ئەڤرۆ نیوز ، زنار تۆڤی:
ئه‌ندامێ جڤاتا كۆمسیاران ل كۆمسيۆنا بلندا هه‌لبژارتن و راپرسیێ ل هه‌رێما كوردستانێ جۆتیار عادل بۆ وار راگه‌هاندیە، کو وان گوهۆرین د برگه‌كا په‌یره‌وێ ناڤخۆیێ كۆمسیۆنێ دا كریه كو ئه‌نجامێن هه‌لبژارتنێن هه‌رێمێ یێن 30 ئیلۆنا بهێت دێ د ماوه‌یێ 72 دەمژمێران دا بهێنه راگه‌هاندن.
هه‌روه‌سا وى ئه‌ندامێ جڤاتا كۆمیساران دا زانین ژى، ناڤێن هه‌موو كاندیدان ل ده‌سته‌یا ده‌ستپاكیێ هاتینه په‌سه‌ندكرن و نوکە وه‌زاره‌تا ناڤخۆیا هه‌رێمێ دووڤچۆنێ بۆ ناڤێن كاندیدان دكه‌ت.
ئەڤرۆ نیوز ، زنار تۆڤی:
کۆمسیۆنا بلندا سەربەخۆ یا ھەلبژارتنان ل عیراقێ د بەیاننامەکێ دا، ئەنجامێن فەرمی و دوماهیێ یێن ب دەست ھژمارتنا دەنگێن ھەلبژارتنێن عیراقێ راگەھاندن.
کۆمسیۆنا بلند یا سەربەخۆیا ھەلبژارتنان د بەیانناما خوە دا، ئەنجامێن فەرمی یێن ب دەست ھژمارتنێ یێن ھەلبژارتنێن پەرلەمانێ عیراقێ ژ ئالیێ جڤاتا دادوەری ڤە ھاتینە ھژمارتن راگەھاندن، لدووڤ بەیانناما وان ب تنێ ل پارێزگەھێن زیقار، نەینەوا، سەلاحەدین، ئەنبار گوھۆرین دناڤ کورسیەکا لیستان دا ھاتیه کرن، ل پارێزگەھا بەغدا ژی کورسیەک ژ لیستەکێ بۆ ئێکا دی ھاتە ھژمارتن.
پشتی ھەلبژارتنێن پەرلەمانێ عیراقێ ل 12 گولانێ هاتینە ئەنجامدان، نەرازیبوونا ھندەک ئالیێن سیاسی، ل پترییا پارێزگەھێن عیراقێ سکالا ل سەر کۆمسیۆنێ ھاتبوونە تۆمارکرن.
ژ بەر نەرازیبوونا گەلەک ئالیێن سیاسی، جڤاتەکا دادوەران ل شوونا کۆمسیۆنێ ژ بۆ ب دەست ھژمارتنێ ل سەر سندۆقێن سکالا هاتینە تۆمارکرن، دەست ب کارببوو، ب بریارا دادگەھا بلند یا فیدرالی ل عیراقێ ژمارەکا سندۆقان ل حەفت پارێزگەھێن عیراقێ ب دەست ھاتبوونە ڤاڤارتن.
ئه‌ڤرو پشتی نیڤرو9-8-2018 بهزاد علی ئاده‌م پارێزگه‌رێ دهوكێ ب وه‌كاله‌ت سه‌رپه‌رشتیا كومبونا لیژنا پاراستنا مافێن زاروكان ل پارێزگه‌هێ كر.
دكومبونێدا ب ئاماده‌بونا نوینه‌رێ دادگه‌ها دهوكێ ونوینه‌رێن چه‌ند فه‌رمانگه‌هێن په‌یوه‌ندیدار وچه‌ند رێكخراوێن یوئێن ونافخویی به‌حسێ ره‌وشا وان زاروكان ئه‌وێن كاری ل نێزیك ترافیك لایتا وجهێن گشتی دكه‌ن وچاوانیا كێمكرن ونه‌هێلانا وێ دیاردێ ب گشتی هاته كرن.
پارێزگه‌رێ دهوكێ ب وه‌كاله‌ت دیاركر كو ژبه‌ر هوكارێن تایبه‌ت كارێ لیژنا پاراستنا مافێن زاروكان ل پارێزگه‌هێ وه‌كو پێدڤی نه‌دهاتنه ئه‌نجامدان لێ پشتی كاودان باشتر لێ هاتین كارگێریا پارێزگه‌ها دهوكێ ب هه‌ڤكاری دگه‌ل لایه‌نێن په‌یوه‌ندیدار ڤیایه كارێ لیژنێ خورترلێ بكه‌ین وكومبونا ئه‌ڤرو ئێكه‌م پێنگاڤه بو ڤێ مه‌به‌ستێ وژهه‌مو لایه‌نان خواست كو دهاریكاربن بو بجه ئینانا به‌رنامێن لیژنێ دوارێ پاراستنا مافێن زاروكان دا وكێمكرن ونه‌هێلانا دیاردا كاركرنا زاروكان.
