پشتی كومبونا لیژنا موه‌لیدا ل روژا 26-7-2018هاتیه ئه‌نجامدان وبهایێ ئێك ئه‌مپێرێ كاره‌با موه‌لیدا ب (16،500) دینار هاتیه ده‌ست نیشانكرن ڤێ چه‌ندێ نه‌رحه‌تی ودلگرانی ل جه‌م وه‌لاتییان په‌یداكر هه‌روه‌سا دام وده‌زگه‌هێن حكومه‌تا هه‌رێمێ تایبه‌تی كارگێریا پارێزگه‌هێ وئه‌نجومه‌نێ پارێزگه‌هێ ورێڤه‌به‌ریا گشتی یا كاره‌بێ گله وگازندێن هاولاتیان گه‌هاندنه ئه‌نجومه‌نێ وه‌زیران بو چاره‌سه‌ركرنا ئاریشێ وب خوشحالیڤه ئه‌ڤرو رێكه‌فتی 30-7-2018ئه‌نجومه‌نێ وه‌زیران بریاردا كو هاریكاریا هاولاتیان بكه‌ن و ژپێش هاولاتیانڤه كوژمه‌كێ پاره‌ی بده‌نه خودانێن موه‌لیدا .
وژبو بجه ئینانا بریارا ئه‌نجومه‌نێ وه‌زیران ئه‌ڤرو ئێڤاری 30-7-2018ل دیوانا پارێزگه‌هێ به‌رێز به‌هزاد علی ئاده‌م پارێزگه‌رێ دهوكێ ب وه‌كاله‌ت سه‌رپه‌رشتیا كومبونه‌كا تایبه‌ت دگه‌ل لیژنا موه‌لیدا وچه‌ند نوینه‌رێن خودانێن موه‌لیدا ورێڤه‌به‌رێ گشتی یێ كاره‌بێ كر.
دكومبونێدا به‌حسێ بریارا ئه‌نجومه‌نێ وه‌زیران بو ته‌رخانكرنا كوژمێ (3000) دینارا بو هه‌ر ئه‌مپێره‌كێ كاره‌با موه‌لیدا ژپێش هاولاتیانڤه ل هه‌یڤا حه‌فت وزێده‌كرنا به‌هرا پارێزگه‌ها دهوكێ ژكاره‌با نیشتمانی ب رێژا(70)میگاواتاهاته كرن.
هه‌ر دكومبونێدا بریار هاته دان كو خودانێن موه‌لیدا ژی (500) دینارا بو هه‌ر ئه‌مپێره‌كێ كاره‌با موه‌لیدا ژهاولاتیان وه‌رنه‌گرن وبڤێ چه‌ندێ بهایێ ئه‌مپێرێ كاره‌بێ دێ ل سه‌ر هاولاتیان وه‌كو هه‌یڤێن دن بیته (13،000) سێ زده هزار دینار.
هه‌ژی گوتنێ یه ل هه‌یڤا حه‌فت كاره‌با نیشتمانی دماوێ 24ده‌م ژمێراندا بتنێ 11ده‌م ژمێرا هاتبو دابینكرن وموه‌لیدا 13ده‌م ژمێرێن ماین دابینكربون وژبه‌ر ڤێ چه‌ندێ بهایێ هه‌ر ئه‌مپێره‌كی بلندبو وگه‌هشتبو (16،500) دینارا.
ل دویڤ پێزانینا موه‌لیدێن پارێزگه‌ها دهوكێ (1،500،000) ئه‌مپێرێن كاره‌بێ بو خه‌لكێ پارێزگه‌هێ دابیندكه‌ن ولدویڤ وان ئه‌مپێرا حكومه‌تا هه‌رێمێ دێ(4) ملیار و500ملیون دینارا هاریكاریا وه‌لاتیان كه‌ت هه‌روه‌سا خودانێن موه‌لیدا ژی بكوژمێ(750) ملیون دینارا دێ هاریكاریا هاولاتیان كه‌ن.
بهایێ ئه‌مپێرێ كاره‌با موه‌لیدان هاته كێمكرن
نيشاندان