‌، ئه‌و قوتابی و به‌ربژارێن ل ئێك ژ ئه‌زموونێن ستاندارتێن شیانێن زمانێ‌ ئینگلیزی نمرا پێدڤی ل دووڤ رێنمایان ب ده‌ستڤه‌ نه‌ئینای، ل دووڤ ئاستان دێ‌ پشكداریێ‌ د كۆرسه‌كێ‌ ستاندارتێ‌ تایبه‌ت ب پێشڤه‌برنا زمانێ‌ ئینگلیزی كو ژ لایێ‌ رێكخراوا AMIDEAST یا نێڤده‌وله‌تی ب هه‌ماهه‌نگیا سه‌نته‌رێن زمانێ‌ ئینگلیزی یێن زانكۆیێن حكومیێن كوردستانێ‌ دێ‌ هێنه‌ رێكخستن.
د خاله‌كا دی دا هاتیه‌” ئه‌ڤ بڕیاره‌ وان هه‌موو قوتابیێن ماسته‌ر و دكتۆرایێ‌ دگریت یێن ل سالێن 2015ـ2016 و 2016ـ2017 ل زانكۆیێن هه‌رێمێ‌ هاتینه‌ وه‌رگرتن”.

666 كه‌س بووینه‌ قوربانی روودانان

15/08/2018 20:02

108

ئه‌ڤرۆ نیوز، حه‌مۆ محه‌مه‌د:
به‌رپرسێ‌ پشكا په‌یوه‌ندی و راگه‌هاندنێ‌ ل رێڤه‌به‌ریا هاتنوچوونا دهۆكێ‌ بۆ ئه‌ڤرۆنیوز دیار كر، د حه‌فت هه‌یڤێن بۆری یێن ئه‌ڤ ساله‌ دا، 77 كه‌سان ب روودانێن هاتنوچوونێ‌ گیانێ‌ خوه‌ ژ ده‌ست دایه‌ و 589 كه‌س ژی بریندار بووینه‌.
موقه‌دمێ‌ مافپه‌روه‌ر ئازاد تاها، به‌رپرسێ‌ پشكا په‌یوه‌ندی و راگه‌هاندنێ‌ ل رێڤه‌به‌ریا هاتنوچوونا دهۆكێ‌ ئامارا روودانێن هاتنوچوونێ‌ یێن حه‌فت هه‌یڤێن بۆری به‌لاڤكرن و ئاشكرا كر، 628 روودان د حه‌فت هه‌یڤێن بۆری دا رووداینه‌ و گۆت: “د وان روودانان دا 77 كه‌سان گیانێ‌ خوه‌ ژ ده‌ست دایه‌ و 589 كه‌س ژی بریندار بووینه‌”.
موقه‌دمێ‌ مافپه‌روه‌ر ئازاد تاهای خویا ژی كر، ئه‌و روودانه‌ د جوراوجور بوون، ژ وان ژی 423 ژ جۆرێ‌ لێكدان، 64 وه‌رگه‌ڕیان، 138 لێدان و سێ‌ ژی سۆتنا ترۆمبێلان بوون.

فروكه‌ شنگالێ بوردومان دكه‌ن

15/08/2018 18:07

374

ئه‌ڤرۆ نیوز، باسم قاسم:

