ئه‌ڤرۆ نيوز، فاتما مزوورى:

ل باژارێ قامشلۆ سه‌ركرده‌یه‌كی پارتیا ده‌مۆكرات یا كوردستانێ – سووریا (په‌ده‌كه‌-س) ژ ئالیێ ئاسایشا رۆژاڤا ڤه‌ هاته‌ بنچاڤكرن.

ژێده‌ره‌كی ژ په‌ده‌كه‌-سێ راگه‌هاند: شه‌ڤا بووری ئاسایشا قامشلۆ ب سه‌ر مالا ئەندامێ كۆمیتا شێورمه‌ندیێ یا په‌ده‌كه‌-س و به‌رپرسێ ئە‌نجوومه‌نا خوه‌جهیا قامشلۆ یا ئە‌نه‌كه‌سێ محه‌مه‌د ده‌هام ئە‌یۆ ده‌ گرتن و ئەو به‌ر ب جهه‌كی نه‌دیار ڤه‌ برن.وی ژێده‌ری گۆت, نه‌هات زانین ژ به‌ر چ سه‌ده‌مێ محه‌مه‌د ده‌هام ئە‌یۆ هاته‌ بنچاڤكرن, لێ د چارچۆڤه‌یا زنجیره‌یا گرتن و ره‌ڤاندنا چالاكڤان و سه‌ركرده‌یێن ئە‌نجوومه‌نا نیشتمانی یا كوردی ل سووریێ (ئه‌نه‌كه‌سه‌) ده‌ تێ و په‌یه‌د ه‌ د  ساخی و سه‌لامه‌تیا  ژیانا وی ده‌ به‌رپرسیارە.

بنچاڤكرنا ڤی سه‌ركرده‌یێ په‌ده‌كهئ-سێ پشتی وێ تێ, مینا  ئەندامێ كۆمیته‌یا هه‌رێمی یا په‌ده‌كه‌-سێ مه‌حموود مسته‌فا وه‌یسۆ, به‌رپرسێ په‌یوه‌ندیێن ده‌رڤه‌ یێن شه‌پێلا پێشه‌رۆژێ ئە‌بدلحه‌مید ته‌مۆ و ئەندامێن په‌ده‌كه‌-سێ ئیدریس ئە‌لۆ, ئە‌حمه‌د سیدۆ و ئە‌حمه‌د سینۆ ل جه‌م ئاسایشێ گرتی نه‌ و حه‌یا نها چاره‌نڤیسا وان ژی نه‌دیار ئە.

ئه‌ڤرۆ نيوز، فاتما مزوورى:

سه‌لاحه‌دين ده‌ميرتاش د گۆتاره‌كێ دا كو بۆ نيويورك تايمز نڤيسيه‌، دايه‌ خوياكرن كو ئاكه‌په‌ و سه‌رۆك كۆمار ئه‌ردوگان ب هه‌موو هێزا خوه‌ بزاڤێ دكه‌ن كو هه‌ده‌په‌ د بن به‌ندا هه‌لبژارتنان دا بهێلن.

ده‌ميرتاش دبێژيت: “زياندانكرنا من ب تنێ ژى نيشان دده‌ت كو هه‌لبژارتنێن توركيا د مه‌رجێن دادوه‌رانه‌ دا ناهێنه‌ ئه‌نجام دان”.

به‌ربژارێ هه‌ده‌پێ بۆ سه‌رۆك كۆماريا توركيا سه‌لاحه‌دين ده‌ميرتاش د گۆتارا خوه‌ دا ئاماژه‌ ب وێ چه‌ندێ كر كو ژبلى ئه‌ردوگان هه‌موو به‌ربژارێن سه‌رۆكاتيا كۆمارا توركيا داخواز كر كو بهێته‌ ئازادكرن، “ژ به‌ر كو دزانن كو ئه‌و تۆمه‌تێن داينه‌ پال من د بێ بنه‌مانه‌ و هه‌كه‌ ب ره‌نگه‌كێ ئازاد شيابامامه‌ پشكداريێ هه‌وا خوه‌ ببم، دا ئه‌ردوگان لاواز كه‌م”.

