NO IORG
نووترين نووچه

ئەڤرۆ ،سالار دۆسكی:

سەرۆكا لژنا پەروەرده‌ وفێركرنێ و ئەوقافێ و كارۆبارێن ئایينی ل جڤاتا پارێزگەها دهۆكێ‌ ئاشكراكر كو 57 قوتابيێن 12 ئاماده‌يى ل سنورێ پەروەردا پارێزگەها دهۆكێ‌ قوپیا دئه‌زموونێن خۆلا ئێكێ يێن وه‌زارى دا كريه‌.

جومبه‌د شوكری، سەرۆكا لژنا په‌روه‌ردێ و ئەوقافێ و كارۆبارێن ئايینی ل جڤاتا پارێزگەها دهۆكێ بۆ ئه‌ڤرۆنيوز  گۆت: ل خولا ئێكێ‌ ل سالا خواندنێ‌ 2017-2018  قوپيا بۆ هەموو بابەتان پشكا زانستی ب ڤى شێوه‌ى بوو  هەولێر 18 قوتابیان، سلێمانی دو ، دهۆك 22، گەرمپان و هەلەبچە چنە، سەرجەم دبنە 42 قوتابی، بۆ خواندنا وێژەیی هەمان سال هەولێر 40 قوتابی، سلێمانی 18 و دهۆك 35 قوتابی و گەرمیان و هەلەبچە چنە.

سەرۆكا لژنا پەروەردێ‌ وفێركرنێ ئەو ژی گۆت: ئامارا دەرچوونا قوتابیان یا پەروەردا دهۆكێ‌ هەمان سال پەروەردا رۆژئاڤا ژمارا ئەزمووندەرا – و ژمارا دەروچونێ‌..و رێژه‌يا دەروچوونێ‌ پەروەردا رۆژئاڤا ژمارا ئەزمووندەرا 3281 ژمارا دەرچووانێ‌ 501 رێژە 15% پوینت سێ‌، رۆژهەلات 2950 ژمارا دەرچوویا 358 رێژا دەرچوونێ‌ 12%پوینت ئێك، پەروەردا سێمێلێ‌ 2115 ژمارا دەرچوویا 181 رێژە 8%پوینت شەش، پەروەردا زاخۆ 3994 ژمارا دەروچوویا 343 رێژا 8%پوینت شەش، پەرووەردا ئامێدی 1414 ژمارا دەرچوویا 116 رێژە هەشت پوینت دو، پەروەردە شێخان ژمارا ئەزمووندەرا 878 رێژا دەرچوویا 102 ژمارا دەرچوونێ‌َ 11% پوینت شەش، پەروەردا ئاكرێ‌، ژمارا پشكدارا 1565 رێژا دەرچوویا 338 رێژا دەرچوونێ‌ 21%پوینت شەش، پەروەردا بەردەرش 925 ژمارا دەرچوویا 156 و رێژا دەرچوونێ‌ 16% پوینت 9 و پەروەردا تلكێف ژمارا ئەزموووندەرا 317 ژمارا دەرچوویان 51 رێژا دەرچوونێ‌ 16%پوینت ئێك، پەروەردا شنگال ژمارا ئەزمووندەرا 1173 ژمارا دەرچوویا 149 رێژا دەرچوونێ‌ 12% پوینت حەفت.

جومبه‌دێ‌ دياركر  كو خواندنا دەرەكی، ژمارا ئەزمودەرا 1202 ژمارا دەرچوویا 50 رێژا دەرچوونێ‌ 4% پوینت دو سەرجەمێ‌ گشتی دبیتە 19814 قوتابی، ژمارا دەرچوویان 2345 رێژا 11% پوینت هەشت واتە پەروەردا ئاكرێ‌ رێرا ئێكێ‌ دهێت بۆ پشكا زانستی پولا 12 ل سەر ئاستێ‌ پارێ.گەها دهۆك كو 12% پوینت شەش، رێزا نزمبوونێ‌ پەروەردا ئامێدیێ‌ دهێت 8% پوینت دو ل دووڤ ئامارا ل بەر دەستێ‌ مە كەفتی یە كو ژلایێ‌ وەزارەتا پەروەردێ‌ ڤە بوومە هاتیە هنارتن.