ده‌مه‌كێ كێم به‌رى نوكه‌ فروكێن نه‌نياس ب دژوارى كاروانه‌كێ ترومبێلێن هێزه‌كا چه‌كدار بوردومان كر و ب گۆره‌ى هنده‌ك پێزانينان فرۆكه‌ یێن توركى نه، به‌لێ هه‌تا نوكه‌ ناهێته‌ زانین ئه‌و هێزا هاتیه‌ بوردومانكرن چ هێزه‌.ب گۆره‌ىپێزانينێن ئه‌ڤرۆ نیوز ده‌وروبه‌رێن ده‌مژمێر 5:00 یا ئێڤاریا ئه‌ڤرۆ چارشه‌مبى 15/8/2018 هنده‌ك فرۆكێن نه‌نياس كاروانه‌كێ ترومبێلێن هێزه‌كا چه‌كدار ل سه‌ر رێیا گشتى دناڤبه‌را رۆژهه‌لات و رۆژئاڤا چیایێ شنگالێ و ده‌ڤه‌را (شلو) بوردومانكر، به‌لێ هه‌تا نوكه‌ ناهێته‌ زانين ئه‌و چو هێزبوو هاتیه‌ بوردومانكرن و قوربانى هه‌نه‌ یان نه‌ ، دیسان بوردومان ژلایێ فروكێن كیش وه‌لاتى بوو.

سەرۆك بارزانی پێشوازيێ ل باليۆزێ ئه‌مريكا ل عيراقێ دكه‌ت

15/08/2018 18:02

ئه‌ڤرۆنيوز:

سه‌رۆك مه‌سعود بارزانى ئه‌ڤرۆ چارشه‌مبى 15/8/2018 پێشوازى ل دوگلاس سيليمان باليوزێ ئه‌مريكا ل عيراقێ وستيڤ فاگين كونسۆلێ ئه‌مريكا ل هه‌ولێرێ كر.

دديداره‌كێ دا ره‌وشا سياسى يا عيراقێ وده‌ڤه‌ري وپێشهاتين نوو ل سه‌ر ئاستێ هه‌ريمايه‌تى ونيڤده‌وله‌تى به‌حسكرن وباليۆزێ ئه‌مريكا ل عيراقێ ستراتيژيه‌تا وه‌لاتێ خوه‌ ل دۆر دووماهى ويستگه‌هێن شه‌رێ داعشێ وهاريكاريا ئاواره‌ وپێكهاتين عيراقێ وهه‌روه‌سا گوهۆرينێن هه‌رێمايه‌تى بۆ سه‌رۆك بارزانى به‌رچاڤكرن وئاماژه‌ ب رۆلێ كاريگه‌ري سه‌رۆك بارزانى وحوكمه‌تا هه‌ريمێ ل پاراستنا پێكهاته‌ وئاوارێن عيراقێ ژ شه‌رێ تيرۆرستێن داعشێ كر.

دپشكه‌كا دى يا وێ كۆمبوونێ دا بۆچوون ل دۆر عيراقا پشتى هه‌لبژارتنان وبزاڤێن پێكئينانا حوكمه‌ته‌كا نوو وهه‌ڤكێشێن دناڤ عيراقێ دا هاتنه‌ ئالوگوركرن وسه‌رۆك بارزانى دياركر كو ئه‌وا ل ده‌ف هه‌رێما كوردستانێ گرنگ به‌رنامێ حوكمه‌تا داهاتى يا عيراقێ يه‌ وهه‌روه‌سا پێگيريبوونا لايه‌نان ب سێ پرنسيبێن هه‌ڤپشك دحوكمداريێ وته‌وافوقێ دقانوون دانانێ دا وهه‌ڤسه‌نگى ل ده‌زگه‌هان ئه‌وله‌ويه‌تا سه‌ره‌كى يه‌ ودووپاتى ل وێ چه‌ندێ ژى كر كو ل به‌رچاڤ وه‌رگرتنا وان هه‌رسێ پرنسيبان دێ بيته‌ ئه‌گه‌رێ چاره‌سه‌ركرنا گه‌له‌ك كێشان.

