NO IORG
نووترين نووچه
نووترين نووچه

2013

ئه‌ڤرۆ نيوز، فاتما مزوورى:

وه‌زاره‌تا كاره‌با هه‌رێمێ راگه‌هاند كو ب سه‌ده‌ما بلندبوونا پلێن گه‌رمێ د نها دا ده‌مژمێرێن پێدانا كاره‌بێ بۆ 12 ده‌مژمێران هاتينه‌ كێمكرن.

وه‌زاره‌تا كاره‌بێ د روونكرنه‌كێ دا راگه‌هاند كو د نها دا وه‌زاره‌تا كاره‌بێ دو هزار و 700 مێگاواتێن كاره‌بێ به‌رهه‌م دئينيت، به‌لێ خواستێن ب كارئينانا كاره‌بێ بۆ چار هزار و 500 مێگاواتان بلندبوويه‌.

ئاماژێ ب وێ چه‌ندێ ژى دكه‌ت كو ئه‌و نوكه‌ ب تنێ دشێن 12 ده‌مژمێران كاره‌بێ بۆ وه‌لاتيان دابين كه‌ن.

وه‌زاره‌تا كاره‌بێ داخوازێ ژ وه‌لاتيان دكه‌ت ژبۆ گه‌هاندنا خزمه‌تكاريێن كاره‌بێ بۆ وه‌لاتيان ب ئاوايه‌كێ باش د ڤى وه‌رزى دا د هاريكار بن دا كو ئه‌ڤ بارگرانيا ل سه‌ر حوكمه‌تێ چه‌نده‌كێ كێم ببيت.

254

ئه‌ڤرۆ نيوز، فاتما مزوورى:

سه‌رۆك وه‌زيرێن هه‌رێما كوردستانێ و فه‌رماندێ ناڤه‌نديا هێزێن ئه‌مركيا ل عيراق و سوريا كۆم بوون و د كۆمبوونێ دا ته‌كه‌ز ل سه‌ر هاريكاريا ئه‌مريكا ژبۆ هێزێن پێشمه‌رگه‌ى هاته‌ كرن.

ب گۆره‌ى مالپه‌رێ فه‌رميێ حوكمه‌تا هه‌رێما كوردستانێ ئه‌ڤرۆ رۆژا ئێكشه‌مبی 24 خزیرانا 2018ێ پشتى نيڤرۆيا ئه‌ڤرۆ نێچيرڤان بارزانى سه‌رۆكێ حوكمه‌تا هه‌رێما كوردستانێ كوردستانێ و جوزێف ڤۆتيل فه‌رماندێ ناڤه‌نديا هێزێن ئه‌مريكا ل عيراق و سوريا و كين گرۆس قونسۆلێ گشتى يێ ئه‌مريكا ل هه‌رێما كوردستانێ ل گه‌ل شانده‌كێ له‌شكرى كۆمبوو.

د كۆمبوونێ دا ره‌وشا ئه‌منى و سياسى يێن ده‌ڤه‌رێ هاتنه‌ گه‌نگه‌شه‌كرن و رۆناهى خسته‌ سه‌ر بزاڤ و پێنگاڤێن داهاتى و هه‌لبژارتنا عيراقێ ژبۆ پێكئينانا كابينا نوو يا حوكمه‌تا عيراقێ و كارتێكرنا رۆلێن كوردان د وێ پرۆسێ دا.

ب گۆره‌ى ناڤه‌رۆكا نووچه‌ى هه‌ردو لايان ته‌كست ل سه‌ر پێدڤى و هه‌ماهه‌نگيا له‌شكرى يێن د ناڤبه‌را هه‌ڤپه‌يمانيا ب سه‌رۆكاتيا ئه‌مريكا و پێشمه‌گه‌ى ڤه‌ ب تايبه‌ت ژبۆ ژناڤبرنا پاشمايێن داعش ل ده‌ڤه‌رێ.

