ئەڤرۆ نیوز ، باسم قاسم شنگالی :
جەلال حەسەن چالاکڤانەکە بۆ ئەڤرۆ نیوز دیار کر، کو ئەڤرۆ ئێڤاری 27/5/2018 ل دەڤەرا شنگالێ ب گشتی پێلەکا مەزن یا توزبارینێ ل گەل ھەوایەکێ ب ھێز ب سەر شنگالێ دا ھاتیە.
ئاشکرا کر ژی، کو ئەڤ توزبارینە بوویە ئەگەرێ مەترسیا وەلاتیان کو نەشێن ژ خانیێن خوە دەرکەڤن و کاروبارێن وان یێن رۆژانە ھەموو ھاتینە راوەستاندن تایبەت مەترسی بۆ ھاتنوچوونا ترۆمبێلا دروست کریە.
ئەڤرۆ نیوز ، زنار تۆڤی :
سكرتێرێ گشتی یێ لیستا حەل ئاشكرا كریە ، کو رێككەفتنەکا نیڤ فەرمی دناڤبەرا زۆرینەیا رەها یا لیستێن سەرکەفتی د هەلبژارتنان دا هەیە، بۆ هندێ کو پۆستێ سەرۆكێ نوو یێ پەرلەمانێ عێراقێ بۆ لیستا وانە و تاكە كاندیدێ وان ژی پارێزگارێ نوکە یێ ئەنبارە.
محەمەد كەربوولی سكرتێرێ گشتی یێ لیستا حەل راگەهاندیە ، کو زۆرینەیا قەواران رێككەفتنەکا نیڤ فەرمی هەیە، بۆ هندێ کو پۆستێ سەرۆكێ نوو یێ پەرلەمانی ب وان بهێتە دان و ئەو رێككەفتنە ژی ب رێژا 90% ئێكلا بوویە.
زێدەتر گوتیە، کو تاكە كاندیدێ وان بۆ وەرگرتنا پۆستێ سەرۆكێ پەرلەمانی ، محەمەد حەلبووسی پارێزگاری نوکە یێ ئەنبارە، لەوما ئەم چاڤەرێی پێكئینانا مەزنترین فراكسیۆنا پەرلەمانینە و پشتی هنگێ دێ كاندیدێ خوە پێشكێش كەین.
ئه‌ڤرۆنيوز:
كه‌نالێ كوردنيوز هاته داخستن وكارمه‌نده‌كێ وى ژى دبێژيت ئه‌م نێزيكى 100 كارمه‌ندان بووين ومه گرێبه‌ستا پێنج سالان ل گه‌ل كه‌نالێ ناڤبرى ئيمزا كربوو، به‌لێ گۆته مه دێ هێته داخستن وهه‌رن مال.
پشتى دو هه‌يڤان ژ به‌خشكرنا به‌رنامێن خوه، شه‌ڤا بۆرى كه‌نالێ كوردنيوز هاته داخستن، ل دووڤ مالپه‌رێ سه‌ته‌لايتا كوردستانێ، كارمه‌نده‌كێ وى كه‌نالى راگه‌هاند، ئه‌م نێزيكه 100 كارمه‌ندان بووين كو مه گرێبه‌سته‌كا پێنج سالى ل گه‌ل گه‌نالى ئيمزا كربوو، به‌لێ ب مه هاته گۆتن دێ كه‌نال هێته داخستن وهوون ژى بۆ مال.
وى كارمه‌ندى دياركر كو دو هه‌يڤه وان مووچه وه‌رنه‌گرتينه وشاسوارى فێل ل وان كر.
ل دووڤ پێزانينان ژبه‌ر وه‌رنه‌گرتنا مووچێن خوه، هنده‌ك ژوان كارمه‌ندان ده‌ست ب سه‌ر كاميرا ومايك وكومپيۆته‌رێن كورد نيوز داگرت ل به‌رامبه‌ر مووچێن خوه.