گۆتژى: “ئه‌ردوگان ژ ده‌سته‌لاتا خوه‌ د ترسيت كو ب كه‌ڤيت، ژ به‌ر ڤێ چه‌ندێ ژى ئه‌ز وه‌كو بامته‌كێ سياسى د زيندانێ دا هێلايمه‌ و ژ به‌لاڤكريێن من ژى ل سه‌ر تۆڕێن جڤاكى دترسين و دووڤچوونا وان تويتان ژى دكه‌ت يێن ئه‌ز ل تويته‌رى به‌لاڤ دكه‌م”.

ئه‌ڤرۆ نيوز:

بڕیارە ئەڤرۆ ئاکنجیێن قەزا خانەقین خرڤەبوونەکێ بۆ ڤەگەڕاندنا ھێزا پێشمەرگەی بۆ سنوورێ قەزا خانەقین ئەنجام بدەت و بەرپرسەکێ پارتی ژی دبێژیت، مەترسیەکا مەزن ل سەر خانەقین ژلایێ چەکدارێن داعش ڤە ھەیە.

جەعفەر شێخ مستەفا، بەرپرسێ لقێ پازدە یێ پارتی ل خانەقین بۆ رۆژناما ئەڤرۆ ئاشکرا کر کو ئەڤە بۆ دەمێ چەند رۆژانە چەکدارێن داعش لڤینێن خوە ل سنوورێ قەزا خانەقین زێدەکرینە و مەترسیا داعش گەھشتیە سەنتەرێ قەزایێ و د ناڤ سنوورێ باژێڕڤانیا خانەقین دا بەری چەند رۆژان سەرۆک عەشیرەتەک ھاتە کوشتن و مەترسیا ڤالاھیا ئەمنی ل 300 گۆندێن دەوروبەرێ خانەقین ھەیە و ژوان ژی 150 گۆندان گەف ل سەر ھەنە و پتر د بن کۆنتڕۆلا داعشن نە ژ ھێزێن عیراقی و گۆت: “ئەڤە ژی بوویە ئەگەر رۆژانە چەکدارێن داعش خەلکێ سڤیل بکەنە ئامانج و ھێرشی سەر وەلاتیان دکەن”.

ئه‌ڤرۆ نيوز، فاتما مزوورى:

ئەندامێ کۆنسەیا سەرۆکاتیا کەجەکێ، موراد قەرەیلان داخوازێ ژ خەلک و پارتیێن باکوورێ کوردستانێ دکەن کو ژ بۆ پاراستنا دیمۆکراسیێ و تورکیایەکا دیمۆکراتیکتر دەنگ بدەنە ھەدەپێ.

د ھەڤپەیڤینەکێ دا ل گەل میدیایا نێزیکی پەکەکێ، موراد قەرەیلان دبێژیت، ئەگەر ھەدەپە بەندا ژ %10 دەرباس نەکەت دێ ب کێمانی 70 ھەتا 80 کورسیێن وێ ژ بۆ ئاکەپێ چن، دێ بیتە سەدەم کو دەستھلاتا ئاکەپێ و مەھەپێ زێدەتر ببیت.

ب گۆتنا قەرەیلان، دێ ئەنجامێ وێ یەکێ ژی مالوێرانیا زێدەتر یا باکوورێ کوردستانێ بیت و تەکەز دکەت ژ بەر وێ ژی گەرەک ھەموو خەلک پشتەڤانیێ بدەنە ھەدەپێ و ب گۆتنا وی تەنێ ھەدەپە دشێت دیمۆکراسی و مافێ گەلێ کورد بپارێزیت.

قەرەیلان دا خویاکرن کو نابیت کورد ل بەندا تشتەکی بن ژ ئاکەپێ و ب تایبەتی پشتی ل گەل مەھەپێ ھەڤپەیمانی راگەھاندیە.

