ئەڤرۆنیۆز، سالار دۆسكی:

رێڤەبەرێ‌ ڤەكۆهاستنێ‌ ل پارێزگەها دهۆكێ‌ دياركر كو ب مەرەما خوه‌شكرنا بزاڤا هاتنوچوونێ‌ دناڤبەرا هەردو پارێزگەهێن دهۆكێ و نەینەوا دا 30 ترۆمبێلێن تەكسی ل هێلا دهۆك بۆ موسل زێدەكرینە.

خوشه‌بی ئوسمان محەمەد سەلیم، رێڤەبەرێ‌ ڤەگۆهاستنێ‌ ل پارێزگەها دهۆكێ بۆ  ئەڤرۆنيوز گۆت:  رێڤەبەریا مە رابوویە ب زێدەكرنا هێلێن ترومبێلێن تەكسی ل رێيا مووسلێ بۆ دهۆك كو 32 ترومبێل بووینە و مە 40 ترۆمبێلێن دی ژی زێدەكرن ب رێيا تیروپشكێ‌، مە دڤێت رێيا مووسل یا ب هاتنوچوون بیت دناڤبەرا خەلكێ‌ هەردو پارێزگەهان دا، هاتنوچوونا تەكسیان ل دووڤ پێدڤیا وەلاتیانە و ل دەستپێكا ڤەكرنا رێيا مووسل مە 32 تەكسی هەبوون هاتنوچوون دكرن و هندەك تەكسیان رۆژانە دو هەتا سێ‌ جار هاتنوچوون دكر، زووربوونا تەكسیان كارتێكرنێ‌ ل سەر هەموو هێلێن ڤەگۆهاستنێ‌ دكەت.

هێشتا گۆت: مەداخواز دكر ترۆمبێلێن كوستەر ژی بهێنەكاری، لێ‌ خەلكێ‌ مە پتر حەزا ل سواربوونا تەكسیان هەی.

هێشتا گۆت: هێلێن ناڤخوە بۆ هەموو قەزایێن ، ئامێدی، ئاكرێ‌، زاخۆ  ل دووڤ پێدڤیان بۆ هەر هێلەكێ‌ مە چەند ترومبیلێن دی زێدەكرینە، لێ‌ هێلێن نوو مە نە ڤەكرینە، هەتا 35 هێلێن تەكسیان يێن دناڤ باژێری دا هه‌ين و خەلك هێلا بۆ خوە ڤەدكەت ل رێڤەبەریا مە چ هێل ناهێنە ڤەكرن و ئەڤە ل دووڤ پێدڤیا وەلاتیانە ونوكو 16 هێل ل ده‌رڤه‌ يێن هه‌ين.

خوشه‌بی ئەو ژی رۆهنكر كو هەر هێلەكا بهێتەڤەكرن چەندین رێنما بۆ هەنە و دڤێت جێبەجێ بكەت، بۆ هێلێن ژ دەرڤەی باژێری رێنما ژ وەزارەتا ڤەگۆهاستنێ‌ دهێنەدان هەر كەسەكێ‌ هێلەك بۆ دەرڤەكیت سێ‌ ملیون دينار ژێ‌ دهێنە وەرگرتن بۆ تەكسيێ و بۆ ترومبێلا رەف دو ملیون و 600 هزار دينار هەتا شەش ملیۆن دیناران و ئەڤە ل دووڤ كورسیكێن رەفی یە.

گۆتژی: بۆ ڤەگۆهاستنا وەلاتیان ل ناڤ باژێری، مە حەفت هێل يێن هەين، 20 هێل بۆ ڤەگۆهاستنا خەلكی بۆ دەڤەری باژێری، تەكسییێن ناڤخوە  ل مولا و نەخوه‌شخانا ژی يێن هه‌ين.

ئەڤرۆنیۆز، سالار دۆسكی:

رێڤەبەرێ‌ پەیوەندی و راگەهاندنێ‌ ل رێڤەبەریا گشتی یا پەروەردێ‌ ل پارێزگەها دهۆكێ ئامارێن خواندنا ب لەز و نەخوێندەواریێ‌ ئاشكراكرن و دیاركر كو هژمارا قوتابیان و بنگەهێن خواندنێ‌ سال بۆ سالێ‌ ل پارێزگەها دهۆكێ‌ بەر ب كێمبوونێ‌ ڤە دچیت.