پاش درگه‌هێ دان وستاندنێ هاته ڤه‌كرن وچه‌ندین بوچون وپێشنیار هاتنه به‌رچاڤكرن بو وێ یه‌كێ كارێ لیژنێ بهێته خورتكرن وخزمه‌تا زاروكان باشتر بهێته كرن.
ل دوماهیێ بریار هاته دان كو پشتی جه‌ژنا قوربانێ كومبونه‌كا به‌رفره‌هتر دگه‌ل لیژنێ ولایه‌نێن په‌یوه‌ندیدار بهێته كرن وبه‌رنامه‌كێ رێك وپێك وپێك بهێته دانان بو نه‌هێلانا دیاردا كاركرنا زاروكان لناڤ جهێن گشتی ل باژێر وباژێركێن پارێزگه‌هێ.
ئەڤرۆ نیوز ، زنار تۆڤی:
هەردو حوکمەتێن ھەرێما کوردستانێ و عیراقێ ل دۆر ڤەکرنا رێیا د ناڤبەرا ھەولێر کەرکووک دا رێککەفتن و ئه‌ڤرۆ دێ دەست ب چێکرنا پرا پردێ ھێتە کرن.
لیوا سالار تەیموور فەرماندارێ ھێزێن زێرەڤانی ل پردێ گۆت: دوهی ئێڤاری د کۆمبونەکا ھەڤپشک دا، ھەردو شاندێن ھەرێمێ و بەغدا ل سەر ڤەکرنا رێیا سه‌ره‌كی یا د ناڤبه‌را ھەولێر کەرکووکێ دا رێککەفتن و ل دووڤ رێككه‌فتنا هاتیه كرن، دێ د ناڤبەرا زالگەھێن پێشمه‌رگه‌یێ كوردستانێ و پۆلیسێن فیدرال دا، زالگەھەکا ھەڤپشک ھێتە دانان.
فەرماندارێ ھێزێن زێرەڤانی ل پردێ خوەیا ژی کر: ئه‌ڤرۆ دێ دەست ب دروستکرن و نووژه‌نكرنا پرا پردێ ھێتە کرن و بریارە د 24 رۆژان دا ب داوی بھێت و ھاتنوچوویا ترومبێلێن بارھەلگر ژی ئاسایی ببیت.
ب گۆتنا وی فه‌رماندارێ پیشمه‌رگه‌ی، هه‌ر ئه‌ڤرۆ دێ کار ل سەر دروستکرنا زالگەھا ھەڤپشک یا ھێزێن ھەرێمێ و پۆلیسێن فیدرال ھێتە کرن، بریارە ل رۆژا ئێکشەمبی ھاتنوچوویا وه‌لاتیان ئاسایی ببیت.
ئه‌ڤرۆ نيوز، نيوار محه‌مه‌د سه‌ليم:
دوهى پشتى نيڤرۆ كه‌تيبا ئيمام عه‌لى خوه ژ رۆژئاڤا و رۆژهه‌لاتێ ديجله ڤه‌كێشا و ئايسشا شنگال ژى ئه‌ڤ چه‌نده پشت راستكر و دا زانين كو د ماوێ حه‌فتيه‌كێ دا حه‌شدا شه‌عبى دێ خوه ژ هه‌موو ده‌ڤه‌رێن كوردستانى ڤه‌كێشيت.
ئاشتى كۆچه‌ر، به‌رپرسێ ئاسايشا شنگال، د داخۆيانيه‌كا تايبه‌ت دا بۆ ئه‌ڤرۆ نيوز گۆت: “دوهى كه‌تيبا ئيمام عه‌لى يا حه‌شدا شه‌عبى خوه ژ ده‌ڤه‌رێ ڤه‌كێشايه و بڕياره د ماوێ حه‌فتيه‌كێ دا هه‌موو هێزێن حه‌شدا شه‌عبى خوه ژ ده‌ڤه‌رێ ڤه‌كێشن”.