ئەندامێ کۆنسەیا سەرۆکاتیا کەجەکێ ھەروەسا دەستنیشان کر کو گوندپارێز ژی کورێن ڤی نەتەوی نە و پەکەکێ ژی د ئوپەراسیۆنێن خوە دا خوە ژ ب ئارمانجگرتنا گوندپارێزان دوور دکەت، ژ بەر کو بەشەک ژ وان ھاتنە نەچارکرن و ھەژارن.

ل سەر خوە بەربژێرکرنا ب دەھان بەربژێرێن سەربخوە ل باکوورێ کوردستانێ ژی، موراد قەرەیلان دبێژیت ئەڤ لیستۆکەکە ئاکەپێ یە ژ بۆ کو دەنگێ کوردان پەرچە و بەلاڤ بکە و نەھێلە ھەدەپە بەندا %10 یا ھەلبژارتنان دەرباس بکەت.

ئه‌ڤرۆ نيوز:

نوونەرێ سەرۆکێ روسیا بۆ کاروبارێ سووریێ راگەھاند کو نھا کار ل سەر ئامادەکرنا دستوورەکێ نوو بۆ سووریێ دھێتە کرن و ئەمریکا و روسیا ژی ل سەر ھندێ رێککەڤتینە کو دێ کورد د ئامادەکرنا دستوورێ نوو دا پشکدار بن و بزاڤ دھێنە کرن کو تورکیا ژی ب رۆلێ کوردان رازی بیت، چونکو بێی کوردان پرسا سووریێ چارە نابیت.

ئەلێکساندر لاڤرێنتیێڤ نوونەرێ سەرۆکێ روسیا بۆ کاروبارێن سووریێ راگەھاند کو نھا تێگەھشتنەکا باش د ناڤبەرا ئەمریکا و روسیا دا ل دۆر ئاڤاکرنا سووریەکا نوو ھەیە و دەمەکە شاندێن ھەر دو وەلاتان ل دۆر ئامادەکرنا دستوورەکا نوو ھەڤدیتنان دکەن و گۆت: (ئێدی ئەمریکا و روسیا گەھشتنە ڤێ باوەریێ کو دڤێت قەیرانا سووریێ دوور ژ شەری و ب رێیێن سیاسی بھێتە چارەکرن، بێگومان ژ بلی روسیا ھندەک وەلاتێن دی ژی د بابەتێ سووریێ دا خوەدان رۆلن و ئێک ژ وان ژی تورکیایە و مە دڤێت تورکیا ژی رۆلەکا باش د چارەکرنا قەیرانا سووریێ دا ھەبیت).

ناڤبری ئەو یەک ژی دیارکر کو نھا کار ل سەر ئامادەکرنا دستوورەکێ نوو بۆ سووریێ دھێتە کرن، چونکو ئاشکرایە سیستەمێ نھا یێ سووریێ نەشێت ببیتە بەرسڤا داخوازیێن ھەموو خەلکێن سووریێ ب نەتەوێن جودا جودا ڤە و ژ بەر ھندێ ژی ئامادەکرنا دستوورەکا نوو بۆ سووریێ ئێکە ژ خالێن سەرەکی یێن خەباتا ھەڤپشک یا مە یە ل گەل ئەمریکا و گۆت: (کورد ئێکن ژ ڤان نەتەوێن کو د سووریێ دا دژین و د شەرێ ل دژی داعشێ دا ژی خوەدان رۆلەکا سەرەکی بوون، مە دڤێت کورد د ئامادەکرنا دستوورێ نوو دا پشکدار بن، ئەمریکا و روسیا ل دۆر رۆلێ کوردان چو ئاریشە نینن و نھا ئەم بزاڤێ دکەین کو تورکیا ژی رازی بیت، چونکو دڤێت کورد د ئاڤاکرنا سووریا نوو دا خوەدان رۆلەک سەرەکی بن و مە بەری نھا ژی چەندین جاران دیار کریە کو قەیرانا سووریێ قەیرانەکا مەزنە و بێی کوردان ب چو رەنگەکێ چارەسەر نابیت).

