ئه‌ڤرۆنيوز:
ژێده‌ره‌كێ ژ رێڤه‌به‌ريا ساخله‌ميا نه‌ينه‌وا راگه‌هاند، سێ كه‌س يێن تووشى نه‌خوه‌شيا تايا خوين به‌ربوونێ بووين وئێك ژوان گيانێ خوه ژده‌ست دايه.
وى ژێده‌رى بۆ ئاژانسا (عين العراق نيوز) گۆت” سێ وه‌لاتى ژ لايێ راستێ يێ موسلێ هاتبوونه ڤه‌گوهاستن بۆ نه‌خوه‌شخانان ژبه‌ر تووشبوونا وان ب نه‌خوه‌شيا تايا خوين به‌ربوونێ وئێك ژوان ب ناڤێ (عومه‌ر فه‌تحى عاشوور) ژتاخێ ئيسلاح زراعى كو ل جهه‌كێ گوشت فروشيێ كاردكر وه‌غه‌ركر وره‌وشا هه‌ردو كه‌سێن دى ژى يا باش نينه.
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ چارشه‌مبى 4/7/2018 پێشوازى ل كۆرت گيۆرك شتلفريد كونسۆلێ ئه‌لمانيا ل هه‌رێما كوردستانێ كر كو ب هه‌لكه‌فتا ب دووماهى هاتنا كارى خوه سه‌ره‌دانا سه‌رۆك وه‌زيران كربوو.
دديداره‌كێ دا كونسۆلێ ئه‌لمانيا ئاماژه كر كو په‌يوه‌نديێن هه‌رێمێ وئه‌لمانيا دئاسته‌كێ گه‌له‌ك باش دانه وهيڤيا زيده‌تر پێشڤه‌برنا وان په‌يوه‌نديان دهه‌موو بواران دا كر.
نێچيرڤان بارزانى، سوپاسيا كونسۆلێ ئه‌لمانى كر كو دده‌مێ كاركرنا وى دا په‌يوه‌نديێن هه‌ريمێ وئه‌لمانيا پتر به‌ر ب باش چووينه وهيڤيا پتر پێشڤه‌چوونا وان په‌يوه‌نديان خواست.
سه‌رۆك وه‌زيرێن هه‌رێما كوردستانێ سوپاسيا حوكمه‌تا ئه‌لمانيا كر كو ل ده‌مێن سه‌خت دا هاريكاريا هه‌رێمێ كر، هه‌روه‌سا سوپاسيا رێكخراوێن ئه‌لمانى ژى كر ب تايبه‌تى رێكخراوا
GIZ بۆ هاريكاريا وێ بۆ ئاواران وپرۆژێن په‌ره‌پێدانێ ل هه‌رێما كوردستانێ.
نێچيرڤان بارزانى، هيڤى خواست كابينا نوو يا حوكمه‌تا عيراقێ ب زووترين ده‌م دا بهێته پێكئينان تاكو ده‌ست ب خزموتكرنا خه‌لكى وچاره‌كرنا كێشان بكه‌ت.
ئه‌ڤرۆنيوز:
ئه‌ڤرۆ چارشه‌مبى 4-7-2018 فه‌رهاد ئه‌مین پارێزگه‌رێ دهۆكێ پێشوازیا (ئه‌بو مه‌قسود محه‌مه‌د فه‌رهاد )بالیۆزێ وه‌لاتێ به‌نگه‌لادش ل عيراقێ وشاندێ دگه‌لدا كر.
دهه‌ڤدیتنه‌كێ دا به‌حسێ په‌یوه‌ندیێن هه‌رێما كوردستانێ و وه‌لاتێ به‌نگلادش دوارێ بازرگانی وكچاندنێ دا وچاوانیا پێش ئێخستنا وان په‌یوه‌ندیان هاته كرن.
هه‌روه‌سا به‌حسێ ره‌وشا كرێكارێن به‌نگلادشی ل سنورێ پارێزگه‌ها دهۆكێ و خزمه‌تا ئه‌و پێشكێش دكه‌ن ب گشتی هاته كرن.
بالیۆزێ به‌نگلادش دیاركر كو ره‌وشا كریكارێن به‌نگلادشی ل پارێزگه‌ها دهۆكێ گه‌له‌ك یا باشه وژهه‌موو جهێن دی ل عیراقێ باشتر وكێم ئاریشه تره، هه‌روه‌سا به‌رهه‌ڤيا وه‌لاتێ خوه دياركر كو دوارێ چاندنێ دا هاریكاریا پارێزگه‌ها دهۆكێ بكه‌ت بۆ پێشئێخستنا كه‌رتێ چاندنێ ل پارێزگه‌ها دهۆكێ.
