سعودی رۆژا ئێكێ یا جه‌ژنا قوربانی دیار كر و راگه‌هاند، رۆژا سێشه‌مبی 21/8/2018 رۆژا ئێكێ یا جه‌ژنا قوربانی یه.
سعودی رۆژا ئێكێ یا جه‌ژنێ دیار كر
نووترين نووچه
- پیشەییانە رەفتارێ ل گەل روودان و پێشهاتەیان بكەن
- سەرۆك بارزانی و سەرۆكێ پەرلەمانێ عەرەبی رەوشا سووریێ و دەڤەرێ گەنگەشەكر
- سەرۆك بارزانی و بالیۆزێ بریتانیا دوپاتیێ ل پێشڤەبرنا پەیوەندییان دكەن
- رۆژنامەڤانییا ئازاد، وێرەك، بەرپرسیار و رەخنەگر، هەڤپشكەكا سەرەكییە د ئاڤاكرنا كوردستانەكا دادپەروەرتردا
- پێگیرییا خوە ب ئازادییا رادەربڕینێ و ئازادییا كارێ رۆژنامەڤانی دوپات دكەین
- رۆلێ خوە د پشتەڤانییا سیستەمێ فیدرالییا ئیراقێ و كوردستانێ دا بگێڕن
- رۆژنامەڤانێن كوردستانێ تەخەكا كاریگەرن ل داكۆكیكرنێ ژ مافێن مە یێن نەتەوەیی و نیشتمانی
- قۆناغەکا دیرۆکی ل رۆژئاڤایێ کوردستانێ دەست پێ دکەت
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
سه‌ره‌كى نووترين نووچه
ب ڤيديۆ – ئه‌نيستا گۆله‌كا جوان ل خۆلا ته‌پا پێ يا چاپانێ تۆمار دكه‌ت
ئه‌ڤرۆنيوز:
پشتى ستێرا يانا به‌رشه‌لونا وهه‌لبژارتيێ ئيسپانيا، ئه‌ندرياس ئه‌نێستا چوويه دناڤ رێزێن يانا فيسيل كۆپى دا، شيا ئه‌ڤرۆ ئێكه‌م گۆلا خوه ل خۆلا چاپانى يا ته‌پا پێ تۆمار بكه‌ت.
دوێ ياريا ئه‌ڤرۆ دا ئه‌وا يانا فيسيل كوبى شياى ب سه‌ركه‌ڤيت ل سه‌ر يانا جويلو ئيواتا ب ئه‌نجامێ 2-1، ئه‌نێستا شيا ل خۆله‌كا 16 ژ ياريێ گۆله‌كا جوان تۆمار بكه‌ت كو دبيته گۆلا وى يا ئێكێ ل خۆلا چاپانێ دا.
دهێته زانين يانا فيسيل كوبى نوكه ل رێزا چارێ دهێت ل رێزبه‌ندا خۆلا چاپانێ دا.
کۆمسیۆنا کوردستانێ رۆهنكرنه‌كێ به‌لاڤ دكه‌ت
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ چار رۆژ دانان بۆ هه‌موو لايه‌نێن په‌يوه‌نديدار كو هه‌ر تانه‌يه‌ك هه‌بيت ل سه‌ر تۆمارا ده‌نگده‌ران، تۆمار بكه‌ن.
كۆمسيۆنا ناڤبرى درۆهنكرنه‌كێ دا راگه‌هاند” ئاگه‌هداريا هه‌موو لايه‌نێن په‌يوه‌نديدار دكه‌ين كو ل رۆژا 12/8/2018 دێ پێشكێشكرنا تانا ل سه‌ر تۆمارا ده‌نگده‌ران ده‌ست پێكه‌ت”.
دوێ رۆهنكرنێ دا هاتيه” ده‌مێ پێشكێشكرنا تانا ل سه‌ر تۆمارا ده‌نگه‌ران تاكو رۆژا 16/8/2018 دێ به‌رده‌وام بيت ب رێيا داگرتنا كۆپيا دويێ يا فۆرما هژمار 1 بۆ وێ چه‌ندێ ل به‌رده‌م كۆمسيۆنێ بهێته به‌رچاڤ كرن”.
برياره ل رۆژا 30/9/2018 هه‌لبژارتنێن په‌رله‌مانێ كوردستانێ بهێنه ئه‌نجامدان.