ئه‌ڤرۆنيوز:
دچارچوڤێ وان گوهۆرینێن دناڤ داموده‌زگه‌هێن میری دا دهێنه كرن، ئه‌ڤرو ئێكشه‌مبى 27-5-2018 ب ئاماده‌بونا به‌هزاد علی ئاده‌م جێگرێ پارێزگه‌رێ دهوكێ ورێڤه‌به‌رێن پولیسێن دهۆكێ وپولیسێن هاتنوچونێ وفه‌رمانگه‌هێن په‌یوه‌ندیدار، رێ ورسمێن گوهۆرینا رێڤه‌به‌رێ به‌ره‌ڤانیا باژێرڤانی ل دهۆكێ هاتنه گێران وعه‌مید (عبدالحكیم تاهر صالح ) وه‌كو رێڤه‌به‌رێ به‌ره‌ڤانیا باژێرڤانی ب وه‌كاله‌ت ل شوینا عه‌مید(سلێمان عزالدین ) رێڤه‌به‌رێ به‌رێ یێ به‌ره‌ڤانیا باژێری هاته دانان.
جێگرێ پارێزگه‌رێ دهوكێ دپه‌یڤه‌كێ دا ده‌ست خوه‌شی ل رێڤه‌به‌رێ به‌رێ كر ورولێ وی هه‌لسه‌نگاند هه‌مبه‌ر ئه‌و خزمه‌تا ل سالێن ده‌ربازبووی پێشكێشكری، هه‌روه‌سا پیروزباهیا رێڤه‌به‌رێ نوو كر وپشته‌ڤانیا پارێزگه‌ها دهۆكێ نیشان دا بۆ كارێ وی یێ نوو وسه‌ركه‌فتن بۆ خواست.
هه‌ر ب ڤێ هه‌لكه‌فتێ رێڤه‌به‌رێ پولیسێن دهوكێ په‌یڤه‌ك پێشكێشكر وسه‌ركه‌فتن بۆ هه‌ردو رێڤه‌به‌رانيێ كه‌ڤن ويێ نوو خواست، ژلايێ خوه‌ڤه رێڤه‌به‌رێ به‌رێ سوپاسیا وان هه‌موو لایه‌نان كر یێن ل سالێن ده‌ربازبوی هاریكاریا وان كری وپشته‌ڤانیا خوه بۆ رێڤه‌به‌رێ نوو دیاركر.
رێڤه‌به‌رێ نوو یێ به‌ره‌ڤانیا باژێرڤانی ته‌كه‌زكر كو ئه‌و دێ ل جهێ وێ باوه‌ریێ بیت یا پێ هاتیه دان وب هه‌موو شیانێن خوه دێ خزمه‌تا وه‌لاتیان كه‌ت.
ئه‌ڤرۆنيوز:
ياريكه‌رێ هه‌لبژارتيێ ويلز ويانا ريال مه‌دريد وێنێ گۆلا خوه يا ده‌بل كێك ئه‌وا شڤێدى ل سه‌ر يانا ليڤه‌رپۆل ل ياريا دووماهيا قه‌رامانيا خۆلا قاره‌مانێن ئورۆپا، ل تويته‌رێ خوه به‌لاڤكر ونڤيسى (شه‌ڤا دووماهيێ).
ڤێ نڤيسينا گاريس بل ده‌نگوباسێن چوونا وى ژ ريال مه‌دريد بۆ خۆلا ئينگليزى و ب تايبه‌ت بۆ يانا مانشسته‌ر يونايتد ب هيزتر لێكرن.
كاريس بل ئه‌وێ رۆله‌كێ سه‌ره‌كى دسه‌ركه‌فتنا شڤێدى يا ريال مه‌دريد گێراى ب رێيا تۆماركرنا دو گۆلان هه‌رچه‌نده وه‌كو ياريكه‌رێ يه‌ده‌گ پشكدارى دياريێ دا كربوو ، بل پشتى وێ ياريێ بۆ رۆژنامه‌ڤانان راگه‌هاند ئه‌و پێدڤى ب ياريكه‌رنێ يه وه‌كو ياريكه‌ره‌كێ سه‌ره‌كى ب شێوه‌كێ به‌رده‌وام. ئه‌ڤه چه‌نده ژى ئاماژه كو ئه‌و دخوازيت ل ريال مه‌دريد نه‌مينيت چونكى پتريا ياريان وه‌كو ياريكه‌رێ يه‌ده‌ك ل گێمێ دويێ پشكداريێ دكه‌ت.
