ئه‌ڤرۆنيوز،رەزوان ڕۆژبەیانی
ژ ئەگەرێ روودانەکا هاتنوچوونێ ئه‌ڤرۆ ئه‌ينى 27 تيرمه‌ها 2018 ل سنورێ قەزا بەردەرەش کەسەکى گيانێ خوە ژ دەست داو کەسەکێ دی ژی برینداربوو.
کۆمیسەر (حازم موحه‌مەد) ژ ڕاگەهاندنا هاتنوچوونا قەزا بەردەڕەش بۆ ئەڤرۆنیوز گۆت” ئەڤرۆ رۆژا ئەینی ژئەگەرێ روودانەکا هاتنوچوونێ ل سەر رێیا دناڤبەرا بەردەڕەش – کەلەک، ل نێزیک گوندێ گردەپان ماتۆر سکله‌ك وه‌رگه‌را دئه‌نجامدا کەسەکێ گيانێ خوە ژ دەست دا و کەسەکی دی ژی ب دژواری برینداربوو.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ ل گه‌ل جێگرا شيره‌تكارێ ئاسايشا نه‌ته‌وى يا ئه‌مريكى كۆمبوو.
مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ دبه‌رپه‌رێ خوه دا ل سه‌ر تۆرا جڤاكى يا تويته‌رى، به‌لاڤكر”دديداره‌كێ دا ل گه‌ل ميرا ريكاردل، جێگرا شيره‌تكارێ ئاسايشا نه‌ته‌وى ل ئه‌مريكا، مه دووپاتى كر ل سه‌ر پێگيريا مه ب شه‌رێ دژى داعشێ وهه‌ماهه‌نگيا ب هێز يا پێشمه‌رگه‌ى وهێزێن هه‌ڤپه‌يمانان ب سه‌رپه‌رشتيا ئه‌مريكا”.
مه‌سرور بارزانى دياركر” سه‌باره‌ت پێكئينانا حوكمه‌تا عيراقێ، من دووپاتى كر كو هه‌رێما كوردستانێ داخوازا حوكمه‌ته‌كا هه‌ڤپه‌يمانى دكه‌ت كو ل سه‌ر بناغێ ته‌وافوقێ وهه‌ڤسه‌نگيێ وهه‌ڤپشكيێ بهێته پێكئينان ودچارچۆڤێ دستوورێ عيراقێ دا به‌رسڤدانا داخوازى ومافێن گه‌لێ كوردستانێ بيت”.
ئه‌ڤرۆ نیوز، نه‌وزاد هلۆرى:
ب گۆره‌ى ئاژانسا ناسا یا جیهانى ئه‌ڤ شه‌ڤه دێ هه‌یڤ غه‌يرین رووده‌ت، وه‌كو هه‌لویسته‌ك هه‌مبه‌رى غه‌يرینا هه‌یڤێ ، بۆ ئێكه‌مین جار ل سه‌رانسه‌رێ كوردستانێ دێ نڤێژا غه‌یرینا هه‌یڤێ ل شێلادزێ هێته‌كرن و ددووڤدا دێ لاڤا هێنه خواندن داكو ئه‌ڤ دیارده‌یه ب سلامه‌تى ل سه‌ر خه‌لكێ جیهانێ و كوردستانێ ببۆریت.
مه‌لا عابد بێزه‌لى ، گۆتار خوینێ مزگه‌فتا “كوكه‌ر) ل سه‌نته‌رێ ناحیا شێلادزێ بۆ ئه‌ڤرۆ نیوز گۆت: (ل سه‌رده‌مێ پێغه‌مبه‌رى جاره‌كێ رۆژ غه‌یرى و خه‌لكى چو پێزانين ل سه‌ر نه‌بوون كا ئه‌و چیه دهێته روودان ، ل وى ده‌مى ئێك ژ كورێن پێغه‌مبه‌رى گیانێ خوه ژ ده‌ست دا و هنده‌كان هزركر ژبه‌ر مرنا كورێ وى رۆژ غه‌یریى یه ، به‌لێ پێغه‌مبه‌رى بۆ وان دیاركر كو هه‌یڤ و رۆژ ژبه‌ر مرنا كه‌سێ و په‌یدابوونا كه‌سێ ناغه‌یریت، پاشى پێغه‌مبه‌رى ل ده‌ما غه‌یرینا رۆژ و هه‌یڤێ دا گه‌له‌ك ترسیا و قه‌ستا مزگه‌فتێ كر بۆ كرنا نڤێژێ وخواندنا لاڤه‌يان داكو ئه‌ڤ نه‌خوه‌شیه ل سه‌ر خه‌لكى ب سلامه‌تى ببوریت).
زێده‌تر گۆت: (ژبه‌ركو پێغه‌مبه‌رى نڤێژا غه‌يرینا رۆژ و هه‌یڤێ كریه ، ئه‌م ژى ئه‌ڤ شه‌ڤه دێ پشتى نڤێژا عه‌یشا نڤێژا غه‌یرینا هه‌یڤێ كه‌ین).
