سه‌ره‌كى نووترين نووچه

كێشا كرێكارێن كۆمپانیا په‌ترۆل ئوێل ب به‌روه‌خت چاره‌سه‌ر بوو

08/07/2018 14:04

121

ئه‌ڤرۆ نیوز ، نه‌وزاد هلۆرى:

سپێده‌هیا ئه‌ڤرۆ هه‌تا پشتى نیڤرۆ رێیا سه‌ره‌كى دناڤبه‌را هه‌ردو پارێزگه‌هێن هه‌ولێرێ و دهۆكێ ل خالا قه‌زا به‌رده‌ره‌ش ژبه‌ر خوه‌نشاندانێن كرێكارێن كۆمپانیه‌كا په‌ترۆلێ هاتبوو‌ گرتن، قایمقامیا قه‌زا به‌رده‌رش ژى دیاركر كو كێشا وان ب ده‌مى هاته‌ چاره‌سه‌ركرن.

ب گۆره‌ى ‌وان پێزانينێن ب ده‌ست ئه‌ڤرۆ نیوز كه‌فتین ، كۆمپانیا په‌ترۆل ئوێل گوتیه‌ كرێكارێن خوه‌ ئه‌م دێ كارێن كۆمپانیا خوه‌ راگرین و ب ڤێ یه‌كێ هه‌موو كرێكارێن خوه‌ ده‌ركرینه‌ و ئه‌ڤ چه‌نده‌ ژى بوویه‌ ئه‌گه‌ر كو كرێكارێن وێ كومپانیێ رابن ب ئه‌نجامدانا خوه‌نيشاندانه‌كێ و رێیا سه‌ره‌كى یا دناڤبه‌را هه‌ولێرێ و دهۆكێ ل نێزیك ناحیا رۆڤیا یا سه‌ر ب قه‌زا به‌رده‌ره‌ش ڤه‌ بگرن وهزاران خه‌لك و ترومبێل هاتبوونه‌ راگرتن.

بوتان شه‌مسه‌دین، ژ راگه‌هاندنا قه‌زا به‌رده‌رش بۆ ئه‌ڤرۆ نیوز گۆت: (قایمقامیا به‌رده‌ره‌ش ل گه‌ل نوونه‌رێن وان كرێكاران ئاخڤتیه‌ و داخوازیێن وان ب نڤیساره‌كێ بۆ پارێزگارێ دهۆكێ ره‌وانه‌كریه‌ و چاڤه‌رێ به‌رسڤا پارێزگارێ دهۆكێ دكه‌ن و نها نه‌رازیبوونا كرێكارێن كوۆمپانیێ يا ب دووماهى هاتیه و رێ ژى هاتیه‌ ڤه‌كرن و كێشا وان ژى به‌روه‌خت هاتیه‌ چاره‌سه‌ركرن)

ب گۆره‌ى پێزانينان كرێكارێن ل وێ كۆمپانیێ كاردكر نێزیكێ 350 كرێكارانه‌ ل هه‌موو پشكێن كۆمپانیێ.

گه‌رويێ هورمز دووماهى هيڤيا ئيرانێ يه‌

08/07/2018 13:51

114

ئه‌ڤرۆ نيوز، فاتما مزوورى:

رۆژنامه‌یه‌كا له‌نده‌نی د راپۆرته‌كی دا به‌لاڤ كریه‌ كو هه‌تا به‌ری سه‌ره‌دانا رووحانی بۆ سویسرا و نه‌مسا گه‌فا ئیرانێ ب تنێ ئه‌و بوو كو دێ خوه‌ ژ رێككه‌فتنا ئه‌تۆمی ڤه‌كێشن دا كو بشێن‌ ب ڤێ رێ گه‌فان ل به‌رپرسێن ئورۆپی بكه‌ن و وان بترسینن، ژ به‌ر وێ ئێكێ ئێكه‌تيا ئورۆپا په‌نا بره‌ به‌ر ره‌شنڤیسه‌كا بێ واته‌ یا په‌رله‌مانێ ئورۆپا ژبۆ ئازاد كرنا بانكێن ئورۆپی د سه‌ره‌ده‌ریا خوه‌ ل گه‌ل ئیرانێ، لێ گه‌فا گرتنا گه‌روویا هرمز كریه‌ كارته‌كا سوتى كو كۆمارا ئیسلامی یا ئیران نه‌ خوه‌سته‌ك ل سه‌ر ڤێ بابه‌تێ هه‌بوو و نه‌ژی دشيا ب كار بینيت.