ئه‌ڤرۆنيوز:
پشكا چاڤدێرى وسلامه‌تيا خوراكى ل رێڤه‌به‌ريا كاروبارێن خوه‌پاراستنێ ل پارێزگه‌ها دهۆكێ، هوشداريێ دده‌ته وه‌لاتيان كو وان شه‌ربه‌ت وشريناهيان يێن ناڤێ ته‌زياتيێ ومێژوويا به‌رهه‌ڤكرن وئێكسپايرا وێ ل سه‌ر نه‌بيت، نه‌كرن.
عسمه‌ت سه‌لمان وه‌يسى، رێڤه‌به‌رێ پشكا چاڤدێرى وسلامه‌تيا خوراكى ل رێڤه‌به‌ريا كاروبارێن خوه‌پارساتنا ساخله‌ميێ ل دهۆكێ بۆ رۆژناما ئه‌ڤرۆ گۆت” ب مه‌ره‌ما پتر پاراستنا ساخله‌ميا وه‌لاتيان ل هه‌يڤا ره‌مه‌زانێ، تيمێن مه رۆژانه ل دانێ سپێدێ ودانێ ئێڤارى ودو تيم ب شه‌ڤ به‌رده‌وام دووڤچوونا بازار دكه‌ن، گه‌له‌ك جه هاتينه هوشداريكرن وهنده‌ك ژى يێن هاتينه سزادان ب كۆژمه‌كێ پاره‌ى وهنده‌كێن دى ژى يێن هاتينه داخستن”.
عسمه‌تى ژ خه‌لكى خواست كو شريناهى وشه‌ربه‌تێن ل هه‌يڤا ره‌مه‌زانێ ل سه‌ر عه‌ره‌بانا وسه‌ر جادان دهێنه فرۆتن، پێدڤيه ل ده‌ستپێكێ سه‌حكه‌نێ كا ژێده‌رێ وێ شريناهيێ يان شه‌ربه‌تێ ژكيڤه‌يه وهه‌كه ناڤێ ته‌زياتيێ ل سه‌ر نه‌بيت بلا نه‌كرن، چونكى پێزانين يێن هه‌ين هنده‌ك شريناهيان وشه‌ربه‌تێ ل مال دروست دكه‌ن وهه‌موو رێنمايێن ساخله‌ميێ تێدا نينن، له‌وما دووڤچوون يا ل سه‌ر دهێته كرن.
گۆت ژى” هه‌كه مه زانى مالك شريناهيان يان شه‌ربه‌تێ دروست دكه‌ت ول بازارى دهێته فرۆتن، ب فه‌رمانا دادوه‌رى دێ چينه وێ مالێ ودێ پێرابوونێن قانوونى ل گه‌ل هێنه وه‌رگرتن، ل سالا بۆرى ئه‌ڤ جۆرێ زێده‌گاڤيێ هه‌بوو، به‌لێ ئه‌ڤ ساله هه‌تا نوكه روو نه‌دايه”.
ئه‌ڤرۆنيوز:
رێبه‌رێ ره‌وتێ سه‌درى هوشداريێ دده‌ته جڤاتا نوونه‌رێن عيراقێ ژدروستكرنا ئاژاوه‌يا سياسى ل عيراقێ.
جه‌عفه‌ر موسه‌وى، په‌يڤدارێ موقته‌دا سه‌در رێبه‌رێ ره‌وتێ سه‌درى وسه‌رۆكێ هه‌ڤپه‌يمانيا سائيرون دبه‌ياننامه‌كێ دا داخوازكر ب جدى سكالايێن حزب ولايه‌نێن سياسى ل سه‌ر ئه‌نجامێن هه‌لبژارتنێن وڤه‌كۆلينێن ل سه‌ر بكه‌ن.
موسه‌وى راگه‌هاند ژى كو جڤاتا نوونه‌ران مافێ قانوونى يێ وێ چه‌ندێ نينه ئه‌نجامێن هه‌لبژارتنان ب هه‌لوه‌شينيت وهوشدارى ژى دا ل دۆر ئه‌نجامدانا وى كارى وگۆت” دێ ئاژاوه‌يا سياسى ل عيراقێ دروست كه‌ت”.
