ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ دياركر كو پلا گه‌رمێ ل رۆژا ئێكێ يا جه‌ژنا قوربانى يا پيرۆز ل پارێزگه‌ها دهۆكێ دێ 38 پله بيت.
پلا گه‌رمێ ل رۆژا ئێكێ يا جه‌ژنێ ل دهۆكێ دێ چه‌ند بيت؟
نووترين نووچه
- ئالۆزی و پێكدادانێن سلێمانیێ ئاسایش و ئارامییا هەرێما كوردستانێ دكەنە ئارمانج
- دڤێت كێشە و ناكۆكی ب قانوونێ و دوور ژ توندوتیژیێ بهێنە ئێكلاكرن
- پارتی بەرهەڤیێن تمام بۆ هەلبژارتنان ئەنجامداینە
- پێدڤییە رێزێ ل قوربانیدان و هەڤپەیمانەتییا كوردستانێ بگرین
- دادگەها فیدرال یا ئیراقێ پێدانا پاسپۆرتا دیپلۆماسی ب خودان پلەیێن بلند هەلوەشاند
- ل زاخۆ دانانا كەلوپەلان ل سەر شوستەیان هاتە قەدەغەكرن
- دەمیرتاش ل دۆر قووناغا ئاشتیێ داخوازەکێ ژ تورکیا دکەت
- پێدڤییە مووچەیێ وەلاتییان نەبیتە پشكەك ژ ململانێیا سیاسی
- سوپاسنامەیەك ژ مەكتەبا سیاسی یا پارتی دیموكراتی كوردستان
- هشیار زێباری بۆچوونا سیاسی یا پارتی ل دۆر گوهۆڕینان بەرچاڤكر
سه‌ره‌كى نووترين نووچه
خه‌لك ژ هه‌موو جه‌ژنێن بورى پتر پێشوازیێ لڤێ جه‌ژنێ دكه‌ن
ئەڤرۆ نیوز ، ئیقبال عومەر:
ل سالێن بورى دا وه‌لاتیان به‌رى جه‌ژنان نه‌دشیان وه‌كو پێتڤى به‌رهه‌ڤیان ژبو جه‌ژنان بكه‌ن ژبه‌ر كیمبون و پاشكه‌فتنا موچه‌ى, به‌لێ دڤێ جه‌ژنێ دا وه‌لاتیان زور ب گه‌رم و گورى به‌رێ خوه دایه بازارى و بازار ب ره‌وش كه‌فتیه‌ڤه ژبه‌ركو موچه د ده‌مێ خوه‌دا دهێت و موچه هاتنه زێده‌كرن ژى, ئه‌ڤ لڤینا دناڤا بازارى و به‌رێ خوه‌دانا رێژه‌كا زورا وه‌لاتیان بو ناڤ بازارى نیشانا ئاسایى بونا ره‌وشا بازارێ كوردستانێ یه و چاره‌سه‌ریا موچێ فه‌رمانبه‌رێن كوردستانێ یه.
عه‌لى عومه‌ر ئێك ژ فروشیارانه بو ئه‌ڤرو نیوز دا دیاركرن , ل سالێن بورى ژبه‌ر گیروبون و كێم كرنا موچه‌ى وه‌لاتیان وه‌كو پێتڤى نه‌دشیان به‌رهه‌ڤیان ژبو جه‌ژنان بكه‌ن, لێ ئه‌ڤ ساله دڤێ جه‌ژنێ دا وه‌لاتى زور دل خوه‌شن و زور ب گه‌رموگورى به‌رهه‌ڤیان ژبو جه‌ژنا قوربانێ دكه‌ن , وگوت: جه‌ژنێن بورى من روژێ بهایێ 500 هزار دیناران كه‌لوپه‌ل دفروتن لێ نها روژانه ب بهایێ دوو ملیون دیناران دفروشم ئه‌ڤه‌ژى ڤه‌دگه‌ریت بو دابه‌شكرنا موچه‌ى د ده‌مێ خوه‌دا بو سه‌ر فه‌رمانبه‌رێن هه‌رێما كوردستانێ چونكو به‌رى جه‌ژنێ هه‌مو موچه‌خوه‌رێن هه‌رێمێ موچێ خوه وه‌رگرتبو له‌وما فروشیاران ژى پرانیا كه‌لوپه‌لێن ناڤ دوكانێن خوه فروتینه .
