ئەڤرۆ نیوز:
د ئەنجامەکێ نە چاڤەرێ کری دا ھەلبژارتیێ ئەلمانیا ھەلگرا ناسناڤی خاترا خوە ژ موندیالا ٢٠١٨ ل روسیا خواست پشتی توشی خوسارەتیێ بوی دگەل ھەلبژارتیێ کوریا باشور ب دو گۆلان بێ بەرامبەر و سوید ژی سەرکەفتن لسەر مەکسیک تومارکری ب سێ گۆلانبێ بەرامبەر.
ب ڤان ئەنجامان ھەلبژارتیێ سوید ب شەش خالان دەربازی قوناغا شازدێ بوو و مەکیسک ژی ب ھەمان ھژماراخالان رێزا دویێ ھات ب جوداھیا گۆلان.
ئه‌ڤرۆنيوز:
سه‌رۆكێ جڤاتا ررگاركرنا ئه‌نبار، حه‌ميد ئه‌لهايس، هێزێن ئه‌مريكى تۆمه‌تباركرن ب په‌يداكرنا ئاسانكاريان بۆ لڤينێن چه‌كدارێن داعشێ وهاتنا وان بۆ سنورێ عيراقێ وسووريێ وداخوازكر له‌شكرێ عيراقێ وحه‌شدا شه‌عبى كونترۆلا تمام ل سه‌ر سنورى بكه‌ن.
ئه‌لهايس دداخۆيانيه‌كا رۆژنامه‌ڤانى دا گۆت” هه‌بوونا هێزێن ئه‌مريكى ل نێزيك سنورێ عيراقێ وسووريێ مه‌ترسيه ل سه‌ر ئاسايشا عيراقێ ب گشتى وپارێزگه‌ها ئه‌نبار ب تايبه‌ت”.
گۆت ژى” پێزانين يێن گه‌هشتينه مه كو هێزێن ئه‌مريكى ئاسانكاريان بۆ لڤينێن داعشێ دكه‌ت دناڤبه‌را سنورێ عيراقێ وسووريێ وچاڤێن خوه دنقينن ل هاتنا چه‌كدارێن داعشێ بۆ ناڤ بيابانا ئه‌نبارێ وهه‌كه ئه‌ڤ چه‌نده يا به‌رده‌وام بيت دێ بيته مه‌ترسيه‌كا مه‌زن ل سه‌ر پارێزگه‌ها ئه‌نبار”.
ناڤبرى داخوازكر هێزێن ئه‌مريكى ژ سنورێ عيراقێ وسووريێ بهێنه ڤه‌كێشان وباده‌كا وى سنورى بهێته راده‌ستكرن بۆ هێزێن عيراقى وحه‌شدا شه‌عبى.
ئه‌ڤرۆنيوز:
ره‌وتێ حيكمه ب سه‌رۆكاتيا عه‌مار حه‌كيم راگه‌هاند، هه‌ڤپه‌يمانى ل گه‌ل سائيرون ب سه‌رۆكاتيا موقته‌دا سه‌در يا ڤه‌بر ودووماهيێ نينه وهه‌تا نوكه دانوستاندن يێن دهێنه ئه‌نجامدان دناڤبه‌راهه‌ردو لايه‌نان دا بۆ گه‌هشتنا هه‌ڤپه‌يمانيا تمام.
ژێده‌ره‌كى به‌رپرس ژ ره‌وتێ حيكمه بۆ ئاژانسا (عين العراق نيوز) گۆت” هه‌تا نوكه ئه‌م نه‌گه‌هشتيه رێككه‌فتنه‌كا دووماهيێ ل گه‌ل سائيرون وئه‌و هه‌ڤپه‌يمانيا نوكه هێشتا رێككه‌فتنێن لاوه‌كى يێن بۆ ماين”.
گۆت ژى” عه‌مار حه‌كيم وموقته‌دا سه‌در دهه‌ڤرانه دبۆچوونێن سياسى دا وبه‌رنامێ حوكمه‌تا نيشتمانى وكه‌سايه‌تيێن هه‌ڤپه‌يمان، به‌لێ ئه‌ڤه ب تنێ به‌س نينه بۆ پێكئينانا حوكمه‌تێ وهه‌تا نوكه هنده‌ك بابه‌ت يێن بن دانوستاندنێ ڤه”.
به‌رى نوكه په‌رله‌مانتارێ ره‌وتێ حيكمه، محه‌مه‌د له‌كاش دداخۆيانيه‌كێ دا گۆتبوو” راگه‌هاندنا هه‌ڤپه‌يمانيێ دناڤبه‌را موقته‌دا سه‌در وحه‌يده‌ر عه‌بادى وهادى عامرى پێنگاڤه‌كا ب له‌ز بوو دپێكئينانا ليستا مه‌زن دپه‌رله‌مانێ عيراقێ دا”.