ل دۆر ڤێ یه‌كێ رۆژنامه‌یا كه‌یهان یا له‌نده‌نی نڤیسیه‌، گه‌فا گرتنا گه‌روویا هورمز ژ لايێ به‌رپرسێن سوپایێ پاسداران ڤه‌ دێ تاران تووشی دۆرپێچكه‌كا ده‌ریایی بيت و وى ده‌مى تاران نه‌شێت ئێك به‌رمیلا نه‌فت ژی هنارده‌ بكه‌ت و ئابووریا وی وه‌لاتی دێ ژناڤ چيت

رۆژنامه‌یێ هه‌روه‌سا نڤیسیه‌ به‌ری نها ژی ئیران د چارچۆڤێ شه‌ره‌كێ هه‌شت سالی د گه‌ل عێراقێ ببوو كو جار ب جار مووشه‌ك دهاڤێتنه‌ كه‌شتێن په‌ترۆلێ یێن وه‌لاتێن رۆژئاڤا، به‌لێ خوه‌ ژ بریارا گرتنا گه‌روویا هرمز دوور دخست كو داوی هه‌ناسه‌یا ئابووری یا ئیرانێ يه‌ ل ناڤچه‌یێ.

يابان: له‌هيان قوربانى و زيانێن مه‌زن ل پاش خوه‌ هێلان

08/07/2018 13:30

ئه‌ڤرۆ نيوز، فاتما مزوورى:

ده‌سته‌لاتدارێن يابان ئه‌ڤرۆ سپێدێ به‌لاڤكرن كو هژمارا قوربانيێن با و باران و له‌هيان كو باكوور و باشوورێن وه‌لاتى ڤه‌گرتين زێده‌بوويه‌ و گه‌هشتيه‌ 64 كوشيتا و 44 كه‌س ژى د بێ سه‌روشوونن.

ئه‌ڤه‌ د ده‌مه‌كى دايه‌ كو دوهى ژمارا وان كه‌سێن ژيانا خوه‌ ژ ده‌ست داين 39 كه‌س بوو.

هنده‌ك ده‌زگه‌هێن راگه‌هاندنێ ژى به‌لاڤكرينه‌ كو د سێ رۆژێن بۆرى دا ژ ئه‌گه‌رێ بارينا با و بارانان ب كێمى نێزيكى 50 كه‌سان گيانێ خوه‌ ژ ده‌ست دايه‌ و نێزيكى 50 كه‌سێن دژى د بێ سه‌روشوونن.

ئه‌ڤه‌ ژبلى زيانێن ماددى يێن گه‌هشتينه‌ وان ده‌ڤه‌ران، هه‌ر وه‌سان زێده‌ترى مليۆن كه‌سان ژ مال و جهێن خوه‌ ژ به‌ر له‌هيان كوچبه‌ر بووينه‌.

ب وێنه‌: رێیا دھۆک بۆ ھەولێر ھاتیە گرتن

08/07/2018 13:17

235

ئەڤرۆ نیوز:

سپێدەھیا ئەڤرۆ رێیا سەرەکی دناڤبەرا ھەردوو پارێزگەھێن ھەولێر و دھۆک ل خالا قەزا بەردەرەش ژبەر خوپێشاندانێن کرێکارێن کومپانیەکا پەترۆلێ ھاتیە گرتن، و ھەتا نھا ژی نەھاتیە ڤەکرن.