پێشتر هژما ه‌كا په‌رله‌مانتارێن نه‌رازى ژئه‌نجامێن هه‌لبژارتنان چه‌ندين بزاڤێن ئه‌نجامدانا كۆمبوونا جڤاتا نوونه‌ران دابوو ب مه‌ره‌ما هه‌لوه‌شاندنا ئه‌نجامێن هه‌لبژارتنان ب بهانه‌يێن جورا وجور، به‌لێ هه‌تا نوكه نه‌شياينه وێ كۆمبوونێ ئه‌نجام بده‌ن ژبه‌ر نه‌تمامبوونا رێژيا قانوونى يا ئه‌ندامێن جڤاتا نوونه‌ران.
ئه‌ڤرۆنيوز:
ل چه‌ند رۆژێن داهاتى دێ به‌خشێ كه‌نالێن ناڤخوه‌يى ل هه‌رێما كوردستانێ ب رێيا سيسته‌مه‌كێ نوو كه‌ڤيته كار وپێدڤيه پشكدار هه‌يڤانه يان سالانه ب رێيا كرينا كارتێ سه‌حكه‌ته پرۆگرامێن وان كه‌نالان.
كارۆخ نوره‌دين، رێڤه‌به‌رێ گشتيێ كۆمپانيا يونايتد ميكس ميديا بۆ مالپه‌رێ كوردستان تى ڤى گۆت” تاكو رۆژا 2/6/2018 سيسته‌مێ كه‌ڤن دێ كاركه‌ت وپشتى وێ رۆژێ كۆمپانيا يونايتد دێ ئاميرێ نوو ئێخيته دبازارى دا كو بهايێ وى 39 هزار دينارن ول گه‌ل كرينا ئاميره‌ى دێ هه‌يڤه‌كێ بێ به‌رامبه‌ر بيت، پاشى ب چار جۆرێن كارتان وه‌لاتى دشێن پشكداريێ دسيسته‌مێ نوو دا بكه‌ن كو ب ڤى شێوه‌يه:
گۆت ژى” ئه‌و ئاميره دێ ل پتريا تاخ وسۆپه‌ر ماركتان هێنه فرۆتن وچار هژمارێن ته‌له‌فۆنان ژى بۆ سه‌نته‌رێ راژا پشكداربوويان ل سه‌ر كارتونا ئاميره‌ى هاتيه دياركرن وپه‌يوه‌ندى ب وى سه‌نته‌رى دێ بێ به‌رامبه‌ر بيت”.
ئه‌ڤرۆ نيوز، ژيمان سه‌عيد:
بۆ ماوێ دو رۆژانە با و بارانەکا ب ھێز ل گەل ئاخ و تۆزێ ل چەند وەلاتەکێن عەرەبی د باریت و ژ ئەگەرێ ڤێ باھۆزێ پتر ژ 10 کەسان گیانێ خوە ژ دەست دایە و حوکمەتێن وان وەلاتان بارێ نەئاسای رادگەھینن.
ئومێد مایی رێڤەبەرێ سەقاناسی و بیڤەلەرزێ ل پارێزگەھا دھۆکێ بۆ ئەڤرۆ نیوز گۆت: “ئەو باھۆزا کو ئەڤە دو رۆژە ل چەند وەلاتەکێن عەرەبی گرتی ل ھەرێما کوردستانێ ڤەناگریت”.
ژ لایەکێ دی ڤە ئەژی چەتۆ، رێڤەبەرێ پشکا راگەھاندنێ ل رێڤەبەریا گشتی یا سەقاناسی و بیڤەلەرزێ ل ھەرێما کوردستانێ ب رووداو راگەھاند: ئەو باھۆزا ئەڤە دو رۆژە ل چەند وەلاتێن عەرەبی ڤەگرتی ل ھەرێما کوردستانێ ناگریت، ھەکە بگەھیتە ھەرێما کوردستانێ ژی دێ بارانەکا ئاسایی بیت و لەزاتیا خوە ژ دەست دەت.
زێدەتر گۆت: “ئەڤە ژی ژ بەر ھندێ یە کو دەریا و زەریا د ناڤبەرا ھەرێما کوردستانێ و وان وەلاتان دا نینن ئەوێن باھۆز ژێگرتی”.
