ئه‌ڤرۆ نيوز، فاتما مزوورى:

حوكمه‌تا هۆله‌ندا راگه‌هاند كو دێ 400 مليۆن يوريۆيان وه‌كو هاريكارى پێشكێشى وان وه‌لاتان كه‌ت يێن په‌نابه‌رێن سورى حه‌واندين.

هاريكاريێن وه‌لاتێ هۆله‌ندا هه‌ر ئێك ژ وه‌لاتێن ئوردن، لوبنان و توركيا ب خوه‌ ڤه‌ دگريت و دێ ژ 2019ێ هه‌تا 2022ێ ڤى پاره‌ى ده‌تێ.

د ڤى وارى دا، سيرقط كاغ وه‌زيرێ بازرگانى و هاريكارى و گه‌شه‌پێدانا هۆله‌ندا د ناڤ سه‌ره‌دانا خوه‌ دا ژبۆ عه‌ممان راگه‌هاند كو حوكمه‌تا وه‌لاتێ وى دێ نێزيكى 400 مليۆن يورۆيان وه‌كو هاريكاريێن دارايى پێشكێشى هه‌ر ئێك ژ وه‌لاتێن ئوردن، لوبنان و توركيا كه‌ت، ژ به‌ر كو په‌نابه‌رێن سورى ل ده‌ف خوه‌ حه‌واندينه‌.

ب گۆره‌ى به‌ياننامه‌كێ وه‌زاره‌تا پلاندانانا ئوردنێ و وه‌زيرێ بازرگانى و هاريكارى و گه‌شه‌پێدانا هۆله‌ندا ئه‌و يه‌ك راگه‌هاند كو پێشبينى دكه‌ن هاريكاريێن دارايى د ناڤ كه‌رتێ چاندنێ و بازرگانى و فێكرن و راهێنانێن پێشه‌ى ژبۆ پشته‌ڤانيكرنا گه‌رتێ گه‌شه‌پێدانا ئابوورى دابين بكه‌ن.

ئه‌ڤرۆ نيوز:

ل دووڤ نڤيسارا ژماره‌ 8982 ل 11ى خزيرانا 2018ێ يا كاروبارێن قانوونى و گۆمركى يا رێڤه‌به‌ريا گشتى يا گۆمكا و پشت به‌ستن ل سه‌ر نڤيسارا رێڤه‌به‌ريا گشتى يا سامانێن ئاژه‌لى و ڤيته‌رنه‌رى ژماره‌ 1192 ل 30ى گۆلانا 2018ێ رێ ناهێته‌ دان ب هاتنا هه‌موو جۆرێن په‌له‌وه‌رێن زيندى و به‌فرگرتى و هه‌موو به‌رهه‌مێن وان ژ ڤان 41 وه‌لاتێن ناڤێن وان ل خوارێ دياركرى:

1-جنوب افریقیا
2-ساحل العاج 
3-صین تایبی
4-الصین الشعبیه‌
5-بوركینا فاسو
6-بوتان
7-النیجر
8-فلپین
9-غانا
10-یابان
11-كوریا الشمالیه‌
12-كوریا الجنوبیه‌
13-هونك كونگ
14-جمهوریه‌ الدومینیكا
15-افغانستان
16-الكامیرون
17-میسوری USA
18-أوغندا
19-شیلی
20-بنگلادش
21-كومبودیا
22-نیجیریا
23-كونغو
24-میانمار
25-روسیا
26-لوگسمبورگ
27-ایطالیا
28-كندا
29-بلغاریا
30-هولندا
31-مصر
32-المانیا
33-سعودیه‌
34-لاوس
35-البوسنا و هرسك
36-بلغاریا
37-مكسیك
38-سلڤاكیا
39-توگو
40-ڤیتنام
41-فرنسا

ئه‌ڤرۆ نيوز:

بسپۆرەکێ سکرێ دیار کر، چێکرنا ھژمارەکا زۆرا سکران ژلایێ وەلاتێن دەروبەرێ ھەرێما کوردستانێ دێ کاریگەری ل سەر رەوشا ئاڤێ ھەبیت ل عێراقێ و ھەرێما کوردستانێ و دبێژیت: پێدڤیە لەز بھێتەکرن ھەرێما کوردستانێ چەند سکران چێکەت بەرۆڤاژی دێ پاشەڕۆژا ئاڤێ کەڤیتە د مەترسیێ دا.