ب گورەی ئەوان زانیاریێن کو دەست ئەڤرۆ نیوز کەفتین ، کومپانیا پەترول ئوێل گوتیە کرێکارێن خوە ئەم دێ کارێن کومپانیا خوە راگرین و بڤێ یەکی َھەموو کرێکارێن خوە دەرکرینە و ئەڤ یەک ژی بویە سەدەم کو کرێکارێن وێ کومپانیێ رابن ب ئەنجامدانا خوپێشاندانەکێ و رێیا سەرەکی یا دناڤبەرا ھەولێر و دھۆک ل نێزیک ناحیا روڤیا یا سەر ب قەزا بەردەرەش بگرن وھزاران خەلک و ترومبێل ھاتینە راگرتن.

ب گورەی زانیاریان کرێکارێن کو ل وێ کومپانیێ کاردکر نێزیکێ 350 کرێکارانە ل ھەموو بەشێن کومپانیێ.

بوتان شه‌مسه‌دین ژ راگه‌هاندنا قه‌زا به‌رده‌رش بو ئه‌ڤرۆ نیوز گۆت: (قایمقامیه‌تا به‌رده‌ره‌ش ل گه‌ل نونه‌رێن وان ئاخفتینه‌ و داخوازیێن وان ب نڤیساره‌كێ بو پارێزگارێ دهۆكێ ره‌وانه‌كریه‌ و چاڤه‌رێ به‌رسڤا پارێزگارێ دهۆكێ دكه‌ن، و نها نه‌رازیبونا كرێكارێن كومپانیێ دوماهى هاتیه‌ و رێك ژى هاتیه‌ ڤه‌كرن).

كۆمسیۆنێ تۆمارا نوو یا ده‌نگده‌ران ب دوماهی ئینا

08/07/2018 12:50

144

ئەڤرۆ نیوز ، زنار تۆڤی:

كۆمسیۆنا بلند یا سه‌ربه‌خۆ یا هه‌لبژارتن و راپرسیێ ل هه‌رێما كوردستانێ تۆماره‌كا نوو یا ده‌نگده‌ران بۆ هه‌لبژارتنێن په‌رله‌مانێ كوردستانێ چێكریە و ده‌نگده‌رێن مادێ 140 ژ تۆمارێ ده‌رخستن.

راگه‌هاندنه‌كا كۆمسیۆنا هەرێما کوردستانێ دیارکریە، کو شڤێدی تۆمارا نوویا ده‌نگان بۆ هه‌لبژارتنێن په‌رله‌مانێ كوردستانێ ب دوماهی هاتیه‌ و بۆ چاپێ هاتیه‌ هنارتن. هەروەسا تۆمارا نوو ژ تۆمارا كۆمسیۆنا هه‌لبژارتنێن عیراقێ یا جۆدایه‌ و هژمارا دروست یا ده‌نگده‌ران تێدا هاتیه‌ رێزكرن و ناڤێن دوباره‌ و مری و ئاواران ژی هاتینه‌ ده‌رخستن.

هه‌روه‌سا كۆمسیۆنێ ناڤێن ده‌نگده‌رێن مادێ 140 ژ تۆمارا نوو ده‌رخستیه‌ و بریاره‌ پشتی چاپكرنێ، كۆپیه‌كا تۆمارێ بۆ رایا گشتی و ئالیێن سیاسی یێن هه‌رێمێ بهێته‌ هنارتن.

ئۆپۆزسيۆنا سوريێ: رۆسيا ل دووڤ سوزێن خوه‌ نه‌بوو

08/07/2018 12:43

ئه‌ڤرۆ نيوز، فاتما مزوورى:

په‌يڤدارێ هه‌ڤپه‌يمانيا ئۆپۆزسيۆنا سوريێ ئه‌نه‌س عه‌بدى د كرنگره‌كێ رۆژنامه‌ڤانى دا ل باژێرێ سته‌مبۆلێ راگه‌هاند كو بنپێكرنا رێكه‌فتنا ل باشوورێ سوريێ د زێده‌بوونێ دايه‌ و رۆسيا ل دووڤ سوزێن خوه‌ نه‌ده‌ركه‌فت.

