ئه‌ڤرۆنيوز:

پشتى ده‌نگێ نه‌رازیبوونێ یێ خه‌لكێ پارێزگه‌ها دهوكێ بلند بووى سه‌باره‌ت بلندبوونا بهايێ ئه‌مپێرێن كاره‌با موه‌ليدان، ئه‌ڤرو دوشه‌مبى 29 تيرمه‌ها 2018 ب مه‌ره‌ما گه‌هاندنا داخوازیێن خه‌لكى و دیتنا رێ‌ چاره‌یه‌كێ، ل باره‌گایێ لقێ ئێكێ پارتى (سه‌ربه‌ست تروانشى) ئه‌ندامێ جڤاتا سه‌ركردایه‌تیا پارتى و به‌رپرسێ لقێ ئێك دگه‌ل هژماره‌كا په‌رله‌مانتار و هه‌ر ئێك ژ پارێزگه‌رێ دهۆكێ ب وه‌كاله‌ت و سه‌رۆكێ جڤاتا پارێزگه‌هێ و قایمقامێ قه‌زا دهۆكێ و رێڤه‌به‌رێ گشتی یێ كاره‌با پارێزگه‌ها دهوكێ و شاره‌زایه‌كێ ئابوورى كومبوو.

د كۆمبوونا خوه‌دا دگه‌ل به‌رپرسێن حكومى، به‌رپرسێ لقێ ئێك ئاماژه‌ دا گازندێن ره‌وا یێن خه‌لكى سه‌باره‌ت گرانبوونا بهایێ ئه‌مپێرێ كاره‌با موه‌ليدێ و دیاركر دڤێت هه‌ر لایه‌كێ شوله‌ژێ بزاڤێ ژبو دیتنا رێ‌ چاره‌ییان بده‌ن و ل دووف ده‌نگێ وه‌لاتییان بهێت.

هه‌ر دوێ كۆمبوونێ دا، چه‌ندین پرسێن گرێدای بهايێ سوته‌مه‌نيێ و زێده‌كرنا ده‌مژمێرێن كه‌هكاره‌با موه‌ليدان و كێمبوونا ده‌مژمێرێن پێدانا كاره‌با گشتى وه‌كو ئه‌گه‌رێ گرانبوونا ئه‌مپێرێ كاره‌با موه‌ليدان د ناڤبه‌را به‌رپرسێ لقێ ئێك و ئیدارا‌ پارێزگه‌هێ و په‌له‌مانتاران دا هاتنه‌ به‌حسكرن

پاشى ب ئه‌مانه‌ت داخوازى و گازندێن خه‌لكى ژلایێ به‌رپرسێ لقێ ڤه‌ هاتنه‌ بلندكرن بۆ داموده‌زگا و جهێن شوله‌ژێ.

ئه‌ڤرۆ نیوز، نه‌وزاد هلۆرى:

ده‌مه‌كێ كێم به‌رى نها ئاگر به‌ربوو‌ ترومبێله‌كێ و ب ته‌مامى هاته‌ سوتن.

عه‌گید زێوكى، شایه‌تحاڵى روودانێ و ئێك ژ وان كه‌سێن دناڤا ترومبێلێ دا بۆ ئه‌ڤرۆ نیوز گۆت: (ئه‌م چه‌ند كه‌س دچوینه‌ سه‌ر كارى ل ده‌ڤه‌را بارزان، به‌لێ ل ده‌ما زڤرینێ ما ل سه‌ر جادا گشتى دناڤبه‌را گوندێ بارزان و گوندێ هه‌مدلا ئاگر به‌ربوو ترومبێلا مه‌).

زێده‌تر گۆت: (ئه‌م نزانین ئه‌گه‌ر چ بوو و به‌رى ئاگر بگه‌هیته‌ مه‌ ، مه‌ شیا خوه‌ قورتال بكه‌ین، به‌لێ تیما به‌ره‌ڤانیا باژێرى ل بلێ هه‌ر زوو ل جهێ روودانێ به‌رهه‌ڤبوو  وئاگر كونترولكر).

دهێته‌ زانین كو ترومبێل یا وه‌لاتى دلاوه‌ر باوانى یه‌ و خه‌لكێ كومه‌لگه‌ها سیریێ ي یا سه‌ر ب ناحیا شێلادزێ ڤه‌.