د. فەیسەل دەھام، بسپۆرێ سکران بۆ رۆژناما ئەڤرۆ گۆت “چێکرنا سکرێ ئەلیسۆ ژلایێ تورکیاڤە کاریگەری ل سەر رەوشا ئاڤێ ل ھەرێما کوردستانێ دبیت و ئاڤا رووبارێ دیجلە دێ ھێتە کێمکرن، ژ بەر کو دەمێ ئاف دھێتە ڤەگرتن و بەردان بۆ ناڤا ئەلیسۆ ھاتنا رێژا ئاڤێ کێم دبیت، بەلێ ئاڤا دیجلە دچیتە ناڤا سکرێ مووسل و نوکە چو دەلیڤە نەماینە سکرەکێ نوو ل سەر رووبارێ دیجلە بھێتە چێکرن و ئاف بھێتە ھەلگرتن.
زێدەتر دبێژیت: سکرێ مووسل ژی چەند ئاریشە ھەنە و بووینە ئەگەرێ ڤێ چەندێ رێژا ئۆمبارکرنا ئاڤێ کێم ببیت، نوکە رێژا ئۆمبارکرنا ئاڤێ زۆر کێمتربوویە ل سکرێ مووسل و دێ کاریگەری ھەبیت ل سەر رەوشا ئاڤێ ل ناڤەڕاست و باشوورێ عێراقێ، ئەڤە ژ مێژە مە بەحسێ چێکرنا سکران کری بۆ ھەرێما کوردستانێ، ب تایبەتی سکرێن بچووک و ناڤنجی.

ئاشکرا ژی کر کو راستە ھندەک پێنگاڤێن ژلایێ حوکمەتا ھەرێما کوردستانێ ھاتنە ھاڤێتن بۆ چێکرنا سکرێن بچووک، بەلێ مخابن ب ئەگەرێ ھاتنا قەیرانا ئابووری ئەو ژی ھاتنە راگرتن، دەربارەی سکرێن نانڤجی و مەزن ژی زێدەتر بابەتەکێ سیادیە و عێراق رێگر بوو ل چێکرنا سکرێن مەزن ل سەر ئاخا ھەرێما کوردستانێ و دەلیڤە نەدا ھەرێما کوردستانێ ل سەر رووبارێن زێی بچووک و زێیێ مەزن سکر بھێنە چێکرن.
دکتۆر فەیسەل دەھام گۆت ژی “پێدڤیە بۆچارەسەرکرنا ئاریشەیا کێم ئاڤیێ ھەرێما کوردستانێ لەزێ بکەت، ھەر دەمێ پارە ھەبیت دو سکر بھێنە چێکرن، ئێک ژ وانا ل سەر زێی بچووک و یێ دی ژی ل سەر زێیێ مەزن، چونکو ئەم یێ دبینین ل لایەکی ئیران و ل لایەکی تورکیا یێ سکران چێدکەن و کاریگەری ل سەر ئاڤا ھەرێما کوردستانێ ھەیە.

ئاشکرا ژی کر کو ناھێتە ڤەشارتن سکرێ ئەلیسۆ دێ کاریگەری ل سەر ئاڤا دھۆکێ ھەبیت و ل سەر رووبارێ زێی مەزن ژی، ل داھاتی دێ تورکیا ئاریشا پەیداکەت، چونکە رێژا ئاڤێ ب خوە ب ئەگەرێ گۆھۆڕینێن ژینگەھێ کێمبوویە، بەلێ ئەڤ کاریگەری نینە ھندی گرتنا ئاڤێ ژلایێ تورکیا و ئیرانێ دھێتە ڤەگرتن.