عه‌بدى ئاشكه‌را ژى كر كو ژ ئه‌نجامێ شه‌رێ كو ل باشوورێ سوريێ هه‌يى ب هزارا سڤيل كۆچبه‌رى سه‌ر سنوران بووينه‌، د ده‌مه‌كى دا كو پارێزگه‌ها ده‌رعا چو شه‌رێن وه‌سا لێ نه‌هاتينه‌ كرن.

داخواز ژى ژ جڤاكێ نێڤده‌وله‌تى كر كو ب ئه‌ركێن خوه‌ رابن و شه‌رى ب راوه‌ستينن و ژ وه‌لاتێن جيهانێ خواست كو فشاران ل سه‌ر رۆسيا زێده‌ كه‌ن دا كو بڕيارێن خوه‌ ب جهـ بينيت و به‌رسينگێ كوشتنا سڤيلان بگريت.

ژ 19 خزيرانێ و هه‌تا نها رژێما سوريا ب پشته‌ڤانيا رۆسيا و ميليشياتێن ئيرانى، ده‌ست ب ئۆپه‌راسيۆنه‌كا به‌رفره‌هـ ل دژى هێزێن ئۆپۆزسيۆنێ ل ده‌رعا كريه‌.

ب گۆره‌ى ئامارێن نه‌يێن فه‌رمى هه‌تا نها 10 هزار وه‌لاتيێن وێ پارێزگه‌هێ ل سه‌ر سنورێ ئوردن و ئسرائيلێ كۆچبه‌ر بووينه‌.

ئه‌ردوگان: دێ ل رۆژئاڤايێ كوردستان و قه‌نديل و شنگال به‌رده‌وام شه‌رێ په‌كه‌كێ كه‌ين

08/07/2018 12:16

ئه‌ڤرۆ نيوز، فاتما مزوورى:

سه‌رۆكێ توركيا ره‌جه‌ب ته‌يب ئه‌ردوگان جاره‌كا دى گه‌ف ل په‌كه‌كێ و يه‌په‌گێ كرن و راگه‌هاند كو ل رۆژئاڤايێ كوردستانێ و هه‌تا قه‌نديل ئه‌و دێ شه‌رێ په‌كه‌كێ كه‌ن.

ئه‌ردوگان د په‌رله‌مانێ توركيا دا بۆ په‌رله‌مانتارێن پارتيا خوه‌ گۆت: “مه‌ ل ناڤ سنورێن توركيا په‌كه‌كه‌ يا شكاندى و ئه‌م دێ ژ ده‌رڤه‌يى سنورێن توركيا ژى دێ شه‌رى كه‌ين هه‌تا په‌كه‌كێ ب دووماهى بينين”.

ئه‌ردوگان خۆيا ژى كر كو ل رۆژئاڤايێ كوردستانێ گرێ سپى هه‌تا قامشلۆ ل عيراقێ ژى ل شنگال و قه‌نديلى ئه‌و دێ ب زۆرى شه‌رى كه‌ن.

ژ لايه‌كێ دى ڤه‌ ئه‌ردوگان گازى جه‌هه‌پێ كر و ژێ خواست كو پێداچوونه‌كێ د په‌يوه‌نديێ، خوه‌ ل گه‌ل هه‌ده‌پێ دا بكه‌ن و گۆت: “په‌كه‌كه‌ ل باكوورێ كوردستانێ ل مه‌يدانا شه‌رى ته‌نگاڤ بوويه‌ و دڤێت سياسه‌تا خوه‌ ب هێز بكه‌ت”.