محه‌مه‌د عوبه‌ید ئێك ژ فروشیارێن په‌زى یه دبێژیت: ئه‌وا دڤێ جه‌ژنێ دا دگه‌ل جه‌ژنێن بورى یا جیاواز ئه‌وه كو وه‌لاتیان موچێ خوه دبه‌رى جه‌ژنێ وه‌رگرتیه و د ده‌مێ خوه‌دا و هه‌روه‌سا موچه هاتیه زێده‌كرن له‌وما ژى وه‌لاتیان ده‌ست ب كرینا په‌زى كریه ژ بو قوربانێ, و به‌راوورد دگه‌ل جه‌ژنێن بورى 80% بكرێن په‌زى زێده بوینه.
كاژین حه‌سه‌ن ئێك ژ خودانێن جوانكاریا ئافره‌تانه دیاركر, ژبلى به‌رهه‌ڤی و پێدڤیێن جه‌ژنێ وه‌لاتى ب تایبه‌تى ئافره‌ت گرنگیێ ب جوانكاریێ ژى دده‌ن و هه‌م ژبو ناڤ مالێ و هه‌م ژبو كه‌سایه‌تیا خوه ئه‌ڤه‌ژى رامانا وێ یه‌كێ دده‌ت كو وه‌لاتى ژ قه‌یرانێ ده‌رباس بوینه و گوت: نها دوكاندار وه‌كو رابردووى دشێن كه‌یف خوه‌ش ببن ژبه‌ر وێ یه‌كێ كو بارودوخێ دارایى یێ وه‌لاتیان زور باشتر بویه و به‌راوورد دگه‌ل سالێن رابردوى ژبه‌ر زێده‌كرن و هاتنا موچه‌ى د ده‌مێ خوه‌دا, و ئه‌گه‌ر د دوو جه‌ژنێن رابردوى دا وه‌لاتیا به‌س پێدڤیێن ده‌ستپێكى یێن جه‌ژنێ كریبن, نها زور گرنگیێ ب كارێن جوانكاریێ ژى دده‌ن ئه‌ڤه‌ژى وه‌كریه كو بازارێ وان ژى خوه‌ش ببیت.
سه‌فه‌ر ئه‌رتیسى ئێك ژ فروشیارێن قوماشێ ئافره‌تانه دبێژیت : وه‌لاتى زور ب كه‌یف خوه‌شى سه‌ره‌دانا بازارى دكه‌ن ب تایبه‌تى بو كرینا قوماشێ جلكێن كوردى ئه‌ڤه‌ژى بویه ئه‌گه‌ر كو بازار خوه‌ش ببیت و كار بو هه‌مى رێنجبه‌را په‌یدا ببیت ئه‌وژى ژبه‌ر هاتن و زێده‌كرنا موچێ فه‌رمانبه‌رێن هه‌رێما كوردستانێ یه, وه‌لاتێ گه‌هشتینه وێ باوه‌ریێ كو قه‌یران دێ ب دوماهیك ئێت و وه‌لاتێ مه دێ سه‌ركه‌فتنێن مه‌زن یێن دارایى ب ده‌ست خوه‌ڤه ئینیت وه‌كو رابردووى خه‌لك دێ ب كارێن خوه شادبیت و دێ ژیان ئاسایى بیته‌ڤه.