خوله‌ك ل دۆر هه‌ڤسه‌نگیا جینده‌ری و پێشڤه‌برنا شیانان دهێته‌ ڤه‌كرن

15/08/2018 16:55

113

ئه‌ڤرو سپێدێ‌ 15-8-2018ل ئوتێلا ریكسوس وب ئاماده‌بونا فه‌رهاد ئه‌مین ئه‌تروشی پارێزگه‌رێ‌ دهوكێ‌ وقایمقام ورێڤه‌به‌رێن گشتی یێن چه‌ند فه‌رمانگه‌ها وچه‌ند رێڤه‌به‌رێن ناحیا ،ئه‌نجومه‌نێ‌ بلند یێ‌ خانمان ب هاریكاریا رێكخراوا (UN-WOMEN) خوله‌كا تایبه‌ت ل دور هه‌ڤسه‌نگیا جینده‌ری و پێشڤه‌برنا شیانان ڤه‌كر.
لبه‌راهیێ‌ په‌یڤا رێڤه‌به‌ریا خولێ‌ هاته‌ خاندن وئارمانجا ڤه‌كرنا خولێ‌ هاته‌ دیاركرن.
پاش پارێزگه‌رێ‌ دهوكێ‌ په‌یڤه‌ك پێشكێشكر وده‌ست خوشی ل ئه‌نجومه‌نێ‌ باڵا یێ‌ خانمان كر كو ئه‌ڤ خوله‌ ڤه‌كریه‌ وسه‌ركه‌فتن بو خواست.
پارێزگه‌رێ‌ دهوكێ‌ دیاركر كو مروڤ مروڤه‌ چ ژن بیت یان مێر بیت هه‌ردوو خودان شیانن وتمامكه‌رێن هه‌ڤدوونه‌ دڤی جڤاكی دا لێ‌ هنده‌ك هوكار یێن په‌روه‌رده‌یی ومه‌عریفی وهزری هه‌نه‌ كو دبنه‌ رێگر بو پێشكه‌فتنا ئافره‌تێ‌ وئاماژه‌ دا رولێ‌ حكومه‌تا هه‌رێما كوردستانێ‌ یێ‌ په‌ره‌پێدانا ئافره‌تێ‌ .
هه‌روه‌سا گوت :ل گه‌له‌ك وه‌لاتێن جیهانێ‌ ب چاڤه‌كێ‌ ئابوری سه‌حدكه‌نه‌ شیان ورولێ‌ ئافره‌تێ‌ و گه‌له‌ك جارا ئافره‌ت ب خو ژی دبیته‌ هوكار كو پێشنه‌كه‌ڤیت ئه‌وژی ژبه‌رعادات وته‌قالیدێن جڤاكی .
ل دوماهیێ‌ خواست كو ئه‌ڤ خوله‌ ببنه‌ ده‌رگه‌ه بو كێمكرن ونه‌هێلانا هه‌موو ئاسته‌نگا ل هه‌مبه‌ر پێشكه‌فتنا ئافره‌تێ‌ وپشته‌ڤانیا پارێزگه‌هێ‌ نیشان دا بو ڤان جوره‌ چالاكیان وسه‌ركه‌فتن بو پشكدارا خواست.
پاش په‌خشان زه‌نگه‌نه‌ ئه‌میندارا گشتی یا ئه‌نجومه‌نێ‌ بلند یێ‌ خانمان په‌یڤه‌ك پێشكێش كر وئارمانجێن خولێ‌ به‌رچاڤكرن هه‌روه‌سا نونه‌را رێكخراوا (UN-WOMEN) په‌یڤا خو پێشكێشكر.
پاش راهێنه‌ر صه‌لاح صه‌دیق سمیناره‌ك ل دور جێنده‌رناسی دبوارێ‌ كارگێری دا وچه‌ندین بابه‌تێن ل دور ستراتیجیا نیشتمانی وپه‌ره‌پێدا نا ره‌وشا ئافره‌تێ‌ وبه‌رهنگاربونا توند وتیژیێ‌ ل دژی ئافره‌تان ل هه‌رێما كوردستانێ‌ بو سالێن 2016-2026ورولێ‌ حكومه‌تا خوجهی بو بجه ئینانا وێ‌ ستراتیجیێ‌ پێشكێشكرن.
پاش دان وستاندن ژلایێ‌ به‌رهه‌ڤبویا ل سه‌ر بابه‌تێن سمینارێ‌ هاتنه‌ ئالوگوركرن .
بریاره‌ سوبه‌هی ژی 16-8-2018به‌رده‌وامی ب به‌رنامێن خولێ‌ بهێته‌ دان وراهێنه‌ر عبداسلام مه‌ده‌نی سمیناره‌كێ‌ ل دور بابه‌تی پێشكێش بكه‌ت.