گۆتژى: “هه‌ده‌په‌ ب خێرا ده‌نگێن جه‌هه‌پێ چوو د ناڤ په‌رله‌مانى دا و ب سياسه‌تا خوه‌ پشته‌ڤانيا په‌كه‌كێ دكه‌ن”.

ئیران: نەفتا ١٠٠ دۆلاری برێڤەیە

08/07/2018 11:24

294

ئەڤرۆ نیوز ، زنار تۆڤی:

نوونەرێ ئیرانێ ل ئۆپک راگەهاندیە،کو بەرپرسیارەتیا بلندبوونا نهایێ نەفتێ،ب تایبەتی ل ویستگه‌هێن دابه‌شكرنا سوتەمەنیێ ل ئه‌مریكا، ب تنێ د ستوویێ دۆنالد ترامپی دایە.

د‌ لێدوانەکێدا بۆ ئاژانسا نووچەیێن رویته‌رز، زارى حسێن کازمپوور ئەردەبێلی، نوونه‌رێ ئیرانێ ل رێكخراوا ئۆپك راگه‌هاندیە، کو بهایێ نەفتێ لڤان نێزیکان ب‌ كاریگه‌ریا سیاسەتا ترامپی سەرۆکێ ئەمریکا، هەر به‌رمیلەک دێ گەهیتە ١٠٠ دۆلاران.

هەروەسا گوتیە،بەرپرسیارەتیا بلندبوونا بهایێ نەفتێ زێدەتر ژ ئاستێ پێدڤی یێ نەفتێ ژ لایێ هەموو بکارهێنەران و ب تایبەتی ل بنگەهێن دابه‌شكرنا سووتەمەنیێ ل ئه‌مریكا، ب تنێ د ستوویێ ترامپی دایە و دڤێت چاڤەرێی بهایێ ١٠٠ دۆلاری یێ نەفتێ ببین.

سەرۆکێ ئەمریکا د نووترین تویتا خوە دا ل تویته‌ری ئۆپک ب بلندکرنا بهایێ نەفتێ و سووتەمەنیێ تاوانبارکریە، داخواز ژ عەرەبستانا سعودیه‌ و هەڤپەیمانێن خوە کریە کو هایکاریا واشنتۆن بكه‌ن و بەرهەمئینانا نەفتا خوە زێدەتر لێ بكه‌ن.

دهۆك: ئه‌رد بۆ به‌لاڤكرنێ نينه‌

08/07/2018 11:21

745

ئه‌ڤرۆ نيوز:

رێڤەبەرێ گشتیێ باژێرڤانیێن پارێزگەھا دھۆکێ دیارکر کو 21 ھزار کەسان بەری نوکە رازەمەندی بۆ وەرگرتنا پارچەیێن ئەردی ھەنە و ئەردێ پێدڤی د دەستێ باژێرڤانیێ دا نینە، پێدڤیە ئەرد بھێتە سەر ناڤێ باژێرڤانیی پاشی ل سەر وان کەسێن رازەمەندی ھەی بھێـتە بەلاڤکرن.

ئەندازیار ھەڤال ئەحمەد، رێڤەبەرێ گشتیێ باژێرڤانیێن پارێزگەھا دھۆکێ بۆ ئەڤرۆ دیارکر کو ھندەک ئەگەر ھەنە ئەرد ناھێتە سەر ناڤێ باژێرڤانیێ وەکو ھندەک جاران بۆ نموونە وەزارەتا چاندنێ زوو ب زوو رازی نابیت دەستان ژ ئەردێ چاندنێ بەردەت، چونکو پتریا ئەردێن باژێرڤانی داخواز دکەت ئەو ئەردن یێن بکێر چاندنێ دھێن و گەلەک جاران ژی خۆدانێن مولکی ئەگەرن وان دڤێت ئەردێ وان ھەر ددەستێ وان دا بیت بۆ کارێن چاندنێ ب کاربینن و گۆت: “ئەم ژی زۆرداریێ ل وان ناکەین ھەر دەمێ ئەم بووینە خۆدانێن ئەردی ئەم دێ ھێدی ھێدی دەینە وان کەسێن بەری نوکە رازیبوون ھەی”.