سه‌باح عه‌بدولا وه‌لاتیه و دبێژیت: سوپاس بو خودێ كو وه‌لاتیێن كوردستانێ شیان به‌رگریه‌كا مه‌زن دگه‌ل قه‌یرانێ و پیلانێن دوژمنان بكه‌ن كو ئه‌ڤه چه‌ند سال بون خه‌لك دناڤ قه‌یرانێ دا دژیان, به‌رى هه‌رجه‌ژنه‌كێ به‌رهه‌ڤى دهاتنه كرن لێ وه‌كو پێدڤى وه‌لاتیان نه دشیان به‌رهه‌ڤیان بكه‌ن و زارویێن خوه ب دل خوه‌شى ببه‌نه بازاران و جلوبه‌گ و پێتڤیێن جه‌ژنێ بو وان بكرن, لێ دڤێ جه‌ژنێ دا زور ب دل خوه‌شى به‌رهه‌ڤیان دكه‌ن و زارویێن خوه ب دل خوه‌شى رازى دكه‌ن و هه‌مى پێدڤیین ژیانێ و ناڤ مالى دكرن ژبه‌ركو موچه دده‌مێ خوه‌دا دهێت, و ده‌لیڤا كارى بو رێنجبه‌ران ژى په‌یدا بویه.
ئه‌مریكا هه‌لویستێ خوە ل سه‌ر په‌سه‌ندكرنا ئه‌نجامێن هه‌لبژارتنێن په‌رله‌مانێ عیراقێ راگه‌هاند
ئەڤرۆ نیوز ، زنار تۆڤی:
ئەڤرۆ دوشه‌مبی 20 تەباخی بالیۆزخانا ئه‌مریكا ل به‌غدا د به‌یاننامه‌کێدا هه‌لویستێ خوە سه‌باره‌ت ب په‌سه‌ندكرنا ئه‌نجامێن هه‌لبژارتنێن په‌رله‌مانێ عیراقێ راگه‌هاند و سه‌باره‌ت ب پێكئینانا حوکمه‌تا نوو چه‌ند دیتنێن خوە ئاشكرا كرن.
د وێ به‌یاننامێدا بالیۆزخانا ئه‌مریكا گۆتیە، خۆشحالین ب وێ چەندێ کو سه‌ركردێن هەلبژارتی یێن عیراقێ پابه‌ند بوونا خوە راگه‌هاندیه ب وێ خشتێ دەمی یێ کو د‌ستوری دانای بۆ پێكئینانا حوکمه‌تا نوو.
دیارکریە ژی،پێكئینانا حوکمه‌تا نوو یا عیراقێ پرسەكا عیراقیه و دڤێت ب رەنگەکێ چێبیت کو به‌رژه‌وه‌ندى و سه‌روه‌ریا نیشتیمانى یا عیراقێ بپارێزیت و ئه‌مریكا پالپشتیا عیراقەکا سه‌ربه‌خۆ و خودان سه‌روه‌ریا ته‌مام دکەت.
بالیۆزخانا ئه‌مریكا ئەو ژی گۆتیە، هیڤی خوازین کو حوکمه‌تا نوو یا عیراقێ ل سه‌ر بنه‌مایێ نیشتیمانى بهێتە پێکئینان بۆ به‌رده‌وام بوون ل شه‌رێ دژی داعشێ و نەهێلانا گه‌نده‌لیێ و پاراستنا گه‌لێ عیراقێ.
هه‌رێم و به‌غدا نێزیکبووینە ل سەر رێككه‌فتنا هنارتنا نەفتا كه‌ركۆكێ
ئەڤرۆ نیوز ، زنار تۆڤی:
د دووماهی كۆمبوونا سه‌رۆكێ حوکمه‌تا هه‌رێما كوردستانێ و سه‌رۆك وه‌زیرێن عیراقێ هه‌ردولا گفتوگۆ كرینه دەرباره‌ى پرسا دووباره هنارتنا نه‌فتا هه‌رێمێ، هەروەسا توركیا ره‌زامه‌ندی نیشاندایە ل سه‌ر وێ هنارتنێ.
ل 30 ته‌موزێ نێچیرڤان بارزانی سه‌رۆك وه‌زیرێن هه‌رێما كوردستانێ ل به‌غدا ل گه‌ل حه‌یده‌ر عه‌بادى سه‌رۆك وه‌زیرێن عیراقێ كۆمبوویە، ئێک ژ ته‌وه‌ران ئاخفتن بوو ل سه‌ر دووباره هنارتنا نه‌فتا كه‌ركوكێ ب رێیا بۆریا نه‌فتا هه‌رێما كوردستانێ.