1139

ئه‌ڤرۆنيوز:

ره‌وشا گرۆپا شه‌شێ دمۆنديالا رووسيا 2018 كه‌فته‌ دگرێيه‌كا ب زه‌حمه‌ت دا ب تايبه‌تى پشتى سه‌ركه‌فتنا ئه‌لمانيا ل سه‌ر سويد ب ئه‌نجامێ 2-1.

وێ سه‌ركه‌فتنا ئه‌لمانيا، ده‌ربازبوونا فه‌رمى يا هه‌لبژارتيێ مه‌كسيك گيرۆكر وهه‌موو حاله‌ت دگه‌را دووماهيێ دا ل وى گرۆپى د پێشبينى كرى نه‌.

هه‌رچه‌نده‌ ئه‌لمانيا نوكه‌ 3 خال يێن هه‌ين پشتى هاتيه‌ دوراندن ل به‌رامبه‌ر مه‌كسيك 0-1 ول سه‌ر سويد سه‌ركه‌فتى 2-1، به لێ هه‌تا نوكه‌ ئه‌لمانيا يا ل به‌ر مه‌ترسيا ده‌ركه‌فتنێ ژ مۆنديالێ ئه‌وژى هه‌كه‌ هه‌رسێ هه‌لبژارتيێن مه‌كسيك وئه‌لمانيا وسويد پشتى ياريا سيێ دووماهيێ وه‌كهه‌ڤبوون دخالاندا وهه‌ر ئێك ژوان 6 خال كۆمكرن، دێ په‌نا هێته‌ برن بۆ جوداهيا گۆلان وپاشى ياريێن ئێكسه‌ر دناڤبه‌را وان هه‌رسێ هه‌لبژارتيان دا وهه‌كه‌ جوداهيا گولان دبه‌رژه‌وه‌ندا مه‌كسيك وسويد دا بيت، ئه‌لمانيا دێ ده‌ركه‌ڤيت ژ مۆنديالێ.

ديسا هه‌كه‌ ئه‌لمانيا ب سه‌ركه‌ڤيت ل سه‌ر كوريا باشوور ب ئه‌نجامێ 1-0 وهه‌كه‌ مه‌كسيك ب جوداهيا گۆله‌كێ وب ئه‌نجامێ 2-3 يان 3-4، دوێ حاله‌تێ ژى دا دێ ئه‌لمانيا مالئاڤاهيێ ژ مۆنديالێ كه‌ت.

نوكه‌ مه‌كسیك سه‌ركێشیا وێ گرۆپێ دكه‌ت ب 6 خالان وسوید ل رێزا دویێ دهێت ب سێ خالان وئه‌لمانیا ل رێزا سیێ دهێت  بسێ خالان وجوداهیا گۆلان ژ سوید و كوریا باشوور  ببێ خال ل رێزا چارێ ودووماهیێ دهێت.

1349

ئه‌ڤرۆنيوز:

به‌نكا رافيده‌ين يا عيراقى ئه‌ڤرۆ ئێكشه‌مبى 24/6/2018 رێنمايێن مه‌زاختنا سولفه‌يا 15 مليۆن دينارى بۆ فه‌رمانبه‌رێن وه‌زاره‌تا په‌روه‌ردێ ل عيراقێ به‌لاڤكرن.

پشكا راگه‌هاندنێ ل به‌نكا رافيده‌ين يا عيراقى دبه‌ياننامه‌كێ دا بۆ ده‌زگه‌هێن راگه‌هاندنێ يێن عيراقێ، دياركريه‌ كو رێنمايێن مه‌زاختنا سولفه‌يا 15 مليۆن دينارى بۆ فه‌رمانبه‌رێن وه‌زاره‌تا په‌روه‌ردێ گوهۆرين ب سه‌ردا نه‌هاتيه‌ وه‌كو رێێن پێشكێشكرنا سولفه‌يا فه‌رمانبه‌رێن ده‌وله‌تێ يه‌ كو پێشتر بريار ل سه‌ر هاتبوو دان”.