ناڤھاتی ئاماژە دا وێ چەندێ کو بابەتێ بەلاڤکرنا پارچەیێن ئەردی یێ ڤەمایی ھەتا جارەکێ چارەسەریەک دھێتە دیتن، ھەکە ئەرد ھەبیت دێ دووڤ خوە جھیێ وان کەسان ھێتە بەلاڤکرن، دێ ل وێ قەزایێ وەرگریت ھەتا نوکە ل سەرانسەری قەزا و ناحیێن دھۆکێ چو ئەردێ وەسا یێ بەرھەڤ نینە د دەستێ باژێرڤانیێ دا بۆ بەلاڤکرنێ، بەلێ ئەم بەرھەڤیان دکەین ئەردی بدەینە زێندانیێن سیاسی و خێزانێن شەھیدان، ھێشتا ئەرد نەھاتیە بەرھەڤکرن بتنێ ئەم یێ بەرھەڤیان دکەین.

دەزگەھێ خانی دێ پەنەلەکێ ل دۆر پەیوەندیێن ھەرێمێ و عیراقێ ئەنجام دەت

08/07/2018 11:17

108

ئەڤرۆ نيوز:

جێگرێ بەرپرسێ دەزگەھێ خانی یێ رەوشەنبیری و راگەھاندنێ ل دھۆکێ بۆ رۆژناما ئەڤرۆ دیار کر، ئەو دێ پەنەلەکێ ڤەکری ل دۆر پەیوەندیێن ھەرێما کوردستانێ ل گەل عیراقێ، ئەڤرۆ 8/7/2018 ل دەمژمێر 6:00 ئێڤاری ل سەنتەرێ رەوشەنبیری یێ زانکۆیا دھۆکێ ب پشکداریا (ئەشواق جاف، ماجد شنگالی و سامی ئەترۆشی) ئەنجام دەن.

خوشناڤ جەمیل، جێگرێ بەرپرسێ دەزگەھێ خانی یێ رەوشەنبیری و راگەھاندنێ ل دھۆکێ خویا کر، د وی پەنەلی دا، ئەشواق جاف ژ بەرکو دو خۆل بوو ئەنجاما جڤاتا نوونەرێن عیراقێ، دێ بەحسی تەوەرێ (سەربۆرا پەیوەندیێن ھەولێر و بەغدایێ) کەت، ماجد شنگالی دێ بەحسی تەوەرێ (دیتنا حوکمەتێن عیراقێ بۆ دەڤەرێن کوردستانی یێن ژ دەرڤەی ئیدارا ھەرێمێ) کەت و ماددێ 140 و ئەو چ ئاریشە د کەڤنە د رێکێ دا و سامی ئەترووشی ژی دێ بەحسی تەوەرێ (پاشەڕۆژا ھەرێما کوردستانێ د ناڤ کاودانێن دەڤەرێ دا) کەت.

ل دۆر ئارمانجا وان ژ ڤی پەنەلێ ڤەکری، خوشناڤ جەمیل گۆت: “مەرەما مە ژ ئەنجامدانا ڤی پەنەلی ئەوە کو رەوشەنبیریا سیاسی یە بۆ خەلکێ مە، دیسا ئەڤ قووناغا نوکە ھەرێم تێدا دبۆریت د ناڤ عیراقێ دا، پشتی ھەلبژارتنان عیراقێ دێ بەڤ کیڤە چیت، ئانکو مە دڤێت تێگەھەکێ رەوشەنبیری سیاسی بۆ خەلکی چێکەین”.

نيشاندان 1...1,000 2,000 1,3661,3671,368 2,360...3,104 زێده‌تر

لاپه‌ر 1,367 ژ 3,104