لدووڤ زانیاریان توركیا ره‌زامه‌ندی نیشاندایە بۆ دوباره هنارتنا نه‌فتا كه‌ركوكێ ب رێیا به‌نده‌رێ جیهان و د نوکە دا هنارتا نەفتێ یا گرێدایە ب دەمی و رێككه‌فتنا دووماهیێ یا دناڤبەرا هه‌ولێر و به‌غدا دا، به‌لێ دبیت هنارتنا نه‌فتێ بكه‌ڤیته كابینا داهاتی یا حوکمه‌تا عیراقێ.
ل حەفتیا بوری پشتی كۆمبوونا ل گه‌ل سه‌رۆك وه‌زیرێن كۆمارا توركیا، حه‌یده‌ر عه‌بادى سه‌رۆك وه‌زیرێن عیراقێ د كۆنگره‌کێ رۆژنامه‌ڤانى دا راگه‌هاندبوو کو ئەو دێ ده‌ست ب هنارتنا نه‌فتێ ب رێیا به‌نده‌رێ جیهان کەن.
سه‌فین دزه‌یى پەیڤدارێ حوکمه‌تا هه‌رێما كوردستانێ گۆتیە، پرسا هنارتنا نەفتا كه‌ركوكێ ب رێیا بۆریا نه‌فتا هه‌رێمێ یا نوو نینە و ماوێ چه‌ند هەیڤانە گفتوگۆ ل سه‌ر هاتیە کرن و دخوازین بگەهینە رێککەفتنێ.
حه‌شدا شه‌عبى هێزه‌كا تايبه‌ت ب ره‌ڤاندنا خه‌لكى ڤه دروست دكه‌ت
ئه‌ڤرۆنيوز:
به‌رپرسێ لقێ 15 يێ پارتى ديموكراتى كوردستان ل خانه‌قين ئاشكراكر، حه‌شدا شه‌عبى ل سنورێ خانه‌قينێ هيزه‌كا نوو دروستگريه كو كارێ وێ ره‌ڤاندنا خه‌لكى يه.
شێخ جه‌عفه‌ر شێخ مسته‌فا، به‌رپرسێ لقێ 15 يێ پارتى ديموكراتى كوردستان ل خانه‌قين راگه‌هاند” كريارێن تيرۆرستى به‌رده‌وام ل سنورێ خانه‌قينێ دهێنه ئه‌نجامدان وخه‌لك دهێنه ره‌ڤاندن ول چه‌ند رۆژێن بۆرى دو وه‌لاتيێن كورد ب ناڤێن ( حه‌ميد روكانى) و( سالح له‌تيف) ل ده‌ڤه‌را شێخ باوه هاتنه ره‌ڤاندن وهه‌تا نوكه چاره‌نڤيسێ وان يێ ديار نينه”.
شێخ جه‌عفه‌رى زێده‌تر بۆ (وشه) گۆت” دانانا بۆمبان وته‌قين وره‌ڤاندن وكوشتن هه‌موو بۆ وێ چه‌ندێ يه خه‌لك بترسيت وناڤێن خوه بنڤسين وببنه چه‌كدارێن وان”.
به‌رپرسێ لقێ 15 يێ پارتى گۆت ژى” حه‌شدا شه‌عبى ل نێزيك ده‌ڤه‌را شێخ باوه هيزه‌كا نوو دروستكريه وكورده‌كێ خه‌لكێ كه‌لار يێ بوويه فه‌رماندێ وێ هێزێ”.
حه‌شدا شه‌عبى به‌رده‌وام بزاڤێن وێ چه‌ندێ دكه‌ت هژمارا هێزێن خوه ل وان سنوران زێده بكه‌ت ئه‌و چه‌نده ژى پشتى خيانه‌تا 16 ئوكتۆبه‌رێ ئه‌و ده‌ڤه‌ره داگيركرين.
