ئه‌ڤرۆ نیوز، نه‌وزاد هلۆرى:
ئه‌ڤرۆ سپێدێ ل سه‌ر رێیا گشتى دناڤبه‌را كومه‌لگه‌ها قه‌دشێ و ناحیا سه‌رسنكێ دا ژ ئه‌گه‌رێ روودانه‌كا ترافیكێ، به‌رپرسێ پشكا ته‌نگاڤیان ل ئاسایشا قه‌زا ئامێدیێ گیانێ خوه ژ ده‌ست دا.
به‌یار ئامێدى، به‌رپرسێ پۆلیسێن هاتنوچوونا ئامێدیێ بۆ ئه‌ڤرۆ نیوز گۆت: (ئه‌ڤرۆ سپێدێ ل سه‌ر رێیا گشتى دناڤبه‌را كومه‌لگه‌ها قه‌دشێ و ناحیا سه‌رسنكێ ژ ئه‌گه‌رێ روودانه‌كا ترافیكێ، به‌رپرسێ ته‌نگاڤيان ل ئاسايشا ئامێدیێ، رائيد فه‌همى محه‌مه‌د سالح ئه‌ره‌دنى، گیانێ خوه ژ ده‌ست دا)
زێده‌تر گۆت: (روودان ژ جۆرێ وه‌رگه‌ران بوویه ، پشتى روودانێ به‌رپرسێ پشكا ته‌نگاڤیان ل ئاسایشا ئامێدیێ بۆ نه‌خوه‌شخانا ته‌نگاڤیان ل ئامێدیێ هاتیه ره‌وانه‌كرن، به‌لێ ب مخابنی ڤه ژبه‌ر گرانیا برینا وى، گیانێ خوه ژ ده‌ست دا)
دهێته زانین كو ناڤبرى مالا وى ل كومه‌لگه‌ها قه‌دشێ یه و چه‌ند ساله وه‌كو به‌رپرسێ پشكا ته‌نگاڤیان ل ئاسایشا ئامێدیێ كاردكه‌ت و كه‌سه‌كێ دلسوز و چالاكبوویه دكارێ خوه دا.
رائيد فه‌همى محه‌مه‌د سالح ژدايكبوويێ سالا 1971 يه ودو كور وسێ كچ يێن هه‌ين.
ئەڤرۆ نیوز، بارزان مزووری:
مەسیحیێن دەڤەرا تلسقوف دلگران بووینە بەرامبەری گرتنا رێیا وان د ناڤبەرا مووسل و تلسقوف دا ژ بەر کو باژێرێ مووسل بۆ وان نێزیکترین پارێزگەھە، ھەموو کاروبارێن وان ل ڤێ پارێزگەھێ ب رێڤە دچن داخواز دکەن کو رێیا وان بھێتە ڤەکرن، ئەڤە بۆ ماوێ ھەشت ھەیڤایە رێیا د ناڤبەرا مووسل و تلسقوف دا ھاتیە داخستن.
یوسف حەنا، وەلاتیەکێ مەسیحی یە ل تلسقوف بۆ ئەڤرۆ نیوز دیار کر کو ئەڤ رێیە بۆ مەسیحیان نێزکترین رێیە بۆ پارێزگەھا مووسل ل تلسقوف بۆ مووسل کێمتر 30 خولەکایە ئەڤ رێیە ژ لایێ لەشکرێ عیراقێ و حەشدا شەعبی ڤە ھاتیە گرتن گەلەک دلگرانین بەرامبەر داخستنا ڤێ رێ ژ بەر کو ھەموو کاروبارێن مە ل ڤێ پارێزگەھێ ب رێڤە دچن، ھەر چەندە رێیا سکرێ مووسل ڤەکریە، بەلێ دەمێ ئەم ل وێ رێ بۆ مووسل دچن زالگەھێن وان گەلەک ئاستەنگا د ئیننە رێیا مە دا گوندێ مە ل پشت سەنگەری یە ل باژێرێ باتنایێ بەلێ رێ ناھێتە دان بچینە گوندێ خوە ژ بەر کو ل بن دەستھەلاتا حەشدا شەعبی دایە گوند ب تەمامی ھاتیە وێران کرن بنیاتێ خزمەتگوزاریا ھەموو ھاتیە تێک دان د نھا دا ئەم ئاوارەینە ل ڤی باژێری گرتنا ڤێ رێ ھەموو کاروبارێن مە راوەستاندینە ژ وانا نەزڤرین بۆ سەر گوندێن خوە و نەچوونا فەرمانبەرا بۆ مووسل، داخواز ژ حکومەتا ھەرێما کوردستانێ و عیراقێ دکەین کار بکەن کو بگەھنە رێکەفتنەکێ بۆ ڤەکرنا رێیا تلسقوف بۆ مووسل.