ناڤبرى دیاركر ژى كو ژبلى غه‌یرینا هه‌یڤێ بابه‌ته‌كێ زانستى بیت، دهه‌مان ده‌م دا بابه‌ته‌كێ ئاینى یه و خودێ مه‌زن دڤێت به‌نده‌یێن خوه بترسینيت و هشیار بكه‌ت ژ وان گونه‌هـ و سنوور به‌زاندنێن جڤاكى و ئاینى و بێ ره‌وشتیان و زێده‌تر گۆت: (گه‌له‌ك به‌لگه د قورئان و فه‌رموده‌یا پێغه‌مبه‌رى دا ل سه‌ر غه‌یرینا هه‌یڤێ و رۆژێ يێن هه‌ين و مه‌ره‌ما خودێ ژ غه‌یراندنا وان ژى ب تنێ ترساندنا به‌ندێن خوه‌یه ل سه‌ر گونه‌هان ، دیسان نیشانه ل سه‌ر خراب بوونا جیهانێ و مرنێ، دڤێت ئه‌م لاڤا بكه‌ین ده‌ما كو رۆژ و هه‌یڤ د غه‌یرن، چونكى خودایێ مه‌زن دشێت جیهانێ د تاریێ دا بهێلیت و رۆژێ نه‌زڤرینيت ڤه).
ئه‌ڤرۆ نیوز، نه‌وزاد هلۆرى:
ده‌مه‌كێ كێم به‌رى نها گه‌نجه‌كێ دهۆكێ كه‌فته دناڤا رووبارێ ئاڤا شین ل ناحیا شێلادزێ و خه‌ندقى، و ته‌رمێ وى ژلایێ هه‌ڤالێن وى هاتیه ده‌رئینان و ره‌وانه‌كرن بۆ نوژاریا داد ل دهۆكێ.
بێوار كوردى ژ بنگه‌هێ به‌ره‌ڤانیا باژێرى ل شێلادزێ بۆ ئه‌ڤرۆ نیوز گۆت: (ئه‌ڤرۆ پشتى نڤێژا ئه‌ینيێ، گه‌نجه‌كێ باژێرێ دهۆكێ كه‌فته دناڤا رووبارێ ئاڤا شین ل شێلادزێ و خه‌ندقى)
زێده‌تر گۆت: (ته‌رمێ وى ژلایێ گه‌شتیار و هه‌ڤالێن وى د رووبارى هاتیه ده‌رئینان و ره‌وانه‌كرن بو نه‌خوه‌شخانا شێلادزێ ،و پاشى بۆ نوژداریا داد ل دهۆكێ).
ئه‌ڤرۆ نيوز:
ب گۆره‌يى ژێده‌ره‌كێ گه‌ردونناسى ئه‌ڤرۆ درێژترين هه‌يڤ غه‌يرينا سه‌دێ 21ێ دێ رووده‌ت كو ماوێ وێ زێده‌تر ژ چار ده‌مژمێران و دێ ماوێ ده‌مژمێره‌ك و 43 ده‌قيقان دێ هه‌يڤ غه‌يرينا ته‌مام بيت.
هه‌يڤ غه‌يرين دێ ئه‌ڤ شه‌ڤه ل پشتى ده‌مژمێر 9:00ى شه‌ڤ روو ده‌ت و ل كوردستانێ دێ يا ناڤه‌ندى بيت و پاشان ژى دێ هه‌يڤ ب ته‌مامى هێته غه‌يرين.
ئه‌ڤ روودانا سرۆشتى دێ بيته درێژترين هه‌يڤ غه‌يرينا ڤى سه‌ده‌ى و هه‌سارا مه‌ريخێ دێ ب ته‌مامى نێزيكى ئه‌ردى بيت كو ئێك ژ رووناهيترين هه‌سارايه پشتى “رۆژ” و “ڤينۆس” ێ.
ئەڤرۆ نیوز ، زنار تۆڤی:
ئەندامێن پەرلەمانێ ئەمریكا بریار دایە کو ناڤێ پێشمەرگەی بێخنە ناڤ رەشنووسێ قانوونا بودجێ سەربازی یێ ئەمریكا بۆ 2019 كو تێدا گوژمێ 290 ملیۆن دۆلار بۆ هێزێن پێشمەرگێ كوردستانێ هاتینە تەرخانکرن، ژ سەرجەمێ 850 ملیۆن دۆلاران یێن هاتینە تەرخانكرن بۆ سوپایێ عێراقێ.
د رەشنووسێ قانوونا بودجێ سەربازی یێ ئەمریكا، كۆنگرێسی ناڤێ هێزێن پێشمەرگێ كوردستانێ ئینایە و پشکەک ژ پارێ هاتیە تەرخانكرن بۆ هێزێن تەناهیێ ل عیراقێ بۆ پێشمەرگەی تەرخان كرینە.
