ئەڤرۆ نيوز:
پەیڤدراێ بناڤێ سەرکردێ باسکێ سەدری، سەلاح ئەلعوبەیدی دووپاتکر، حوکمەتا بھێت ل گۆڕ پەیڤەر و مەرجێن باسکی سەدری داناین دێ ھێتە پێکئینان، ھەڤدەم ئاماژەدا شانێ فڕاکسیۆنا سائیرون ژ یێ فەتح پترن بۆ پێکئینانا حوکمەتا نوویا عیراقێ.
سەلاح ئەعوبەیدی بۆ رۆژناما ئەڤرۆ گۆت: ل گۆڕ پیڤەرێن باسکێ سەدر دێ گەلەک ناڤ بۆ پۆستێ سەرۆک وەزیران ھێنە بەربژارکرن، داکو فڕاکسیۆنا مەزن ل گەل ھەموو ئالیان دانوستاندنێ ل سەر بکەن، ھەروەسا عوبەیدی ئاشکراکر، باسکێ سەدری 40 مەرج بۆ پێکئینانا حوکمەتا نوویا عیراقێ داناینە کو ھندەک ژوان مەرجان دێ ب دەمەکێ دەستنیشانکری ڤە گرێدایێ بن.
پەیڤدارێ بناڤێَ موقتەدا سەری خوەیاکر، ھەڤڕکیا مەزن دناڤبەرا فڕاکسیۆنا سائیرون و فەتح دایە بۆ پێکئینانا حوکمەتێ، دیارکر ئێک ژ ھەدوکا دێ ب سەرکەڤیت، نوکە بتنێ ئەم چاڤەرێ پەسەندکرنا فەرمی یا ئەنجامێن ھەلبژارتنان نین، عوبەیدی دیسا کۆت: ھەڤالبەندیا دەولەتا قانوونێ گەلەک بزاڤکرن، ھەڤپەیمانیەکێ ل گەل سائیرون و فەتح دروست بکەت، بەلێ ژ بەر نەبوونا باوەریێ دناڤبەرا وان ھەموو ئالیان دا ئەو بزاڤ ژ ناڤچوون.
سەبارەت وان 40 مەرجێن باسکێ سەدری بەرھەڤکرین بۆ پێکئینانا حوکمەتا عیراقێ، سەلاح ئەلعوبەیدی گۆت: یا ئێکێ دڤێت حەز و ئینتمایا ھەموو حزبان بتنێ بۆ عیراقێ بیت، یا دوێ بنجھکرنا پرانسیبێ جوداھیا دناڤبەرا ھەرسێ دەستھەلاتان دا، ئانکو دەستھەلاتا سیاسی و یا ددوەری و یا بجھیئنانێ دەمێ دانا قانونان دا، یاسیێ دڤێت چو کەسێن بەری نو پۆست وەرگرتین دناڤ ھەموو جزب و ئالیێن عیراقی دا نەھێنە بەربژارکرن بۆ پۆستێن نوو، یا چارێ پێکئینانا لژنەکا بلند ب سەرپەرشتیا دادوەریا عیراقێ یا پاک بۆ دووڤچوون و سزادانا گەندەلان چو دناڤا عیراقێ یان ژ دەرڤە بن، پۆستێن بنجھنانا حوکمەتێ ل گۆڕ بەھرا تائیفی و حزبی و ئالیگریێ نابن و دڤێت ھەموو تکنوقراگ بن ل گەل بەرچاڤگرتنا ھەڤسەنگیا جڤاگی ل عیراقێ، یا پێنجێ ھەر سێ سەرۆکاتی دڤێت ل گۆڕ شارەزایی بھێنە پڕکرن نە ب بەھرا و تائیفگەریێ، ل گەل ھەبوونا بەرنامەکێ خزمەتگۆزاری و ئێمناھی و ئابۆری بۆ وێ قۆناغا ئەو کاری تێدا دکەن، بتایبەتێ پۆستێ سەرۆک وەزیران.
ناڤبری ھەروەسا ئاشکراکر، ھەڤپەیمانیا ل سەر بنیاتی نشتیمانی دێ بڤی رەنگی بیت، یا ئێکێ دووپاتی ل سەر سەربخوەیی و سەروەریا ئێکگرتنا عیراقێ، یا دوێ ب ھێزکرنا دەولەتێ و حوکمەتێ ل سەر بناغەکێ رێکخستی، یا سیێ دوورکەفتن ژ کارێن تائیفەگەری و نەتوەی و حزبی، یا چارێ پێشخستنا بەرژوەندیا وەلاتی ل سەر بەرژوەندیێن حزبی و تائیفەگەری ل گۆڕ نڤیسینا پەیرەوەکێ ناڤخوەیی بۆ ھەڤکگرتنێ، یا پێنجێ ئیسرائیل دوژمنێ عیراقێ یێ سەرەکی یە، یا شەشێ کار بۆ ب ھێزکرنا لەشکری و پۆلیسان و ھێزێن ئێمناھیێ و نابیت چو ھێزێن دیتر ژ دەرڤەیی کارێن قانوونێ پشکداری پێ بھێتە کرن، یا شەشێ ھەکە پۆستە یێ تایبەت بۆ شیعان، وی دەمێ دروستە چو عەرب یان تورکمان یا فەیلی بیت بۆ وەرگرتنا پۆستێ حوکمی.
ل دووماھیێ ژی گۆت: ئەڤە ھندەک ژوان خال مەرجێن سەرکرداتیا باسکێ سەدری نە، بۆ حوکمەتا نوو یا عیراقێ ببورن ھەکە دەلیڤە نەبیت ھەموویان بێژم .
نيشاندان