ئه‌ڤرۆنيوز:
سه‌رۆكێ لژنا حه‌جێ وسه‌ره‌دانان يا ئيران، حه‌ميد محه‌مه‌دى، راگه‌هاند زێده‌تر ژ ئێك مليۆن و700 هزار وه‌لاتيێن عيراقى سالانه سه‌ره‌دانا ئيرانێ دكه‌ن وهژمارا ژ ڤێ پتر ژ وه‌لاتيێن ئيرانى سالانه سه‌ره‌دانا عيراقێ دكه‌ن.
حه‌ميد محه‌مه‌دى زێده‌تر بۆ ئاژاسا (مهر) يا ده‌نگوباسان يا ئيرانى گۆت” نێزيكى دو مليۆن و 300 هزار وه‌لاتيێن ئيرانى سالانه سه‌ره‌دانا عيراقێ دكه‌ن ژبلى ب مليۆنان وه‌لاتيێن ئيرانى ئه‌وێن ل چله‌يا ئيمام حوسێنى سه‌ره‌دانا عيراقێ دكه‌ن”.
گۆت ژى” ژێرخانه‌كا ئابوورى يا باژێرێ نه‌جه‌ف يا باش نينه وچو هه‌مبه‌ركرن دناڤبه‌را ئۆتێلێن وى وئۆتێلێن باش يێن كه‌ربه‌لا ناهێته كرن، لێ ئه‌م بزاڤان دكه‌ين ره‌وشێ بۆ سه‌ره‌دانكه‌رێن ئيرانى خوه‌شتر بكه‌ين”.
ئه‌ڤرۆنيوز:
مالپه‌ره‌كێ عه‌ره‌بى به‌لاڤكر كۆمبوونه‌كا نهينى دناڤبه‌را وه‌زيره‌كێ سعودى ونوونه‌رێن عه‌بادى وسه‌در ل عه‌مانا پايته‌ختێ ئوردنێ هاتيه ئه‌نجامدان.
مالپه‌رێ (عه‌ره‌بى 21) ژزارده‌ڤێ ژێده‌ره‌كى به‌لاڤكر” به‌رى چه‌ند رۆژان كۆمبوونه‌كا نهێنى دناڤبه‌را سامر ئه‌لسه‌بهان وه‌زيرێ كاروبارێن كه‌نداڤى يێ سعوديێ كو پێشتر باليۆزێ سعوديێ بوو ل عيراقێ، ل گه‌ل نوونه‌رێن حه‌يده‌ر عه‌بادى وموقته‌دا سه‌در ل عه‌مان هاته ئه‌نجامدان””.
وى ژێده‌رى دياركر” ئارمانج ژ وێ كۆمبوونێ، پێكهاتنا هه‌ڤپه‌يمانيێ بوو دناڤبه‌را ليستا نه‌سر ب سه‌رۆكاتيا عه‌بادى وليستا سائيرون ب سه‌رۆكاتيا سه‌در، كو ل دووڤ وێ رێككه‌فتنێ سه‌رۆكاتيا وه‌زيران دێ ب عه‌بادى هێته دان”
ديسا وى ژێده‌رى خوياكر ژى كو” رێككه‌فتن هاتيه كرن كو سه‌در پشته‌ڤانيا پێدڤى بۆ عه‌بادى ب ده‌ستڤه‌بينيت بۆ وێ چه‌ندێ ويلايه‌تا دويێ وه‌ربگريت وبزاڤێ بكه‌ت ئيرانێ رازى بكه‌ت كو عه‌بادى ژ سه‌رۆكاتيا وه‌زيران دوور نه‌ئێخيت”.
به‌حسێ وێ چه‌ندێ ژى كر كو رێككه‌فتن دوێ چه‌ندێ دا يا سه‌ركه‌فتى بوو كو عه‌بادى وسه‌در لێك نێزيك بكه‌ت وهه‌ڤپه‌يمانيێ رابگه‌هينن.
ئەڤرۆ نیوز, محمود نهێلی
رێڤەبەرێ ناحیا دێرەلۆك دیاركر، بەردەوام كار د چێكرنا پرۆژێ دو سایدكرنا جادەیا دێرەلۆك شێلادزێ دا هێتە كرن و ل دووڤ پلانێ دێ ل دووماهيا ئەڤ سالە كەڤیتە د خزمەتا وه‌لاتیان دا.