لدووڤ وی رەشنووسی ئەندامێن پەرلەمانی و جڤاتا پیرێن ئەمریكا وەسا دبینن كو هێزا پێشمەرگەی رۆلەکێ دیار و مەزن دیتیە ل گەل هەڤپەیمانان ل شەرێ دژی داعشان ل عیراقێ، لەوما بەردەوامبوون و هاریکاریا وەزارەتا پێشمەرگەی د چارچۆڤێ پالپشتیا حوکمەتا عیراقێ ب گرنگ دبینن، ئەڤە ژی بۆ رێگرتن ل ڤەگەریانا داعشێ و پاراستنا ئاسایشا ڤێ دەڤەرێ.
ئەڤرۆ نیوز ، زنار تۆڤی:
وەسا بریاره د ڤێ حەفتیێ دا كۆمبوونەک دناڤبەرا مه‌كته‌با سیاسی یا پارتى دیموكراتى كوردستان و ئێكەتیا نیشتمانى كوردستان بهێتە ئه‌نجامدان و ئه‌ندامەکێ سه‌ركرداتیا پارتی گوتیە، كۆمبوونێن پارتى و ئێکەتیێ د ێ بنه حە‌فتیانه.
ئاراس حه‌سۆ میرخان ئه‌ندامى سه‌ركرداتیا پارتى دیموكراتى كوردستان دیارکریە، کو بریاره د چه‌ند رۆژێن داهاتیدا جارەکادی مه‌كته‌بێن سیاسی یێن پارتى و ئێکەتیێ كۆم ببن، هەروەسا هەماهەنگیەکا باش دناڤبەرا پارتى و ئێکەتیێ دا هه‌یه و ره‌نگه كۆمبوونێن دناڤبەرا وان هەردو حزبان ببیتە حه‌فتیانه و به‌رده‌وام گفتوگۆیان ل سه‌ر پێشهاتان بكه‌ن.
ئەڤرۆ نیوز ، زنار تۆڤی:
رێڤه‌به‌رێ جێبه‌جێكار ل كۆمپانیا دانه‌غاز ئاشكرا دکەت، کو به‌رهه‌مێ نه‌فتا وێ كۆمپانیێ ل هه‌رێما كوردستانێ، د نوکە دا 65 هزار به‌رمیلن د رۆژەکێدا و پێشبینی دکەت کو هەتا دووماهیا ئەڤ سالە بەرهەمێ نەفتێ بۆ 70 هزار به‌رمیلان د ئێک رۆژ دا بلند بکەن.
باتریك ئه‌لمان رێڤه‌به‌رى جێبه‌جێكارل كۆمپانیا دانه‌غاز، د دیدارەكێدا بۆ رۆژناما (به‌یان) یا ئیماراتى گوتیە، دانه‌غاز ل هه‌رێما كوردستانێ پلان هه‌یه، هەتا سالا 2021 زێدەكرنا به‌رهه‌مێ بیر پترۆلیۆم ب رێژا 170% بلند بكەت، ب ڤێ دێ به‌رهه‌مێ غازا كێلگه‌هێ (خۆرمۆر) گەهیته 580 ملیۆن پێن سێجا و به‌رهه‌مێ نه‌فتا چركری ژی 20 هزار به‌رمیل د رۆژەکێدا.
رێڤه‌به‌رى دانه‌غاز ئاشكراكریه کو ل دەستپێکا سالا 2019 ل بلۆكى (6) یێ ده‌ریایی ل مسرێ دێ ده‌ست ب لێدانا بیرەکێ کەن.
ئەڤرۆ نیوز ، زنار تۆڤی:
دۆنالد تره‌مپ سه‌رۆكێ ئه‌مریكا راگه‌هاند، هەکە توركیا قه‌شه ئیندرۆ برانسۆن ئازاد نه‌كەت، دێ سزایێن مەزن ب سه‌ر هەوەدا سه‌پینین.
تره‌مپ د هه‌ژمارا تایبه‌ت یا خوەدا ل تویته‌ری نڤێسیە، دڤێت توركیا ئێکسەر قه‌شه ئیندرۆ برانسۆن ئازاد بكەت.
گوتیە ژی، هەکە توركیا قه‌شه ئیندرۆ برانسۆن ئازاد نه‌كەت، دێ سزایێ مەزن ب سه‌ر دا سه‌پینین.
هەروەسا دیارکریە، پێدڤیه ئه‌و زەلامێ بێتاوانێ ئاینی زوو بهێته ئازاد کرن.
ئیندرۆ برانسۆن، قەشێ ئەمریکی کو پتری سالەک و شەش هەیڤانە ل تورکیا دەست ب سەرە، ژلایێ دادگەهەکا تورکیا ب زیندانیکرن ل مالدا هاتیە سزادان، ل هەیڤا کانوونا ئێکێ ل سالا 2016 ل تورکیا ب تۆمەتا ئەنجامدانا چالاکیێن توندوتیژیێ ل وی وەلاتی هاتیه دەستگیر کرن.
ئیندرۆ برانسۆن قەشەکێ ئەمریکی پرۆتستانتە و ل باژێرێ ئیزمیر، هەڤدەم ب دەست تێكەلكرنێ ل گەل فەتحوللا گولەنی ژی هاتیە تۆمەتبار كرن.
نيشاندان