ئاشکەرا ژی کر کو ئەڤ باھۆزە ل سەر دەریا و زەریا نوو دبیتە ڤە، ھەکە ھاتە سەر ھشکاتیێ نیزیکی 50% دێ ھێزا خوە ژ دەست دەت و گۆت: “د ناڤبەرا ھەرێما کوردستانێ و وان وەلاتان دا سنۆرەکێ زۆرێ ھشکاتیێ و بیابانێ یێ ھەیی، ھەکە ژ دەریا ناڤەراست دەستپێکربا دا ژ ھەرێما کوردستانێ ژی گریت، بەلێ ئەڤ باھۆزە ژ زەریا ھندی و دەریا عەرەبی دروست بوویە ژ بەر ھندێ ناگەھیتێ.
ئه‌ڤرۆنيوز:
نوشدارێ تايبه‌تمه‌ندێ نشته‌رگه‌ريێن گشتى، عه‌دنان ئاكره‌يى، دياركر كو ئێشانا گەدێ ب دو شێوازان مروڤی دگریت د ھەیڤا رەمەزانێ دا، یا ئێکێ ئێشانێن برسێ ل دەمێ رۆژیگرتنێ، یا دويێ پشتی فتارێ نەخاسمە دەمێ مرۆڤ خوارنەکا زێدە دخوه‌ت و ب لەز دخوه‌ت و پشتی خوارنێ ئێکسەر بنڤیت، ھەروەسا خوارنێن زەنگین ب دوھناتیێ و ترشیا بکاربینیتن و کەرەستێن کافایین تێدا و شەربەتێن دەستکرد ژ ئەگەرێن دی یە.
نوشدارێ ناڤبرى زێده‌تر بۆ نوش نيوز خوياكر، كو ب ڤان رێیا دێ شێی خوه ژ ڤێ ئاریشێ پارێزی یان ژی کێم کەی:
* پووتەدانەکا پتر ب پاقژیێ ژ بەر کو ھوکارێ سەرەکیێ قەرحێ بەرکتریایە کو دھێتە ڤەگوھاستن ب رێیا پیساتیێ و خوارن و ڤەخوارنێ.
* راگرتنا جگارکێشانێ: جگارە فاکەتەرەکێ ھەرە مەترسیدارە ژ بۆ دەبوونا ترشیێن گەدەيی و تێکدانا دیوارێ وێ.
* ب کارنه‌ئینانا دەرمانێن زیانبەخش ب گەدێ ب تایبەتی حەبێن تەناکرنا ئێشێ(مسکن) وەکو پروفین و فولتارین و ئەسپرین…ھتد.
*خوه پاراستن و زوو چارەکرنا فشارێن دەروونی (ترس و خەم و تۆره‌يى… ھتد).
کێمکرنا خوارن و ڤەخوارنێن زیانێ دگەھیننە گەدێ وەک خوارنێن چەور و قەلاندی و شریناھیان، ھەروەسا زێدە ڤەخوارنا کافاینێ (چایا رەش، قەھوە، نیسکافی) شەربەتێن دەستکرد و ڤەخوارنێن غازی.
*خوارنێ ھێدی ھێدی بخۆ و ب ھوشیاری (بەرامبەر تلەفزیۆنێ نەخۆ) باش بجوو و ل سەر زکێ تێر ئێکسەر نەنڤە نەخاسمە پشتی پاشیڤێ و جەمێن خوارنێ د ناڤبەرا شیڤێ و پاشیڤێ بلا پتر بن، بەلێ بڕا وێ كێمتر بیتن (کێم خورێ بەردەوام خوربە).
*بەری نھا وەسا دھاتە ھزرکرن کو تیژی و دژواری زیانێ دگەھینتە گەدێ، به‌لێ ھەتا نوکە ئەڤ گۆتنە د زانستێ نوشداری دا نەھاتیە پشت راستکرن.
* هه‌كه ڤان پێنگاڤا فایدەنەکر دێ شێی رۆژیا نەگری، لێ یا گرنگە ئێکەم جار سەرەدانا نوشدارێ تایبەتمەند بکەی و ئەو بریارێ بدەت.
نيشاندان