به‌نكا رافيده‌ين يا عيراقى ئه‌وژى رۆهنكريه‌ كو پێدڤيه‌ ل سه‌ر داخوازكه‌رێ سولفێ سه‌ره‌دانا وى لينكێ ئه‌لكترۆنى يێ تايبه‌ت ب مه‌زاختنا سولفێ ڤه‌ وپاشى بچيته‌ دناڤ وێ خانا تايبه‌ت ب پێدانا سولفێ ووێ فورمێ داگريت كو يا گرێدايه‌ ب وه‌رگرتنا سولفێ ڤه‌”.

به‌رى نوكه‌ به‌نكا رافيده‌ين يا عيراقى راگه‌هاندبوو، هه‌ر فه‌رمانبه‌ره‌كێ مووچێ وى يێ بنه‌ره‌تى ژ 500 هزار ديناران كێمتر بيت، دشێت سولفه‌كا 5 مليۆن دينارى وه‌رگريت، هه‌ر فه‌رمانبه‌ره‌كێمووچێ وى يێ بنه‌ره‌تى ژ 500 هزار ديناران زێده‌تر بيت، دشێت سولفه‌يا 10 مليۆن دينارى وه‌رگريت، سولفێ ژى دێ ب رێيا كارتا ئه‌لكترۆنى وه‌رگريت.

8687

ئه‌ڤرۆ نيوز، نيوار محه‌مه‌د سه‌ليم:

لژنا دووڤچوونا بازارى ل قايمقاميا قه‌زا دهۆكێ راگه‌هاند كو ئه‌وان ئه‌ڤرۆ سه‌ره‌دانا چه‌ندين جهان كريه‌ و د سه‌ره‌دانێن خوه‌ دا هه‌ردو خوارنگه‌هێن دادێ و بابۆ بۆ ماوێ سێ رۆژان داخستن و ب گۆژمه‌كێ پاره‌ى سزادان.

به‌رپرسێ لژنا دووڤچوونا بازارى خۆيا كر كو لژنا دووڤچوونا بازارى ل قايمقاميا قه‌زا دهۆكێ ئه‌ڤرۆ 24ى خزيرانا 2018ێ سه‌ره‌دانا چه‌ندين خوارنگه‌هـ و كافتريا و گۆشفرۆشان كر.

يوسف محه‌مه‌د حه‌سه‌ن، به‌رپرسێ لژنا دووڤچوونا بازارى ئاشكه‌را كر كو دڤێ گه‌ريانێ ب پشكداريا هژماره‌كا رێڤه‌به‌ريان لژنا دووڤچوونێ شيان دو خوارنگه‌هان ب ناڤێ “دادێ و بابۆ” ژ به‌ر پێگرينه‌كرن ب رێنمايێن ساخله‌ميێ بۆ ماوێ سێ رۆژان بهێنه‌ دايخستن و ب گۆژمه‌كێ پاره‌ى بهێنه‌ سزادان.

35123751_1692762804167936_3849879736331272192_n 36064062_1692762757501274_4494075318348283904_n

116

 ئەڤرۆنیۆز، سالار دۆسكی

 ژ بەر قەیرانا دارایی و ئابووری یا ب سەر هەرێما كوردستانێ‌ دا هاتی، ئاڤاكرنا چار سایلۆیان ل سنورێ‌ پارێزگەها دهۆكێ هاتینە راگرتن.

نازم محەمەد عەلی، رێڤەبەرێ سایلۆیا فەیدیێ‌ بۆ ئەڤرۆ نیۆز گۆت:  ل دووڤ پلانا وەزارەتا بازرگانی ل هەرێما كوردستانێ‌، پێدڤی بوو چار سایلۆ ل پارێزگەها دهۆكێ‌ بهێنە دروستكرن ل دەڤەرێن (رۆڤیا، ئاكرێ‌، باتێل، زاخۆ).

