ئه‌ڤرۆنيوز:
رێژا به‌لاڤبوونا ڤایرۆسێ HIV دبلندبوونێ دايه ب تايبه‌ت ل ولاتێن جيهانا سيێ كو ڤێ چه‌ندێ ژى كێشه‌يێن مه‌زن بۆ خه‌لكێ وان وه‌لاتان دروستكرينه وبوويه كێشه‌كا جڤاكى.
ل دووڤ ئاماران رێژا به‌لاڤبوونا ئايدزێ ل ئيرانێ كو وه‌لاته‌كێ ئيسلامى يه دبلندبوونه‌كا مه‌زن دايه وخه‌لكه‌كێ زۆر ژ هه‌ردو ره‌گه‌زان (نێر ومێ) يێن تووشبووين وهه‌لگرى وى ڤايرۆسى نه.
هنده‌ك راپۆرتێن به‌لاڤكرى ئاماژێ دده‌ن كو رێژا كه‌سانێن تووشبووى ب نه‌خوه‌شيا ئايدزێ ل پارێزگه‌ها به‌لوجستان ل ئيرانێ دو هزار و239 حاله‌ت بوون كو تنێ نێزيكى هزار كه‌سان وه‌كو نه‌خوه‌ش هاتينه هژمارتن.
محه‌مه‌د هاشمى شه‌هرى، سه‌رۆكێ زانكۆيا زاهيدان بۆ زانستين نوشدارى، دروونشتنه‌كا ئێمناهيا خوارنێ يا وێ پارێزگه‌هێ دياركر كو 66 هزار و359 كه‌سان ل ئيرانێ نه‌خوه‌شيا ئايدزێ يا هه‌ى.
ناڤبرى به‌حسێ وێ چه‌ندێ ژى كر كو 52% ژوان نه‌خوه‌شان ژيێ وان دناڤبه‌را 21 هه‌تا 35 ساليێ دايه، ئه‌و ئامار ژى وێ چه‌ندێ دياردكه‌ن كو ته‌خا لاوان وكاركه‌ر يا ئيرانێ پتر تووشى وێ نه‌خوه‌شيا مه‌ترسيدار بووينه.
هاشمى شه‌هرى گۆت ژى كو پتريا حاله‌تێن ئايدزێ ب رێيا په‌يوه‌نديێن سيكسى په‌يدابووينه.
نيشاندان