نوونەرێ تایبەتێ سەرۆکێ روسیا ئەو یەک ژی دیارکر مە نەڤێت کورد بزاڤا پارچەکرنا سووریێ بکەن، ئیران و تورکیا ژی بەری نھا دیارکرینە کو ئەو ل گەل ھندێ نە سووریا وەکو وەلاتەکێ ئێکگرتی بمینیت و ئەم ژی ل گەل ھندێ نە کو کورد و ھەموو نەتەوە و کێم نەتەوێن کو ل سووریێ دژین د چارچۆڤێ سووریەکا نوو دا پێکڤە بژین، ژ بەر ھندێ ژی دستوورێ نوو یێ سووریێ دێ بیتە گەرەنتیا پێکڤەژیانا ھەموو نەتەوێن ل سووریێ و ئامادەکرنا دستوورەکێ نوو بۆ سووریێ نھا گەلەکێ گرنگە و گۆت: (سووریەکا نوو و ئێکگرتی دێ شێت ھەموو پرسێن خوە چارەسەر بکەت، ئەمریکا و روسیا ژی دێ ھاریکار بن، مە دڤێت تورکیا و ئیران ژی د چارەکرنا قەیرانا سووریێ دا ھاریکار بن و نەبنە ئەگەرێ دروستبوونا ئاریشێن نوو).

ئەو یەک د دەمەکێ دایە کو بەری نھا شاندەکێ ئەنجوومەنێ نیشتمانیێ کورد ل سووریێ سەرەدانا روسیا کربوون و ل گەل بەرپرسێن وەزارەتا دەرڤە یا روسیا ل دۆر دستوورەکێ نوو ل سووریێ دانوستاندنان کربوون و چەندین بەرپرسێن پارتێن کوردی ل سووریێ ژی دیار دکەن کو روسیا دبێژیت بێی کوردان قەیرانا سووریێ چارەسەر نابیت و دڤێت تورکیا ژی دەستێوەردانێ د کاروبارێن رۆژئاڤایێ کوردستانێ دا نەکەت و رێزێ ل داخوازیێن کوردان ل سووریێ بگریت.

ئه‌ڤرۆ نيوز:

چالاکڤان و نڤیسەر کاکەئی لیزا فەلەکەددین بو رۆژناما ئەڤرۆ راگەھاند،پشتی خیانەتا 16 ئۆکتۆبەرێ ڤالاھیەکا مەزن دئێمناھیا دەڤەرێن کاکەئیان پەیدابوویە، ئەو دەڤەرێن کاکەئی لێ ئاکنجی ھەموو نوکە بێ خودان ماینە، کەس بەرپرسیاریا وان دەڤەرا نائێخیتە سەر ملێن خوە، زێدەباری وێ چەندێ گوندێن کاکەئیان یان بەرھەڤ نینن گوندێن خوە چول بکەن، ئەو مەترسیا نوکە ل سەر دەڤەرێن کاکەئیان ھەی مەترسیا ژناڤ برنا وانایە ل سەر نەخشەیێ جیھانێ، ھەکە حکومەتا عیراقێ بێدەنگ بیت بەرامبەری وان رەفتارێن ھەمبەری کاکەئیان دھێنە کرن.

ناڤبریێ ھەروەسا گۆت: حوکمەتا عیراقێ بەرپرسیارە ژ وان کریارێن خراپ یێن ل دەڤەرێن کاکەئیان دھێنە ئەنجامدان، تایبەت حەیدەر عەبادی ژ بەر کو ب شێوەیەکێ راستەوخوە سەرپەرشتیا لەشکرێ عیراقێ دکەت، وی سۆزدا بوو پشتی روودانێن 16 ئۆکتۆبەرێ وان دەڤەرا ب پارێزیت.

