ئەڤرۆ نیوز ، زنار تۆڤی:

ئەڤرۆ ئێکشەمبی كۆمسیونا بلندا سه‌ربه‌خویا هه‌لبژاردن و راپرسیێ ل هه‌رێما كوردستانێ راگەهاند، کو پێشكێشكرنا داخوازكرنا فه‌رمانبه‌ران ل ده‌مژمێر(10) ی سپێدێ یا رۆژا چارشه‌مبی 8 تەباخی دێ ده‌ست پێكه‌ت و ئەڤ پرۆسه‌ دێ هه‌تا 17 ڤێ هه‌یڤێ یا به‌رده‌وام بیت.

ئەڤ پرۆسه دێ برێیا لینكه‌كێ تایبه‌ت بیت كودێ ل مالپه‌رێ فه‌رمی یێ كۆمسیونێ (www.khec.krd ) هێته‌ دانان و هه‌ر پارێزگه‌هه‌كێ ژی دێ لینكه‌كێ تایبه‌ت بخوڤه‌ هه‌بیت، پشتی وێ چه‌ندێ دێ ب شێوازێ تیروپشكا ئه‌لكترونی ناڤ هێنه‌ ئێكلاكرن و ئه‌و كه‌سێن بڤێن داخوازا فه‌رمانبه‌ریا گرێبه‌ست پێشكێش بكه‌ت پێدڤیه‌ ( ژمارا ده‌نگده‌ری، ژمارا بنگه‌هێ ده‌نگدانێ، ناڤێ بنگه‌هێ ده‌نگدانێ ) یێ خوە بزانیت كو مه‌رجه‌ بۆ پركرنا فورما داخوازکرنێ.

ئەڤرۆ نیوز ، تۆڤی:

وه‌زاره‌تا كاره‌با حومه‌تا هه‌رێما كوردستانێ دیارکریە، کو حوکمه‌تێ گۆژمێ 300 ملیۆن دۆلاران ته‌رخانكرینه‌ ب شێوێ به‌ش به‌ش ب مه‌رەما دانانا پیڤەرێ زیره‌ك و سیمكارتان.

محمه‌د ئه‌مین هه‌ورامی پەیڤدارێ وه‌زاره‌تا كاره‌با حوکمه‌تا هه‌رێما كوردستانێ گۆتیە پرۆسا ب سیمكارتكرنا پیڤەرێ كاره‌بێ چوویە وارێ جێبه‌جێكرنێ و ل گه‌ل كۆمپانیەکا بیانی گرێبه‌ست هاتیە كرن بۆ دابینكرنا پێدڤیێن دانانا پیڤەران، حوکمه‌تێ ژی گۆژمێ 300 ملیۆن دۆلاران بۆ ڤر پڕۆژه‌ی ته‌رخانكرینه، ئەو پارە دێ ب شێوێ بەش بەش هێتەدان، نەکو ب ئێکجاری.

ئەڤ پرۆژە دێ پتری‌ 18 هەیڤان ڤەکێشیت ، ئارمانجا سه‌ره‌كی یا حوکمەتێ ژڤی پڕۆژه‌ی‌ بۆ نه‌هێلانا ته‌جاوزاتان و ئه‌وێن پیڤەر نەیی‌ و ئه‌وێن کارەبا بێ مۆله‌ت برین‌، ل ‌گه‌ل هندێ ژی ئەڤە دێ رێگریێ کەت ل ‌هه‌ده‌ردانا كاره‌بێ.

هەروەسا دێ پڤە‌ر دێ ل ‌سه‌ر ب گۆران ژی هێنە دانان بۆ هندێ کو هێلێن كاره‌با زێده نەهێنە‌ راکێشان، دێ شێوازێ پاره ‌وه‌رگرتنێ ژ وەلاتیان و جهێن بازرگانی ب ‌شێوێ وه‌سلێ بیت، به‌لێ دێ‌ حوکمه‌ت زێدەتر یا ده‌ست ڤەکری بیت‌ بۆ وه‌رگرتنا وی پاره‌ی،‌ وه‌كو كێمكرنا ئه‌مپێری یان هنارتنا نامێ‌ هەتا دگەهیتە برینا كاره‌بێ‌، لەوما وەلاتی نەشێت پارێ خوە نه‌دەت.

ناڤهاتی گۆتیە ژی قه‌رێن وه‌زاره‌تا كاره‌بێ لدەف به‌شداربوویان 600 ملیار دینار دەربازکرینە، د سیسته‌مێ نوودا دێ‌ قه‌رێن كەڤن یێن كاره‌بێ یێن لدەف به‌شداربوویان هێنە داخلکرن، بۆ هندێ بهێتە زانین کو هەر وەلاتیەک چەند یێ قه‌ردارە.