سامی ئوشانە، رێڤەبەرێ ناحیا دێرەلۆك بۆ ئەڤرۆ نیوز گۆت” چێكرنا جادا دو سایدێ یا دێرەلۆك شێلادزێ ئێك ژ پرۆرژێن گرنگ يێن دەڤەرێ یە دهێتە چێكرن، ل دووڤ پلانا رێڤەبرنێ كارێ ڤی پرۆژەیی ب دروستی يێ ب رێڤە دچیت و زێدە باری هەبوونا قەیرانا دارايى و نەبوونا بودجە و سولفان، كاری پروژەی نەراوەستیایە و دێ ل دەمێ خوە یێ دیاركری دا كو دووماهیا سالا 2018 ب دووماهى هێت”
سامى گۆت ژى” ده‌مێ ڤی پرۆژەی 720 رۆژ بوون و 23 ملیار 700 ملیۆن دینار ل سەر بودجا حوكمەتا هەرێمێ ل سالا 2016 بۆ هاتبوونە تەرخانكرن ودرێژاهیا ڤێ جادێ 6 هزار و 60 میترن ل دەرڤەی سنورێ هەر دو باژێرڤانیێن دێرەلۆك و شێلادزێ دهێنە چێكرن و فرەهیا وێ ژی دبیتە 30 میتر وەك جادەكا ناڤخویێ دهێتە چێكرن و نوكە دوورێن 70% هاتیە چێكرن و ل هنده‌ك جهان دەست ب قێكرنا وێ هاتیە كرن”.
ئه‌ڤرۆنيوز:
ياريكه‌رێ هه‌لبژارتيێ ئينگلته‌را ويانا توتنهام، هارى كين، هه‌تا نوكه ل رێزا ئێكێ دهێت درێزبه‌ندا گولكه‌رێن مونديالا رووسيا دا ب تۆماركرنا پێنج گۆلان د دو ياريان دا.
ياريكه‌رێ هه‌لبژارتيێ پورتۆگال ويانا ريال مه‌دريد كريستيانۆ رونالدۆ وياريكه‌رێ هه‌لبژارتيێ به‌لجيكا ويانا مانشسته‌ر يونايتد رۆميل لوكاكۆ ل رێزا دويێ دهێن كو هه‌ر ئێك ژوان چار گۆل يێن تۆماركرين.
دييگۆ كوستا ياريكه‌رێ هه‌لبژاتيێ ئيسپانيا ويانا ئه‌تله‌تيكۆ مه‌دريد ودينيس تشيرشيف ياريكه‌رێ هه‌لبژارتيێ رووسيا ويانا ڤياريال يا ئيسپانى هه‌ر ئێك ژوان سێ گۆل يێن تۆماركرين.
ئه‌ڤرۆنيوز:
سه‌رۆك وه‌زيرێن هه‌رێما كوردستانێ راگه‌هاند، ئاسويه‌كێ رۆهن يێ هه‌ى وره‌وش يا به‌ر ب باشتر دچيت ب شێوه‌كى كۆمپانيێن مسرى ووه‌لاتێن دى ژى دشێن وه‌به‌رهێنانێ ل هه‌رێما كوردستانێ بكه‌ن.
نێچيرڤان بارزانى، سه‌رۆك وه‌زيرێن هه‌رێما كوردستانێ، نيڤرۆيا ئه‌ڤرۆ چارشه‌مبى 27/6/2018 پێشوازى ل تامر ئه‌لمليجى كونسۆلێ كۆمارا مسرێ ل هه‌رێما كوردستانێ كر.
مالپه‌رێ فه‌رمى يێ حوكمه‌تا هه‌رێما كوردستانێ به‌لاڤكر” دديداره‌كێ دا، نێچيرڤان بارزانى پيرۆزباهى ل ئه‌لميجى كر كو ده‌مه‌كه وه‌كو كونسۆلێ مسرێ ل هه‌رێما كوردستانێ ده‌ست بكاربووى وهيڤيا سه‌ركه‌فتنێ بۆ خواست وپشته‌ڤانيا لايه‌نێن په‌يوه‌نديدار يێن حوكمه‌تێ دياركر بۆ سه‌رخستنا كارێن وى.
كونسۆلێ مسرێ ل هه‌رێمێ، هيڤى خواست بشێت په‌يوه‌نديێن وه‌لاتێ خوه ل گه‌ل هه‌رێما كوردستانێ خورتتر لێ بكه‌ت.