پارتى دساليادا 16 ئاب دا:رێگر بووين قه‌وارێ هه‌رێما كوردستانێ بهێته‌ هه‌لوه‌شاندن

15/08/2018 16:44

341

ئه‌ڤرۆنيوز:

دساليادا 16 ئاب دا، سال رۆژا دامه‌زراندنا پارتى ديموكراتى كوردستان، مه‌كته‌با سياسى يا پارتى په‌يامه‌ك به‌لاڤكر، دپشكه‌كا په‌يامێ دا هاتيه‌، به‌رى 72 سالان ده‌مێ نه‌ئومێدى ب سه‌ر نه‌ته‌وا كورد دا هاتى، پارتى ديموكراتى كوردستان وه‌كو چرايه‌كى هه‌لبوو تاكو تاريێ وبێ ئومێديێ لاده‌ت ودوباره‌ وره‌ وباوه‌ريێ دناخێ مرۆڤێ كورد دا ڤه‌ژه‌نيت.

مه‌كته‌با سياسى پارتى دياركر ژى” پارتى وه‌كو به‌رسڤدانا غه‌درا ديرۆكى يا بێ به‌هركرنا كوردان ژمافێ چاره‌نڤيس، بۆ ب دووماهى ئينانا بن ده‌ستيێ، بۆ وێ چه‌ندێ نه‌ته‌وا كورد وه‌كو نه‌ته‌وێ مه‌زن يێ چارێ ل ده‌ڤه‌رێ پێگه‌هێ شايسته‌ يێ خوه‌ بده‌ستڤه‌بينيت، وه‌كو پێدڤيه‌كا ديرۆكى وگوزارشت ل ئيرادا ملله‌ته‌كى هاته‌ مه‌يدانێ كو به‌رهه‌ڤ نه‌بوو بن ده‌ستيێ وپاشكويه‌تيێ وه‌كو قه‌ده‌ر وچاره‌نڤيسه‌كێ نه‌گۆر قه‌بوول بكه‌ت”.

دياركر ” ئه‌ڤرۆ كو بيره‌وه‌ريا 72 ساليا دامه‌زراندنا پارتيا خوه‌ دكه‌ين، پارتيا مه‌ هه‌مان وره‌ وباوه‌رى وبه‌رچاڤ رۆهنى، ب هه‌مان پێداگيرى ل سه‌ر پرنسيبێن نه‌گۆر يێن گه‌لێ مه‌ وبگره‌ زێده‌تر ژى ژ جاران، يا رژده‌ ل سه‌ر سياسه‌ت وهه‌لويستێن خوه‌، رژده‌ ل سه‌ر پاراستن وب هيزكرنا قه‌وارێ كوردستانێ كو ل پێنج سالێن بۆرى دا ب جۆره‌ها پيلان وشه‌ر پێ فرۆشتن وسه‌نگه‌ر لێگرتن دخواستن ژناڤ ببه‌ن وره‌نجا 100 سالى يا كوردان ب باى بده‌ن”.

ئاماژه‌ دا” ل پێنج سالێن بۆرى پارتيا مه‌ ب وره‌ وباوه‌ريه‌كا پۆلايى روو ب روو هه‌موو وان گه‌فان بوو وخوه‌شبه‌ختانه‌ ئێك ل دووڤ ئێك دا هاتنه‌ شكاندن، پارتيا مه‌ وسه‌رۆك بارزانى رێبه‌رايه‌تيا شه‌رێ به‌رگريێ ژكوردستانێ وشكاندنا داعشێ ب پيرۆزى گه‌هاند”.

