ئەڤرۆ نیوز ، زنار تۆڤی:
مەلبەندێ دویێ یێ ئێکەتیێ ل كه‌ركووكێ راگەهاندیه ک حاله‌تێن كوشتن و رەڤاندنێ ب ئاشكرا و نهێنی ل سنوورێ دەڤەرێن جهێ ناکوکیان ب گشتی و ب تایبەتی ژی ل كەركووكێ د‌ زێدەبوونێ دانە.
مەلبەندێ دویێ یێ ئێکەتیێ ل كەركووكێ یاداشتەک ئاراستەی سەرۆكاتیا كۆمار و حوکمەتا عێراقێ و هەرێما كوردستان و یۆنامی كریە و تێدا هاتیه‌”ئەڤە دەمەکە جموجۆل و كریارێن تیرۆریستی یێن داعش وەك كوشتن و رەڤاندن ب ئاشكرا و نهێنی د زێدابوونێ دایە ل سنوورێ دەڤەرێن جهێ ناكۆكیان ب گشتی و ل كەركووكێ ب تایبەتی و مە هەموو لایەك هاتینە ئاگەهدار كرن كو پاراستنا سەر و مالێ وەلاتیێن ڤی  سنوورە د ستوویێ حوکمەتا عێراقێ دایه و کو نوکە بەرپرسیاریا دۆسیا ئەمنی یا ڤێ دەڤەرێ گرتیە ستوویێ خوە”.
هەروەسا گوتیە ” داخواز هاتیە كرن کو حوکمەتا عیراقێ هەموو شیانێن خوە بێخیتە كار بۆ رێگرتنێ ل هێرشێن تیرۆریستان و پاراستنا وەلاتیان، پێدڤیە حکومەتا عێراق و هەرێما كوردستانێ رێكبكەڤن ل سەر دروستكرنا هێزەکا هەڤبەش ژ پێشمەرگەی و سوپایێ عێراقێ ژبۆ پاراستنا خەلکێ وی سنووری.

ئەڤرۆ نیوز ، زنار تۆڤی:

لدووڤ زانیاریێن ئەڤرۆ نیوز ئەڤرۆ چارشەمبی 27 خزیرانا 2018 دێ ئەنجامێن ئەزموونێن پۆلێن 9 و 12 هێنە راگەهاندن.

هەروەسا وەزارەتا پەروەردێ ئەو قوتابی ئاگەهدارکرینە یێن کو نمرێن بلند بدەستڤە ئیناین و سەرکەفتیێن ئێکێ نە، ئەڤرۆ ل دەمژمێر 11 بەری نیڤرۆ ل ئاڤاهیێ وەزارەتێ ئامادەبن.

وەسا بریارە ئەڤرۆ ل دەمژمێر 11 بەری نیڤرۆ و د کۆنگرەکێ رۆژنامەڤانیدا وەزارەتا پەروەردێ ئەنجامێن ئەزموونان ئاشکرا بکەت و ب رێیا مالپەرێ تایبەت ب ئەزموونان ڤە ئەنجام دێ هێنە ئاشکرا کرن.