ناڤبری ئەو ژی گۆت: رێنمایێن ئەڤ سالە هەر قوتابیەكێ‌ قوپیاكری ئەڤ سالە و سالا بهێـت ژی دێ‌ ژ خواندنێ‌ هێتـە بێ‌ بەهركرن.

ئەڤرۆ نیۆز، رێوار مزیری:

بەرپرسێ پشکا پەیوەندی و راگەھاندنێ ل رێڤەبەریا بەرەڤانیا باژێرێ ل دھۆکێ بۆ ئەڤرۆ نیۆز دیار کر کو عمبارەکا پاشمايێن چەکێ داعش ئەڤرۆ رۆژا ٣/٧/٢٠١٨ێ ل دەمژمێر ٥:٢٧ ل ئالۆکا ھاتە سۆتن.

رائیدێ مافپەروەر بێوار عەبدولعەزیز، بەرپرسێ پشکا پەیوەندی و راگەھاندنێ ل رێڤەبەریا بەرەڤانیا باژێرێ ل دھۆکێ ئاشکرا کر کو ل دووڤ پێزانینێن دەستپێکی ئەڤ عمبارا چەکی ژئەگەرێ پلێن بلند یێن گەرمێ ھاتیە سۆتن، لێ ئەڤ ئاگرە ژ ئالیێ تیمێن بەرەڤانیا باژێری ڤە ھاتە کۆنترۆلکرن بێ کو چو زیانێن گیانی ل دووڤ خوە بھێلیت گۆت: “ئەڤ عمبارە یا بچووک بوو دو مەتران یا درێژ و دو مەتران یا فرەە بوو و بتنێ ھندەک ژ پاشماوێن چەکێ داعش د ناڤ دا بوون”.

36579060_1680503888739252_662603992236294144_n

36560197_1680503808739260_3597492283898855424_n

ئه‌ڤرۆ نیوز ، زنار تۆڤى:

هه‌ر چه‌نده‌ ئه‌ڤ ساله‌ روودانێن ئاگربه‌ربوونێ و خه‌ندقینێ وه‌كو یێن سالا بورینه‌ و دیسا د ماوێ ئه‌ڤان شه‌ش هه‌یڤێن بوریدا ل سنۆرێ پارێزگه‌ها دهۆكێ 812 روودانێن ئاگربه‌ربوونێ و خه‌ندقینێ و چێبوونا لافاوان رووداینه‌، به‌رپرسێ راگه‌هاندنا به‌رڤانیا باژێرى ل پارێزگه‌ها دهۆكێ ژى دیار دكه‌ت، كو نه‌ه كه‌سان ل دهۆكێ ب روودانێن سوتنێ گیانێ خوه‌ ژ ده‌ستدایه‌ و د ئه‌ڤ ساله‌دا هه‌تا نوكه‌ 19 كه‌س ژى خه‌ندقینه‌.

رائید بێوار عه‌بدولعه‌زیز به‌رپرسێ راگه‌هاندنا به‌ره‌ڤانیا باژێرى ل پارێزگه‌ها دهۆكێ بۆ رۆژناما ئه‌ڤرۆ گوت: د ماوێ شه‌ش هه‌یڤێن بوریدا ل سنۆرێ پارێزگه‌ها دهۆكێ 812 روودانێن جۆدا یێن ئاگربه‌ربوونێ و خه‌ندقینێ و دروستبوونا لافاوان هاتیه‌ تۆماركرن، كو ژ وان 562 روودانێن ئاگربه‌ربوونێ و خه‌ندقینێ رووداینه‌، هه‌روه‌سا 250 روودانێن لافاوان ل وه‌رزێ زڤستانێ ژى رووداینه‌، هه‌روه‌سا كوژمێ زیانێن لافاوێن پارێزگه‌ها دهۆكێ دگه‌هیته‌ 183 ملیۆن و 994 هزار دینارێن عیراقى.

بێوارى زێده‌تر گوت: ژ ئه‌گه‌رێ روودانێن ئاگر به‌ربوونێ ل سنۆرێ پارێزگه‌ها دهۆكێ نه‌ه كه‌سان گیانێ خوه‌ ژ ده‌ستدایه‌ و 65 كه‌سێن دى ژى برینداربووینه‌، هه‌روه‌سا د شه‌ش هه‌یڤێن بورى دا هه‌تا نوكه‌ 19 كه‌سان د رووبار و به‌نداڤان دا خه‌ندقینه‌، دیسا كۆژمێ هه‌موو ڤان هه‌موو زیانێن لافاوان و ئاگربه‌بوونێ و و هه‌رفتنا خانیان دگه‌هیته‌ 2 ملیار و 998 ملیۆن و 450 هزار دینارێن عیراقى.