كۆمسيۆن ناڤێن هه‌موو به‌ربژاران بۆ هه‌لبژارتنێن په‌رله‌مانێ كوردستانێ به‌لاڤ دكه‌ت

15/08/2018 16:25

308

ئه‌ڤرۆنيوز:

كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ ناڤێن هه‌موو به‌ربژارێن لايه‌نێن پشكدار د هه‌لبژارتنێن په‌رله‌مانێ كوردستانێ به‌لاڤكرن.

بۆ دۆتنا ناڤان ڤى لينكى كليك بكه‌ :

http://www.khec.krd/pdf/2014111582018_candid%20name.pdf

وه‌زاره‌تا دارايى رێنمايه‌كێ ل دۆر هژمارتنا خزمه‌تا له‌شكرى بۆ فه‌رمانبه‌ران به‌لاڤ دكه‌ت

15/08/2018 16:03

1328

ئه‌ڤرۆنيوز:

ل دووڤ رێنمايه‌كا وه‌زاه‌رتا دارايى وئابوورى، ئاماژه‌ ب چه‌ند رێنمايێن نوو هاتيه‌ كرن بۆ جۆره‌ خزمه‌ته‌كا تايبه‌ت ل فه‌رمانبه‌ران ڤه‌.

ب گۆره‌ى ناڤه‌رۆكا وێ رێنمايى، ل سه‌ر داخوازه‌كا جڤاتا وه‌زيران ل هه‌رێما كوردستانێ، وه‌زاره‌تا دارايى وئابوورى خزمه‌تا له‌شكرى يا وان فه‌رمانبه‌ران هژمار ناكه‌ت كو داخوازكريه‌ ئه‌و خزمه‌ته‌ بۆ بهێته‌ هژمارتن، هه‌روه‌سا خزمه‌تا له‌شكرى يا وان فه‌رمانبه‌رێن لێبرينا خانه‌نشينى نه‌داى، دێ هێته‌ هه‌لوه‌شاندن.

ل ده‌قێ وێ رێنمايێ هاتيه‌” ب هيچ شێوه‌كى خزمه‌تا له‌شكرى بۆ وان فه‌رمانبه‌ران ناهێته‌ هژمارتن يێن داخوازكرى خزمه‌تا وان بهێته‌ هژمارتن، داخواز ژى هاتيه‌ كرن كو ل دۆر وى بابه‌تى چو نڤيسار بۆ جڤاتا وه‌زيران نه‌هێنه‌ هنارتن”.

ئه‌و چه‌نده‌ ژى هاتيه‌ دووپاتكرن كو خزمه‌تا له‌شكرى يا وان فه‌رمانبه‌رێن ل سالا 2006 خزمه‌ت بۆ هاتيه‌ هژمارتن ولێبرينا خانه‌نشينى نه‌داى، دێ هێته‌ هه‌لوه‌شاندن ، ديسا هاتيه‌ كو هه‌ر فه‌رمانبه‌ره‌كێ ل سالا 2006 خزمه‌تا له‌شكرى بۆ هاتبيته‌ هژمارتن وپارێ لێبرينا خانه‌نشينى نه‌دابيت، خزمه‌ت بۆ ناهێته‌ هژمارتن، چونكى ل دووڤ قانوونا خانه‌نشينيێ نه‌شێن نوكه‌ پاره‌ى بده‌ن، به‌لكو پێدڤى بوو ل ده‌مێ خوه‌ پارێ لێبرينا خانه‌نشينيێ هاتبا دان”.