ئه‌ڤرۆ نيوز:

پارزینگەھا “کەسکێ” ل نێزیک باژێرێ تەلەعفەر د نھا دا کار ل سەر دھێتەکرن کو دووبارە ە نوژەنکرن ژلایێ حوکمەتا عێراقێ ڤە رۆژانە 350 ئەندازیار و کارمەند کاری ل سەر دکەن و راوێژکارەکێ ئەمن و ئابووری یێ ھەرێما کوردستانێ دبێژیت حوکمەتا بەغدا تنێ نەشێت ڤێ پارزینگەھێ نوژەن بکەت پێدڤی یە رێکەفتنەک بھێتەکرن دگەل ھەرێمێ ژبو دوبارە نوژەنکرنا وێ .

د بێوار خەنسی، راوێژکارێ ئەمن و ئابووری ل ھەرێما کوردستانێ و بسپور دبواری جیۆلوجیدا بو رۆژناما ئەڤرۆ دیار کر کو حوکمەتا عێراقێ بتنێ نەشێت پارزینگەھا “کەسکێ” نوژەن بکەت دوبارە بدەتە کاری ژبەرکو رێکخراوا تیرۆرستی یا داعش ئەو پارزینگەە د بنیات دا پەقاند بو دەمێ شەر ل سەر دھاتەکرن ژلایێ ھێزێن پێشمەرگەی ڤە ھاتیە کۆنترول کرن پێدڤیە حوکمەتا عێراقێ ب ھەڤکاری دگەل حوکومەتا ھەرێما کوردستانێ بگەھن رێکەفتنەکێ ژبو نوژەنکرنا ڤێ پارزینگەھێ ،ئەوپارزینگەھە ژێدەرێ سەرەکی یێ ئابووری یێ رێکخراوا تیرۆرستی یا داعش بوو کو رۆژانە داعش 10 ھزار بەرمیل یێن پترۆلێ ژێ دفروتن.

ناڤبری دیار کر کو د نھا دا سەرھەلدانا گرۆپێن رێکخراوا تیرۆرستی یا داعش ل دیالا و کەرکوک و ھندەک دەڤەرێن دی مەترسیە ل سەر ئابوورێ عێراقێ تایبەت پترۆلێ ژبەرکو د نھا دا ھەولێن کۆنترولکرنا جەندین چارزیینگەھێن کەرکوک و جەند دەڤەرێن دی نە مەترسی یا ھەی کو دووبارە داعش وان پارزینگەھا کۆنترول کەت پێدڤیە حوکمەتا عێراقێ بلەز کاربکەت ژبو ڤەگەریانا پێشمەرگەی بو وان دەڤەرا کو ھەماھەنگ بن ژبو پاراستنا وان پارزینگەھێن کەرکوک و جەند دەڤەرێن دی یێن عێراقێ .

وەزارەتا پترۆلا عێراقێ ب فەرمی محەمەد حەکیم ،رێڤەبەرێ کاروبارێن نوژەنکرنێ ل پارزینگەھا کەسکێ راگەھاند کو بەری ماوەیەک بو ب رێکا لژنەکا تیبەت کار ھات بو کرن ژبو ھژمارتنا زیانێن ب پارزینگەھێ کەفتین پلانەک ھات دارێژتن ژلایێ تیمێن تەکنیکی ئەندازیارێن شەھرەزا دبوارێ پترۆلێ داکو بھێتە نوژەنکرن باشتر ژ بەری بھێت پەقاندن ،د نھا دا کار ل سەر نوژەنکرنا وێ یا بەردەوامە رۆژانە 350 ئەندازیارو و تەکنیکار بەشداری د نوژەنکرنا پارزینگەھێ پشتی نوژەنکرنا وێ ب دوماھی دھێت دشیان دایە کو رۆژانە 10 ھزار بەرمیلێن پترۆلا خام بەرھەم بینن ، ژلایەکی ڤە دڤێ پارزینگەھێ دا 500 مەتر سێجا پترۆلا خام بەرھەم ئئێت د ئێک رۆژدا بو کارگەھا بادوش یا چیمەنتویێ یا بادوش دھێتە بکارئینان، ناڤبری دیار کر کو پشتی ئەڤ نوژەنکرنە ب دوماھیک بھێت د پلان دا ھەیە ئاستێ بەرھەم ئینانێ بەرەڤ زێدەبوونێ بچیت د دوماھیا ڤێ سالێ دا ، ژلایەکێ دی ڤە عەلی خوزەیر، ئەندامێ ئەنجومەنێ پارێزگەھا مووسل بو رۆژناما ئەڤرۆ دیار کر کو دھێتە پێشبینی کرن پشتی ئەڤ نوێژەنکرنە ب دوماھیک بھێت ل سالا 2019 شیان ھەنە کو رۆژانە 70 ھزار بەرمیلێن نەفتا خام بەرھەم بینیت.