ئه‌ڤرۆنيوز:

به‌رپرسه‌كێ حه‌شدا شه‌عبى ئه‌ڤرۆ سێشه‌مبى 3/7/2018 ل سه‌ر رێيا سه‌ره‌كى دناڤبه‌را كه‌ركووك – به‌غدا هاته‌ كوشتن.

راگه‌هاندنا ده‌سته‌يا حه‌شدا شه‌عبى دبه‌ياننامه‌كێ دا به‌لاڤكر، ئه‌بو زه‌هرا عه‌بادى، جێگرێ فه‌رماندێ ئوپه‌راسيۆنێن رۆژهه‌لاتا ديجله‌ يا سه‌ر ب حه‌شدا شه‌عبى ڤه‌ درێيا دناڤبه‌را خورماتۆ – كه‌ركووك هاته‌ كوشتن.

ده‌مه‌كه‌ چه‌كدارێن داعشێ ل پارێزگه‌هێن كه‌ركووكێ وديالا وسه‌لاحه‌دين ب تايبه‌تى ل سه‌ر رێيا دناڤبه‌را كه‌ركووك – به‌غدا چالاكيێن خوه‌ زێده‌تر كرينه‌.

ئه‌ڤرۆنيوز:

وه‌زاره‌تا چاندنا عيراقێ، ئه‌ڤرۆ سێشه‌مبى 3/7/2018 راگه‌هاند گوشتى چو په‌يوه‌ندى ب ڤه‌گۆهاستنا نه‌خوه‌شيا تايا خوين به‌ربوونێ ڤه‌ نينه‌ وئاماژه‌ دا كو ڤايرۆسێ وێ نه‌خوه‌شيێ يێ كونترۆلكريه‌.

وه‌زاره‌تا چاندنا عيراقێ دبه‌ياننامه‌كێ دا به‌لاڤكر” چو په‌يوه‌نديا گوشتى ب به‌لاڤبوونا نه‌خوه‌شيا تايا خوين به‌ربوونێ ڤه‌ نينه‌ وگوشت وێ نه‌خوه‌شيێ ڤه‌ناگوهێزيت وتووشبوون ب وێ نه‌خوه‌شيێ ژى ب رێيا خوارنا گوشتى ناهێت”.

دياركر ژى” ئه‌و گوتگوتكێن دهينه‌ به‌لاڤكرن ل دۆر په‌يوه‌نديا گوشتى ب وێ نه‌خوه‌شيێ ڤه‌، چو راستى بۆ نينه‌ وتنێ شێوه‌كێ شه‌رى يه‌ ل بازارێ وپێدڤيه‌ وه‌لاتى گوهێ خوه‌ نه‌ده‌نه‌ ڤان جۆره‌ گوتگوتكان”.

وه‌زاره‌تا ناڤبرى داخواز ژ وه‌لاتيان وده‌زگه‌هێن راگه‌هاندنێ كر كو دهوور بين دڤه‌كۆهاستنا ده‌نگوباسان دا وپێدڤيه‌ ئه‌و ده‌نگوباس ژ ژێده‌رێن باوه‌رپێكرى بهێنه‌ ڤه‌گۆهاستن.

ئه‌ڤرۆنيوز:

رۆژنامه‌كا له‌نده‌نى ئاشكراكر كو 45 په‌رله‌مانتارێن عيراقى يێن چووينه‌ ده‌رڤه‌ى عيراقى بێ زڤرين وئه‌گه‌رێ ڤێ چه‌ندێ ژى ڤه‌گه‌راند بۆ ترسا وان په‌رله‌مانتاران ژ ئاراسته‌كرنا تۆمه‌تێن گه‌نده‌ليێ بۆ وان پشى نه‌مانا پارێزبه‌نديێ ل سه‌ر وان، رۆژنامه‌ڤانه‌كێ عيراقى ل به‌غدا بۆ ئه‌ڤرۆنيوز دياركر كو هنده‌ك ژوان په‌رله‌نتاران ب مليۆنان دۆلار گه‌هشتينێ.