ئه‌ڤرۆ نيوز، فاتما مزوورى:
ئاژانسا نووچه‌یێن ئه‌عماق كو زمان حالێ رێكخستنا تيرۆریستی یا داعشه پشتراست كر كو د هێریشا دوهی یا داعش بۆ سه‌ر ده‌ڤه‌رێن ده‌وروبه‌رێ پارێزگه‌ها حومس كورێ ئه‌بو به‌كر به‌غدادی هاتیه كوشتن.
به‌ری نها ژی چه‌ندین جاران نووچه‌یێن كوشتنا ئه‌بو به‌كر به‌غدادی به‌لاڤ ببوو، به‌لێ هه‌تا نها د ژیانێ دا مایه و ل ده‌ڤه‌رێن بیابانا سه‌ر سنورێن ناڤبه‌را عيراق و سوریا دژیت.
جهێ ئاماژێ یه واشنتۆن به‌ری چه‌ند مه‌هان به‌لاڤ كر كو دێ خه‌لاته‌كی ب بهايێ 25 ملیۆن دۆلاران ده‌ته هه‌ر كه‌سه‌كی كو پێزانين ل سه‌ر جهێ ئه‌بو به‌كر به‌غدادی هه‌بن.
ئەڤرۆ نیوز، نەوزاد ھلۆری:
دارا دازا کو ب گرنگترین و پیروزترین دار ل دەڤەرا بارزان دھێتە ھژمارتن ژبەر چەند سەدەمەکێن جوداجودا ھشک بوو و ماموستا و کەساتیەکێ دەڤەرێ ژی سەدەمێن ھشکبوونا وێ دیاردکەت.
فەتاح محەمەد ماموستایێ زانکویێ و کەساتیەکێ کومەلگەھا وەلاتژێری ل دەڤەرا بارزان بو ئەڤرۆ نیوز گۆت: (دارا دازا ئێکە ژ دارێن ھەری گرنگ و پیروز ل دەڤەرا بارزان و نێزیکێ سەد سالایە ھەیی و خەلکەکێ زور ل دەڤەرێن جوداجودایێن کوردستانێ سەرەدان بو دکر ، و دەمێن خوە لێ دبوراندن ب تایبەتی د وەرزێ بوھار و نەوروزێ دا).
زێدەتر گۆت: (دارا دازا ل سالێن چلاندا وەکو چەپەرەکێ گرنگ بوویە و بویە ئێک ژ بنگەھێن شورەشێ بەرامبەر رژێما بەعس و نھا ئەڤ دارە بویە ھێمایەکێ گرنگ ل دەڤەرێ و گەەلک دەڤەر ب وی َناڤێ ھاتینە بناڤکرن، دازا ئانکو کەسانێن شارەزکو خەلکێ وان دزانابوون د چێکرنا کارێن دەستی، و ھەند ژی دبێژن ئەڤ ناڤە ژ ھندێ ھاتیە کو ل خوار دارا دازا ئاڤ ھەبویە ژبەر ھندێ دبێژن دارا دازا).
ناڤبری ل بارا ئەگەرێن ھشکبوونا وێ ژی گۆت: (جاددا سەرەکی یا دەڤەرێ ل بن دارێ را بریە و بویە سەدەم کو رەھێن وێ دەرکەڤن و دیسان ژی تورا کارەبا دەڤەرێ ژی دنیڤا دارێ داد بوری و کارتێکرن لسەر دارێ کریە و دیسان ژلایێ چەندین کەسان ڤە چەندین گولەیێن کلانشینکوفان ل دارێ داینە کو کارتێکرن لسەر ھشکبوونا وێ کریە ، ھەر چەند وەلاتیەکێ بەری نھا دیوارەک و سیمە بو پاراستنا وێ بکارئینایە بەلێ ژبەرکو پێشتر چەند کارتێکرن لسەر ھەبوون بویە سەدەم کو ھشک بیت و ھشکبوونا وێ بەشەک ژ جوانیا ژینگەھا دەڤەرا بارزان تێکدایە).
ئه‌ڤرۆ نيوز، فاتما مزوورى:
ئاژانسا نووچه‌یێن ئه‌لعه‌ره‌بیه ل سه‌ر زارێ به‌رده‌ڤكا حوكمه‌تا ئوردن جومانه غه‌نیمات به‌لاڤ كریه كو حوكمه‌تا وه‌لاتێ وێ ب نیازه سێ ده‌رگه‌هێن سنوری د ناڤبه‌را ئوردن و سوریا دا ڤه‌كه‌ت دا كو د وان رێیان دا هاريكاریێن مرۆڤی بگه‌هنه په‌نابه‌رێن سوریا.