زێده‌تر ژ 30 كه‌سان ل سه‌ر سه‌خته‌كرنا ده‌رمانان هاتينه ده‌سته‌سه‌ركرن
ئه‌ڤرۆنيوز:
وه‌زيرێ ساخله‌ميێ ل هه‌رێما كوردستانێ راگه‌هاند، زێده‌تر ژ 30 كه‌سان ل سه‌ر ئينان وسه‌خته‌كرنا ده‌رمانان هاتينه ده‌سته‌سه‌ركرن وناڤێ 800 ده‌رچوويێن بوارێن نوشدارى ل سالا خواندنێ 2015 – 2016 بۆ جڤاتا وه‌زيران هاتينه هنارتن ب وێ ئومێدێ ل ده‌مێ هه‌بوونا بودجه‌ى، بهێنه دامه‌زراندن.
رێكه‌وت حه‌مه ره‌شيد، وه‌زيرێ ساخله‌ميێ ل هه‌رێما كوردستانێ ئه‌ڤرۆ شه‌مبيێ 11 ته‌باخا 2018 دگۆنگره‌كێ رۆژنامه‌ڤانى دا گۆت” پشتى ڤه‌كۆلينێ ودووڤچوونێ وب هاريكاريا رێڤه‌به‌ريا ئاسايشا سلێمانيێ، زێده‌تر ژ 30 كه‌سان ل سه‌ر ئينان وسه‌خته‌كرنا ده‌رمانان هاتينه ده‌سته‌سه‌ركرن ويێن ل بن ڤه‌كۆلينێ دا”.
گۆت ژى” نوشدار وده‌رمانساز وخودانێ ده‌رمانخانه ومه‌ندوب دناڤ وان كه‌سان دا هه‌نه ئه‌وێن هاتينه ده‌سته‌سه‌ركرن و ل دووڤ قانوونێ دێ مامه‌له دگه‌لدا هێته كرن”.
فازڵ نەبی:كێشا مووچه‌ى نامينيت وگه‌له‌ك كۆمپانيێن بيانى دێ هێنه هه‌رێمێ
ئه‌ڤرۆنيوز:
بريكارێ به‌رێ يێ وه‌زاره‌تا دارايى ل عيراقێ راگه‌هاند، ره‌وشا ئابوورى ل هه‌رێما كوردستانێ به‌ر ب باشتر يا چوى وهه‌كه ده‌سته‌يا وه‌به‌رهێنانێ بهێته ئه‌لكترۆنيكرن، دێ گه‌له‌ك كۆمپانيێن بيانى هێنه هه‌رێما كوردستانێ.
ئه‌و پێنگاڤێن حوكمه‌تا هه‌رێما كوردستانێ بۆ باشتركرنا ره‌وشا ئابوورى يا هه‌رێما كوردستانێ هاڤێتين، رۆژ بۆ رۆژێ ره‌وشێ يێن به‌ر باشتر دبه‌ت وبزاڤێن حوكمه‌تا هه‌رێمێ ژى ب وى ئاراسته‌يه كو ره‌وشا ئابوورى بۆ به‌رى قه‌يرانا دارايى وباشتر ژى بزڤريت.
بريكارێ به‌رێ يێ وه‌زاره‌تا دارايى ل عيراقێ فازل نه‌بى بۆ مالپه‌رێ فه‌رميێ پارتى ديموكراتى كوردستان گۆت” فه‌رمانبه‌رێن هه‌رێما كوردستانێ بلا دپشت راست بن ئێدى حوكمه‌تا هه‌رێما كوردستانێ دشێت به‌رده‌وام ودژڤانێ خوه دا مووچى به‌لاڤ بكه‌ت ژبه‌ر دو ئه‌گه‌ران ئه‌وژى به‌غدا به‌رده‌وام گۆژمێ 317 مليار ديناران دێ هنێريت وبهايێ په‌ترۆلێ يێ بلند بووى، هه‌روه‌سا به‌رهه‌مئينانا په‌ترۆلا هه‌رێمێ ژى يا زێده‌بووى وداهاتێ ناڤخوه‌يى ژى يێ هه‌ى، له‌وما ئێدى كێشا مووچه‌ى نامينيت”.