تارق ھەرنی، فەرماندێ فەرماندەیا سپیلکی ل سەنگەرێ ناوەران بۆ ئەڤرۆ نیوز دیار کر کو مە وەکو پێشمەرگە ل ڤی سەنگەری چ ئاریشێن ڤەکرنا رێ نەبووینە مە چەندین جارا ھەولداینە کو ئەڤ رێیە ڤەبیت بۆ نمونە رێیا ناوەران بۆ جەند رۆژا ھات ڤەکرن جارەک دی دووبارە حوکمەتا مەرکەزی ئەڤ رێیە داخستەڤە ئەم پێشمەرگەژی گەلەک حەز دکەین ئەڤ رێیە بھێتە ڤەکرن ژ بەر مەسیحیێن دەڤەرێ ژ بەر کو ئەڤ رێیێن نھا ڤەکری بۆ وان گەلەک د دوورن، ھیڤیا مە ئەوە حوکمەتا نوو بھێتە پێک ئینان، پتر لێ نێزیک بین بۆ ڤەکرنا ڤان رێیان.
ئه‌ڤرۆ نيوز، فاتما مزوورى:
شيره‌تكاره‌كێ سه‌رۆك بارزانى بۆ كاروبارێن سياسى راگه‌هاند كو پێدڤيه د قووناغا پشتى هه‌لبژارتنێن گشتى يێن عيراقێ دا كورد ب هێز ڤه‌گه‌رنه به‌غدا دا كو جاره‌كا دى سه‌رۆك وه‌زيرێن عيراقێ نه‌شێت ياريان ب مافێن گه‌لێ كوردستانێ بكه‌ت.
هێمن هه‌ورامى، شيره‌تكارێ سه‌رۆك بارزانى بۆ كاروبارێن سياسى د به‌رنامێ ل كوردستانێ يێ كه‌نالێ كوردستان تى ڤى دا راگه‌هاند كو پارتى دخوازيت ب هێز ڤه‌گه‌ريته به‌غدا دا كو جاره‌كا دى سه‌رۆك وه‌زيرێن عيراقێ نه‌شێت ياريان ب مافێن گه‌لێ كوردستانێ بكه‌ت.
هه‌ورامى گۆت: “پارتى ب باشى دبينيت كو هه‌موو لايه‌نێن كوردان ب هه‌ڤپه‌يمانيه‌كا ئێكگرتى بچنه به‌غدا دا كو داخوازيێن مافێن ره‌وا يێن هه‌رێما كوردستانێ گه‌ره‌نتى بكه‌ن، به‌لێ هه‌كه لايه‌نێن دى ئه‌ڤ ئاماده‌كاريه تێدا نه‌بيت، پارتى ل سه‌ر چو لايه‌كى راناوه‌ستيت”.
ئه‌ڤرۆ نيوز:
پشتی سەختەکاریا ئێکەتیێ د پرۆسا ھەلبژارتنێن جڤاتا نوونرێن عیراقێ ل 12 ئەیارا بۆری ل پێکھاتێن سلێمانیێ ھاتینە کرن، ھێزێن سیاسی ل وێ پارێزگەھێ بێھیڤەک بۆ پەیدا بوویە، باسکێ دەست بەردایی یێ ئێکەتیێ بۆ مفایێ بەربژارێن خوە و سەرکەفتنا وان دەستکاری د ئەنجامێن پرۆسا ھەلبژارتنان دا کرن.
ل گۆڕ وان پێزانینان یێن لبەر دەستێن بزاڤا گۆڕانێ، 150 ھەزار دەنگێن حزبا بزاڤا گۆڕان ب سەختەکاری بۆ بەربژارێن ئێکەتی چووینە، ژبلی دەنگێن حزبێن دیتر کو ل بازنەیێ سلێمانیێ دا بەربژار ھەبوون.