گۆتژى: “د نها دا 36 بارهلگه‌رێن ئوردن كو هاريكاریێن مرۆڤی هه‌لگرتينه و د ڤان نیزیكان دا دێ به‌ر ب سنورێ سوریا چن”.
ژ لايێ خوه ڤه عه‌مید عوده ئه‌لشدیفات رێڤه‌به‌رێ پێشه‌یی د ناڤ سوپایێ ئوردن دا راگه‌هاند كو ئوردن يا به‌ردوامه ل سه‌ر داخستنا سنورێن خوه ب روويێ په‌نابه‌رێن سوریا دا و ئه‌ڤ یه‌ك ژی د به‌رژه‌وه‌ندیا ئه‌منی یا وه‌لاتی وی دایه دا كو تيرۆرست ل گه‌ل په‌نابه‌ران ده‌ربازى ناڤ ئاخا وه‌لاتێ وان نه‌بن.
ئه‌ڤرۆنيوز:
ئه‌ڤرو چارشه‌مبى 4-7-2018 به‌هزاد عه‌لی ئاده‌م جێگرێ پارێزگه‌رێ دهۆكێ سه‌رپه‌رشتیا كۆمبوونه‌كا تایبه‌ت ل گه‌ل به‌رپرسێ رێكخراوا SKLیا سویدی ورێڤه‌به‌رێن گشتی یێن په‌روه‌ردێ وچاڤدێریا جڤاكی وسه‌رپه‌رشتێن هوبێن هه‌ردو رێڤه‌به‌ریا ئه‌نجامدا.
دكۆمبونێ دا به‌حسێ كار وچالاكیێن رێكخراوا SKLیا سویدی ئه‌وێن ل سالێن ده‌ربازبوی ل پارێزگه‌هێ ئه‌نجامداین، هه‌روه‌سا به‌حسێ پرۆژێن نوو یێن رێكخراوێ بۆ سالێن بهێت دبوارێ په‌روه‌رده وچاڤدێریا جڤاكی دا هاته كرن.
به‌رپرسێ رێكخراوا SKLیا سویدی ئاشكر كو وان پرۆژه‌كێ تایبه‌ت يێ هه‌ی بۆ پێشئێخستنا كه‌رتێ په‌روه‌ردا پارێزگه‌ها دهۆكێ وچاڤدێریا جڤاكی وئه‌ڤ به‌رنامه بۆ سێ سال ونیڤان دێ به‌رده‌وام كه‌ت وداخوازكر كو هه‌موو لایه‌ن پێشنیار وبوچوونێن خوه وه‌كو راپۆرت ئاماده بكه‌ن كا چاوان ئه‌ڤ هه‌ردو كه‌رته بهێنه پێشئێخستن.
جێگرێ پارێزگه‌رێ دهۆكێ سوپاسیا رێكخراوا SKLیا سویدی كر ل دۆر ئه‌و پرۆژێن ل سالێن ده‌ربازبووی پێشكێشكی كه‌رتێ په‌روه‌ردێ وچاڤدێریا جڤاكی كرین وداخواز ژرێڤه‌به‌ر وبه‌رپرسێن هه‌ردو رێڤه‌به‌ریێن گشتى كر كو ب زووترین ده‌م وركشوپه‌كا كاری ئه‌نجامده‌ن وپێشنیار وبوچونێن خوه وه‌كو راپۆرت به‌رهه‌ڤكه‌ن وبۆ رێكخراوا ناڤبری بلندكه‌ن بۆ وێ یه‌كێ پرۆژێ وێ رێكخراوێ باشتر بهێته بجهئینان وهه‌ردو رێڤه‌به‌ريێن گشتى پتر مفای ژێ وه‌رگرن وپشته‌ڤانیا پارێزگه‌هێ نیشان دا بۆ هه‌ر هه‌ڤكاریه‌كێ .
پاش گه‌نگه‌شه ل سه‌ر پرۆژه‌ی هاتنه كرن وپێشنیار وبوچوون هاتنه ئالوگوركرن.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ئه‌وان ئه‌ڤرۆ ژى د كۆمبوونێ دا گه‌له‌ك بزاڤ كرن كو ناڤێ وه‌زاره‌تا په‌روه‌ردێ بكه‌ته د ليستا ئێكێ يا مووچه‌ى دا، به‌لێ نه‌شيا و ژ به‌ر ڤێ چه‌ندێ ژى بڕيار هاته دان بۆ هه‌يڤا بهێت وه‌زاره‌تا په‌وره‌ردێ ل پشت وه‌زاره‌تا پێشمه‌رگه‌رى مووچه‌ى وه‌ربگريت.