نازمی زێدەتر گۆت” ل قەزا بەردەرش دەست ب ئاڤاكرنێ‌ هاتەكرن، ب رێژا 37% تەمام بوویە، چون و هاتنا وەزارەتێ‌ و گوهۆرینا وەزیران گەلەك كارتێكرن ل سەر گیرۆبوونا ئاڤاكرنا سایلۆیا ناڤبری هاتەكرن، پشتی هاتنا قەیرانا دارایی ئاڤاكرن هاتیە راوستاندن، سایلۆیا باتیلێ‌ قەبارێ‌ وێ‌ 30 هزار تەن بوون، ئەرد بۆ هاتە دابینكرن و جڤاتا وەزیران رازیبوون دا  24 ملیار بۆ بهێنە مەزاختن، پشتی پشكنین بۆ هاتينەكرن، ژ بەر قەیرانا دارایی كار هاتیە راوستاندن، سایلۆیا ئاكرێ‌ ژى جه بۆ هاتیە دەستنیشانكرن و ل زاخۆ ژی جه هاتیە دەست نیشانكرن و ب تنێ‌ قەیرانا دارایی كار هەموو راوستاندن.

329

 ئه‌ڤرۆ نیوز ، نه‌وزاد هلۆرى:

چه‌ند زارۆ‌كان ل نێزیك گوندێ شیڤ چناركێ ل ناحیا شێلادزێ ب ده‌ست و ب ئه‌نقه‌ست ئاگر به‌ردایه‌ گرێ كولان و ب گۆره‌ى پێزانينێن به‌رگريا باژێرى ل شێلادزێ زێده‌تر ژ 50 دونه‌مێن ئه‌ردى هاتینه‌ سوتن.

زێره‌ڤان ئه‌حمه‌د، ژ به‌رگريا باژێرى ل شێلادزێ بۆ ئه‌ڤرۆ نیوز گۆت: (ئه‌ڤرۆ ئێكشه‌مبى 24/6/2018 پشتى نیڤرۆ چه‌ند زارۆ‌كان ب ئه‌نقه‌ست ئاگر به‌ردایه‌ گرێ كولان ل نێزیك گوندێ شیڤ چناركێ ل ب ناحیا شێلادزێ و زێده‌ترى 50 دونه‌مێن پوش و پاوانى هاتنه‌ سوتن).

زێده‌تر گۆت: (هه‌ر چه‌نده‌ ئاگر ژلایێ تیمێن ئاگر ڤه‌مراندنا به‌رگريا باژێرى هاتیه‌ كونترولكرن، به‌لێ ل گه‌ل ڤێ یه‌كێ ژى زیانێن زۆر ب پوش و پاوان و چه‌روانێ گیانه‌وه‌ر و ژینگه‌هێ كه‌فتن و ئه‌م دخوازین كو وه‌لاتى د هشیار بن، ژبه‌ركو روودانێن ئاگرى زۆرن و دنیا گه‌رمه‌ و دێ كارتێكرنێ ل خوه‌ و ژینگه‌هێ كه‌ن).

177

ئه‌ڤرۆ نیوز ، نه‌وزاد هلۆرى:

وه‌كو نه‌ریته‌كێ سالانه‌ وه‌لاتیێن ده‌ڤه‌را زێبارێ یا سه‌ر ب ناحیا دینارته‌ ده‌ست ب هه‌وا كرنا كه‌نگرۆكان  كر ل ده‌ڤه‌رێ و سێ روژان دێ یا به‌رده‌وام بیت.