ئەڤرۆ نيوز:

سەرۆکێ لژنا سۆتەمەنی و پیشەسازی ل جڤاتا پارێزگەھا دھۆکێ ئاشکراکر کو بەغدا ھایدارکرینە ڤێ حەفتیێ دێ پانزین گەھیتە کوردستانێ ژ سەرجەمێ پێنچ ملیۆن لترێن پانزینێ بەھرا پارێزگەھا دھۆکێ ژ ڤێ رێژێ ملیۆن لترێن پانزینێ نە.

عەبدسەمەد تێلی سەرۆکێ لژنا سوتەمەنی و پیشەسازی ل جڤاتا پارێزگەھا دھۆک بۆ رۆژناما ئەڤرۆ گۆت: چاڤەرێی گەھشتنا پانزینا بەغداینە ھاتینە ھایداکرن کو ڤێ حەفتیێ پانزین بگەھیتە کوردستانێ و چەند پانزینخانە دێ ھێنە دەست نیشانکرن بۆ ترۆمبێلێن تایبەت و تەکسیان و بۆ ھەر لترەکێ 600 دینار ھاتینە دەست نیشانکرن، ئەڤ بھایە ژی دبیت بھێتە گوھۆڕین بتنێ دێ جۆرەکێ پانزینێ بیت.

ھێشتا گۆت: بەھرا دھۆکێ ملیۆن لترن لێ ئەڤە دەسپێکی یە ھەتا دگەھیت، ئەم رازی نابین ل سەر ڤێ رێژا ھاتیە دیارکرن چنکو پارێزگەھا دھۆکێ رۆژانە پێدڤی ب ملیۆن و 500 لترێن پانزینێ یە، ھەتا نوکە دیارنەبوویە ئەو رێژا بۆ کوردستانێ ھاتیەدیارکرن کا دێ رۆژانە بیت یان نە.

تێلی گۆت ژی: ل پارێزگەھا دھۆکێ دو جورێن پانزینێ ھەنە، یا محسن و نورمال، ل پارێزگەھا ھەولێرێ ھەتا پێنج جورێن پانزینێ دھێنە فرۆتن ژ بەر کوالێتیا نەباش پانزینێ ل پارێزگەھێن ھەرێمێ چەندین ترۆمبێل ھاتینە سۆتن.

ھێشتا گۆت: پانزیخانێن حوکمی ل پارێزگەھا دھۆکێ نەماینە و بتنێ ھەولێرێ ھەنە و مەرج نینە پانزیخانا حوکمەتێ پانزینا حوکمی ل بھێتە بەلاڤەکرن، دبیت ھەر قەزایەکێ پانزیخانەک بھێتە دەست نیشانکرن و دەست ب بەلاڤەکرنا پانزینێ بکەت.

ئەو ژی ئاشکراکر کو وەرزێ ھاڤینێ پارێزگەھا دھۆکێ پێدڤی ب 1700 لترێن پانزینێ یە و وەزرێ زڤستانێ پێدڤی ب ملیۆن 300لترێن پانزینێ یە.