ئه‌ڤرۆنيوز:
ده‌مه‌كى به‌رى نوكه كۆمبوونا شاندێ بلند يێ پارتى ديموكراتى كوردستان وئێكه‌تى نيشتمانى كوردستان ل هه‌ولێرێ ده‌ستپێكر.
كۆمبوونا پارتى وئێكه‌تى ده‌ستپێكر
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
سەرۆك بارزانی وسه‌رۆكێ هۆزا شمه‌ر پرسا تيرۆرێ وگه‌ڤه‌راندنا ئاواران به‌حس دكه‌ن
ئه‌ڤرۆنيوز:
سه‌رۆك مه‌سعود بارزانى پێشوازى ل كه‌سايه‌تيێ ناڤدارێ عيراقێ وسه‌رۆكێ هۆزا شمه‌ر شێخ عه‌بدولا عه‌جيل ياوه‌ر ئه‌لشمه‌رى .كر.
دديداره‌كێ دا ره‌وشا سياسى وئه‌منى يا عيراقێ وكاركرن بۆ پێكڤه‌ژيانێ دناڤبه‌را پێكهاتان ونه‌هێلانا شوونوارێن هزرا تيرۆرێ وتوندره‌ويێ هاته به‌حسكرن.
سايتێ سه‌رۆك بارزانى به‌لاڤكر، دوێ ديدارێ دا رۆناهى هاته خستن ل سه‌ر ره‌وشا ئاواران وپرۆسا ڤه‌گه‌راندنا وى خه‌لكێ ژئه‌گه‌رێ هاتنا تيرۆرستێن داعشێ مال وحالێ خوه ب جه هێلاى.
ژنه‌كێ هژماره‌كا دارێن به‌ریێ ب نێزیكێ سێ هزار وێنێن شه‌هیدان خه‌ملاندیه
ئه‌ڤرۆ نیوز، نه‌وزاد هلۆرى:
ژنه‌كا ده‌ڤه‌را بارزان ب ناڤێ (رێزان بارزانى) رابوویه ب خه‌ملاندنا هژماره‌كا دارێن به‌ریێ ب وێنێن شه‌هیدان ب تایبه‌تى شه‌هیدێن جینوسایدا بارزانیان كو نێزیكێ سێ هزار وێنان ب خوه‌ڤه دگریت.
رێزان ديار دكه‌ت كو هزرا درۆستكرنا ڤێ دارێ بۆ سالا 2017 دزڤریت ده‌ما كو كوردستانیان ریفراندۆم بۆ سه‌ربخوه‌یا كوردستانێ ئه‌نجامداى و نها هژماره‌كا داران ل سه‌ر گۆرستانا جینوسایدا بارزانیان هاتینه خه‌ملاندن ب وێنێن شه‌هیدان و ئه‌ڤه زێده‌بارى كو چه‌ند داره‌ك ل مالا خوه و ل باره‌گایێ رێڤه‌به‌ریا كاروبارێن شه‌هید و ئه‌نفالكریان ژى خه‌ملاندینه.
رێزانێ بۆ كۆمكرنا وێنه و پێزانين و به‌لگه‌نامه‌یان بزاڤێن مه‌زن ئه‌نجامداینه و وێ ل به‌ره ل ده‌مه‌كێ نێزیك دپرۆژه‌یه‌كى دا وێنێن هه‌ر هه‌شت هزار بارزانیێن جینوسایدكرى كۆم بكه‌ت و داره‌كا جێگر و جوان ل سه‌ر گورستانا جینوسایدا بارزانیان درۆست بكه‌ت ، دیسا بزاڤێ دكه‌ت كو وێنه و پێزانينێن شه‌هیدێن شه‌رێ دژى تيرۆرستێن داعشێ و شه‌هیدێن دى ژى كۆم بكه‌ت.
كونسۆلێ ئوردونێ ل هه‌ولێرێ:ئاسانكاريێن زێده‌تر بۆ ڤيزێ دێ به‌رهه‌ڤ كه‌ين
ئه‌ڤرۆنيوز:
كونسۆلێ ئوردونێ ل هه‌رێما كوردستانێ، هه‌يسه‌م ئه‌بولفول، راگه‌هاند، دێ ئاسانكاريێن زێده‌تر بۆ دانا ڤيزێ ب وه‌لاتيێن هه‌رێما كوردستانێ وعيراقێ به‌رهه‌ڤ كه‌ين، ب تايبه‌تى هه‌كه ڤێزا بۆ مه‌ره‌ما گه‌شتا چاره‌سه‌ريێ بيت.
