ئەڤرۆ نيوز:

رێڤەبەرێ سایلۆیا فەیدیێ بۆ رۆژناما ئەڤرۆ دیار کر کو ئەڤ سالە ژی رێژا گەنمێ جۆتیاران 50% دێ ھێتە وەرگرتن و جوتیار نەچارە 50% یا دی بخوە ب فرۆشیت و گەلەک جاران عەرەب ژ باشوورێ عیراقێ دھێن و گەنمی دکرن و پلانا حوکمەتا عیراقێ ل پارێزگەھێن دی یا ڤەکریە و بتنێ ل کوردستانێ یا سنووردارکریە و ل دووڤ رێژا 12.67%، ل دووڤ پێزانینێن رێڤەبەریا گشتی یا چاندنێ 162 ھزار تەنێن گەنمی بەرھەمێ جۆتیارێن پارێزگەھێ یە و پشکا دھۆکێ ژ پلانا عیراقێ 107 ھزار تەنن و ھاتیە بەلاڤکرن ل سەر سایلۆیێن فەیدیێ و شێخان و زاخۆ و گۆت: “بنگەھێ رۆڤیا یێ وەرگرتنا گەنمی ھاتە داخستن”.

نازم محەمەد عەلی، رێڤەبەرێ سایلۆیا فەیدیێ دیار کر کو ئەو حەز دکەن وەزارەتا چاندنێ و بازرگانیا ھەرێمێ پتر ھەڤکاری ل گەل بەغدا ھەبیت داکو بشێن زێدەتر رێنمایان جێبەجێ بکەین، چونکی ئاریشە دروست دبن و گۆت: “نوکە بەغدا سندوقەک دانایە و ب رێژا 2% پارە ژ جوتیاران دھێتە بڕین و ئەڤ سندوقە بناڤێ پشتەڤانیا جوتیاران ھاتیەدانان و ئەڤ پارە دەمێ دچیتە بەغدا و ھەکە ھەرێمێ ئەڤ پارە ژ بەغدا وەرگرتبا دشیان بۆ جوتیارێن مە گەنمی و دەراسێ و گازوایلێ بکرن و بەھرا جوتیارێن ھەرێمێ ژی بۆ بەغدا دچیت”.

نازم محەمەد عەلی دیار کر کو ل سالا 2014 وەرە کێشا نەدانا پارێن جوتیارێن ھەرێما کوردستانێ دروست بوویە، 2014 و 2015 ل سالا 2015 و 2016 پشتی ئەنجامدانا ریفراندومێ سیاسەتا عیراقێ بگشتی بەرامبەر ھەرێما کوردستانێ ھاتە گوھورین و گڤاشتن زێدەتر ل سەر خەلکی ھاتنەکرن و پارێ جوتیاران ژی بۆ کێشەک ژ ڤێ چەندێ و ب بھانا وێ چەندێ ھەر سێ سالێن بۆری جۆتیارێن کوردستانێ زێدەتر گەنم وەرگرتیە ژ رێژا 17% و گۆت: “ل دووڤ پلانا وەزارەتا چاندنا ھەرێمێ ب ھەڤکاری ل گەل وەزارەتا چاندنا عیراقێ مە گەنمێ جوتیارێن دەڤەرێن کوردستانێ یێن ژ دەرڤەی ئیدارا ھەرێمێ ژی وەرگرتینە وەک فەیدیێ وانکێ و تلکفێ و شێخان و بەعشقە و حەمدانی کو ئەڤ دەڤەرە ل ژێر کۆنترۆلا پێشمەرگەی بووینە، ئەڤی د دەمەکی دایە ژ سالا 2014 ھەتا دووماھیا سالا 2017 ێ مووسل و ھەموو پارێزگەھێن ناڤەراستا عیراقێ د دەستێن داعش دابوون و ئەوان گەنمێ جوتیاران ھەموویان فرۆتن و حوکمەتا عیراقێ پارێ ئەڤان جۆتیاران مەزاختی یە، نوکە شیرەتکارێن ئەئجوومەنێ وەزیران بریارداینە ئەڤ پارە رێژەک ژێ بھێـتە بڕین”.

ل دووماھیێ ناڤھاتی خویا کر کو ئەڤ سێ ھەیڤە بەغدا سێ چەک دروست کرینە، چەک بۆ سالا 2014 ێ ب 18 ملیاران و چەکەکێ دی ب شەش ملیاران و 12 ملیارێن دی نەدەن، ل سالا 2015 پارێ جوتیاران پتر ژ 71 ملیاران ماینە، چەک ب پتر ژ 25 ملیاران دروست کریە، ل سالا 2016 پارێ جوتیاران 88 ملیار ماینە، بتنێ 53 ملیار مەزاختی نە، بۆ سالا 2017 پلان ھاتەگوھۆڕین و رێژە بۆ ھەرێما کوردستانێ ھاتە دیارکرن، 402 ھزار تەنێن گەنمی بۆ ھەرێمێ ھاتنە دەست نیشانکرن، رێژە گەلەک کێم بوو چونکو ژ 17% بۆ 12% پوینت 67 ئانکو بوونە 321 ھزار تەن بەھرا پارێزگەھا دھۆکێ 107 ھزار تەن مە وەرگرتن.