وه‌زاره‌تا دارايى دياركر ژى كو ئه‌و فه‌رمانبه‌رێن رازيبوونا جڤاتا وه‌زيران ووه‌زاره‌تا دارايى هه‌بيت ول سالا 2006 لێبرينا خانه‌نشينى دابيت، دێ خزمه‌تا له‌شكرى بۆ هێته‌ هژمارتن وژێ ناهێته‌ وه‌رگرتن، به‌لێ ئه‌وێ ئه‌و مه‌رجه‌ تێدا نه‌بيت، دێ خزمه‌تا وى هێته‌ هه‌لوه‌شاندن.

پێشتر هژماره‌كا مه‌زن يا فه‌رمانبه‌ران خزمه‌تا له‌شكرى بۆ هاته‌ هژمارتن ل سه‌ر راژا وان، بۆ مه‌به‌ستێن پله‌ بلندكرنێ وخانه‌نشينيێ.

ب ڤیدیۆ -كیلۆیا تووتنێ ل شێلادزێ هه‌تا 140 دۆلاران دهێته‌ فرۆتن

15/08/2018 15:27

280

ئه‌ڤرۆ نیوز ، نه‌وزاد هلۆرى:

ل ده‌ڤه‌را ئامێدیێ ب گشتى و سه‌نته‌رێ ناحیا شێلادزێ ب تایبه‌تى بازارێ توتنا خومالى یا گه‌رمه‌ و نێزیكێ 50 جۆرێن توتنێ تنێ ل شێلادزێ دهێنه‌ فرۆتن، بازرگانه‌ك دیاردكه‌ت ژبه‌ر نه‌بوونا چو كارگه‌هێن تایبه‌ت ب وه‌به‌رهێنانا تووتنێ، ئه‌و بزاڤان دكه‌ت ئامیره‌كێ تایبه‌ت يێ چێكرنا جگاران‌ بینیته‌ شێلادزێ.

مونیر توڤى ، بازرگانێ تووتنێ ل شێلادزێ بۆ ئه‌ڤرۆ نیوز گۆت: (ئه‌م تووتنێ ژ هه‌موو ده‌ڤه‌رێن كوردستانێ دكرین و ل بازارێن شێلادزێ و ده‌ڤه‌را ئامێدیێ دفرۆشین و ره‌وانه‌ی ده‌رڤه‌ی قه‌زا ئامێدیێ ژى دكه‌ین، نوكه‌ ل سه‌نته‌رێ ناحیا شێلادزێ نێزیكێ 50 جۆرێن تووتنێ دهێنه‌ فرۆتن كو پتريا وان هه‌ر ل ده‌ڤه‌رێن هه‌رێما كوردستانێ دهێته‌ وه‌به‌رئینان ب تایبه‌تى ل ده‌ڤه‌را به‌رێ گارێ و سیده‌كان وپشكه‌كێ تووتنا ده‌ڤه‌رێ ل باكوورێ كوردستانێ ژى دهێته‌ ئینان ب تایبه‌تى جوله‌مێرگ و شه‌مزینان).

زێده‌تر گۆت: (گرانترین تووتن ب 140 دۆلاران و ئه‌رزانترین تووتن ژى ب 20 دۆلاران ل بازارێن شێلادزێ دهێته‌ فرۆتن، و پتريا كه‌سێن تووتنێ دكرن و بكاردئینن ته‌خا گه‌نجایه‌ ، ژبه‌ركو تووتنا ده‌ڤه‌رێ یا ب تام و بێهنداره‌ و هنده‌ك جۆرێن پاكیتێن ڤالا ژى ده‌ركه‌فتینه‌ و پێچانا وان ب ساناهیه‌).