رزگار زێبارى، وه‌لاتیه‌كێ ده‌ڤه‌را زێبار یا سه‌ر ب ناحیا دینارتێ یه‌ بۆ ئه‌ڤرۆ نیوز گۆت: (ئه‌ڤرۆ ل پتريا گوندێن ده‌ڤه‌را زێبارێ ب تایبه‌تى ل گوند و ده‌ڤه‌را بانیێ بانگا كه‌نگرۆكا ده‌ست پێ كر و بۆ ده‌ما سێ روژان دێ یا به‌رده‌وام بیت)

زێده‌تر گۆت: (ئه‌ڤرۆ د رۆژا ئێكێ دا هژماره‌كا زۆر یا وه‌لاتیان قه‌ستا كۆمكرنا كه‌نگرۆكان كریه‌ و هند ژ وه‌لاتیان هه‌تا 20 كیلۆیان كۆمكرینه‌ و هه‌ر كیلۆيه‌ك ب 10 بۆ15 هزار دیناران دهێته‌ فرۆتن و ئه‌ڤ یه‌ك ژى بۆ وه‌لاتیان كار و ده‌لیڤه‌كا باشه‌ ب تایبه‌تى د نهادا كو قه‌یرانا دارایى یه‌ و موچه‌ گیرۆ دبیت)

ب گۆره‌ى ئاخڤتنێن ناڤبرى، ده‌ڤه‌را بانیێ زۆرترین كه‌نگرۆك هه‌نه‌ و سالانه‌ زێده‌ترى 500 كه‌سان ژ ژن و مێر و زارۆك و گه‌نج قه‌ستا چیایى دكه‌ن بۆ كۆمكرنا كه‌نگرۆكا و گۆت ژى: (هه‌ر چه‌ند ژ به‌ر تێكچوونا ره‌وشا كه‌ش و هه‌وایى و گورانكاریان و كرنا وان د وه‌رزێ بوهارێ دا، كارتێكرن ل سه‌ر كێمبونا وان هه‌یه،‌ به‌لێ ل گه‌ل ڤێ یه‌كێ ژى كه‌نگرۆك زۆرن و هه‌ر كه‌سێ بچیتێ دێ گه‌له‌كا كۆم كه‌ت و ئه‌ڤ هه‌وا كه‌نگرۆكان دێ بۆ سێ رۆژان یا به‌رده‌وام بیت).

36225016_253026788790966_236120405532737536_n 36176967_253026782124300_4466788691037126656_n

1048

ئەڤرۆ نیوز ، نەوزاد ھلۆری:

ب مەرەما ھوشیارکرنا وەلاتیان ژ روودانێن خەندقینێ ، ئەنجامدانا مەلەڤانیان لسەر ھەردوو رووبارێن ئاڤا شین و زیێ مەزن ل سنوورێ ناحیا شێلادزێ و ناحیا دێرەلوک یا سەر ب قەزا ئامێدیێ ھاتە قەدەغەکرن.

ھەوار رێکانی خودانێ ھاڤینگەھا ڤین ل شێلادزێ بو ئەڤرۆ نیوز گۆت: (ب گورەی رێنمایێن بەرەڤانیا باژێری و لایەنێن شولەژێ کو ئەم ئاگەھدارکرینە ل بارا ھوشیارکرنا وەلاتیان لسەر ئەنجامدانا مەلەڤانیان لسەر رووبارێ زێ مەزن ، مە پێرابوونێن ھوشیارکرنا وەلاتیان ھاڤێتن و ئەڤرۆ وێڤە ئەنجامدانا مەلەڤانیان و خوە ھاڤێتنا د رووباری دا لسەر پرا ڤین ب ھەموو شێوەیان ھاتە قەدەغەکرن و یپێدڤی یە وەلاتی گیانێ خوە ب پارێزن و ل ھەموو جھان خوە نەڤێژن رووباری).

زێدەتر گۆت: (ژبلی کو لسەر رووبارێ زێ مەزن مەلەڤانی لسەر رووبارێ ئاڤا شین ژی ھاتیە قەدەغەکرن و مە وەکو ھاڤینگەھا ڤین ب پێدڤی زانی کو نیشانێن ھوشیارکرنا مەلەڤانیان ژی بدانین ب تایبەتی بو گەشتیاران چونکی شارەزایی ل رووبارێن دەڤەرێ نینن و د ئەنجامێ مەلەڤانیان د حەندقن و بەری چەندەکێ ژی ھەند کەس ژ ئەنجامێ نە شارەزایێ خەندقینە).