ل دۆر ئينانا زێده‌تر كۆمپانيێن بيانى بۆ ئه‌نجامدانا وه‌به‌رهێنانێ ل هه‌رێما كوردستانێ، فازل نه‌بى گۆت” پێدڤيه حوكمه‌تا هه‌رێمێ دو پێنگاڤان ب هاڤێژيت ئه‌وژى هاريكاريا وه‌به‌رهێنه‌رێن ناڤخوه‌يى بكه‌ت ووه‌به‌رهێنه‌رێن بيانى ژى پالده‌ت بهێنه هه‌رێمێ بۆ ئه‌نجامدانا كارێن وه‌به‌رهێنانێ، ئه‌ڤ چه‌نده ژى ب رێيا چه‌ند پێنگاڤان دهێته كرن وه‌كو ده‌سته‌يا وه‌به‌رهێنانێ بهێته ئه‌لكترۆنيكرن بۆ وێ چه‌ندێ كۆمپانيا بشێن ب ساناهى مۆله‌تێ وه‌رگرن، چونكى ژبه‌ر گه‌له‌ك پێرابوونان، ده‌مێ زۆر دڤێت تاكو مۆله‌تێ وه‌رگرن، به‌لێ هه‌كه بهێته ئه‌لكترۆنيكرن، وى ده‌مى كۆمپانى ب ساناهى دێ مۆله‌تێ وه‌رگرن، 1بلى وێ چه‌ندێ پێدانا پارچێن زه‌ڤيان بۆ پرۆژێن وان يێن وه‌به‌رهێنانێ وهه‌تاكو پرۆژان ژى دێ بۆ پێشنياز كه‌ت”.
دياركر ژى” ل هه‌موو جيهانى هه‌كه حوكمه‌ت تووشى قه‌يرانێ ببيت، نه‌شێت ئه‌و ب خوه ب تنێ چاره‌سه‌ريا وێ قه‌يرانێ بكه‌ت وپێدڤيه ب رێيا وه‌به‌رهێنه‌ران وى كارى بكه‌ت وڤێ چه‌ندێ ژى پێدڤى ب ئاسانكارى وهاريكاريا وه‌به‌رهێنه‌ران هه‌يى، بێگمان هه‌كه حوكمه‌تا هه‌رێمێ وى كارى بكه‌ت، دێ وه‌به‌رهێنه‌ر ب خوه قه‌ستا هه‌رێمێ كه‌ن، چونكى هه‌رێما كوردستاني ژ روويێ ئه‌منى ڤه چو كێشه نين كو ئه‌ڤه يا گرنگه، له‌وما پێدڤيه ب رێێن دى ژى ئاسانكارى بۆ بهێته كرن، بۆ وێ چه‌ندێ كۆمپانيێن ناڤخوه‌يى وبيانى سه‌رمايێ خوه ل هه‌رێمێ بكاربينن”.
تو چ ژ گرتنا چیچكا ب دێوكانێ دزانى؟
ئه‌ڤرۆ نیوز، نه‌وزاد هلۆرى:
دێوكانه جۆره‌كێ به‌رهه‌مى یه و ماده‌یه‌كێ (چره) و ب داران ڤه دهێت، به‌لێ ئه‌و دار دڤێت ل ده‌ڤه‌رێن چیایى و بلند بیت ب تایبه‌تى ل سه‌رێ چیاى، ژبه‌ركو درۆستبوونا ڤى ماده‌ى پێدڤى ب بایه‌كێ به‌رده‌وام هه‌یه، ب چو شێوه‌یان ئه‌و ماده ناهێته خوارن به‌لێ بو گرتنا چیچك و مشك و مار و مێش و مۆران دهێته بكارئینان.
عه‌بدولخالق زاده، وه‌لاتیه‌كێ گوندێ هلورا يه ل ناحیا شێلادزێ دیاركر كو دێوكانه ئێكه ژ مادێن چر و ب دارا كنار و به‌رینێ و مازیێ ڤه دهێت و بۆ ئه‌ڤرۆ نیوز گۆت : (دكه‌ڤن دا خه‌لكى دێوكانه بۆ گرتنا چیچكا دناڤا بیستانان دا بكاردئینان چونكى زۆر زیان دگه‌هاندن هژیر و ترى و داروبارێن فێقى ، دیسان هنده‌ك جاران ژى بۆ ده‌ستكه‌فتنا گوشتێ چیچكا ل سه‌ر لێڤێن كانیان دهاتنه دانان و هنده‌ك جاران ژى دێوكانه بۆ گرتنا مار و مشك و مێش و مۆران ژى دهاته بكارئینان، چونكى زیان دگه‌هاندنه ده‌رامه‌تى و هه‌تا نها ژى ل هنده‌ك گوند و ده‌ڤه‌ران دهێته بكارئینان).