ئه‌لهاشمى:كوردان دێ رۆلێ ئێكلاكه‌ر د پێكئينانا مه‌زنترين هه‌ڤپه‌يمانى دا هه‌بيت
ئه‌ڤرۆنيوز:
شرۆڤه‌كاره‌كێ سياسى يێ عيراقى راگه‌هاند، حزبێن كوردستانێ ل هه‌رێما كوردستانێ دێ رۆلێ ئێكلاكه‌ر دپێكئينانا مه‌زنترين هه‌ڤپه‌يمانى دناڤ په‌رله‌مانێ عيراقێ دا هه‌بيت.
واسق ئه‌لهاشمى، شرۆڤه‌كارى سياسى يێ عيراقى بۆ مالپه‌رێ (المعلومه) يێ عيراقى گۆت” نورى مالكى وموقته‌دا سه‌در پێشبه‌ركيێ دكه‌ن ل سه‌ر پێكئينانا مه‌زنترين هه‌ڤپه‌يمانى ل په‌رله‌مانێ عيراقێ، ب تايبه‌تى هه‌كه بزانين كو سائيرون ب سه‌رۆكاتيا سه‌درى وده‌لوه‌تا قانوونێ ب سه‌رۆكاتيا مالكى هژمارا كورسيێن په‌رله‌مانى يێن وه‌كو ئێك يێن هه‌ين پشتى پێكئينانا هه‌ڤپه‌يمانيێن سياسى ب مه‌ره‌ما پێكئينانا مه‌زنترين هه‌ڤپه‌يمانى، به‌لێ حزبێن كوردستانى دێ رۆلێ ئێكلاكه‌ر دناڤبه‌را موقته‌دا سه‌در ومالكى دا هه‌بيت دپێكئينانا مه‌زنترين هه‌ڤپه‌يمانى كو دێ سه‌رۆك وه‌زيرێن داهاتى ژ رێزێن مه‌زنترين هه‌ڤپه‌يمانى بيت”.
عه‌بادى داخوازا روونشتنا په‌رله‌مانێ عيراقێ يێ نوو دكه‌ت
ئه‌ڤرۆنيوز:
سه‌رۆك وه‌زيرێن عيراقێ، حه‌يده‌ر عه‌بادى، ئه‌ڤرۆ ئێكشه‌مبى 19/8/2018 داخواز ژ فوئاد مه‌عسووم سه‌رۆك كۆمارێ عيراقێ كر كو داخوازێ ژ په‌رله‌مانێ عيراقێ يێ نوو بكه‌ت روونشتنا خوه يا ئێكێ ئه‌نجام بده‌ت، ئه‌ڤ چه‌نده ژى هات پشتى دادگه‌ها فيدرالى يا عيراقێ ئه‌ڤرۆ ئه‌نجامێن دووماهيێ يێن هه‌لبژارتنان په‌سه‌ند كرين.
عه‌بادى هه‌روه‌سا داخواز ژ ليستێن سه‌ركه‌فتى دهه‌لبژارتنێن په‌رله‌مانێ عيراقێ كر له‌زێ بكه‌ن درێككه‌فتنێ ل سه‌ر به‌رنامه‌كێ بۆ حوكمه‌تا نوو يا عيراقێ ودروستكرنا كوتلا مه‌زن يا په‌رله‌مانى بۆ پێكئينانا حوكمه‌تێ.
عسه‌رۆك وه‌زيرێن عيراقێ ئه‌ڤرۆ ب هه‌لكه‌فتا په‌سه‌ندكرنا ئه‌نجامێن هه‌لبژارتنێن عيراقێ پێشكێشكر وسوپاسيا گه‌لي عيراقێ كر بۆ ڤێ ده‌ستكه‌فتا دستوورى وپشكداريا وان دده‌نگدانێ دا.
ته‌كنۆلۆژيا چ كارتێكرنا ب مه‌ترسى ل سه‌ر زارۆيان په‌يدا دكه‌ت؟
ئه‌ڤرۆنيوز:
ڤەکۆلەران دیارکر زارۆیێن گەلەک تەکنەلوژیایێ بکاردئینن دەمێ دچنە قوتابخانێ زەحمەتێ د ھەلگرتنا پێنوسی و نڤێسینێ دا دبینن.