رۆژناما (العربي الجديد) ژزارده‌ڤێ ژێده‌ره‌كێ عيراقى يێ به‌رپرس به‌لاڤكر”هژماره‌كا په‌رله‌مانتاران به‌رى ب دووماهى هاتنا ده‌مێ په‌رله‌مانى ب شێوه‌كێ فه‌رمى، يێن چووينه‌ ده‌رڤه‌ى عيراقێ ژبه‌ر ترسان وان ژ ئاراسته‌كرنا تۆمه‌تێن گه‌نده‌ليێ دژى وان”.

وى ژيده‌رى دياركر كو ل هه‌فتيا بۆرى 45 په‌رله‌مانتار ژ ليستێن جودا جودا تنێ پلێتا چوونێ بۆ خوه‌ برى بێ زڤرين.

دياركر ژى كو دبيت هنده‌ك فه‌رمانێن ده‌سته‌سه‌ركرنێ دژى هنده‌ك ژوان ده‌ربكه‌ڤن.

ژلايێ خوه‌ڤه‌ رۆژنامه‌ڤان محه‌مه‌د جبوورى ژ به‌غدا بۆ (ئه‌ڤرۆنيوز) گۆت” داخۆيانيێن ل دۆر چوونا تنێ 45 په‌رله‌مانتاران بۆ ده‌رڤه‌ى وه‌لاتى دبيت ددروست نه‌بن، به‌لكو زێده‌تر ژ 45 په‌رله‌مانتاران يێن چووينه‌ ده‌رڤه‌ى عيراقێ”.

جبوورى گۆت ژى” ئه‌و په‌رله‌مانتارێن يێن چووينه‌ گه‌له‌ك وه‌لاتان وه‌كو ئيران وتوركيا ومسر وچه‌ندين وه‌لاتێن دى وگه‌له‌ك ژوان هه‌تاكو خێزانێن خوه‌ ژى يێن ل گه‌ل خوه‌ برين”.

خوياكر ژى” هه‌تا نوكه‌ چو بريار ژ دادگه‌هێن عيراقى وحوكمه‌تا عيراقێ ده‌رنه‌كه‌فتينه‌ ل دۆر قه‌ده‌غه‌كرنا گه‌شتكرنێ بۆ ئه‌ندامێن په‌رله‌مانێ عيراقێ كو ده‌مێ وى يێ ته‌شريعى ل 30/6/2018 ب دووماهى هاتيه‌”.

ئاماژه‌ دا ژى” هنده‌ك ژوان په‌رله‌مانتارێن چووينه‌ ده‌رڤه‌ى عيراقێ تێكهه‌لى ل گه‌ل باده‌كێن گه‌نده‌ليێ يا هه‌ى كو ب مليۆنان دۆلار ب ده‌ستڤه‌ئيناينه‌”.

ئه‌ڤرۆنيوز:

ياريكه‌رێ هه‌لبژارتيێ به‌لجيكا ويانا مانشسته‌ر سيتى، كيڤن دى بروين، خوه‌شحاليا خوه‌ دياركر ب سه‌ركه‌فتنا ب زه‌حمه‌ت ل سه‌ر هه‌لبژارتيێ چابۆنێ تۆماركرى ب ئه‌نجامێ 3-2 وده‌ربازبوونا به‌لجيكا بۆ قۆناغا چارێك دووماهيێ.

دى بروين بۆ ده‌زگه‌هێن راگه‌هاندنێ گۆت” گه‌له‌ك خوه‌شحالم ب سه‌ركه‌فتنێ ل سه‌ر چابۆنێ وئه‌ڤه‌يه‌ مونديال كو هه‌موو ياريێن وێ ب زه‌حمه‌تن”.

گۆت ژى” ئه‌م دبه‌رهه‌ڤين بۆ ياريا بهێت ل گه‌ل به‌رازيل دقۆناغا چارێك دووماهيێ دا”.

ئه‌ڤرۆنيوز:

يه‌كه‌يا 70 يا پێشمه‌رگێ كوردستانێ، ئه‌ڤرۆ سێشه‌مبى راگه‌هاند، چار پێشمه‌رگه‌ دروودانا شڤێدى يا سوتنا عومبارێن چه‌كى ل ده‌ڤه‌را تاسلۆجه‌ ل سلێمانيێ يێن بريندار بووين.