ئەو جھێن کو ھاتنە قەدەغەکرن بو مەلەڤانیان چەند جھەکن ژ وانان ل خوار پرا کڤانیا دێرەلوک ، ل تەنشت پرا گوندێ ھاریکا ، ل نێزیک خارنگەھا بەروی ، و ل ئاڤا مارک ل دەڤەرا نێروەورێکان ، و ل ھاڤینگەھا ڤین ل ناحیا شێلادزێ ، چونکی مەترسیەکا ئێکسەر بو سەر گیانێ وەلاتیان ھەیە و پێشتر چەندین کەس ل وان جھان خەندقینە.

سه‌رچنار گه‌شتوگۆزار گۆزار

98

ئه‌ڤرۆ نيوز:

پێکھاتەیێن ھەرێما کوردستانێ داخوازا راستەڤەکرنا قانوونا ھەلبژارتنێن ھەرێما ‏کوردستانێ دکەن و نوونەرەکێ تورکومانژی دبێژیت، مە پڕۆژەک دایە سەرۆکایەتیا ‏پەرلەمانی بۆ راستڤەکرنا قانوونا ھەلبژارتنان.‏

ئایدن مەعرۆف، سەرۆکێ فڕاکسیۆنا بەرەیێ تورکومانی ل پەرلەمانێ کوردستانێ بۆ ‏رۆژناما ئەڤرۆ گۆت” مە وەک پێکھاتەیان پڕۆژە قانوونەک بەرھەڤکریە و تێدا داخوازا ‏راستڤەکرنا قانوونا ھەلبژارتنێن ھەرێما کوردستانێ کریە، کو پتر مەرەما ئەڤە گۆھۆڕین ‏بسەر دەنگدانا کۆتا دا بێت یا ژبۆی پێک ھاتەیێن ھەرێما کوردستانێ ھاتیە دیارکرن کو ‏یازدە کۆرسی نە پێنج بۆ تورکومان و پێنج بۆ کلدو ئاشوورا و ئێک ژی بۆ ئەرمەنان، بەلێ ‏مە گازندە ھەنە و دڤێت گۆھۆڕین تێدا بھێتەکرن، ژبەرکو یاسا یا تەمام نینە و دڤێت ‏سندۆقێن دەنگێن پێک ھاتان بھێنە جوداکرن و بتنێ ئەو بخوە نوونەرێن خوە ھەلبژێرن ‏نەوەکی نوکە‎ ‎دەنگدەرێ کورد دەنگی بۆ نوونەرێ کریستیانان بدەن و بەرۆڤاژی.‏

ئایدن مەعرۆف گۆتژی” پتری دوازدە پەرلەمانتاران ئەف پڕۆژە ئیمزە کریە و ئاراستەی ‏دەستەیا سەرۆکایەتیا پەرلەمانێ کوردستانێ ھاتیە کرن ھەتا بێخن ناڤا کارناما کۆمبوونێن ‏پەرلەمانی، ئێک ژ ئاریشەیێن دی ئەڤە ھەر دچوارچوڤێ قانوونا ھەلبژارتنێن ھەرێما ‏کوردستانێ ئاماژە ب دەنگدانا پێکھاتە و کۆتا ھاتیەکرن و دڤێت قانوونا ھەلبژارتنێن ‏ھەرێمێ بھێتە راستڤەکرن ھەتا کۆرسیێن کۆتا بھێنە رێکخستن.‏

نيشاندان1...1,0002,0001,4011,4021,4032,400...3,104زێده‌تر لاپه‌ر 1,402 ژ 3,104
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
75 queries in 0.669 seconds.
WP Facebook Auto Publish Powered By : XYZScripts.com