زێده‌تر گۆت: (دێوكانه وه‌كو به‌رهه‌م ل چیاى درۆست دبیت و ماده‌یه‌كێ بچوزك و گروڤره، پشتى كو ژچیایى دهێته ئینان ، دێ هێته قوتان هه‌تاكو وه‌كو هه‌ڤیرى لێ دهێت، پاشى دێ ب داره‌كێ راستڤه هێته ئالاندن و ل جهه‌كێ حه‌تاڤ هێته دانان كو تیشكێن رۆژێ لێ بده‌ت ژبه‌ركو ئه‌ڤ ماده ب گه‌رمێ رۆهن و چر دبیت و ب سیبه‌ر و ته‌راتیێ چراتى نامینیت، هه‌رده‌ما چیچك و مار و میشك و هه‌ر تشته‌ك گه‌هشته وێ دارێ كو دێوكانه لێ هاتیه ئالاندن و دانان، ئێكسه‌ر دێ پێڤه مینیت و بڤى ره‌نگى ئه‌و تشت دهێته گرتن و بیستان و ده‌رامه‌ت ژ وان جۆره بالنده و خشوكان رزگار دبن و به‌رهه‌مێ جوتیاران ژى باش و دروست دبیت).
ناڤبرى دیاركر ژى كو هنده‌ك جاران وان دێوكانه بۆ فروتنێ ل ده‌ڤه‌رێن چیایى دئینا و كیلۆیا وێ هه‌تا پێنج هزار دیناران دفرۆت و گۆت: (دێوكانه ل وه‌رزێ بوهارێ ب دارێن چیایى ڤه ب تایبه‌تى دارا به‌ریێ و مازیێ و كناریێ ڤه دهێت، و ل وه‌رزێ هاڤینێ ئه‌و دێوكانه پێدگه‌هیت، ئه‌و كه‌سێن كو دخوازن به‌رهه‌مێ دێوكانێ بكاربینن پێدڤيه د وه‌رزێ هاڤینێ دا كۆم بكه‌ن، چونكى هه‌كه ل وه‌رزێ بوهارێ بهێته كۆمكرن ماده‌یێ وێ چر نابیت).
ل ئسرائیلێ پرۆژە قانوونەک ل دۆر ھەرێما کوردستانێ گەهشتیە کنیشتێ
ئەڤرۆ نیوز ، زنار تۆڤی:
پرۆژە قانوونەک گەھشتیە دەستێ کنیشتا ئسرائیلێ و تێدا داخواز کریە کو رۆژھەلات و رۆژئاڤایێ کوردستانێ ل ئیرانێ و سووریێ وەکو ئاخا دوژمن نەھێتە ھژمارتن، داخواز ژ بازرگانان ژی کریە پەیوەندیان ل گەل ھەرێما کوردستانێ دروست بکەن.
د پرۆژە قانوونێ دا جوداھی د ناڤبەرا ھەرێما کوردستانێ و پارچێن دی یێن کوردستانێ دا نەھاتیە کرن، ئەنداما کنیشتێ ژی یا پرۆژە پێشکێش کری ئاشکرا دکەت، ئارمانج ژ وی پرۆژەی ھەرێما کوردستانێ یە و دبیت ل دەمەکێ نێزیک گوهۆرین ب سەردا بھێن.
کیسینیا سڤیتلۆفا، ئەنداما کنێشتا ئسرائیلێ سەر ب حزبا ئێکەتیا سایۆنیزم ڤە د پارچە ڤیدیۆیەکێ دا راگەھاندیە، کو ئارمانج ژ پرۆژێ وان ئەوە وەلاتیێن ئسرائیلێ ب مەرەما بازرگانیێ سەرەدانا گۆرێن کەسوکارێن خوە بکەن و بشێن سەرەدانا ھەرێما کوردستانێ بکەن.
سڤیتلۆفا ئاشکرا ژی کر، ئەو نەشێت گەرەنتیێ بدەن کو سەد% ئەو پرۆژە دێ پەسەند بیت، لێ گەلەک وەزیرێن ئسرائیلێ د گەل وێ ھزرێ نە و گۆت ژی: پرۆژە پەسەند ژی نەبیت دێ ھەرێما کوردستانێ ھەر ل بەرچاڤ وەرگرن و وەکو پارچێن دی یێن عیراقێ لێ نانێرن.