فه‌رمانده‌يا يه‌كه‌يا 70 يا پێشمه‌رگێ كوردستانێ دبه‌ياننامه‌كێ دا گۆت” ئاگر به‌ربوو عومباره‌كا چه‌كى يا يه‌كه‌يا 70 ل نێزيك تاسلۆجه‌ وپه‌قينا ته‌قه‌مه‌نيان ژبه‌ر وى ئاگرێ بۆ ده‌مێ سێ ده‌مژمێران ڤه‌كێشا”.

دياركر ژى” روودانا سوتنێ بوو ئه‌گه‌رێ زيانێن مادى وبرينداربوونا چار پێشمه‌رگه‌يان كو برينێن وان دسڤكن”.

ئاماژه‌ دا” ڤه‌كۆلين ل دۆر وێ روودانێ يا به‌رده‌وامه‌ وپشتى ب دووماهى دهێت دێ پێزانينێن پتر به‌لاڤكه‌ين”.

رێڤه‌به‌ريا به‌رگريا شارستانى ل سلێمانيێ دداخۆيانيێن ده‌ستپێكى دا ئه‌گه‌رێن روودانێ بۆ شورته‌كێ كاره‌بێ زڤراند بوو”.

rwnkrdnawa3-7

ئه‌ڤرۆنيوز:

كۆمسيۆنا بلند يا هه‌لبژارتنان ل عيراقێ، راگه‌هاند ئه‌ڤرۆ سێشه‌مبى 3/7/2018 هژمارتنا ده‌نگێن هه‌لبژارتنێن په‌رله‌مانێ عيراقێ ب چاڤدێريا هژماره‌كا دادوه‌رێن عيراقى ده‌ستپێكر.

د پرۆسا هژمارتنا ده‌نگان ب ده‌ست وب بريارا جڤاتا بلند يا دادوه‌ريێ ل عيراقێ، تنێ ئه‌و سندووق دێ هێنه‌ هژمارتن يێن تانه‌ لێ هاتينه‌ دان وگومانا سه‌خته‌كاريێ تێدا ل سه‌ر هه‌ى.

ئه‌ڤرۆنيوز:

وه‌زاره‌تا دارايى وئابوورى راگه‌هاند، ل رۆژا چارشه‌مبى 4/7/2018 دێ ده‌ست ب به‌لاڤكرنا مووچێن فه‌رمانبه‌ران يێ هه‌يڤا نيسانا 2018 هێته‌ كرن ب ڤى شێوێ ل خوارێ دياركرى:

چارشه‌مب 4/7/2018  ديوان وليوايێن وه‌زاره‌تا پێشمه‌رگه‌ى

پێنجشه‌مب 5/7/2018 يه‌كه‌يێن 70 و80 يێن پێشمه‌رگه‌ى

ئێكشه‌مب 8/7/2018 زێره‌ڤانى وهێزا ئاماده‌

دوشه‌مب 9/7/2018 وه‌زاره‌تا ساخله‌ميێ، وه‌زاره‌تا دارايى وئابوورى

سێشه‌مب 10/7/2018 جڤاتا ئاسايشێ

چارشه‌مب 11/7/2018 ده‌زگه‌هێ ئاسايشێ

پێنجشه‌مب 12/7/2018 وه‌زاره‌تێن شه‌هيدان وئه‌نفالكريان، كاره‌با، داد، وكه‌سوكارێن شه‌هيدان وئه‌نفالكريان وزيندانيێن سياسى وجڤاتا دادوه‌رى.

ئێكشه‌مب 15/7/2018 وه‌زاره‌تێن، باژێرڤانى، ڤه‌گوهاستن وگه‌هاندن، پلاندانان، سامانێن سروشتى، چاڤدێريا دارايى، ده‌سته‌يا مافێن مرۆڤى، ده‌سته‌يا ده‌ڤه‌رێن ده‌رڤه‌ى ئيدارا هه‌رێمێ، ده‌سته‌يا ژينگه‌هێ، ده‌سته‌يا وه‌به‌رهێنانێ، ده‌سته‌يا ده‌ستپاكيێ، كۆمسيۆنا بلند يا هه‌لبژارتن وراپرسى، ده‌زگه‌هێ مين.

دوشه‌مب 16/7/2018 وه‌زاره‌تێن ئه‌وقاف، چاندن، پيشه‌سازى وبازرگانى، ره‌وشه‌نبيرى، ئاڤه‌دانكرن.

website security
WP Facebook Auto Publish Powered By : XYZScripts.com