ئەحمەد عەبدوللا زبێر، رێڤەبەرێ‌ پەیوەندی و راگەهاندنێ‌ ل رێڤەبەریا گشتی یا پەروەردێ‌ ل پارێزگەها دهۆكێ بۆ ئەڤرۆ نیۆز گۆت: ل دووڤ ئامارێن رێڤەبەریا گشتی یا پەروەردێ‌ بۆ سالا خواندنێ‌ 2016-2017 یا خواندنا بلەز 15 قوتابخانە هاتبوونە ڤەكرن 1078 كور و 331 كچ بووینە، سەرجەم 1049 قوتابی بووینە، سالا خواندنێ‌ 2017 -2018 ل سنورێ‌ پەروەردا گشتی ل پارێزگەها 10 قوتابخانە بووینە  و 573 كور بووینە، 178 كچ بووینە، سەرجەم 751 قوتابی بووینە و ئەڤە وێ‌ چەندێ‌ دیاردكەت كو خواندنا ب لەز بەر ب كێمبوونێ‌ ڤە دچیت.

ل دۆر ئامارێن نەهێلانا نەخواندەواریێ‌ گۆت” سالا خواندنێ‌ 2016 – 2017 كو 28 بنگەه وەك قوتابخانە هەبووینە و 251 فێرخوازێن كور و 201 فێرخوازێن كچ بووینە و سەرجەم 452 فێرخواز بووینە، سالا خواندنێ‌ 2017 – 2018 ل پارێزگەها دهۆكێ 12 بنگەه وەك قوتابخانە هەبووینە 164 فێرخواز كور بووینە و 54 فێرخواز كچ بووینە و كویێ‌ گشتی 218 بووینە، ئەڤە ژی وێ‌ چەندێ‌ ئاشكرادكەت كو نە خوێندەواری ل پارێزگەهێ‌ گەلەك كێم بوویە”.

رێنمایێن نەهێلانا نەخوێندەواریێ‌ ژی ئاشكراكرن كو قوتابی دهێتە وەرگرتن دناڤبەرا ژیێ‌ نەه سالی هەتا 45 سالی  و سێ‌ ئاستا قوتابی دخوینن، خواندنا بلەز پێنچ ئاستان بخوە ڤەدگریت و كور دناڤبەرا نەه سالی هەتا 20 سالی و كچ دناڤبەرا 9  سالی هەتا 24 سالی.

ئەڤرۆ نیوز، نەوزاد ھلۆری:

رێڤەبەریا ھاتنوچۆنا دەڤەرا سوران د کونفرانسەکێ رۆژنامەڤانی دا ئامارا روودانێن شەش ھەیڤێن بوری یێن دەڤەرا سوران (سوران، رەواندوز، چومان و مێرگەسوور) راگەیاند، ب گورەی ئامارا وان ھەتا نھا 50 کەسان گیانێ خوە ژ دەستدایە.

د ئامارا رێڤەبەریا ھاتنوچۆنا دەڤەرا سوران دا ھاتیە کو ئەڤ سالە ل رێکەفتی 1/1/2018 ھەتا ئەڤرۆ 13 روودانێن ھاتنوچۆنێ یێن خویناوی رووداینە و د ئەنجام دا 70 کەس برینداربووینە و 50 کەسان ژی گیانێ خوە ژ دەستدایە ، و 622 مولەتێن گشتی ب شوفێران ھاتینەدان کو ژ وانان حەفت مولەت بو ژنان بوون،و دیسان 680 مولەتێن تایبەت ژی ب شوفێران ھاتینەدان کو ژ وانان 138 ژن بوون ، و 45 مولەتێن نیڤەدەلەتی ژی بو شوفێران ھاتینەدان ، و ھەموو ئەو مولەتێن بو شوفێران ھاتینەدان دبینە ھزار و 318 مولەتێن گشتی و تایبەت و نیڤدەولەتی).

رێڤەبەریا ھاتنۆچۆنا سوران د درێژاھیا ئامارخوە دا دایە دیارکرن کو ھزار و 434 مولەتێن گشتی و 558 مولەتێن تایبەت ژلایێ ناڤە ھاتینە نوکرن و گۆت ژی: (24 مولەت گشتی و 40 مولەتێن تایبەت ھاتینە بەرزەکرن، 16 مولەتێن گشتی و 56 مولەتێن تایبەت ژی تێکچوینە، و دیسان 16 خولێن خواندنێ و چوار خولێن نەخواندەواریێ بو وەلاتی و شوفێران ھاتینە ڤەکرن تایبەت ل سەر ھاتنووچۆنێ و 779 کەسێن خواندەوار و 601 کەسێن نەخوێندەوار پشکداری دوان خولان دا کریە).

ب گورەی ئامارا رێڤەبەریا ناڤبری 754 سەرپێچی ھاتینە تومارکرن، ب کوژمێ 26 ھزار و 969 ب رێیا کامیرێ و ب 247 ھزار ب رێیا ئێس ئێم ئێس ترومبێل ھاتینە سزادان).