بیرەوەریا کۆمکوژیا گوندێ کۆچۆ دێ هێتە ساخکرن
ئەڤرۆ نیوز،باسم قاسم شنگالی
موختارێ گوندێ کۆچۆ، نائیف جاسم قاسم د راگەهاندنەکێ دا بەلاڤکر کو بیرەوەریا چارێ یا کۆم کوژیا گوندێ کۆچۆ دێ هێتە ساخکرن.
ئەو چەندە دا زانین ژی، پشتی داگیرکرنا قەزا شنگالێ ب تەمامی ژ لایێ رێکخراوا تیرۆرستیا داعشێ ڤە ب هزاران کەس هاتنە گرتن و کوشتن و دەستەسەرکرن ژ لایێ وان ڤە ، گوندێ کۆچۆ ب تەمامی هاتە دۆرپێچکرن ژ لایێ داعشێ ڤە و کەس نەدشیا ژ گوندێ دەربکەڤیت و خوە رزگاربکەت، هەروەسا پشتی3/8/2014 ل رێکەفتی 15/8/2014 رێکخراوا تیرۆرستیا داعشێ ئەو گوند ب تەمامی ژناڤبرن و زەلامێن گوندی کۆمکوژی کرن و کچ و ژن رەڤاندن و د ئەوی دەمی دا 1200 بوونە قوربانی.
ل داویێ گۆت ژی، ل رۆژا چارشەمبی رێکەفتی 15/8/2018 ل دەمژمێر 10:00 سپێدێ چار سالی یا کۆمکوژیا گوندێ کۆچۆ دێ ل گوندێ کۆچۆ هێتە ساخکرن.
یان کۆبیچی ژڤانێ پێکئینانا حوکمەتا نوو یا عیراقێ راگەهاند
ئەڤرۆ نیوز ، زنار تۆڤی:
سەرۆکێ تیمێ نەتەوەیێن ئێکگرتی بۆ ھاریکاریا عیراقێ راگەھاند، دبیت هەتا جەژنا قوربانی حوکمەتا نوو یا عیراقێ بھێتە پێکئینان.
یان کوپیچ د روونشتنا خوە یا دوماهیێ دا ل جڤاتا ئاسایشا نێڤدەولەتی دیارکریە، کو دەلیڤەکا مەزن ھەیە کو لێڤەگەرێ مەزنێ شیعان عەلی سیستانی کارتێکرنێ ل ھزرا ھێزێن سیاسی یێن عیراقی بکەت، هەروەسا داخواز ژی ژ حەیدەر عەبادی کریە کو بەردەوامیێ بدەتە سیاسەتا خوە یا ئاسایکرنا پەیوەندیان ل گەل وەلاتێن جیران و ب تایبەت عەرەبستانا سعوودیێ و وەلاتێن کەنداڤی.
یان کۆبیچی گۆت ژی: پێکئینانا حوکمەتا عیراقێ یا ھەڤدەمە ل گەل خوەنیشاندانێن پارێزگەھێن باشۆر و ناڤەراستا عیراقێ، کو خوەنیشاندەران نامەیەکا ب ھێز ئاراستەی حوکمەتێ کریە و داخوازا چاکسازیان و بەرھنگاربوونا گەندەلیێ ژێ کریە.
دیارکریە ژی، دبیت هەتا جەژنا قوربانی حوکمەتا نوو بھێتە پێکئینان، ھیڤی ژی خواستیە کو ئالیێن سەرکەفتی بگەھنە قۆناغا دوماهیێ یا دانوستاندنێن پێکئینانا حوکمەتێ و هەروەسا پێدڤیە حوکمەتا نوو یا عیراقێ داخوازیێن عیراقیان بجھبینیت.
ئێکەمین روودانا ترافیکێ ل تۆنێلا گەلیێ زاخۆ روو دا
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن : کو ئێکەمین روودانا هاتنوچوونێ ل تۆنێلا گەلیێ زاخۆ روودا.
ناڤهاتی زێدەتر دا دیارکرن: ل رۆژا ئەینی 2018/8/10 ل دەمژمێر ( 6:50 ) بەری مەغرەب ل تۆنێلا گەلیێ زاخۆ روودانەک دناڤبەرا دو ترومبێلان دا روودا کو (ترۆمبێلەک تەکسی تۆیۆتا کرۆلا ل گەل ترۆمبێلەکا تایبەت پاسات ب رەنگێ سپی ) د ئەنجامێ ڤێ روودانێ گیان ب سلامەت بوون، لێ زیانێن به‌رچاڤ ب وان ترۆمبێلان كه‌فتن.
نيشاندان
WP Facebook Auto Publish Powered By : XYZScripts.com