كونسۆلێ ئوردونێ بۆ باسنيوز گۆت” مه گه‌له‌ك ئاسانكارى به‌رهه‌ڤ كرينه بۆ دانا ڤيزا ئوردونى ب وه‌لاتيێن هه‌رێما كوردستانێ وعيراقێ، هه‌م ژ روويێ ده‌مى ڤه وهه‌م ژ روويێ جهى ڤه، نوكه وه‌لاتى دشێن ل باليۆزخانا ئوردونێ ل به‌غدا، هه‌روه‌سا ل كونسۆلخانا ئوردونێ ل هه‌ولێرێ داخوازا ڤيزێ پێشكێش بكه‌ن، ب هه‌مان شێوه ل چه‌ندين نڤيسينگه‌هێن گه‌شتيارى وكۆمپانيێن فرۆكه‌ڤانى ژى دشێن داخوازا ڤيزا ئوردونێ بكه‌ن”.
دياركر ژى” نوكه وه‌رگرتنا ڤيزا ئوردونى پێنج رۆژان ڤه‌دكێشيت، دبيت بۆ كه‌سێ نه‌خوه‌ش ئاسانكاريێن زێده‌تر ژى بهێنه كرن ودده‌مێ 24 ده‌مژمێران دا ڤيزه بۆ بهێته دابينكرن”.
ئه‌ڤرۆ مه‌زنترين فراكسيۆنا په‌رله‌مانى دێ هێته پێكئينان
ئه‌ڤرۆنيوز:
برياره ئه‌ڤرۆ ئێكشه‌مبى 19/8/2018 پێكئينانا مه‌زنترين فراكسيۆنا په‌رله‌مانێ عيراقێ بهێته راگه‌هاندن وپه‌يڤدارێ ره‌وتێ حيكمه ئاشكرا دكه‌ت ئه‌ڤرۆ ب دروستكرنا مه‌زنترين فراكسيۆنا په‌رله‌مانى دێ ب دووماهى هێت.
دراگه‌هاندنه‌كێ دا، نه‌وفه‌ل ئه‌بو ره‌غيف، په‌يڤدارێ ره‌وتێ حيكمه ب سه‌رۆكاتيا عه‌مار حه‌كيم ئاشكراكر” ئه‌ڤرۆ ب به‌رهه‌ڤبوونا پێكهاتێن عيراقى دێ هه‌ڤپيه‌مانيه‌ك هێته راگه‌هاندن كو ل ب دروستكرنا مه‌زنترين فراكسيۆنا په‌رله‌مانى دێ ب دووماهى هێت”.
ئه‌بو ره‌غيفى چو پێزانينێن دى ل دۆر وێ هه‌ڤپه‌يمانيێ ولايه‌نێن سياسى يێن پشكدار ددروستكرنا وێ دا به‌رچاڤ نه‌كرن.
دهێته زانين، دادگه‌ها فيدرالى يا عيراقى ئه‌ڤرۆ ئێكشه‌مبى ئه‌نجامێن دووماهيێ يێن هه‌لبژارتنێن عيراقێ په‌سه‌ندكرن.
سه‌عدى پيره: ئێكه‌تى وپارتى دێ ب به‌رنامه‌كێ هه‌ڤپشك چنه به‌غدا
ئه‌ڤرۆنيوز:
په‌يڤدارێ مه‌كته‌با سياسى يا ئێكه‌تى نيشتمانى كوردستان راگه‌هاند، كورد دێ ب ئێك شاند وبه‌رنامه‌كێ هه‌ڤپشك دانوستاندنێ ل به‌غدا ده‌ستپێكه‌ن بۆ پێكئينانا حوكمه‌تا نوو يا عيراقێ.
سه‌عدى ئه‌حمه‌د پيره، په‌يڤدارێ مه‌ه‌كته‌با سياسى يا ئێكه‌تيێ، ئه‌ڤرۆ ئێكشه‌مبى 19/8/2018 بۆ مالپه‌رێ حزبا خوه گۆت” دێ ب شانده‌كێ هه‌ڤپشك چينه به‌غدا ول گه‌ل لايه‌نێن سياسى يێن عيراقى دانوستاندنێ كه‌ين” گۆت ژى” ئه‌ڤرۆ مه پێشوازى ل شانده‌كێ سونى كر بۆ دانوستاندنێ ل سه‌ر پێكئينانا حوكمه‌تا نوو يا عيراقێ”.
