ئه‌ڤرۆ نیوز، زنار:
نیڤا ئێكێ ژ یاریا هه‌ردو هه‌لبژارتیێن پورتوگال و ئسپانیا د كوما دویێ دا ب پێشكه‌فتنا هه‌لبژارتیێ پورتوگال ب دو گۆلان به‌رامبه‌ر گۆله‌كێ ب دوماهى هات.
ده‌سپێكێ هه‌لبژارتیێ پورتوگال ب گۆله‌كێ ب رێكا ستێرا وێ كرستیانو رونالدو د ده‌قیقه‌یا 4 ژ یاریێ هاته‌ توماركرن ب لێدانا په‌نه‌لتیێ، دوڤدا هه‌لبژارتیێ ئسپانیا ب رێكا هێرشبه‌رێ خوه‌ دیێگو كوستا شیا گۆلا وه‌كهه‌ڤیێ ل ده‌قیقه‌یا 24 تومار بكه‌ن و نیڤا ئێكێ ب ڤى ئه‌نجامى ب دوماهى هات لێ به‌رى نیڤا ئێكێ ب دوماهى بهێت ستێرا یاریێ رونالدو شیا گۆلا خوه‌ یا دویێ و پێشكه‌فتنێ تومار بكه‌ت و نیڤا ئێكێ ب ئه‌نجامێ دو گۆلان به‌رامبه‌ر گۆله‌كێ بۆ ئسپانیا ب جوماهى هات.

ئه‌ڤرۆ نیوز، زنار زوبێر:
ژێده‌رێن رۆژنامه‌ڤانى ئاشكرا كرن كو دوهى د كه‌مپا راهێنانێن ئسپانیا دا شه‌ره‌ ده‌ڤ د ناڤبه‌را كاپتنێ هه‌لبژارتیێ ئسپانیا سێرجیو راموس و سه‌روكێ ئێكه‌تیا ته‌پا پێ یا وى وه‌لاتى لویس روبیالیس دا په‌یدابویه‌ و پیكێ رێگرى گریه‌ كێشه‌ مه‌زنتر لێبهێت.
سایتێ یورو سپورت د ڤى ده‌رباره‌ى دا ئاماژه‌ ب ڤى په‌یامى دایه‌ و ئاشكرا كر شه‌ره‌ ده‌ڤ ب ده‌نگه‌گێ بلند ناڤبه‌را كاپتنێ هه‌لبژارتیێ ئسپانیا سێرجیو راموس و لویس روبیالیس سه‌روكێ ئێكه‌تیا ته‌پا پێ یا وى وه‌لاتى دا په‌یدابویه‌ ژ ئه‌گه‌رێ بریارا دورخستنا راهێنه‌رێ به‌رى نوكه‌ یێ هه‌لبژارتیێ ئسپانیا جولیان لوپیتگى به‌رى ده‌سپێكرنا موندیالێ ب روژه‌كێ كو ئه‌ڤ چه‌نده‌ بویه‌ ئه‌گه‌رێ توره‌بونا زوربه‌یا یاریزانان جهێ ئاماژێ یه‌ كو د ڤى شه‌رێ په‌یدابوى جیرارد پیكێ به‌ره‌ڤانێ یانا به‌رشه‌لونه‌ و هه‌لبژارتیێ ئسپانیا به‌ره‌ڤانى ژ راموس كریه‌ و نه‌ هێلایه‌ زێده‌تر كێشه‌ مه‌زنتر لێبهێت داكو كارتێكرنێ ل ئاستێ تیمێ نه‌كه‌ت بۆ یاریا ئه‌ڤرۆ به‌رامبه‌ر پرتوگالێ ژ كوما دویێ.