ژئالیەکێ دیتر ڤە، ھەتا نوکە باسکێ دەست بەردایێ ئێکەتی نشتیمانی کوردستان ھاریکاریێن دارایی بۆ بزاڤا گۆڕانێ دکەت، و ھەر ئێک ژ ھێرو ئیبراھیم ئەحمەد ھەڤژینا جەلال تالەبانی و کوڕێن نەوشیروان موستەفای و پشکەک ژ خانە راپەڕینا گۆڕانێ ئاگەھداری وان ھاریکاریانە یێن ژ ئالیێ ئێکەتیێ بۆ گۆڕانێ دھێنە دابینکرن، کو ڤێ دووماھیێ ئێکەتیێ گەفێن بڕینا وان ھاریکاریان ل بزاڤا گۆڕانێ کرینە.
ل گۆڕ پێزانینان سەختەکاریا ھەلبژارتنان دوبەرەکی و ھەلنگفتنەکا مەزن د ھێرۆ ئیبراھیم ئەحمەد و کۆڕین نەوشێروانێ دا پەیدا بوویە، چونکی نوکە ل سەر ئاستێ کوردستانێ و عیراقێ ژی بزاڤا گۆڕانێ ھەموو شیانێن خوە ب دژی ئێکەتیێ بکار دئینیت.
ھەروەسا بزاڤا گۆڕان ژ ئالیێ ئێکەتیێ ڤە ھاتیە ئاگەھدار کرن، ئێدی چو جارەکا دیتر نەبیتە پشتەڤانیا وان بزاڤێن د. بەرھەم سالح دژی ئێکەتیێ دکەت.
ژێدەرەکێ نێزیک ژ باسکێ دەست بەردایێ ئێکەتیێ کو نەڤیایە ناڤێ خوە ئاشکرا بکەت ئاشکراکر، باسکێ دەست بەردایێ ئێکەتیێ ھەموو دارایی حزبێ ددەستێن وانا دایە، ھەموو ھەیڤان ژ بلی دابینکرنا مووچە و مەزاختیێن کەنالێ (KNN) ب کۆژمێ (250) ھەزار دۆلاری ئەمریکی، ب زمانێ کولانکی دبنە (25) دەفتەر ، ددەتە بزاڤا گۆڕان، ھەموو ئەو پارە ل ئالیێ کۆڕێن نوەشێروانی ب مەرما ئیدارەکرنا کەنالێ ناڤبری دھێتە دانان.
ئەڤرۆ نيوز:
پەرلەمانتارەکێ کورد ل دۆر بزاڤێن درێژکرنا تەمنێ پەرلەمانێ عیراقێ دبێژیت، دو مەرەم بۆ ڤێ بزاڤێ ھەنە، ئێک بەردەوامیا وان دپەلە وپۆست وەرگرتنا ئمتیازێن وانا یە، یا دۆ ژی ئەکەسن یێ خەلکی دەنگ نەدایێ و دڤێت بۆ ھەیامەکا دیتر ل پۆستێن خوە بمینن، بۆ ھندێ وانا کارتێکن ل سەر پۆسا سیاسی ھەبیت.
سەرۆکێ لژنا قانوو یا پەرلەمانێ عیراقێ، موحسن سەعدون، بۆ مالپەرێ فەرمیێ پارتی دیموکراتی کوردستان راگەھاند، دادگەھا فیدارلی رایا خوە ل سەر درێژکرنا تەمەنێ پەرلەمانی دایە، کو ئەو کارێ پەرلەمانی نینە و نەیا قانوونی و دستوری یە، ئەم ژی وەکو فڕاکسیۆنا پارتی دژی درێژکرنا تەمەنێ پەرلەمانێ عیراقێ ینە، لەورا د دەنگدانێ دا ژی ئەم دەنگێ بۆ وی پرۆژەی نادەین.
سەعدەن ھەروەسا گۆت: ھەر چەندە پەرلەمانێ عیراقێ یێ رژە ل سەر دەربازکرن و پەسەندکرنا پرۆژێ ناڤبری بۆ درێژکرنا تەمەنێ پەرلەمانی، بەلێ ئەڤرۆ ئەو پرۆسە دێ ھێتە ئێکلا کرن، چونکی ل گۆڕ دیتنا وان دڤێت پەرلەمان یێ بەردەوام بیت، بۆ ھندێ چاڤدێریا حوکمەتێ بکەت ھەتا پەرلەمانێ نوو دەست بکارێن خوە دکەت.
