ئه‌ڤرۆ نيوز:
ئه‌ندامه‌كێ جڤاتا ناڤه‌ندى يا ئێكه‌تيێ، خوه بۆ پۆستێ سه‌رۆك كۆماريا عيراقێ كانديد دكه‌ت و دبێژيت: “هه‌كه ئه‌و پۆست ب به‌ر ئێكه‌تيێ كه‌فت دێ من به‌ختێ وه‌رگرتنێ هه‌بيت، چونكو هه‌موو مه‌رج ل ده‌ف من هه‌نه”.
د. محه‌مه‌د سابر، ئه‌ندامێ جڤاتا ناڤه‌ندى يا ئێكه‌تيێ، بۆ رووداو راگه‌هاند: د ناڤ ئێكه‌تيێ دا من خوه بۆ پۆستێ سه‌رۆك كۆماريێ كانديد كريه، هه‌كه ئه‌و پۆست ب به‌ر ئێكه‌تيێ بكه‌ڤيت، دێ من به‌خت هه‌بيت، چونكو هه‌موو مه‌رجێن سه‌رۆك كۆماريێ يێ ل ده‌ف من هه‌ين”.
ئه‌وى ئه‌ندامێ جڤاتا ناڤه‌ندى يا ئێكه‌تيێ به‌حس ل وێ چه‌ندێ ژى دكه‌ت كو جڤاتا ناڤه‌ندى ب نڤيساره‌كێ بۆ جێگرێ سكرتێرێ گشتى و ده‌سته‌يا كارگێرى يا مه‌كته‌با سياسى يا ئێكه‌تيێ، پشته‌ڤانيا خوه بۆ وه‌رگرتنا وى پۆستى بۆ وى ده‌ربڕيه و گۆت: “هه‌كه ژ ئه‌نجامێ دانوستاندنا ئه‌و پۆست ب به‌ر ئێكه‌تيێ كه‌فت، ئاخفتنا دووماهيێ يا سه‌ركرداتيێ يه، به‌لێ ئه‌ز خوه ب شايه‌نى وه‌رگرتنا وى پۆستى دزانم”.
محه‌مه‌د سابر، ل سالا 1947ێ ژ دايك بوويه، ل سالا 1976ێ په‌يوه‌ندى ب ئێكه‌تيێ كريه، هه‌لگرێ باوه‌رناما دكتورايه د وارێ فيزيا ئه‌تۆمى دا، د كارێ سياسى دا چه‌ندين پۆستێن جودا وه‌رگرتينه. ئه‌ندامێ جڤاتا ناڤه‌ندى يا ئێكه‌تيێ يه و هه‌ڤژينا وى كچا ئيراهيم ئه‌حمه‌ده، و باريێ په‌رله‌مانتار عزه‌ت سابره ئه‌وى ل ئه‌كاونتێ خوه ل تۆڕا جڤاكيا فه‌يسبۆكى محه‌مه‌د سابر وه‌كو كانديدێ فه‌رميێ ئێكه‌تيێ بۆ پۆستێ سه‌رۆك كۆمارى ناساندى.
نيشاندان