یا دیارە کو مۆبایل و تابلێت بساناھيترین رێکن بۆ ئارامکرن و بێدەنگکرنا زارۆیێ بێزار و ب گری. لێ ئەڤە دبیت ببیتە ئەگەرێ رێگریکرن ل گەشەکرنا ھێزا دەستان بۆ ھەلگرتنا پێنوسی، برین ب رێيا مەقەسێ و ئەو کارێن کو زارۆیێن د ژیێ وان دا دکرن بەری چەندین سالان.
ڤەکۆلینەکا نوو ژ لایێ دەزگەھێ NHS ل ئینگلتەرا دیارکریە کو زارۆ دھێنە قوتابخانێ ب شێوەکێ نە بەرھەڤ کری بۆ نڤیسینێ و چالاکیێن دی یێن پێدڤی ب ھێزا ماسولکێن تبلا ھەی.
نوشدارێن زارۆیان د ڤەکولینێ دا لومەی تەکنەلوژیا یێ کر و گرنگی ب ھندێ دا کو دەیک و باب ساناھی تر دبینن ب پێدانا ئای پاد و موبایلان ب زارۆی ل شووینا ھاندانا وان بۆ ئەنجامدانا ئەو یاری و چالاکیێن کەڤن یێن بەربەلاڤ وەک: رەنگ کرن، ئاڤاکرنا خانیێن بچووک ب رێکا یاریان، برینا کاغەز و تشتان و پێڤەکرنا ستیکەران، راکێشانا وەریسان و ھاڤێتنا یاریان ل دەمێ یاریکرنێ و ڤەھاندنا مورکان.
شیرەت بۆ دایک و بابان:
کولین کارول تایبەتمەندا ئاڵودەبوونا زارۆیان ب شاشێ ڤە دیارکر، کو نوکە ئاریشا کێم بوونا چاڤان ژی د پێشڤەچوونێ دایە، ژ ئەنجامێ گەلەک ب کارئینانا شاشێ ژ لایێ زارۆیان. چونکە زێدە ب کارئینانا ئای پاد و موبایلان ب تەماشەکرنا ڤیدیو و یاریان ئاریشێن دیتنێ و چاڤان ژی زێدەتر دکەن.
تایبەتمەندێ دیسان گوت، ” زارۆ مەشقێن پێدڤی ناکەت، ژ دەرڤە یاریان ناکەت، چونکە نا دەرکەڤیت بۆ کرنا یاریێن فیزیکی و ھەردەم د ژوور ڤە یە”.
ل دوماھیێ داخوازێ ژ دایک و بابان دکەت کو ماوێ ب کارئینانا شاشان کێم بکەن، ب ھەر جورەکی شاشا بچووک یان مەزن بیت، رۆژانە ژ دوو دەمژمێران نە بوریت. چونکە پشتی ئاڵودەبوونێ دێ ب زەحمەت بیت زارۆی ژێ دوویر بکەی، ئەڤجا بۆ پاراستنا ساخلەمیا زارۆی و گەشەکرنەکا دروست د پاشەروژێ دا، زارۆیێ خو دویر بکە ژ زێدە بکارئینانا تەکنەلوژیایێ و پتر بەرەڤ یاریان و مەشقێن ژ دەرڤە ببە.
شاندێ پارتى وئێكه‌تى ل گه‌ل شانده‌كێ ميحوه‌رێ وه‌ته‌نى كۆمبوون
ئه‌ڤرۆنيوز:
شاندێ پارتى ديموكراتى كوردستان وئێكه‌تى نيشتمانى كوردستان ئه‌ڤرۆ ئێكشه‌مبى 19/8/2018 ل باره‌گايێ مه‌كته‌با سياسى يا ئێكه‌تيێ ل هه‌ولێرێ، سه‌باره‌ت پێكئينانا كابينا نوو يا حوكمه‌تا عيراقێ ل گه‌ل شانده‌كێ ميحوه‌رێ وه‌ته‌نى يێ عيراقى كۆمبوو.
شاندێ ميحوه‌رێ وه‌ته‌نى پێكهاتبوو ژ خه‌ميس خه‌نجه‌ر وسه‌ليم جبوورى وجه‌مال كه‌ربۆلى وچه‌ند سه‌ركرده‌كێن دێ يێن سونى پێكهاتبوو.