ژ ئالیەکَ دیتر ڤە، ئەنداما پەرلەمانێ عیراقێ یا سەرب فڕاکسیۆنا پارتی ڤە، نەجیبا نەجیب گۆت: بڕیارە د چارچۆڤێ پەسەندکرنا پرۆژێ درێژکرنا تەمەنێ پەرلەمانی دا، جارەکا دیتر دەنگ ل قانوونا سەر راستڤەکرنا قانوونا ھەلبژارتنێن عیراقێ بھێتە دان، پشتی دادگەھا فێدرالی بڕیارا خوە ل سەر دای، لەورا ھەکە خالا رەتکرن و ھەولەشاندنا دەنگێن پێشمەگە و تایبەت و ئاوارەکان کرنە دناڤا پرۆژێ دەنگدانێ دا، ئەم پشکداری کومبوونێ بین بتنێ بۆ دەنگدانا ڤەگەراندنا دەنگێن پێشمەرگە و تایبەت و ئاواران، و دەنگێ بۆ درێژکرنا تەمەنێ پەرلەمانی نادەین.
ئه‌ڤرۆ نيوز:
کەسایەتیەکێ سیاسیێ کورد وەسا دبینیت، گرنگە کورد دڤێ قۆناغێ ئێکبگرن و ئێک دەنگبن، ھەروەسا دیارکر، پێدڤیە کورد گەرەنتیێ بۆ پشکداری د حوکمەتا نوویا عیراقێ دا وەربگرن و ل سەر داخوازا بارزانی ئالیێن سیاسی کۆمببن.
دکتۆر سامان شالی، کەسایەتیێ ئەکادیمی و سیاسیێ کورد بۆ رۆژناما ئەڤرۆ گۆت: بۆ پشکداریکرنا کوردان د حوکمەتا نوویا عیراقێ دا، پێدڤیە لایەنەکێ وەکی نەتەوێن ئێکگرتی بھێنە ناڤا رێککەفتنا ڤێجارێ د ناڤبەرا ھەرێما کوردستانێ و بەغدای دا، چونکو بەری نوکە ژی چەندین جارا رێککەفتن د ناڤبەرا ھەرێم و بەغدای دا ھاتیەکرن، و بەغدا یا پێگیری ب چو رێککەفتنان نەبوویە، لەوڕا یا فەرە ڤێ جارێ داخوازا گەرەنتیێ بکەن، ب دیتنامن نابیت کورد دەنگی بدەنە حەیدەر عەبادی کو جارەکا دی ببیتە سەرۆک وەزیرێن عیراقێ، چونکو ئەزموونەکا زۆرا مەترسیدار تۆمارکریە و ھندی عەبادی سەرۆک وەزیر بیت سیاسەتا برسیکرنا خەلکێ کوردستانێ دێ یا بەردەوامبیت، ئەڤە چەندین رۆژە ل خانەقین و دەوروبەرێ کەرکووکێ تاوانێن داعش زێدەبووینە و ھژمارەکا زۆرا وەلاتیێن کورد ئاوارەبووینە و ھندەکژی ھاتینە شەھیدکرن، بەلێ سەرۆک وەزیرێن نوکەیێ عێراقێ چو ھەلویست نینە.
ل دۆر پێیشنیارا سەرۆک بارزانی بۆ کۆمبوونا لایەنێن سیاسی دکتۆر سامان شالی گۆت” ھیڤی دکەم ئەف کۆمبوون بھێتە ئەنجامدان، بتایبەتی پشتی ڤاڤارتنا دەنگان بدەستی، ئەڤا زۆرا گرنگ و کاک مەسعود بازرانیش د پەیاما خوەدا ئاماژە بۆکریە ئەڤە کورد ب ئێک وەرەقەژی بچنە بەغدا سیاسەتا سزادانا خەلکێ کوردستانێ یا بەردەوامە، من چو گومان ل پەیاما کاک مەسعودی نینە، چونکە ددەم و جھێ خوەدایە و بەردەوامژی داخوازا وی ئەڤەبویە نافمالا کوردا ئێکگرتی بیت، ھەتا بەری ئەنجامدانا ریفڕاندۆمێ و پشتی ریفڕاندۆمێ و داخوازا ئێک رێزیێ کریە، ھەتا ھەگەر مرۆڤ بەرێ خوە ببدەت دیرۆکێ ب درێژاھیا دیرۆکێ کورد نەگەھشتینە چو ئارمانجەکی ژبەرکو ئێکگرتی نەبووینە.
ئەڤرۆ نیوز:
چار یاریێن دی ژ گەر و کوما دوماھیێ ئەڤرۆکە دێ ھێنە کرن و ھەمی ئەنجام پێشبینی کرینە تایبەت د کوما ھەشتێ دا ناڤبەرا ژاپون و سینیگال و کولومبیا دا.