لیزایێ گوت کو ھێزەک ھات بو دامەزراندن ژلایێ حەشدا شەعبی بو کاکەی یا نبو پاراستنا وان دەڤەرا بەلێ ب مخابنی ڤە ئەڤە 8 ھەیڤە ئەو ھێز ھاتیە دامەزراندن ب خوبەخش بێ بەرامبەر بو پاراستنا دەڤەرێ بەلێ نوکە ئەو ھێز نەشێن بەردەوام بن، ژ بەر کو ئەو ھێزا روبەرویا وان دبیت، کەس نزانیت سەر ب چو لەشکرن ب شەڤ ب ئازادانە ل گوندێن کاکەئیان دگەرێن گەفان ل خەلکی دکەن، گەلەک کەس ژی رەڤاندینە و بێ سەروشین کرینە، بەری دەمەکی دوو کەسێن کاکەئی ب شێوەیەکێ ھۆڤانە کوشتن و ھاتبوونە وێنەکرن، ئێک ژ کەساتیێن مەزن یێن کاکەئیان بناڤێ” فرھاد ئاغا بێ سەروشینە، حەتا نوکە حوکمەتا عیراقێ نەھاتیە دەنگ بەرامبەری وان کریارێن ھوڤانە.

ناڤبریێ ل دووماھیێ گوت: ھەر کریارەکا ل دەڤەرێن کاکەئیان دروست دبیت، حوکمەتا عەبادی بەرپرسیارە و ئەو کەسێن 16 ئۆکتۆبەرێ خیانەتکاری ئەوێن رێک بۆ حەشدا شەعبی و لەشکرێ عێراقێ خوشکرین، بەرپرسیارێن سیێ ھێزێن ھەڤپەیمانانە ژ بەر کو ئەو بخو نوێنەرێ بریتانیا کومبون من بەحس ل رەوشا کاکەئیان کر، کاکەئی د رەوشەک خراپ دا ل کەرکوکێ دژین، وان بەرسڤا من دا و گوت: ئەم ھەوە پشراست دکەین، کو ھێزێن عیراقێ بەرپرسیارەتیێ د ئێخنە ستویێ خو ناھێلن رەوشا کاکەئیان خراب ببیت، بەلێ ب مخابنی ڤە وەسا نەدەرکەفت.

ئەڤرۆ نيوز:

سەرۆکێ دەستەیا بلندا بنگەھێ لالش یێ رەوشەنبیری و جڤاکی دیار کر کو ئێزدی رژدن بۆ دانانا کورسیکا کۆتا بۆ ئێزدیان ل پەرلەمانێ کوردستانێ و ئەڤ داخوازیا وان گەھاندیە سەرکرداتیا سیاسی یا پارتی دیموکراتی کوردستان.

شێخ شامۆ، سەرۆکێ دەستەیا بلندا بنگەھێ لالش یێ رەوشەنبیری و جڤاکی گۆت: “پارتی دیموکراتی کوردستان پشتەڤانیێ ل ئێزدیان کریە بۆ ڤێ داخوازیێ، مە وەکو فراکسیۆنا پارتی پرۆژە پێشکیشکریە بۆ سەرۆکاتیا پەرلەمانێ کوردستانێ و بڕیارە پرۆژێ کوتا بکەڤیتە د بەرنامێ پەرلەمانی دا، بەلێ دەم بۆریە، نوکە کیان ھاتینە تۆمارکرن. دەم نە د بەرژوەندیا مە دایە پرۆژە بھێتە دەربازکرن، نوکە من ئەو ھیڤی نینە ئەم ڤێرا بگەھین و کوتا دەرباز ببیت”.

ئاشکەرا کر کو دەنگێن ئێزدیان بەھرا گرنتیا کورسیەکێ ل سەر ئاستی پارێزگەھا دھۆکێ ناکەن ل سەر ئاستی لایەنیێن سیاسی ل کوردستانێ ئێزدی ل سەر کیستێ پارتی دھێنە ھژمارتن، “لایەنیێن سیاسی بزاڤێ دکەن چو پرۆژێن د بەرژوەندیا ئێزدیان دا ل پەرلەمانی نەھێنە دەرباز کرن، چونکو پتریا ئێزدیان ل گەل پارتی نە”.

ئەو ژی دیار کر کو ھەر دەمێ دەڤەرێن وان ھاتنە ئێکلا کرن شنگال و باشیک و بەحزانێ ڤەگەریانە سەر ھەرێما کوردستانێ ل وی دەمی ئێزدیان پێدڤی کورسیا کوتا نابیت، “دێ شێن چەندین کورسیێن پەرلەمانی ب دەست ڤە ئینن”.