كۆمبوون پشتى وێ چه‌ندێ هات كو ئه‌ڤرۆ دادگه‌ها فيدرالى يا عيراقى ئه‌نجامێن دووماهيێ يێن هه‌لبژارتنێن په‌رله‌مانێ عيراقێ په‌سه‌ندكرين، ب ڤێ چه‌ندێ ژى دڤێت جڤاتا نوونه‌ران دده‌مێ 15 رۆژان دا ئێكه‌م روونشتنا خوه سازبكه‌ت، ژبه‌ر وێ چه‌ندێ ژى دانوستاندنێن ب له‌ز يێن لايه‌نێن سياسى بۆ پێكئينانا حوكمه‌تا داهاتى يا عيراقێ ئه‌نجام بده‌ن.
هه‌موو تيمێن به‌ره‌ڤانيا باژێرى دده‌مێ جه‌ژنێ دا دێ د ئاماده‌باشيێ دابن
ئه‌ڤرۆنيوز:
رێڤه‌به‌رێ به‌ره‌ڤانيا باژێرى ل پارێزگه‌ها دهۆكێ، ئه‌ڤرۆ ئێكشه‌مبى 19/8/2018 دياركر كو هه‌موو تيمێن ب سه‌ر رێڤه‌به‌ريا وان ڤه دێ بۆ ده‌مێ حه‌فتيه‌كێ كو رۆژێن جه‌ژنا قوربانيا پيرۆز ژى بخوه‌ڤه دگرن دێ دئاماده‌باشيێ دابن.
ئيبراهيم ئه‌حمه‌د، رێڤه‌به‌رێ به‌ره‌ڤانيا باێرى ل پارێزگه‌ها دهۆكێ دكۆنگره‌كێ رۆژنامه‌ڤانى دا گۆت ژى” هه‌ر ژ ئه‌ڤرۆ ئێكشه‌مبى 19/8/2018 هه‌تا رۆژا 25/8/2018 هه‌موو پشك وبنگه‌هێن سه‌ر ب رێڤه‌به‌ريا مه‌ڤه دێ دده‌واما فه‌رمى وئه‌ركى دابن ب وێ مه‌ره‌مێ ل ده‌مێ په‌يدابوونا هه‌ر روودانه‌كا ئاگر به‌ربوونێ بشێن ب زووترين ده‌م بگه‌هن جهێ روودانێ وكونترۆل بكه‌ن”.
ديسا گۆت” تيمێن نقۆمه‌ڤان يێن ب سه‌ر رێڤه‌به‌ريا مه‌ڤه دێ ل هه‌موو جهێن گه‌شتيارێ ل پارێزگه‌هێ هێنه به‌لاڤكرن ب وێ مه‌ره‌مێ ل ده‌مێ په‌يدابوونا هه‌ر روودانه‌كا خه‌ندقينێ بزاڤا قورتالكرنا وه‌لاتيان بكه‌ن”.
رێڤه‌به‌رێ به‌ره‌ڤانيا باژێرى ل پارێزگه‌ها دهۆكێ شيره‌ته‌ك ئاراسته‌ى وه‌لاتيان كر وگۆت” به‌رى كو هه‌ر وه‌لاتيه‌ك ژ مالا خوه ده‌ربكه‌ڤيت، پێدڤيه ل سه‌ر وى ئاگه‌هدارى ره‌وشا كاره‌بێ بيت وهه‌موو كارين خوه‌پاراستنێ ئه‌نجام بده‌ت”.
دياركر ژى” پێدڤيه وه‌لاتى ده‌مێ قه‌ستا جهێن گه‌شتيارى دكه‌ن، هشيارى هه‌لكرنا ئاگرى بن، چونكى پيش وپه‌له‌خێ هاڤينێ يێ به‌رهه‌ڤه بۆ هه‌ر جۆره روودانه‌كا ئاگر به‌ربوونێ”.
نيشاندان
WP Facebook Auto Publish Powered By : XYZScripts.com