دپشكه‌كا دى يا ديدارێ دا، به‌حس ل په‌يوه‌نديێن ديرۆكى دناڤبره‌ا هه‌رێما كوردستانێ ومسرێ وچاوانيا پێشڤه‌برنا وان په‌يوه‌نديان دبوارێن ره‌وشه‌نبيرى وبازرگانى وئابوورى وسه‌قامگيريا ده‌ڤه‌رێ ب گشتى هاته كرن، ونێچيرڤان بارزانى دووپاتكر كو ئاسوويه‌كێ رۆهن يێ هه‌ى وره‌وش يا به‌ر ب باشيێ دچيت ب شێوه‌كى كۆمپانيێن مسرى ووه‌لاتێن دى دشێن وه‌به‌رهێنانێ ل هه‌رێما كوردستانێ بكه‌ن.
هه‌ر دوێ ديدارێ دا به‌حس ل پرۆسا سياسى ل عيراقێ وهه‌لبژارتنان وپێكئينانا حوكمه‌تا عيراقى يا نوو هاته كرن، سه‌رۆك وه‌زيرێن هه‌رێما كوردستانێ دياركر كو هه‌رێما كوردستانێ دێ يا هاريكار بيت بۆ ده‌ستپێكرنا پرۆسا سياسى ل عيراقێ.
هه‌ردوولا پرۆسه‌ی سیاسی له عێراق و هه‌ڵبژاردنه‌كان و پێكهێنانی كابینه‌ی نوێی حكوومه‌تی عێراقیان تاوتوێ كرد، نێچیرڤان بارزانی ئاماژه‌ى به‌وه دا كه هه‌رێمی كوردستان هاوكار ده‌بێت بۆ ده‌ستپێكردنی پرۆسه‌ی سیاسی له عێراق.
ئه‌ڤرۆنيوز:
په‌رله‌مانتاره‌كێ ليستا ده‌وله‌تا قانوونێ دياركر كو ل رۆژا پێنجشه‌مبى دێ روونشتنه‌كا په‌رله‌مانێ عيراقێ هێته ئه‌نجامدان ب مه‌ره‌ما درێژكرنا ده‌مێ ته‌شريعى يێ په‌رله‌مانى.
محه‌مه‌د ئه‌لسه‌يهوود، ئه‌ندامێ په‌رله‌مانێ عيراقێ ژ ليستا ده‌وله‌تا قانوونێ ب سه‌رۆكاتيا نورى مالكى بۆ ئه‌ڤرۆنيوز گۆت” هه‌تا نوكه زێده‌تر ژ 160 په‌رله‌مانتاران دووپات كريه كو دێ پشكداريێ دوێ روونشتنێ دا كه‌ن”.
زێده‌تر گۆت” د وێ روونشتنێ دا برياره ده‌نگدان ل سه‌ر راستڤه‌كرنا چارى دقانوونا هه‌لبژارتنان دا بهێته كرن”.
ل دۆر ئارمانج ژ بزاڤێن درێژكرنا ده‌مێ په‌رله‌مانى، ئه‌لسه‌يهوود گۆت” درێژكرن دێ تاكو وى ده‌مى بيت يێ ئه‌نجامێن دووماهيێ يێن هه‌لبژارتنان دهێنه په‌سه‌ندكرن
ئەڤرۆ نیوز ، زنار تۆڤی :
پشتی بۆ دەمەکێ درێژ فرۆکان ئەڤ دەڤەرە بۆمبە باران نەکری ئەڤرۆ جارەکادی فرۆکێن سۆپایێ تورکی ب بەهانەیا هەبوونا چەکدارێن پەکەکێ ل سنورێ ناحیا کانی ماسێ چەندین جه ل ڤێ دەڤەرێ بۆمبە بارانکرن.
حسێن مستەفا وەلاتیەکێ ڤێ دەڤەرێ یە بۆ ئەڤرۆ نیوز گوت: ئەڤرۆ چارشەمبی 27 خزیرانا 2018 و ل دەمژمێر 11 بەری نیڤرۆ جارەکا دی فرۆکێن سۆپایێ تورکی گەلیێ بازێ و هندەک جهێن دیتر ل ناحیا کانی ماسێ یا سەر ب قەزا ئامێدیێ ڤە بۆمبە بارانکرن و ڤێ چەندێ ترسەک ئێخستە دلێ خەلکێ وان گوندان و دیارکر ژی:گەلەک جاران فرۆکێن تورکی بۆمبه ل نێزیکی گوندان داینە و لەوما نوکە خەلکێ ڤێ دەڤەرێ نەشێن ژ گوندێن خوە دووربکەڤن ژبەر ترسا بۆمبە بارانکرنا فرۆکان.
نيشاندان