وه‌زاره‌تا دارايى و ئابوورى ل حوكمه‌تا هه‌رێما كوردستانێ د روونكرنه‌كێ دا كو دانه‌ك بۆ ئه‌ڤرۆ نيوز ره‌وانه كريه ئاشكه‌را كريه كو ئه‌ڤرۆ رۆژا چارشه‌مبى رێكه‌فتى 4ى تيرمه‌ها 2018ێ ژى د كۆمبوونا 48ێ يا جڤاتا وه‌زيران دا، وه‌زيرێ دارايى و ئابوورى به‌حس ل دلته‌نگيا مامۆستايان كر ل سه‌ر رێزبه‌نديا مووچه‌ى، سه‌رۆك وه‌زيرێن هه‌رێما كوردستانێ ته‌كست ل سه‌ر وێ چه‌ندێ كر كو ئه‌و د پابه‌ندن ب دانا مووچه‌ى هه‌ر 30 رۆژان جاره‌كێ و ب گۆره‌ى سيسته‌مێ نوو يێ مووچه‌ى.
ئاشكه‌را ژى كر كو سه‌ره‌راى بزاڤێن زێده يێن وه‌زاره‌تا دارايى و ئابوورى بۆ وێ چه‌ندێ په‌روه‌رده د ليستا ئێكێ يا مووچه‌ى دا بيت، به‌لێ نه‌شيان، دا زانين ژى كو بۆ به‌لاڤكرنا مووچێ بهێت ل سه‌ر بنه‌مايێ بجهئينانا بڕيارا په‌رله‌مانێ كوردستانێ و حوكمه‌تا هه‌رێمێ كو وه‌زاره‌تا پێشمه‌رگه‌ى دێ ل پێشيێ بيت د وه‌رگرتنا مووچه‌ى دا، وه‌زاره‌تا په‌روه‌ردێ ژى دێ وه‌زاره‌تا دويێ بيت ل وه‌رگرتنا مووچه‌ى.
ئه‌ڤرۆ نيوز:
ب سەروکاتیا جەھوەرعەلی قائیمقامێ قەزا دھوکێ ئەڤرۆ 2018.7.4 لیژنا دووڤچوونا بازاری سەرەدانا ھژمارەکا خوارنگەھ و کافی و گوشتفرۆش و شریناھیان ل سەنتەرێ باژێرێ دھۆکێ کرن.
دڤێ سەرەدانا مەیدانی دا ب پشکداریا ھژمارەکا رێڤەبەريیان، قائیمقامێ قەزا دھۆکێ ژ نێزیک ل سەر رەوشا ڤان جھان ئاگەھداربوو، نەخاسمە لێنانگەھێن ڤان خوارنگەھ وکافی یان دوپاتی ل سەر پاقژیا وان ژبۆ پاراستنا گیانێ وەلاتیان ژ نەخوشیان کر.
پشتی گەریانێ لیژنا ناڤبری بڕیار دا گوشت فرۆشیا داسنیا بھێتە دائێخستن بۆ ماوێ سێ رۆژان ژ بەر پێگرينه‌كرنا وان ب رێنماێن لیژنێ و دیسان گەسا ئەبۆ نەشوان ب گوژمەکێ پارەی ھاتە سزادان ژ بەر نە پێگریان وان ب رێنمایان و ھوشداریا کومپانیا ئەرتووش کر کو نا بیت سندوقێن فێقی یێن ل بەر دەرگەھێن مالان دھێنە راکرن بھێنە فرۆتن بۆ جوتیاران و ھەروەسان ھوشداری ھاتە دان ب زویترین دەم دەستیریا ساخلەمیێ ژ لایێ کافی یا لونەر ڤە بھێتە درستکرن.
ئەڤرۆ نیوز ، زنار تۆڤی:
پشتی کۆمبوونا وەزیرێن حوکمەتا هەرێمێ ئەڤرۆ چارشەمبی د پرێس کۆنفرانسەکێ ل هەولێرا پایتەخت نێچیرڤان بارزانێ سەرۆکێ حوکمەتا هەرێما کوردستانێ راگەهاند، کو هه‌ر 30 رۆژان جاره‌كێ دێ مووچێ فەرمانبەرێن هەرێمێ هێته دان و گوت ژی ئه‌و هایدارى هه‌موو دلگرانیێن خه‌لكێ یه و ئاشكرا كر ژی، کو چو وه‌زاره‌ت ب مه‌ره‌م نه‌هاتینه پاشخستن.
دیسا گوت ژی، پەیوەندیێن مە ل گەل تورکیا د ڤۆناغەکا باشدایە و ل دەمەکێ نێزیک دا دێ سەرەدانا تورکیا کەت.
نيشاندان