ئاماژه دا” ئێكه‌تى نيشتمانى كوردستان وپارتى ديموكراتى كوردستان ب به‌رنامه‌كێ هه‌ڤپشك دێ دانوستاندنێ ل گه‌ل لايه‌نێن دى يێن عيراقى ل به‌غدا ئه‌نجامده‌ن وبرياره پشتى جه‌ژنا قوربانى دانوستاندن ده‌ستپێبكه‌ن”.
ب ڤیدیۆ – پشتى ڤه‌كرنا وێ ئێكه‌مين روودانا هاتنوچوونێ لسه‌ر رێيا هه‌ولێر – كه‌ركووكێ
ئه‌ڤرۆنيوز:
ئه‌ڤرۆ ئێكشه‌مبى 19/8/2018 پشتى ڤه‌كرنا رێيا هه‌ولێر – كه‌ركووك كو بۆ ده‌مێ زێده‌تر ژ 10 هه‌يڤان يا گرتى بوو، ئێكه‌مين روودانا هاتنوچوونێ ل سه‌ر وێ رێ هاته تۆماركرن.
فازل حاجى، په‌يڤدارێ پۆليسێن هاتنوچوونا هه‌ولێرێ راگه‌هاند” ئه‌ڤرۆ نيڤرۆ پشتى ڤه‌كرنا رێيا هه‌ولێر – كه‌ركووك ب شێوه‌كێ فه‌رمى، روودانه‌كا هاتنوچوونێ روودا ده‌مێ ترومبێله‌كا خوه ل خێزانه‌كا چار كه‌سى داى ل سه‌ر جادێ ودئه‌نجامدا كه‌سه‌كى گيانێ خوه ژ ده‌ستدا وسێ كه‌سێن دى ژى برينداربوون كو برينا دو ژ وان يا گرانه.
گۆت ژى” روودان ل نێزيك چاريانا قوشته‌په روودا، ده‌مێ ترومبێله‌كا جۆرێ تويۆتا كو سنێله‌كى دهاژۆت خوه ل خێزانه‌كێ داى وئه‌و روودان په‌يداكرى”،
دياركر ” پێرابوونێن قانوونى ل به‌رامبه‌ر وى شۆفێرى هاتن وه‌رگرتن وهاته ده‌سته‌سه‌ركرن”.
سەرۆك بارزانی پێشوازيا شانده‌كێ هه‌ڤپه‌يمانيا ميحوه‌رێ وه‌ته‌نى يێ عيراقى دكه‌ت
ئه‌ڤرۆنيوز:
سه‌رۆك مه‌سعود بارزانى، ئه‌ڤرۆ ئێكشه‌مبى 19/8/2018 پێشوازى ل شاندێ بلند يێ هه‌ڤپيه‌مانيا ميوه‌رێ وه‌ته‌نى يێ عيراقى ب سه‌رۆكاتيا شێخ خه‌ميس خه‌نجه‌ر سه‌رۆكێ هه‌ڤپه‌يمانيا ميحوه‌رێ وه‌ته‌نى كر.
دديداره‌كێ دا بۆچوون ل دۆر پرۆسا سياسى يا عيراقێ وپێكئينانا حوكمه‌تا نوو يا عيراقێ ومفا وه‌رگرتن ژ ئه‌زموون وشاشيێن بۆرى هاتن ئالوگۆركرن.
د وێ كۆمبوونێ دا، هه‌ردو لا دهه‌ڤرا بوون كو پێدڤيه گه‌ره‌نتى وميكانيزمه‌كا رۆهن بۆ پێگيرى كرنێ ب دستوورى وبجهئينانا رێككه‌فتنان بهێنه دانان ب جۆره‌كى كو رێ ل تاكره‌ويێ درێڤه‌برنا وه‌لاتى دا وپه‌راوێزخستنا پێكهاتان بهێته گرتن.
كۆمبوونێ دووپاتى ل هه‌ماهه‌نگيێ وپه‌يوه‌نديا به‌رده‌واما هه‌ردو لا كر بۆ پشكداريا كارا دپرۆسا سياسى دا وبجهئينان ول به‌رچاڤ وه‌رگرتناوان بنه‌مايێن كو دخزمه‌تا هه‌ڤپشكيا هه‌موو پێكهاتان بيت د حوكمه‌تا داهاتى يا عيراقێ دا.