کوما ھەشتێ
دەمژمێر ٥:٠٠ سینیگال VS کولومبیا … جواد بەدە
دەمژمێر ٥:٠٠ ژاپون VS پولەندا … یوسف سێف
کوما حەفتێ
دەمژمێر ٩:٠٠ ئنگلتەرا VS بەلچیکا … حەفیز دەراججی
دەمژمێر ٩:٠٠ تونس VS پەنەما… رەئوف خلێف
ئەڤرۆ نیوز ، زنار تۆڤی:
دوهی تۆماركرنا هه‌ڤپه‌یمانیان بۆ هه‌لبژارتنێن په‌رله‌مانێ كوردستانێ ب دوماهی هاتن و سێ هه‌ڤپه‌یمانی هاتینه تۆماركرن.
ل رۆژا چارشه‌مبی و ل دەمژمێر سیێ ئێڤاری دوماهی ب ژڤانێ تۆماركرنا هه‌ڤپه‌یمانیان بۆ هه‌لبژارتنێن په‌رله‌مانێ كوردستانێ هات، كو به‌ری نوکە دو جاران ده‌مێ وێ هاتبوو درێژكرن.
هه‌روه‌سا بۆ ڤان هەلبژارتنان سێ هه‌ڤپه‌یمانی ب ناڤێن هه‌ڤپه‌یمانیا سه‌رده‌م و هه‌ڤپه‌یمانیا به‌ره‌ف چاكسازیێ، هه‌روه‌سا هه‌ڤپه‌یمانیا به‌ره‌یێ نه‌ته‌وه‌یی هاتینه تۆماركرن.
بەری نوکە كۆمسیۆنێ خوه‌تۆماركرنا قه‌وارێن سیاسی راگه‌هاندبوو و د ده‌مێ ده‌هـ رۆژان دا و 38 قه‌واره‌یان ناڤێن خوه بۆ هەلبژارتنێن 30 ئیلۆنێ تۆمار كرینە.
بەردەرەش ,رەزوان رۆژبەیانی:
كەڤنترین مزگەفت ل سنوورێ قەزا بەردەرەش دكەڤیتە ناحيا دارەتوو كو ژ ئاخێ هاتیە دروست كرن و هەتا نوكەژی نڤێژ تێدا دهێنه كرن وەك شینوارەكێ دیرۆكی دەستكەفتەك ژباب و باپێرێن وان بۆ بجه مایە .
فەیزولا میكایل ععه‌بدولا، كو ژ كەڤن دا مالباتا وان سەرپەرشتی و چاڤدێریا وێ مزگەفتێ دكەن بۆ ئەڤرۆنيوز گۆت ل سالا 1805 زاینی ئەڤ مزگەفتە ژلایێ خەلكێ دارەتوو كو وی دەمی گوند بوو ژ ئاخ و لبن و دارى هاتیە ئاڤاكرن و نوكە ژیێ وی گەهشتیە 213سالان. دیار ژی كر پاناتیا دیوارێ مزگەفتێ پترە ژ مەترەكی و هەموو ب لبنا هاتیە دروستكرن و سەرێ وی ژی ب (كاریتە-دار) هاتیە گرتن و ژ دو هۆلان پێك دهێت درێژاهیا هەر هۆلەكێ 15 مەترە وهەتا نوكە بانگ تێدا دهێتە دان ونڤێژ تێدا دهێتە كرن وخوه‌شیا مزگەفتێ ئەوە ب دو موبەریدان هین دبیت ول دەمێ زڤستانێ ژی ب ئاگرەكی كێم گەرم دبیت.
گوت ژى، دو جاران ئەف مزگەفتە يا هاتیە نووژەنكرن، كو جارا دووماهیی ل سالا 1955بوو، هەتا نوكە چو جارێن دی نەهاتیە نووژەنكرن و دەمەك مە دخواست كو تێك بدەین و ل جهێ وی مزگەفتەكا نوو ئاڤا بكەین، لژنەك ل دووڤ داخوازيا مه هات، بەلێ رازی نەبوو كو بهێتە تێكدان ژبه‌ركو كەفتیە دناڤ لیستا شوونواراندا و ناچێبیت بهێتە تێكدان، لەورا ئەم ژی ئێدی وێڤە دێ دگەل خەلكێ گوندی ڤى شینوارى پارێزین و ناهێلین بهێتە تێكدان.
نيشاندان