ناڤبرى دیاركر ژى كو تووتن ل كوردستانێ ل هه‌یڤا پێنج دهێته‌ چاندن و ل هه‌یڤا نه‌هێ و ده‌هێ دهێته‌ چنین و زێده‌تر گۆت: (پێدڤیه‌ لایه‌نێن شوله‌ژێ كارگه‌هه‌كا تایبه‌ت بۆ وه‌به‌رهێنانا تووتنێ ل ده‌ڤه‌رێ بدانن ، ژبه‌ركو رێژه‌یه‌كا زۆر یا زه‌ڤیێن تایبه‌ت ب چاندنێ و جوتیارێن چاندنا تووتنێ ل ده‌ڤه‌رێ يێن هه‌ين و ب چێكرنا وێ كارگه‌هێ دێ ب ده‌هان گه‌نج و وه‌لاتى تێدا كاركه‌ن و بیته‌ ئه‌گه‌ر كو بێكارى كيم ببيت و هژماره‌كا خێزانان ل سه‌ر بژین، به‌لێ ب مخابنی ڤه‌ هه‌تا نها چو كارگه‌هـ نینن، ژبه‌رڤێ من بزاڤكریه‌ ئامیره‌كێ تایبه‌ت بو چێكرنا جگاران بینمه‌ شێلادزێ و چاڤه‌رێ مه‌ بگه‌هیت و ب گه‌هشتنا وى ئامیرى دێ خزمه‌ته‌كا باش بۆ ده‌ڤه‌رێ هێته‌كرن).

ئه‌ڤرۆ رێورسمێن کۆمکوژیا گوندێ کۆچۆ دێ هێنه‌ ئه‌نجامدان

15/08/2018 14:28

ئەڤرۆ نیوز،باسم قاسم شنگالی

د رۆژەکا وەکە ئەڤرۆ دا ل (15/8/2014) پشتی داگێرکرنا شنگالێ ب تەمامی و دۆرپێچکرنا گوندێ کۆچۆ کو رێکخراوا تیرۆرستیا داعشێ نەهێلان خەلکێ گوندى دەرکەڤێت وئەو گوند ب تمامی گولەباران کر، ئەڤرۆ ژی بیرەوەریا چارێ یا وێ کۆمکوژیێ ل گۆندێ کۆچۆ ب رێڤەدچە ب ئامادەبوونا ژمارەكا كەسایەتی و بەرپرسێن دام و دەزگەهێن حزبی و میری و كەس و كارێن قوربانیان.

چالاكڤان حسێن حه‌سه‌ن بۆ ئه‌ڤرۆنيوز گۆت”د كۆمكوژیا گوندێ‌ كۆچۆ دا ل سەر دەستێ‌ رێكخراوا تیرۆرستیا داعشێ‌ (1211)كەس یێن بووینە قوربانی و (22)گۆڕێن بكۆم هەنە،ئەڤە پیلانەكا دەرەكی و ناڤخۆیی و داعشی بوو دژی خەلكێ‌ گوندی هاتیە ئەنجام دان”.

دياركر” ئەڤە چار سال ب سەر كۆمكوژیا گوندێ‌ كۆچۆ ل سەر دەستێ‌ رێكخراوا تیرۆرستیا داعشێ‌ دەربازبوون،كو ل(3/8/2014)ێ‌ هەتا (15/8) گوند هاتە دوورپێچكرن و پیلانەكا دارێژتی بوو داعش دانا كو شەریعەتا ئیسلامێ‌ ب سەر ڤێ‌ كۆمكوژیا مەزن بجهبینن و خیانەت ل وی خەلكی كرن و گۆتنێ‌ دێ‌ وە بەینە چیایێ‌ شنگالێ‌ پاشی نەبرن و كۆمكوژكرن و(83) ژن دگەل چەند زارۆيان دگۆرەكێ‌ كرن ل سۆلاخ و هەموو كوشتن و گۆت:(( دڤێ‌ كۆمكوژیێ‌ دا (1211)كەس یێن بووینە قوربانی و داعش خەلك د(22)گۆڕێن بكۆم دا گولەباران كرینە و دهەر گۆڕەكی دا ژمارەكا كەسان تێدایە”.

نيشاندان 1...1,000 2,000 1,3181,3191,320 2,320...3,021 زێده‌تر

لاپه‌ر 1,319 ژ 3,021