پێشتر شێخ موزاحم حوێت بۆ رۆژناما ئەڤرۆ گۆت: “ئەڤە دو رۆژە کەتیبا ئیمام عەلی یا حەشدا شەعبی کو ئێک ژ کەتیبێن وان یێن گەلەک گرنگە خوە ژ دەڤەرێن پشتی روودانێن 16 ئۆکتۆبەرێ ھاتینە بنەجھکرن، خوە ژ دەڤەرێن زومار و دەردورێن وێ و ئاسکی مووسل و دەردورێن وێ ڤەدکێشێن و ھەتا نوکە زێدەتر ژ 80% ئەڤێ ھێزێ خوە ڤەکێشایە و ئەڤ پێنگاڤە پشتی وێ چەندێ ھات کو ھۆزێن مە و خەلکێ وان دەڤەران چەندین سکالا دژی ئەڤێ ھێزێ تۆمارکرین ل ھەموو قونسلخانە و بالیۆزخانێن وەلاتێن بیانی ب تایبەت ئەمریکا و کۆمکارا عەرەبی ھات”.
هه‌ر د ڤێ ده‌ربارێ دا، چالاکڤانێ ئێزدی جەلال ئەلحەسەن ژ شنگالێ بۆ ئەڤرۆ نیوز دا زانین، ژ دەستپێکا ھاتنا حەشدا شەعبی بۆ ناڤ زۆمار و رەبیعە و شنگالێ ئارمانجە وان ماین بۆ ل وان جھان و ئێدی چوول نەکەن و ب جھـ نەھێلن.
زێده‌تر گۆت: “حەشدا شەعبی ھەموو خالێن سنوری رادەستی سۆپایێ عیراقێ کرن و نۆکە د ناڤ سەنتەرێ قەزا شنگالێ و کۆمالگەھا رەمبوسی دا ب تنێ فەوجا لالش یا حەشدا شەعبی یا ئێزدی ماینە و دھێتە پێشبینیکرن ب زووترین دەم ئەو ژی ژ ناڤ شنگال دەرکەڤن”.
ئه‌ڤرۆ نيوز:
وەزارەتا دەرڤە یا ئەمریکا راگەھاند کو واشنتۆن ل 22ی تەباخێ دێ سزایێن نوو ب سەر رووسیا دا سەپینیت ب سەردەما وێ یەکێ کو ھێرش کریە سەر سیخورێ بەرێ سێرگی سکریبال و یولیا یا کچا وی ل بریتانیا و غازا دەماری ب کارئینایە.
ئێک ژ وان سزایێن نوو ژی دێ قەدەغەکرنا مۆلەتا فرۆتنا ئالاڤێن ئەمنی یێن گرنگ بیت ژبۆ رۆسیا.
چاڤدێر ئاماژێ ب وێ چەندێ دکەن کو ئەڤ سزایێن نوو یێن ئەمریکا ب سەر رۆسیا د سەپینیت ئاستەنگێن نوو یێن نێڤدەولەتی ل ھەمبەر رۆسیا دروست دکەن و زیانان ب ئابوورێ رۆسیا و سیستەمێ وێ یێ دارایی کەڤن.
ژ لايێ خوه ڤه وه‌لاتێ بريتانيا ژى ب رێيا حوكمه‌تا خوه، خوه‌شحاليا خوه ده‌ربڕى به‌رامبه‌ر ڤان بڕيارێن وه‌لاتێ ئه‌مريكا ب سه‌ر وه‌لاتێ رۆسيا دا.
ئه‌ڤرۆ نيوز:
ل ده‌ڤه‌را كوشاداسيێ يا ئايدنێ به‌له‌مه‌كا په‌نابه‌ران بن ئاڤ بوو و 9 كه‌س مرن و چار كه‌س ژى ب ساخى هاتنه ده‌رێخستن.
ب گۆره‌يى پێزانينێن به‌رده‌ست ل كوشاداسيێ گه‌ميه‌ك كو هنده‌ك په‌نابه‌ر تێدا بوون بن ئاڤ بوو. پشتى پۆليس هاتينه ئاگه‌هداركرن ئه‌و كه‌سێن مايين هاتنه رزگاركرن.
ب گۆره‌يى پێزانينێن ده‌سپێكى د گه‌ميێ دا، 13 كه‌س هه‌بوون و د ناڤ وان دا، 9 كه‌س خه‌ندقين و چار كه‌س ژى هاتنه رزگاركرن.
قايمقامێ كوشاداسيێ موامێر ئاكسۆيى راگه‌هاند كو ئه‌و كۆچبه‌رێن خه‌ندقى حه‌فت زارۆ و دو ژن بوون، به‌لێ هه‌تا نها ژى نه‌هاتيه زانين كا ئه‌و كۆچبه‌رێن خه‌ندقين ژ كيش وه‌لاتى نه.