ده‌رگه‌هه‌كێ دى يێ سنورى ل كوردستانێ دێ هێته نێڤده‌وله‌تيكرن
ئه‌ڤرۆ،عه‌زیز هه‌ورامی
شانده‌كێ ده‌سته‌يا ده‌رگه‌هێن سنورى يێ حوكمه‌تا عيراقێ ئه‌ڤرۆ ئێكشه‌مبى 19/8/2018 سه‌ره‌دانا ده‌رگه‌هێ (پشته) ل ناحيا به‌مۆ ل پارێزگه‌ها هه‌له‌بجه كر ب مه‌ره‌ما دووڤچوونێ ل سه‌ر وان پێرابوونێن هاتينه وه‌رگرتن بۆ ب نێڤده‌وله‌تيكرنا وى ده‌رگه‌هێ سنورى دناڤبه‌را هه‌رێما كوردستانێ وئيرانێ.
عادل مه‌لا سالح، رێڤه‌به‌رێ ناحيا به‌مۆ بۆ ئه‌ڤرۆ نيوز گۆت” شاندێ حوكمه‌تا عيراقێ سه‌ره‌دانا ده‌رگه‌هێ پشته كر بۆ دووڤچوونا مه‌رجێن وان داخوازكرين بۆ ب نێڤده‌وله‌تيكرنا ده‌رگه‌هێ ناڤبرى ب مه‌ره‌ما بلندكرنا راپۆرتا خوه بۆ سه‌رۆك وه‌زيرێن عيراقێ”.
گۆت ژى” هه‌موو ئه‌و مه‌رجێن كو ده‌رگه‌هه‌كێ نێڤده‌وله‌تى پێدڤيه هه‌بن، مه ب هاريكاريا حوكمه‌تا هه‌رێما كوردستانێ وپارێزگه‌ها هه‌له‌بجه ل ڤى ده‌رگه‌هێ سنورى يێن دابينكرين، ئه‌ڤرۆ ژى شاندێ حوكمه‌تا عيراقێ ب چاڤێن خوه هه‌موو به‌رهه‌ڤيێن مه ديتن وراپۆرتا دووماهيێ يا خوه دێ بۆ سه‌رۆك وه‌زيرێن عيراقێ بلند كه‌ن بۆ برياردانێ ل سه‌ر ناساندنا ب فه‌رمى يا نێڤده‌وله‌تيكرنا ده‌رگه‌هى”.
دياركر” ئالوگوركرنا بازرگانى ل ده‌رگه‌هێ پشته يێ سنورى يا ئاسايى يه”.
ده‌رگه‌هێ ناڤبرى دبيته ده‌رگه‌هێ فه‌رمى يێ چارێ دناڤبه‌را هه‌رێما كوردستانێ وئيرانێ كو پشكا هه‌ريما كوردستانێ دكه‌ڤيته ناحيا بۆمه ل پارێزگه‌ها هه‌له‌بجه وپشكا ئيرانێ دكه‌ڤيته سنورێ باژێركێ جوانرۆ ل پاريزگه‌ها كه‌رماشان يا ئيرانى.
سه‌رۆك بارزانى پێشوازيێ ل كونسۆلێ ئيماراتێ ل هه‌ولێرێ دكه‌ت
ئه‌ڤرۆنيوز:
سه‌رۆك مه‌سعود بارزانى ل سه‌لاحه‌دين پێشوازى ل راشد ئه‌لمه‌نسوور كونسۆلێ ئيماراتێ ل هه‌ولێرێ ك
دديداره‌كێ دا، سه‌رۆك بارزانى كار وچالاكيێن خێرخوازى يێن ده‌وله‌تا ئيماراتێ دهاريكاريا ئاواره وپه‌ناپه‌ران ل عيراقێ وهه‌رێما كوردستانێ بلند نرخاند، دووپاتى ژى ل دۆستايه‌تى وبه‌رده‌واميا په‌يوه‌نديان دناڤبه‌را هه‌ردو لا دا كر.
كونسۆلێ ئيماراتێ نامه‌كا تايبه‌ت يا شێخ محه‌مه‌د كورێ زايد ئال نهيان جهنشينێ ئيماراتێ گه‌هانده سه‌رۆك بارزانى وسه‌رۆك بارزانى ژى زێده‌بارى سوپاسگوزاريێ بۆ جهنشينێ ئيماراتێ وكونسۆلێ ئيماراتێ، ده‌ستخوه‌شى ل كار وچالاكيێن خێرخوازيێن ده‌وله‌تا ئيماراتێ كر.
نيشاندان
WP Facebook Auto Publish Powered By : XYZScripts.com