ئه‌ڤرۆ نيوز:

ئەندامەکێ سەرکرداتیا پارتی دیموکراتی کوردستان خویاکر ،پارتی دیموکراتی کوردستان بەردەوام یا دگوھۆرینێ دا ژیان و سروشتێ پارتی بەردەوام د گوھۆرینێ و خو نەکرنەڤێ دایە بابەتەکێ ھەردەمی یە ھەر پارتەکا سیاسی گوھۆرینا ناڤ خوەدا نەکەت دیارە چۆ کارێن پارتایەتیێ تێدا نیە و درەوە گوھۆرین نیشانا ساخبۆنا کارێ پارتایەتیێ یە، دیارنیە ھەتا چۆ قوناغ دی َگوھۆرینا ب خوەڤەگریت ناڤ رێزێن پارتی دا بەلێ ھەرگاڤ بەردەوامبۆیە ھەرجھەکێ د بەرژەوەندیا گشتی دابیت پارتی دی َگوھۆرینا لێ ئەنجامدەت،ئەزێ بەرھەڤم ھەردەمێ پارتی بۆ بەژوەندیا گشتی پارتی من ڤەگوھێزیت ل ھەرجھێ بیت و ل ھەرپوست وپلەیەکێ بم بەلێ ھەتا نوکە چۆ بەحس ل گەل مەنەھاتینە کرن کو بھێمە گوھۆرین .

عەلی عەونی ئەندامێ سەرکرداتیا پارتی دیموکراتی کوردستان و بەرپرسێ لقێ 10 ل سوران بۆ روژناما ئەڤرۆ ئاشکرا کر ،گوھۆرینا بنەرتی ل ناڤ پارتی ل کونگرێ دا دروست دبیت بەرنامەیێ پارتی دھێتە گەنگەشەکرن پەیرەو پرواگرامێن وێ دھێنە گفتوگوکرن بەلێ ل کونگرەیێ ھەتا کونگرەیێ پارتی ل نافخوە دوڤ بەرژەوەندا گوھرینا ب بەرپرسێن خوە دکەت و بەلێ سیستەم ناھێتە دەسکاری کرن ب تنێ دەسھەلاتا سەرکرداتیێ دایە گوھرینا د سیتسەمێ دەسھەلاتێ دا بھێتە کرن ،سازدانا کونگرەیێ پارتی پاشکەفتیە پێدڤی بۆ بەریا دوسالا کونگرە ھاتبا کرن بەلێ ژبەر شەرێ سەپاندیێ داعش و ھەلبژاردنێن رێفراندوما سەربەخویا کوردستانێ کونگرا پارتی نەھاتیە کرن و ھەتا نەھێتە کرن چۆ گوھۆرینێن بنەرەتی ناھێنە کرن.

ئەندامێ سەرکرداتیا پارتی دیموکراتی کوردستان گوتژی ،راگەھاندن و ناساندنا 100 بەربژارێن پارتی کو پرانیا وان گەنجن دیار دکەت، کو ئەو کەسێن ھەتا نوکە نانێ خوە ب ئافکا پارتی دخوار کو ھزر دکر پارتی دکتاتورەو یێ خوە سەپاندی ئەڤە پارتی کاندیدێن خوە ئاشکراکرن و ھندەک لایەن یێ داخوازا پاشئێخستنا ھەلبژاردنا دکەن ، پارتی بەریا نوکە داخوازا ھەلبژاردنێن پێَش وەخت کربۆ ل گەل ھەلبژاردنێن سەروکێ ھەرێمێ بەلێ ئەو لایەن دژی ھەبۆنێ نە لەورا ژی پارتی پێشەنگە ل دیموکراسیا نافخوەدا و یا سەرتاسەری نمونە ژی ھژمارا کونگرێن پارتی کو ھەڤالێن مە ئێکەتی نیشتیمانی کوردستان کو چەند یێ نەشێن کونگرا خوە گرێدەن بزاڤا گوران ھەتا نوکە نەشیایە کونگرێ خوە گرێدەت پارتی لسەر ھەمو ئاستا باوەری ب گوھرین و ھەلبژاردنا ھەیە و ئەنجامداینە و پارتی باوەری ب ھێزا گەنجا ھەیە لەورا پشکەکا باش ل پارتی گەنجن.