ئەڤرۆ نیوز، باسم قاسم شنگالی:
ل شەڤا دەباز بووی دەمژمێر 10:00ی شەڤێ بریارەکا ب لەز ژ حەشدا شەعبی را ھات و ئەوان کەلوپەلێن خوە ژ خالێن سنوری یێن سنورێ سوریا راکرن و ب تەمامی ژ زۆمار و ناحیا رەبیعە خوە ڤەکێشان و سۆپایێ عیراقێ جھێ وان گرت.
د ئەڤی واری دا چالاکڤانێ ئێزدی جەلال ئەلحەسەن ژ شنگالێ بۆ ئەڤرۆ نیوز دا زانین، ژ دەستپێکا ھاتنا حەشدا شەعبی بۆ ناڤ زۆمار و رەبیعە و شنگالێ ئارمانجە وان ماین بۆ ل وان جھان و ئێدی چوول نەکەن و ب جھـ نەھێلن.
ل شەڤا دەرباز بووی بریارەکا بۆ وان ھاتى کو دەڤەرا زۆمار و رەبیعە و شنگالێ چوول بکەن و سۆپایێ عیراقێ جھێ وان بگريت.
زێده‌تر گۆت: “حەشدا شەعبی ھەموو خالێن سنوری رادەستی سۆپایێ عیراقێ کرن و نۆکە د ناڤ سەنتەرێ قەزا شنگالێ و کۆمالگەھا رەمبوسی دا ب تنێ فەوجا لالش یا حەشدا شەعبی یا ئێزدی ماینە و دھێتە پێشبینیکرن ب زووترین دەم ئەو ژی ژ ناڤ شنگال دەرکەڤن”.
ئەڤرۆ نیوز:
بڕیکارێ بەرێ یێ وەزارەتا دارایی یا عیراقێ رادگەھینیت کو حوکمەتا عیراقێ بەری جەژنا قوربان 317 ملیار دینارێن مووچێ فەرمانبەرێن ھەرێما کوردستانێ رەوانە کەت.
فازل نەبی، گۆت: “وەزارەتا دارایی یا عیراقێ بۆ مە راگەھاندیە کو بەری جەژنا قوربان دێ کۆژمێ 317 ملیار دینارێن مووچێ فەرمانبەرێن ھەرێما کوردستانێ ھنێرن”.
ئاماژە ب وێ چەندێ ژی کر کو ھەموو فەرمانبەرێن حوکمەتا عیراقێ ل بەری جەژنا قوربان مووچەیی وەرگرن، د ڤی چارچۆڤەیی دا پشکا ھەرێما کوردستانێ دێ ھێتە رەوانە کرن، ژ بەر کو ھەموو ھەیڤان ل دەمێ بەلاڤکرنا مووچێ فەرمانبەرێن خوە، مووچێ فەرمانبەرێن ھەرێما کوردستانێ ژی رەوانە کەن.
ئه‌ڤرۆ نيوز:
سەرۆک کۆمارێ تورکیا، رەجەب تەیب ئەردوگان، دبێژیت: “ئەو پێلا عەردھەژا کو نھا ئابوورێ تورکیا ڤەگرتی دێ د دەمەکێ گۆنجایی دا دەرباز بیت.
ئەردوگان دوھی پێشوازی ل سەرۆکێ ئێکەتیا بۆرسا و ئودەیان ل تورکیا، رەفعەت ھەسجارجیکلی ئوغلۆ و شاندێ ل گەل دا کر.
ب گۆرەیی میدیایێن تورکیا، د وێ ھەڤدیتنێ دا زێدەتر بەحس ل رەوشا ئابووری و ئەو پێلا عەردھەژێ یا کو ژ بەر ئالوزیا پەیوەندیێن ئەمریکا و تورکیا، ئابووریا وی وەلاتی ڤەگرتی، ھاتە کرن.
رۆژناما میلیەت دایە زانین کو ئەردوگان د کۆمبوونێ دا گۆت: “ئەڤ قەیرانا نھا یا دەمی یە و د دەمەکێ گۆنجای دا ب دووماھی ھێت، ژ بەر وێ ژی بلا چو کەس نەترسیت.
ب گۆرەیی ھەمان ژێدەرێ دەنگوباسان رەجەب تەیب ئەردوگان یێ سەرۆک کۆمارێ تورکیا گۆت: “گەل دزانیت ئەو قەیران و کێشە چاوان و ژ کیڤە ھاتینە”.
نيشاندان