ئه‌ڤرۆنيوز:

سه‌رۆكێ جڤاتا پارێزگه‌ها هه‌ولێرێ، عه‌لى ره‌شيد، راگه‌هاند، ل رۆژا دوشه‌مبيا داهاتى 4/6/2018 جڤاتا پارێزگه‌ها هه‌ولێرێ دێ كۆمبوونه‌كێ ل دۆر گرانبوونا بهايێ پانزينێ ئه‌نجام ده‌ت ولژنا پيشه‌سازى يا جڤاتا پارێزگه‌هێ بۆ ڤێ مه‌ره‌مێ راپۆرتا خوه‌ دێ به‌رچاڤ كه‌ت ودانوستاندن دێ ل سه‌ر هێته‌ كرن.

عه‌لى ره‌شيد زێده‌تر بۆ مالپه‌رێ كوردستان تى ڤى گۆت” ئێك ژ پێشنيازان دبيت ئه‌و بيت كو هه‌تا ئه‌ڤ قه‌يرانه‌ دهێته‌ ده‌ربازكرن، پانزينخانێن حكومى بهێنه‌ كاراكرن وبهێنه‌ تايبه‌تكرن بۆ ترومبێلێن تاكسى، چونكى ئه‌و يێن دره‌وشه‌كا خراب دا وشيانێن وێ چه‌ندێ نينن وى پاره‌ى بده‌نه‌ ب پانزينێ”.

سه‌رۆكێ جڤاتا پاريزگه‌ها هه‌ولێرێ گۆت ژى”چه‌ند ئه‌گه‌ره‌كيێن ل پشت گرانبوونا پانزينێ هه‌ين، ئێك ژوان رێ نه‌دانه‌ ب وان كۆمپانيێن كو پانزينا كواليتيا نزم دئيننه‌ هه‌رێما كوردستانێ”.

ئه‌ڤرۆنيوز:

كونسۆلخانا ئيرانى ل هه‌ولێرێ راگه‌هاند كو ئاسانكارى بۆ وه‌لاتيێن هه‌رێما كوردستانێ ئێك ژ ئارمانجێن سه‌ره‌كى يێن كونسۆلخانێ يه‌ ودوى چارچۆڤه‌ى دا ب رێيا ئه‌لكترۆنى دێ ڤيزا ب وان كه‌سان هێته‌ دان يێن سه‌ره‌دانا ئيرانێ دكه‌ن.

كونسۆلخانا ئيرانى دبه‌ياننامه‌كێ دا، ل دووڤ مالپه‌رێ كوردستان تى ڤى،  گۆت” ئه‌وێن دخوازن ڤيزێ وه‌ربگرن، يان ب رێيا كۆمپانيه‌كا گه‌شتكرنێ يان ب رێيا مالپه‌رێ e_visa.mfa.ir ل هه‌ر جهه‌كێ كو ئه‌نترنێت هه‌بيت، دشێن فۆرما داخوازيا وه‌رگرتنا ڤێزێ داگرن ودده‌مێ ئێك رۆژ دا دشێن سه‌ره‌دانا كونسۆلخانێ بكه‌ن بۆ وه‌رگرتنا ڤيزێ”.

كونسلخانا ئيرانى دياركر ژى” ئه‌و كه‌سێن داخوازيێ بۆ ڤێزا ئه‌لكترۆنى پێشكێش دكه‌ن، پێدڤيه‌ جۆرێ سه‌ره‌دانێ وجۆرێ پاسپۆرتێ ديار بكه‌ت ووێنه‌كێ ره‌نگى هه‌ڤپێچى داخوازيا خوه‌ بكه‌ت”.

ئاماژه‌ دايه‌ ژى”ئه‌وێن پێدڤى ب ڤيزا بله‌ز هه‌ى دشێن هه‌ر وى ده‌مێ فۆرم داگرتى وخوه‌ تۆماركرى، وى به‌رپه‌رێ خوه‌ تۆماركرنێ پرينت بكه‌ت ول هه‌مان ده‌م سه‌ره‌دانا كۆنسۆلخانێ بكه‌ن ب مه‌ره‌ما وه‌رگرتنا ڤێزا ب له‌ز”.

كونسۆلخانا ئيرانى دياركر كو ل هه‌فتيا بۆرى ب شێوێ ئه‌زموونى ده‌ست ب پێدانا ڤيزێ هاتيه‌ كرن، ل ڤان نێزيكان ژى ب شێوێ فه‌رمى وگشتى دێ ده‌ست پێ هێته‌ كرن”.

ئه‌ڤرۆنيوز:

سه‌رۆك مه‌سعود بارزانى ئه‌ڤرۆ پێنجشه‌مبى 31/5/2018 پێشوازى ل جه‌مال كه‌ربولى سه‌رۆكێ ئیئتیلافا هێزێن عيراقی وشاندێ دگه‌لدا كر.

دديداره‌كێ دا، سه‌رۆكێ ئیئتیلافا هێزێن عيراقی سوپاسيا گه‌لێ كوردستانێ وسه‌رۆك بارزانى كر كو ل چه‌ند سالێن بۆرى ب سه‌دان هزار ئاوارێن عه‌ره‌ب ل كوردستانێ حه‌واندين ورۆلێ سه‌رۆك بارزانى دوى بابه‌تى دا ب بلند نرخاند.

هه‌ر دوێ كۆمبوونێ  دا، ئه‌گه‌ر وپێشهاتێن دناڤ پرۆسا سياسى ل عيراقێ وقۆناغێن پشتى هه‌لبژارتنێن جڤاتا نوونه‌ران هاته‌ به‌حسكرن زێده‌بارى به‌حس ل دۆر بزاڤێن پێكئينانا حوكمه‌تا عيراقى يا نوو ودووپاتى ل سه‌ر پرنسيبێ هه‌ڤپشكيێ وته‌وافوقێ د په‌رۆسا سياسى يا داهاتى دا ل عيراقێ هاته‌ كرن.

ئه‌ڤرۆنيوز:

سه‌رۆك مه‌سعود بارزانى ئه‌ڤرۆ پێنجشه‌مبى 31/5/2018 پێشوازى ل ئوساخه‌ نوجێفى جێگرێ سه‌رۆك كۆمارا عيراقێ وسه‌رۆكێ هه‌ڤپه‌يمانيا (القرار) يا عيراقى وشانده‌كێ دگه‌لدا كر.

دديداره‌كێ دا بيرورا ل دۆر هه‌ڤكێشێن سياسى پشتى هه‌لبژارتنێن جڤاتا نوونه‌رێن عيراقێ وئه‌گه‌رێن پێكئينانا حوكمه‌تا عيراقى يا نوو هاتن ئالوگوركرن وهه‌لسه‌نگاندن بۆ دووماهى پێشهاتان وهه‌لويستێ هێزێن سه‌ركه‌فتى ل سه‌ر پاشه‌رۆژا عيراقێ هاته‌ كرن.